اعلن عدم التعامل مع اى شركة لها علاقة بدولة معادية للسودان..البشير : لا وجود للربيع في السودان بل صيف حار سنصطلي به اعدائنا.
الدويم- فى11-7-2012- سونا
اعلن المشير عمر حسن البشير رئيس الجمهورية ان العقبات التي ادت الي تاخير افتتاح مصنع سكر النيل الابيض هي بسبب ارتباط بعض الشركات المنفذة بالدول المعادية للسودان .
ووجه سيادته لدي مخاطبته حفل افتتاح مصنع سكر النيل الابيض اليوم بعدم التعامل مع أي شركة لها علاقة بدولة معادية للسودان في أي مكان وفي أي موقع.
وقال ان السودان له بدائل فى تنفيذ مشاريعه التنمويه وبمساعدة اصدقاءه لا يحتاج للتعامل مع أي جهة اخري .
وحول الربيع العربي وهل يمر بالسودان جزم الرئيس بان لا وجود للربيع في السودان بل صيف حار سيصطلي به اعداءه وقال سنصليهم نارا حارا.
انشاء الله فىلاهاى يا كذاب يا راقص يا لص يا حرامى لعنة الله عليك وعلى شكلك يا واطى كفى اهانة للشعب الطيب فعلا واطى
النار التحرق ليك صلعتك دى يا واطى – مشاريع ما عملتوها ايام البترول هسى عايزتعملها ياخى انت اغبى انسان فى الحياة ،، والله لما اشوفو فى التلفزيون بيجينى الضغط كيف حيوااااااااااااان زى دا حاكمنا 23 سنة ؟؟؟؟ كيف كيف ؟؟ العندو اجابة شافية يورينى
الحمار ده لسع بيهنق بي بلاهته دي
وابو رياله جنبو يمسح في ريالته
اما نافع فذهب لمصر لتقديم القرابين لمرسي
يا تري ما هو القربان الذي سيقدمه نافع لمرسي
اكيد الاف الكيلومترات من ارض السودان الغالية التي اصبحت رخيصة جدا في نظر القشير و لصوصه
لعنة الله عليكم اجمعين يا مؤتمرجيه يا معفنين
نعم إنا لانريده ربيع عربي نريده صيف أفريقي حار لنحرقك أنت وزمرة مخانيسك أيها السافل المنافق الكاذب الفاسد أنت أتفه وأوسخ وأحقر إنسان عرفته البشرية عامة وشعب السودان خاصة
يامسيلمة الكذاب ياأبو جهل السوداني مصيرك مصير القذافي
صيفنا ده حقيقى حار بس علينا حايكون همبريييب بااارد بنضال وكفاح شعبنا المعلم اما انت فستصلي بناره الثورة مستمرة وهى مكيفنا وهمبريبنا بااار د بارادة قوى الشعب الشريف الذى لايرضى الهوان
ربنا يحرقك اولا و البقية من اتباعك ثانيا
ههههه …بشبش …. ابلع كلامك من الحين يا بشبش …. بدل ما تبلعه غصب …. يوم8/2 قرب …قووول الروووب
ايها الفاسق الساقط انت دولة عرها شهور سقتك مر الهزائم وورتك نجوم القايلة والمكشن بالبصل.
لا اعتقد ان هناك من يضع قيمة لهرطقاتك وتخاريفك ايها اللص الهالك حتى اعداءك( ولا اقول اعداء السودان) اصبحوا لا يهتمون بازعاجك لانهم يعلمون انك اقل واحقر من الذباب والجراثيم.
اليوم انت تسجدلامريكا بل لكل الدول التى عاديتها ، نعم تسجد لها ليل نهار لكى تعفو عنك ، حتى انك تصلى لسلفاكير لكى لا سلمك لفاتو
بالله فكونا من الحقير دا وسمعونا اخبار الثورة :
اصدر ثوار جامعة الخرطوم نداء لكل الطلاب طالبين منهم التوجه الى شارع المين معلنين انه اليوم “سنثبت للكل ان لطالبات جامعة الخرطوم اخوة ، اليوم سنخلي الجامعة من اي رباطي”.
