السودان ينتج طائرة استطلاع بدون طيار لحماية مكتسبات البلاد..البشير : السلام الذى لا تحرسه القوة هو سلام هش

طيارة بدون طيار حتة واحدة !!! ياأخي لمن تنجروها ماتواسوها شوية!!!!
ياأخي لكن أمريكا يادوب دنا عذابها وحل ضرابها!!!
سمعنا أمس أن الريس أوباما جاهو إسهال من الخوف عند سماع الخبر ولم يتمكن الأطباء من السيطرة عليه.
والدنيا مقلوبة في واشنطون وإجتماعات متواصلة لرامسفيلد وكولن باول وآخر مقترح سرعة تطوير الدرع الصاروخي لصد الأسلحة الخطرة العابرة للقارات التي إخترعها النظام الطالباني في الخرطوم.
والروس والإنجليز والفرنسين لم ينوموا من أمس وهم في حالة فزع شديد وإتصال دائم مع الأمريكان لدرء أخطار قد تنشب من النظام الإرسالي في الخرطوم.
الناس تشرب في الطحالب في الخرطوم الموية ماعارفين تصفوها وقد أثبتت معامل لندن أنها غير صالحة للشرب فهي تسبب السرطان والفشل الكلوي وقال يخترعوا طائرة بدون طيار!!!!!
الخبر يكون معقول وأقرب للتصديق إن كان :
الإنقاذ تنجح في تطوير لعبة أطفال شبيهة بطائرة إستطلاع.

السلام الذي لا يقوم على الشورى واشراك الجميع في أمور البلاد وتحقيق العدالة وشريعة السلف الصالح ومعاقبة الفاسدين سارقي اقوات العباد باسلحة الضرائب والجمارك والرسوم والجبايات والنفايات والزكاوات والأتاوات والهنايات والوزراء والوزارات والنواب والنائبات وما يتبع ذلك من مخصصات وفق بند الإنتماءات والترضيات وغض الطرف عن نهب المال العام الذي تسرب ليكون رأسمال شركات وفيلات في كافوري والعمارات ودعايات ومهرجانات يمتزج فيها الرقص بالتكبيرات لإفتتاح المشروعات الفاقدة لأدنى المواصفات والتي (دفع وسيدفع) المواطن حقها بالمضاعفات هو السلام الهش

هوي ياالبشير طيارة استطلاع انا كان داير اسويها هسع دي بسويها كلها وزنها كم ؟ وين راداراتكم ، وين مضادات الطائرات ؟ وين حراسة الحدود الاحتلوها الجيران كلها ؟
قوة شنو البتتكلم عنها انت قايلنا قاعدين في الخلاء نحن ياخوي والله نحن نفتخر ونعتز بأننا متعلمين اكثر منك ومن وزراك الرواعية ديل لكن ما بتدي حريف ، ويدي الحلق للي مالهوش ودان على قول المصريين ما تخمنا بكلامك الكثير دا كلام في الهواء نجي في الارض ما نلقى شي عشرين سنة بالحال دا ورجعوا الستين مليون الشالها عوض الجاز كاش ومشى ماليزيا وكشفوها عنده في مطار دبي موديها ماليزيا لشنو ؟ اكيد ماشي يشتري فنادق زي صاحبه المتعافي العندو اكثر من فندق هناك ، جايي تخمنا بطيارة وزنها ما يسوى له خمسة كيلو
وين قروش ذهب ارياب ؟ شكلها دي التسعة مليار الفي بريطانيا ذاااااااااتها
وجايي تقول لي الله قال والرسول قال ؟
القالوا ربنا سبحانه وتعالى والرسول صلى الله عليه وسلم لا ينطبق عليكم ؟
حسبي الله عليكم ونعم الوكيل

يا (ابو ياسر)
الاسهال ده شكلو جاك انت اول ما سمعته بالخبر ده يا ابوي
ابقى مسهل بس يا اخوي هههههههههههه

انا لا اطالبكم يا كيزان بان تحترموا عقولنا ولكن نحن شعب السودان نشفق على عقولكم وما اصابها من تلف…. دعنى اقول لكم من السهل جدا ان تصنعوا طائره بدون طيار وذلك بعمل مجسم لأى طائره ويجى البشير يرقص جنبوا…..بس حا تبقى العبره فى التشغيل لأن الطائره اللى بدون طيار المحرك الأساسى بتاعها هو القمر الصناعى لأنها بدونه حا تكون عنقريب تحت راكوبه….طبعا بالتاكيد لا اقصد حبيبتنا صحيفة الراكوبه……المهم هذا منى للتنوير فقط….بس المره الجايه يا كيزان ما تنسوا بالله تذكرونا بالمفاعل النووى بتاعكم انه الآن فى مراحل التخصيب النهائيه.
وتصبحون على وطن

فرضا ان هذا الخبر صحيح وان هذة الطائرة مية المية
السؤال :-
هل ما نحتاج الية فعلا طائرة بدون طيار
وهل نفدت كل الاولويات وتبقى فقط ان ننجز هذا المشروع الوهم

