الهلال يقيل ميشو ويعين الفاتح النقر بديلاً له

كنت أكون سعيد لو إختارت إدراة الهلال الكوتش محمد عبد الله مازدا بغض النظر عن أنه هلاللابي أو مريخابي لكن هو رجل المرحلة بلا شك وهو الأدرى بلاعبي الهلال حيث ظلوا لسنوات طوال معه ويعرف عنهم كل كبيرة وصغيرة لكن هى مشيئة الله التي جعلت التعصب هو ديدن الكره السودانية مع التوفيق للفاتح النظر (النقر)

المشكله ما المدرب
يعنى بلعيبه زى ناس التعاون والتاج والمدينه لو جبتو مورينيو ولا غوارديولا مابعمل ليكم حاجه
باختصار فهم وعقلية كرويه احترافيه مافى لاعبين وادارة

والله يا ايمن كلامك تمام مليون فى المية مواعيد الدورى عملها شداد ورفض ان يتراجع عنها ويجب الان ان تغير هذه المواعيد ويكون تفكيرنا فى البطولات .الخارجية وهذا الامر لهلال او المريخ وفكونا من النظرة الضيقة انا شلت الدورى 10 مرات وانا شلت الكاس ستين مرة

وايضا صلاح كلامه عين العقل مفروض ان يمسك مازدا لانها مهمة قومية ولا عيب فى ذلك.

خلونا نكون صريحين وواقعيين يا اخوانا نحن ما عندنا كورة وفالحين للتنظير وبس بمعنى ان العامل الاساس لتطور الكورة هو اللاعب الذي يحمل مواصفات لاعب كرة القدم الحديثة من فكر كروي وحضور ذهني وبنية رياضية صحيحة ولياقة بدنية كل هذه المقومات قل ان تجدها عند اللاعب السوداني الذي تجد مستواه يختلف من مباراة الى اخرى وذلك ينعكس على التيم الذي تجده كل مباراة بوضعية واداء مختلف عن اليوم السابق وهكذا هو الحال لدينا وكما ذكر احد المعلقين لو جبنا مورينو ما حيعمل حاجة لعدم وجود اللاعب الذي يستطيع تنفيذ ما يحدده له المدرب من خطة واستراتيجية متكاملة لتحقيق الهدف المنشود للتيم سواء نصر او خروج باقل الخسائر او تحقيق بطولة وحقيقة زي ناس التاج ومنير وهذه الاسماء جاءات للهلال من باب (الله يرزق المساكين في المجانين) والله ديل ما عندهم اي حاجة من ابجديات لاعب الكورة العصري ياخي الناس دي ما بتشاهد الدوريات العالمية والفرق الافريقية والله ما عندنا سجم رمادنا ومارضين رقبتنا في الفاضي وفالحين للتنظير في الكورة وما عندنا نتائج واقعية ملموسة ونفس النهج في السياسة السودانيين كلهم سياسين والبلد مدمرة من كترة التنظير والنقة بينما على ارض الواقع اللي علمناهم فاتووووونا زماااااان مع العلم انهم ما عندهم المقومات اللي عندنا وهكذا نمضي …..