جهاز المغتربين وبنك النيل يوقعان اتفاقية الخدمات المصرفية الذكية للعاملين بالخارج :

أنا مغترب 25 عاما لم أرى فيها يوما من الأيام أي اتفاق استفاد من المغتربون .. ولن يستفيدوا لا اليوم ولا بكرة ..

الصورة تقول: سددوا اليكترونيا…..الفاتحة.

خدمات الدفع الالكتروني والمشروعات المرتبطة بالتقنية المصرفية الموجهة للسودانيين بالخارج ،،،

ما واضح المفروض توضحوا في اي شيء يتم استخدام الدفع الالكتروني،،، وهل يتم في دولة الاغتراب فقط أم عند التواجد في السودان أم في الاثنين معاً مع تأكيدي على الدعاء (محمد معانا ما تغشانا) خليك قبلك

سؤال مغترب مستغرب ماهي الفوائد للمغترب وما هي الاجراءات نامل ان يكون الامر حقبقة وليس فرقعة بنمبان

إيه نوع الخدمات المصرفية، فقط قالوا خدمات ذكية ، طيب ممكن أنا في الامارات أحول لحساب في السودان مباشرة من الصرافة. ؟
يعني حرام يكون في تفصيل. وجع في بطونكم

اتفقوا احتفلوا كوضموا تورتات واطفحوا عصاير زولا كدى جايكم مافى لا يلدغ مؤمن من جحر مرتين والمؤمنين ناس يا مؤمن يا مصدق تلغوا من جحركم عدة مرات اتلهو وكلام sasa صحيح انتبهوا يا مغتربين خليكم فى وضعكم التحويلى المعتادين عليه علشان ما تبقى عليكم _( ياما بكرة تندم ولحالك بشوف ) الكيزان المغتربين ما حيتعاملوا معاهم وبكرة حتشوفوا فلنضع تجربة مقاطعة الانتخابات دائما امامنا ولنقاطع كل مشروعاتهم

ماذا يستفيد المغترب من هذا المشروع غير دفع الجبايات جهاز المغتربيين مهمته تحصيل الجبايات فقط وكل الخدمات التى يحتاجها المغترب الجهاز غير مسؤول عنها وليس
لديه صلاحيات لكى يقدم خدمة للمغترب بل وسيط فقط بين المغترب والجهة التى تقدم الخدمة مثال لذلك مشكلة تعليم ابناء المغتربيين و الاعفاء من الجمارك عند العودة النهائية الجهاز ليس لديه القرار . وعليه نرجو اعطاء جهاز المغتربيين صلاحيات لكى يصدر قرارات لصالح المغترب يعنى يمكن للجهاز اصدار اعفاء جمركى للمغترب العائد نهائيا يكون ملزم لجهات الجمارك وكذلك للجهات الاخرى

اتفقتوا خلاس ونحن وين اصحاب الجلد والراس شاورتونا لا كلمتونا لا اديتونا خبر لا وبعدين معاكم خلاص خلى الموظفين الى فى الجهاز اختوا فلوسهم عنكم بلا اخمكم

والله بصراحة أنا ما عارف المغتربين البمثولنا فى جهاز المغتربين من هم؟ وإذا كانوا موجودين من الذي أعطاهم الثقة؟.. وكان أصلاً إدارة جهاز المغتربين ما عاوزة أي مغترب يدخل خشمو معاهم..(يقول لينا إدفع ندفع). وفي كل الحالات الإتفاق بين البنك والجهاز قائم قائم .. ولكن نطالب بالآتي:ـ

1ـ يكون هناك ربط معقول من التحويل يتم بموجبه منح المغترب بطاقة ضريبية حقيقية تخول له الدخول فى جميع المزادات .
2- يقبل إبناؤه للدراسة فى جميع الجامعات بعد الحصول على نسبه تؤهله لدخول هذه الكلية أو تلك بدون تمييز عن باقي أبناء الوطن.
3- يكون الحق لمغترب أو مجموعة مغتربين تنفيذ أي مشروع تجاري يعود بالنفع عليهم وعلي أبناء البلد.
4- يكون سعر التحويل (بالسعر التداولي الحقيقي للجنيه فى السوق) وليس بسعر إفتراضي ليس له وجود(حتى يتعافى الجنية) إن شاء الله.

كنتم صادقين معانا وأنصفتونا والله نحول معاكم.. نحنا ما ناقصين متاعب وإحباطات زيادة فوق ألم الغربة ضياع العمر ورا السراب (وزي ما تخافوا من الرياح بنخاف كمان نحنا الضياع) والله يا الحلانقي إنت بتدخل الجنة.