هل هذا استغلال صحيح لهذة الموارد المحدوده

بالله كيف لدولة مثل هذة ان تنهض وكل تفكيرها فى الحرب
نعم نحن مع بناء ترسانة قوية تحمى الوطن ولكن اولا يجب تعزيز المشاريع الانتجاجية
وان نتعظ من من سبقونا ولهم خبرة اكبر مننا

يجب الاهتام بالصناعة الغذائية والمعدات الخفيفة وبعدها المعدات الثقيلة للبناء والتشييد بدلا من هدر اموال الدولة فى اشياء لم يحن اوانها بمستوانا الذى نعيشة اليوم

اين دور الخبراء الاقتصاديين فيما يحدث
لا نتكلم من باب المعرضة ابدا نحن مواطنيين نريد للسودان ان يتقدم لكن خطوه خطوه ليس بالقفز فوق الحواجز

وزكرتونى المثل البقول العريان من اللباس اتكسى سديرى

تحية الى كل ابناء شعبى الابى ونسال الله الرفعة والمكانة السامية لبلدنا الحبيب

الطياره دى الظاهر صنعها ليهم عادل شروم

كدى هسة حلوا لينا مشكلة الموية المليانة طحالب وخلونا من صناعة الطائرات
طائرة تجسس من دون طيار صناعة جبهجية سودانية
العالم كلوا بيشهد ناكل مما نزرع
ونلبس مما نصنع ونضحك مما نسمع

نعلم قد لا يصدق الكثيرين
وهي الحقيقة امامكم ومن شاهد العرض يصدق ذلك وقد افتتح قبل ستة شهور مصنع الاثانول في الجزيرة وقد كذب الكثيرين ذلك وها هي مخرجاتة الان طائرات بدون طيار
والبحوث العلمية المحبوسة كثيرة توقعوا الكثير في مقبل الايام

انا من المصدقيين لان ناس البشير قبل خمسة سنيين كدة رسلوا ليهم اولاد نوابق في الهندسة الحربية الى روسيا ومنهم واحد من حلتنا وقبل سنة سمعت بتخريجو ويمكن يكون في قبلهم دفعات باين انهم هم الصنعوا الطائرة دي..

ياتو حلة دي؟

خلوها الطيارة عاوزين ابرة اصنعو ابرة ب خرمها 90% من الشعب جعان ومريض والانتاج معطل بسياسات الكيزان الخرقاء تقول صنعنا طيارة تطير عيشتكم فالحين الا فى الخراب والدمار

قنبلة _____________

الي الامام يا البشير الي الامام ياسودان الله اكبر الله اكبر دي السودان البنحلم بيهو يااولاد

يا ناس الموضوع هنا كيف يكون كل هذه الصناعات ونصف الشعب يعشون فى فقر مدقع لايستطتعون التفكر الا فى كيفية اجاد وجبة لابناء. وما فائدة لمثل هذا التقدم وانسان جاعى لم يجد قوته اليومى وبردو تقولى نحن صناعنا الطائرة بدون طيار.

يا جماعة السروال اهم من العمة ولة كيف؟؟؟

الأخ / ياسر
هؤلاء المعلقين منهم اليساري ومنهم بقية الإحزاب التي تسمونها طائفية وليس منهم من يدعي أنه الحارس الأمين والناصح مثلك بتأيدك للإنقاذ وإن كنا نحن مسلمين بالفطرة والميلاد منذ أكثر من 400 سنة.
ينبغي أن تكون عفيف اللسان فأنت وأسيادك ترفعون راية نصرة الدين.
أعيب عليك إثارة النعرات ومحاولة تقليل من شأن من يختلف معك في الرأي فهذا إسلوب العاجز ومن يحاول فرض رأيه بالقوة.
أتعرف ماهو الدين.؟
لخصه هادي البشرية في كلمة واحدة هي:
المعاملة وتعني الإلتزام بها في كل مناحي الحياة وتعاملاتها اليومية وعلى رأسها عفة اللسان وهو الذي يكب في النار.
الأخوة المعلقين معهم الحق إن كالوا اللوم للإنقاذ التي رجعتنا للعهد الحجري ومحاكم التفتيش وأظهرت للسطح حمية الجاهلية من قبلية بغيضة.
الإنقاذ مسئولة عن الدمار الذي أهلك الحرث والنسل ومزق البلاد وهي مسئولة عن الفساد وسرقة المال العام والرشوة والمحسوبية ولإختلاس وأستخدام الدين للوصول لأغراض دنيوية رخيصة وفوق ذلك كله عدم إعترافها بالآخر الذي أدى الى تمزيق البلاد.

(حسن و الصفارة) دا مطالعة وعرفناه,اها(حسن و الطيارة) دا يطلع شنو?! خطا مطبعي لنفس الموضوع ولا مووضة?!.

والله يا ياسر بالنسبه للطياره ابشرك في طيارات تانيه قريبه وباشكال تانيه حانشوفها
…لكن انا حزين علي مجموعه من المعارضين ليهم عشرين سنه بعارضو وهم ما عارفين بعارضو في شنو …هههههههههه والله راجل يا ود البشير وعافي منك الناس دي ماتت كمد…وقال شنو حفاض هههههههه يا عم روح لف.. التحيه لصحيفة الراكوبه صاحبه الراي والراي الاخر…