– حشود ضخمة من طلاب جامعة الخرطوم بمجمع الوسط تتجه الان الى كلية الهندسة استعدادا للخروج الى الشارع
بعدم التعامل مع أي شركة لها علاقة بدولة معادية للسودان في أي مكان وفي أي موقع.تانى : انت مابطير من الكلامات البتتراجع منها دى ؟
خلاص الهضربه تلوح فى الافق وايامك قربت يا
هذا حمار لا يجيد حتي النحيق..دعوه في ترهاته حتي يأتي اليوم الذي يستجدي فيه لاهاي لاخذه وما ذلك ببعيد
ايوه خلاص ما انتو الاخترعتوا المصنع ذاااااااااتو وصنعتوا حديدو
وراجينكم تصدروا مصانع للدول الغلبانة هاهاهاهاهاهاهاهاهاهاى
والله انا اتخيل انه الخواجات تركوا انتاج اى افلام كوميدية لانكم
تقدموها بالمجان ليهم ولعيالهم يتفرجوا ويضحكوا بدون اى تعليق
الضغط مرتفع اليومين ديل …
شر البلية ما يضحك ..
و قيل يا عمر :
لا يبلغ الأعداء من (جاهل) ما يبلغ (الجاهل) من نفسه …
فزول رئيس يقول علي شعبه أعداء. لعنة الله عليك يالص ياحقير
النار التقعد فيها ان شاءالله يالص
والله يا شباب ويا ثوار وطني الابي يجب الثورة واصبحت فرض عين اذا كان بوعزيزي حرق نفسه وبنفسه ليضئ للآخرين الطريق ارجو ان لا تخشو الرصاص مطاطي ولا نحاس الموت بشرف خير من حياة كلها ذل…
أتفه رئيس على وجه الارض يحتقر شعبه ولايهمه من أمرهم شيئاً،، أنت فاقد تربوي وصعلوك وليك يوم ايها الظالم ، قايل نفسك بتفرحنا بمشاريعك دي يعني ؟ ما ياهو يام فتحت مشاريع لكن العوائد بتمشي وين ولمين ؟
الشعب قال كلمته ياريس gameover
المهم ياشباب نتكاتف ونتعاهد ان لايخزل بعضنا بعض ويد بيد وسنهزمهم باذن الواحد القهار تخيلوا اننا متحدين ممسكين بيد بعضنا فهل بامكانهم تشتيتنا؟؟
البشير الكذاب…….لقد افلست يا من لا يمتلك عقل ولا بصيرة…. فلتصلى نارا ذات لهب , انت ومعاونيك المهرجين اللصوص.. اعداء الله والسودان. ولتعلم بأننا سنقبض عليك وسنخرجك مثل الفئران من جحور الحصون التى تختبئ بها انت وراقصاتك الاخريات
جمعة النفير لتغير بشار والبشير….حتي نضمن الزخم الاعلامي لهذة الجمعة من كل القنوات العربية والعالمية وحتي قنوات المعارضة السورية علما بان الثورة السورية ذات صيت وزخم عاليين جدا علي مستوي العالم فأي شيئ ارتبط بها ذاع سيطه
مع اختلاف وجهة نظرى لكل الديكتاتوريين فى العالم وهم دائماً ما يرتكبون اخطاءهم الشنيعة بدون مشورة الشعب .. وكارثة حلفا القديمة ليست ببعيدة ، كان من الممكن أن يعمل إستفتاء يقرر فيه الشعب وليس 7 أشخاص يحكمون البلد … عبود الله يرحمه قال (جئنا لصداقة الشعوب ) وانت أيها (البشـ طير) تسمية حديثة له بعد البشكير ، جئتم لعداء الشعوب وبلدنا رجعت مائة سنة لى وراء ماتقول لى كبارى ومصانع .. قبل مائة سنة الموية مابتقطع الناس ماعندها هّم والقطن ثروة بلادنا ..اليوم الجابك أسود ياخنزير يا بشـ طير .
ربنا يصليك ومن معك في لظى دعوة مظلوم
امين يا رب
امين يا رب
امين يا رب
الكيزان عندهم فهم انهم ناس الجنة والبقية سيصطلوا بنار جهنم دة بي عين قوية علق على الشريط بتاع جلد الفتاة وقال سوف نلاحق من صور هذا الشريط وليس من فعل الفعلة الشنعاء وعلق على عمايل وير داخليته حول الفساد وجامعة الرباط الشهيرة بانها هفوة محارب
إنتوا يا جماعة الخير بشبش دا مش كان قال قبل كده إنو لو الشعب مرق في مظاهرات ضده حيتنازل من الحكم ؟ ولا هو فاكر شذاذ الآفاق و الشماشة و المحرشين ديل ما من الشعب ؟ الراجل دا كذااااااااب أشرررررررر !
بشبش!
