بلاغات جنائية متبادلة بين قيادات الاتحادي الدقيري

بالله ده مش قاة ادب وفوضي وين هيبة الدولة وكله في شنو عشان كل واحد عايز ياكل من الكيكة تاكلو نار تحرق جوفكم وحريقة تحرقكم يالصوص مان احمد بلال ولا الدقير الهارب ولا اشراقة خافه الله كفاكم خلاص شبعته كيك من دم الشعب ويارئيس الجمهورية واضح قدامك العفن والوسخ خليك من الناس الغير مسؤلة البلد مليانة رجال وناس مسؤلة ومتعلمة وتخدم البلد بدون مقابل زي العفن ديل تعمل بيهم شنو غير يزيده الطين بله

عافي منك يا أشراقة بالرغم من أني لا أعرفك ولا أحب الاتحادي بكل مسمياته ولكن قوة شخصيتك واصرارك وشجاعتك لم أرى لها مثيلا بين الرجال في السودان تعك من النساء. أنت انسان لوحده أنتي تستحقين أن تحكمي السودان كله. لو كان سياسيينا يمتلكون شجاعتك واصرارك لما كانت لديناىاليوم أرض محتلة من أي جهة ولما كنا في ذيل الأمم. أيو كده امضي في طريقك غير آبهة ببلال أو جلال فلم تعد الأسود المصنوعة من ورق تخيف أحد. لم أرى شجاعة هذه المرأة وعنادها وتحديها وجسارتها ألتي احرجت بها كثير من الرجال. سيكون لك شأن في هذا البلد أمراة بهذه العزيمة لن تسقط

الواضح يا ستي إشراقة أنه الموضوع دا طول ومحتاج يتحسم بطريقة نهايئة وباترة ودون تردد، لذلك حأقدم لك نصيحة كاربة للقضاء نهائيا على الإنتهازي أحمد البلال، فلما الإنتظار وأنت قد طردت من الوزارة بطريقة مهينة جدا والسبب طبعا مؤمرات أحمد بلال.
نصيحتي لك هي أن تلجأي لصديقك القديم حميدتي، والذي أصبح الآن (ماشاء الله تبارك الله) برتبة الفريق (وقد يكون عند الله برتبة المشير ونحن ما جايبين خبر)، ما عليكي أنت من حكاية الرتب العسكرية الدنيوية وإختلافها عن الرتب العسكرية لأصحابها عند الكريم ذي النعم (خلي موضوع الرتب المتغيرة دي للمتخصصين من أمثال الكردينال رئيس نادي الهلال فهو قد ذكر بأن والده الذي توفى برتبة اللواء ولكنه عند الله برتبة الفريق)، ربنا قادر على كل شئ وهل في ذلك شك، على كل حال أنحنا ما بتدخل في الحتات العويصة دي ولا بنغالط أصحاب العلم والمعرفة الكردينالية، المهم أن زولك حميدتي حيوري ليك أحمد البلال مين الطفا النور ويأكله عشان خاطرك برسيم أخضر كمان.
أنت قدمت السبت وكنت ذكية وعند الموعد تماما وأستغليت فرصة هجوم الصادق المهدي على المسيكين حميدتي (طبعا ما مهم موضوع الهجوم شنو؟ فهي شوية جرائم قتل ونهب وإغتصاب حسب زعم والي الولاية الوالي أحمد هرون والذي أخذ من الصادق المعلومات دون تروى كعادته) المهم الفرصة جاتك لعندك فقمت يا بت السرور لفحت توبك المشجر داك وأحلاتي ومشيت لحميدتي وقواته فى بكانهم وأستعرضت رايحة جايه قدامهم وزغردت ليك كم زغرودة حلوة كدا رجعت ليهم بيها معنوياتهم الهبطت بعد هجوم المهدي وكذب الوالي هرون عليهم.
منك لله يا مفتريه حركتك الجبانة ديك عجبتني شديد وأكيد عجبت حميدتي وغاظت أحمد البلال (إن شاء الله ينطق من الغيظ يا شيخة) التقول كنتي عارفه انه حيتغاتت عليكي الحرامي ويزحلقك من الوزارة ومين أحق منك بالوزارة وأنت أحرص الناس على مبادئ الهندي (وأهمها نظرية بول الكلب على الديمقراطية)
المهم أسمع وصيتي وأحسمي أحمد بلال عاجلا غير آجل، البتر البتر ولا شئ غير البتر، وأنت قد صبرت كتير والله من لحظة إنتزاع الوزارة منك بالمؤامرة الدنيئة من أحمد البلال والذين من خلفه (طبعا انتي عارفه وأنا عارف هم منو) عشان كده ركزي أنه الحسم يكون جماعي فيستتب لك الأمر ولا تأخذك بهم رحمة، قولي لحميدتي يرسل ليهم (تجريدة صغنونه كدا) وانتي خليك بعيد (لزوم الدم ما يوسخ توبك السمح وكدا)، عليك بالجنجويد لرد إعتبارك ممن ظلموكي (ومسكوكي الظلط وخلوكي زي اليتيمة، هو إنت شوية فى البلد ولا الوزارة حاجة هينة، أجي يا أخواتي) أبدا والله، دا أنتي مظلومة ظلم الحسن والحسين، وأوعا تنسي إعلان الوزارة الجديدة على الأبواب، إستعجلي حميدتي.