الحكومة توقف بث الـ «بي. بي. سي» بمدن شمال السودان
أبلغت الحكومة السودانية، هيئة الإذاعة البريطانية إنهاء عقد الـ (بي. بي. سي) العربية بالبث شمال السودان في أربع مدن (الخرطوم- بورتسودان – مدني والابيض) على موجة (أف أم) باستثناء الجنوب، وكشفت مصادر مطلعة لـ «الرأي العام» بأن القرار جاء على خلفية ضبط السلطات السودانية لأجهزة بث غير مسموح بها الا بإذن في (حقيبة دبلوماسية) الأمر الذي اعتبرته الخرطوم تجاوزاً للقوانين السودانية.
وكان وفد رفيع بالـ (بي. بي . سي) أجرى مباحثات خلال الأيام الماضية بالخرطوم مع السلطات المختصة للإفراج عن الأجهزة التي تقدر قيمتها بمليون جنيه استرليني، بيد أن تلك المجهودات باءت بالفشل، وقالت المصادر إن الخطاب الذي أرسل لهيئة الإذاعة البريطانية أعلنت عبره الحكومة السودانية إنهاء العقد خلال ثلاثة أشهر من تاريخ الإخطار بحسب ما ينص الاتفاق.
الرأي العام
الحمد لله قر ار صائب وموفق , فهى إذاعة تدس السم فى الدسم .
البى بى سى ازاعة عالمية ونسمع فى هذه الازاعة منذ ستينات القرن الماضى وارسالها على الموجة القصيرة يخترق بيت عمر البشير وكل دهاقنة الانقاذ وبعدين فاكرنها صحيفة راى الشعب عاوذ تشمعها كمم افواه الداخل لكن الخارج ده بعدك
يا خساره تاني نسمع اخبار بلدنا الحقيقيه وين فالاعلام الداخلي كله تحت رقابه الامن وما مشكله الاطباء الاخيره ببعيده عن الازهان فقد كان الاعلام الداخلي ينشر عكس ماهو علي ارض الواقع بامر جهاز الامن
ياكيذان مفتكرينه صحيفة راى الشعب عشان ما تمنع البى بى سيى الا تغلقه مع شبكة الانترنت و نايل سات و عرب سات لانه البث الاعذائى و التلفذيون و الراديو متصلين مع بعض ده دليل على عدم معرفتكم بالبى بى سيى
لماذا تم حجب البث بهذه المدن الأربعة بالذات او ليس الجنوب والمناطق الأخرى التي تبث بها الإذاعة جزء من السودان؟؟ وإذا كان هنالك ضرر للسودان منها فالتحجب بجميع أرجائه.
كيف تكون اذاعة محايدة وهى ممولة بالكامل من الحكومة البريطانية
يا عالم دى اذاعة خالفت قوانين البلد واى جهة تخالف القوانين بنركبوا التونسية والماعاجبوا اشرب من المالح
وبعدين فى قنوات اخبارية عالمية صادقة مثل قناة الجزيرة والعربية وكلهم مازالوا موجودين فى السودان يعنى ما حبكت على بى بى سى نفس الاخبار حيجيبوليكم فى الجزيرة والعربية