احسن ليك ترقص فى الربيع من الصيف! مش كده؟
والله الصيف القلته دا نرقصك فيه جنس رقيص
لاهاي
الشاعر : شمتان بن منتظر الفرج الديمقراطي
يا سايق البوباي
أووب على وواي
أنا الغبيان رجيت ال Veto من شنغهاي،
وفي ساعات،
أنا الرقاص
أنا الممنوح هدية عيد وسام قناص،
أنا الحوطني شيخ كدباس
أنا الغناي
بقيت بكاي
أخش بي جاي
أكورك واي
وحلقيdry
كلامي كبار
كلام خرخار
كلام خارم
كلام بارم
كلام زول شارب نبيذ تسفاي
أسوي شنو؟
من أمريكا،
من بلجيكا،
من موسكو،
ومن طوكيو
وصلني اللوم
جفاني النوم
قعدت براي
ِحردت الشاي
ندهت الفقرا من سنار ولي السقاي.
ينجوني
يغتوني
ويلغوا السفرة لي لآهاي
يا تو زعيم بيدور لاهاي؟
والله العظيم، و الله العظيم، والله العظيم
وحرم ما بزورا براى
لابد من خمسين يسافروا معاي
فينا فلان
Plus علان
وموسى هناي
نقول للصولجان باي باي
نسيب السلطة وآ أسفاي
تسيب عرس الشهيد والعرضة يا مولاي
وتمشي عديل سجون لاهاي؟
ود أم زقده يا الحداث وما سواي
ود أم زقده يا العند المحن جراي
ود أم زقده يا مارشالنا
يا حاكمنا
يا تيس بانقا الخراي
ود أم زقده يا سارق الخزن
حراق بنوك
زوار صكوك
معدوم الضمير و الرأي
واللهِ الليلة ود أم زقده:
كان يرقص ال Flamingo
كان يسطل شهور بالبنقو
كان يطلب لجوء في الكونغو
لابد من لاهاي
ياسايق البوباي
لالفة جاي لاجاي
ودى الزعيم لاهاي
http://amtwireless.com/da/poem/poem4_files/image001.jpg
يا جماعة…الزول الأهبل دا..مادير يرسيها على بر..أنا أستغرب الشعب ده عايز يتحك متين؟؟؟
====================================
قروش البترول من ما بدأ و ديون السودان كم؟
====================================
اولا نبدا بالبترول
عشان نحسب قروش البترول لازم نعرف المعطيات دي:
1 -سعر البترول في كل سنة
2- انتاج السودان في كل سنة
3-كلفة انتاج برميل البترول ، بالرغم من انو ممكن يكون داخل في نصيب الشركات بس برضو حنخصم التكلفة “نقطة في صالح الكيزان”
4-نصيب الشركات العاملة في البترول
5-نصيب جنوب السودان يبداء من العام 2005
بالطريقة دي بنقدر نعرف بصورة تقريبية كم هي قروش البترول
1و2-سعر البترول العالمي لكل سنة “بالدولار” وانتاج البترول لكل سنة”الف برميل في اليوم” كانت على النحو الاتي “ارقام معلنة”
السنة السعر الانتاج
2000/ 27 180
2001/ 23 230
2002/ 22 245
2003 /27 280
2004/ 37 300
2005 /50 400
2006 /58 400
2007 /74 500
2008 /91 500
2009 /53 500
2010 /71 500
2011/ 87 500
3-تكلفة انتاج البرميل حوالي 9 دولار للبرميل “صحيفة الاحداث 6 مايو 2012”
4و5- نصيب الشركات العاملة ونصيب جكومة الجنوب، بالرجوع الى مقال على الجزيرة نت بعنوان “اقتصاد دولتي السودان بعد وقف النفط ” كان نصيب شمال السودان 4.4 مليار دولار ونصيب الجنوب 3 مليار دولار ونصيب الشركات العاملة في النفط 6.1 مليار دولار
اذا النسب كانت كالتالي:
45% للشركات العاملة في النفط
32% نصيب شمال السودان
23% نصيب جنوب السودان
يلا شيل الة حاسبة واحسب معاي بالطريقة دي:
1-قبل 2005 (سعر البرميل “بعد خصم تكلفة انتاجه” * الانتاج اليومي *عدد ايام السنة*55% نصيب الحكومة)
2-بعد 2005 (سعر البرميل “بعد خصم تكلفة انتاجه” * الانتاج اليومي *عدد ايام السنة*32% نصيب حكومة الشمال)
حتطلع النتيجة كالاتي:
السنة السعر الانتاج الدخل
2000 27 180 0.65
2001 23 230 0.65
2002 22 245 0.64
2003 27 280 1
2004 37 300 1.68
2005 50 400 1.9
2006 58 400 2.28
2007 74 500 3.8
2008 91 500 4.79
2009 53 500 2.57
2010 71 500 3.62
2011 87 500 4.55
المجموع 28.13 مليار دولار
لاحظ معاي انو تقرير قناة الجزيرة قال انو نصيب حكومة الشمال 4.4 مليار وحساباتنا طلعت نصيب حكومة الشمال 4.55 مليار ودا بسبب الفرق بين سعر البترول خام برنت وبين سعر الخام السوداني .حنقسم 4.4 على 4.55 ونضربها في 28.13
عشان نعرف دخل السودان من البترول بعد حساب فرق السعر
النتيجة=27 مليار دولار!!!!!!
