غبار بنكهة السعوط

السعوط هو الشيء الوحيد الذي يذكرنا باننا سودانيين ، كمان دايرين تكرهونا ليهو تبا لكم .

هههههههههههههههههه – بكري يا حكيم – كلاااامك عين العقل – والله فعلاً الواحد تلقاهو ماشي وهاك يا بصق على قارعة الطريق والله شىء مقزز فعلاً لمن لا يتناولون هذه الآفه المقرفة – وعلى الأرض كمان شوف كم واحد يبصق وكم واحد بسف – والله حكمة منك ومقال جميل جداً يستحق الدراسة في هذه الدولة الوهم …..

والله كلنامحتاجين للسف !! كان سف جنيه ؛ريال؛دولار؛ اراضى؛المصيبه لقينا جماعه سفافيين جنس سف ماخلوا حاجه الاوسفوها!! حتى السكر فكرنا فيهو لكن لقينا عمنا على الحاج لهطوا وسفاهوا ؛؛وماباقى لينا الا خم الرماد!!حدى اشاركنا السف ؟؟ اه ياجبانين ما قلتوا سفافين!!!!!

التوازن البيئ موجود وسنويا في موسم الامطار يتم غسل شوارع العاصمة طبيعيا من كل السعوط ويمشي مع الموية للنيل وإلا لما كنا عائشين لي هسع بس زي ماقال البروف ود الريح نعمل ترشيد في الاستهلاك يعني الحكومة تعمل لينا اماكن لرمي السفة وكل من لا يلتزم يغرم ويستهجن من قبل الجمهور وده اخف الضرر لكن انا متأكد انه ما حا يتحرك اي مسئول في هذا الاتجاه لانه في حاجات اولى من كدى ومافي زول عمل حاجة وده ياهو ده السودان .

أتمني أن يُعامل “التمباك” معاملة ألمخدرات أضافة لما يسببه من أمراض مزمنة فهو مصدر للتلوث ولا أريد الحديث عن مدي القذارة الناتجة من أستعماله فيكفي أن نلقي نظرة علي الشوارع والأسواء من ذلك عند أستعماله خارج حدود فهو يعكس صورة بمنتهي القُبح عن السودانيين..

النس اصبحت ماهماها الحياة وهذا انتهار بطيئى

مدام عارفين نتيجة استعمال التمباك والسجائر ,

الاح بكري، بارك الله فيك علي هذه اللفتة البارعة في غثارة هذا الموضوع المهم. قبل عشر سنوات واكثر كنت اسمي العاصمة بلد المليون سفة في الدقيقة -علي وجه المبالغة لخطورة الامر، لا انني كنت اعاني من الحساسية التي يثيرها لي الغبار، وفي لحظة تجمعت عندي فكرة لما كنت الاحظ من عدد السفات الساقطة علي الارض في الدقيقة وكم تخيلت عددها في تلك الفترة قياسا بمساحة العاصمة المثلثة، وكم تخيلت ان هذا التمباك قابل لان يجف في حدود العشر دقائق ثم يطير في الهواء غبارا مستنشقا لكل فئات الناس -الاطفال الشيوخ العجزة وغيرهم -عليه اري ان هذا التمباك ولما فيه من الاذي علي الصحة العامة للبيئة للبشر والحيوان معا، ندعو التمبكجية تقدير هذه النصيحة بعدم تسبب الاذي للاخرين وذلك عبر ملصقات تقول: قبل اخذ السفة فكر في عدم طرحها علي الارض.
السلم الحق وكغيره من البشرية هو من اولي الناس بحب الخير للناس وليس العكس. فما يحدث الان هو ليس من صفات المسلمين التي باركها الله وامرهم بمعاملة الناس علي اساسها- فالمريض الذي يعلم بعدوي مرضه للاخرين يتجنب الاختلاط بالناس حتي في صلاته سواءا كان انتقال المرض عبر البصق او النفس او البراز اوغيره – كما قال الرسول لا عدوى ولا طيرة ولا هامة ولا صفر ، ويعجبني الفأل “

طيب…ادونا بدل تمباك….عشان ما نبصق في الشوارع الخرطوم ول في جبل اولياء….