طيب
مش المفروض قروش البترول دي نعمل بها التنمية في السودان؟؟ دا ما حصل!!!
عارفين الحصل شنو؟؟؟شوفوا..
1-سد مروي قرض مشترك من عدة دول
2-مطار مروي تابع لقرض سد مروي
3-خطوط نقل الكهرباء من سد مروي تابع لقرض سد مروي
4-مشروع امري الزراعي تابع لقرض سد مروي
5-طريق مروي الملتقى قرض تابع لقرض سد مروي
6-مشروع مياه القضارف قرض البنك الاسلامي للتنمية+قرض صيني
7-مشروع تعلية خزان الرصيرص قرض مشترك من عدة ممولين
8-مشروع سكر النيل الابيض قرض مشترك من عدة ممولين
9-مشروع مجمع سدي اعالي عطبرة و استيت قرض مشترك من عدة ممولين
10-كوبري الصداقة “كريمة” منحة صينية
11-طريق عطبرة بورتسودان هيا قرض “الصندوق العربي للإنماء الاقتصادي”
12-مشروع مطار الخرطوم الجديد قرض مشترك من عدة ممولين
13-طريق القضارف دوكة القلابات قرض “الصندوق العربي للإنماء الاقتصادي”
14-مشروع كهرباء الخط الدائري(الخرطوم) قرض هندي
15-خط الكهرباء الناقل سنجة القضارف قرض هندي
16-مشروع كهرباء كوستي قرض هندي
17- خط الكهرباء الناقل القضارف القلابات قرض هندي
18-مياه عطبرة والدامر قرض ايراني
19-مشروع سندس الزراعي قرض صيني
20-كهرباء الجيلي قرض صيني
21-كهرباء الجيلي شندي عطبرة قرض صيني
22- محطة كهرباء قري 2 قرض صيني
23-مياه نيالا قرض صيني
24-مياه الدالي والمزموم قرض صيني
25-مشروع صومعة ربك قرض صيني
26-كوبري رفاعة قرض صيني
27-كوبري الدويم قرض صيني
28-توسعة كهرباء الخرطوم بحري الحرارية قرض صيني
29-مياه الفاشر قرض صيني
30-مياه بورتسودان قرض صيني
31-مياه دنقلا قرض صيني
32-مياه المتمة قرض صيني
33-مياه مدني قرض صيني
34-مياه كوستي قرض صيني
35-كهرباء دنقلا قرض صيني
36-كهرباء وادي حلفا قرض صيني
37-مشروع كهرباء الفولة قرض صيني
38-مشروع طريق النهود ام كدادة قرض صيني
39- مشروع طريق زالنجي الجنينة قرض صيني
40-طريق الدبيبات ابو زبد الفاولة قرض صيني
41-مشروع كوبري سنار قرض صيني
42-مشروع كوبري توتي بحري قرض ايراني
43-مشروع محطة مياه ابو سعد قرض ايراني
44-طريق طوكر قرورة قرض”الصندوق العربي للانماء الاقتصادي”
45-طريق سمسم القضارف ام الخير قرض”الصندوق العربي للانماء الاقتصادي”
46-طريق كسلا كركون مامان قرض”الصندوق العربي للانماء الاقتصادي”
47- مشروع كهرباء الشرق قرض”الصندوق الكويتي”
48-عدد 4 محطات تحلية مياه “ولاية البحر الاحمر” قرض”الصندوق العربي للانماء الاقتصادي”
49-جسر سيدون على نهر عطبرة قرض”الصندوق العربي للانماء الاقتصادي”
.
.
.
وغيرها الكثير الكثير من المشاريع المعمولة بالدين!!!بالديييييييين !!!!
الكلام دا انا ماجبتو من راسي امشو ارجعوا لموقع وزارة التعاون الدولي وموقع وحدة تنفيذ السدود”سد مروي” معظم الارقام السابقة من الموقعين ديل وباقي الارقام من المواقع الاخبارية المختلفة
2-نجي للديون
ديون السودان الخارجية سنة 89 كانت 13 مليار دولار
و سنة 2005 كانت 27 مليار دولار “التقرير السنوي لبنك السودان 2005”
انتو عارفين ديون السودان الخارجية الان كم؟؟؟
40 مليار دولار !!!!!
(المصدرد. محمد خير الزبير محافظ البنك المركزي .جريدة اخبار اليوم )
يعني الديون زادت في 7 سنين 13 مليار دولار!!!!!!
منها 9 مليار قروض من الصين والهند لوحدهم (تقرير قناة الجزيرة السابق)
السؤال يطرح نفسه اذا كانت 90% من انجازات البشير زي ما شفنا ديون .قروش البترول مشت وين؟؟؟؟؟؟؟؟
.
.
.
.
.
عارفين الوهمة وين؟؟
الكيزان دايرين يغنوا وفي نفس الوقت عايزين يسكتوا الشعب !!
عارفين عملوا شنوا؟
لهطوا قروش البترول عبر “النهب المصلح”حسب تعبير البشير بذات نفسو، وعملوا المشاريع التنموية بالديون! عشان بعد ما البشير يفوت نفضل نحنا واولادنا و احتمال احفادنا نسدد في الديون!!!!
باختصار كدا غشووووونا!!!!
رايكم شنو في القصة دي ….تنفع فيلم مش؟؟؟
انتو عارفين وضع السودان الان كيف؟؟؟
السودان الان مديون 40 مليار دولار “وكمان بنستورد القمح والسكر”
عدد سكان السودان 33 مليون
يعني اي رب اسرة في السودان “باعتبار الاسرة فيها 6 افراد” مطلوب دين 36000 جنيه
يعني لمن تتخرج وتجي تشتغل انشاء الله ويكون مرتبك 600 جنيه في الشهر ،الحكومة ممكن تضطر انو تخصم نص مرتبك لمدة 10 سنين عشان تقدر تسدد الديون على السودان
(الكلام دا ممكن ينطبق على اي رب اسرة في السودان لو كان في ولاية كسلا او غرب دارفور او الشمالية او كان في غيرها)
مصيبة مش؟؟؟
ملحوظة : هذه الحسابات لا تشمل اموال الضرائب،الجمارك,عوائد الاراضي،رسوم تراخيص السيارات,الدمغات الخ.
ولاتشمل المؤسسات الحكومية التي تم بيعها سودانير ,النقل النهري, الاتصالات ,اسمنت عطبرة, جزيرة مكوار…الخ.
لو عرفتا حجم الكارثة الواقع فيها السودان …ياريت توعي الناس , زملانك في العمل او الدراسة ,جيرانك في الحلة ,اهلك في الريف الماعندهم فيس بوك
لانو السودان في كارثة …كاااارثة…..فالله المستعان
ربنا يصليك نار جهنم ايها اللص القاتل الشرير انت اسوء من مشى على هذه الفانية ايها العيى العاقر رجل حاقد منافق تتاجر بالدين وتكذب وترقص وسط الجماهير بدون حياء قتلت ربع مواطنى دارفور وقتلت الالاف الشماليين من معارضين وغيرهم والان تتبجح وتسىء صبرا لك سوف تنال اسوء من موتة القذافى ايها الطاغية الجبان .
حدثنى احد الاخوة المغتربين بان هنالك نكته فى دول المهجر تقال على الفضائية السودانيه بان الاخوه العرب يخوفون ابنائهم ب…تسكتو وتنومو يا عيال.. والا… نشغليكم قناه السودان…والان سيدنا عمر بن الحسن بن لابن…واللابن على وزن لادن ولكنه من اللبن يقول
تسكتو وتتخمدوا.. والا نطبق فيكم الشريعة
البشكير ده زول اهطل او عوير او متخلف او عبيط بس الناس ما كانوا عارفينوا الزول ده كل ما يخطب و يرقص تاني يوم يزيد الناس اصرار على قلعه لانهم بيكتشفوا حجم الخيبه اللي احنا فيها اذا كان ده رئيسنا
سرقوا حقوقنا و زردوا حلوقنـــــــــا
ما حيلة الرصاص والمشنقة ام سلبة
ما بفهم المكتوب البيقراء بالقلبه
يبدو ان 23 عاما غير كافية عند عمر البشير حتى يتعلم ان يقدم خطابا فيه شئ من الحكمة
هذا الغباء المركب حتما سيقودنا الى مذيد من الخسائر فى سبيل ازاحتة الى الابد … مافى حل رصوا الصفوف بس
الكلام ده قولو ل( ربيع ) عبد العاطي