لا يشعر به الانسان الذي يسف الصعوط كم هو مقرف ومقزز والنظافة يا اخي نوع من المسئولية الاجتماعية والمجتمع السوداني هو مجتمع متخلف شديد … حينما يضع الانسان نفسه في موضع المتفرج من بعيد ويرى الحروب العبثية التي تقام هنا وهناك على امتداد السودان يرى كم هو متخلف هذا الشعب الذي يعجز عن حل مشاكلة بالجلوس حول طاولة واحدة … لان السودانيين في يوما سيجلسون على طاولة المفاوضات لحل مشاكلهم ولكن بعد ان تقضي الحروب على الاخضر واليابس… فهل لا يدرك المتحاربون انهم سيجلسون لمفاوضات السلام دون قعقعة السلاح … فان كانوا يدركون ويحاربون فتلك مصيبة وان كانوا لا يدركون فالمصيبة اعظم… المجتمعات ممكن تتطور ثم تتقهقر مرة اخرى … فالسودان يا اخواني في الستينات والسبعينات من القرن الماضى كان مضرب المثل وخاصة الخرطوم التي ترونها اليوم ككومة من زبالة… كانت نظيفة وانيقة وشوارع مسفلتة ومرتبة بشكل مذهل… انظروا اليها الان كم هي بشعة وانظروا الي الشباب اليوم وهم يجلسون امام ستات الشاي وهم امل المستقبل بعد ان حطم الانقاذ حتى بصيص امل كانوا يعيشون من اجله وهم يحتسون الشاي وهو في الحقيقة هروب من الواقع المرير الذي يعيشونه وكم من تلكم الجلسات تتولد الافكار الدنيئة والسلبيات مثل التخطيط لسرقة او اغتصاب او قتل صديق او ما شابه ذلك… السودان الآن مثل الصومال في حروب عبثية والعالم من حولنا يتطور… كيف نتطور ونحن لغتنا فيما بيننا لغة حرب لا لغة تنمية واستقرار… فالسوداني الذي كان مضرب المثل في دول الخليج بامانته وصدقه ومؤهلاته أصبح مضرب المثل في عكس ما كان سابقا… وحتى الاخوان المسلمين الذين كافحوا وجاهدوا وغيروا وبدلوا من جلبابهم حسب الانظمة التي مرت حينما وصلوا لسدة السلطة تغيروا وسقطوا في اول امتحان لهم… كانوا يعيشون في ابراج عاجية من صنع خيالهم لا من صنع الواقع وتخيلوا انهم يستطيعون تغيير الواقع الى واقع ملائكي ولما اصطدموا بالحقيقة تحولوا الى 180 درجة مرة واحدة من النقيض الى النقيض… فاصبح همهم القتل والسرقة واكل اموال الناس بالباطل ولا يعيش الا فاسد او منافق او كذاب فهم يعرفون هذه الحقيقة بل ويصرون عليها ولذلك نراهم يحصدون ما زرعوا .. لانهم زرعوا الوهم في عقول الشباب وهم تطاولوا في البنيان وامتلكوا واصبحوا يديرون هذا السودان كانه ضيعة ورثوها ابا عن جد حتى بدا يتلاشى رويدا رويدا

ياخي اكتب عن تراكم مياه الامطار واكتب عن انهيار التعليم والصحة واكتب عن اهمال البلد للزراعة واكتب عن انشغال الناس بي المعيشة واكتب عن العادات الكانت سمحة والناس نسته واكتب عن مواصلة الارحام الكتير مننا بي سبب اشغالنا بي العيشة نسينا الصلة والوصال واكتب عن وطن بقي نصفين واكتب عن مرض تخلف حروب تشرد نازحون اكتب عن انا بقتل اخوي اكتب وابحث واعمل دارسة في الشارع ليه الناس بقت جافيه وليه الناس بقت ناسيه اكتب عن حقوق ضاعت واموال تنهب وعن اراضي توزع لي قطر اكتب ابحث وتعال قول لي

في واحد شحد شخص اخر في الطريق و لا يعرفه قال ليهو ( بالله لو سمحت اديني سفة ) فرد عليه بادب شديد معليش انا ما بسف – قاليهو شلاليفك دي شلاليف تمباك الا براك حاسد .

شكرا جزيلا على التعليقات الجميلة والقيمةوالتى اثرت النقاش ولفتت نظري لاشياء لم اتطرق اليها انشاء الله اتناولها فى مقال مكمل شكرا
بكرى خليفة
[email protected]

ياخي اكتب عن تراكم مياه الامطار واكتب عن انهيار التعليم والصحة واكتب عن اهمال البلد للزراعة واكتب عن انشغال الناس بي المعيشة واكتب عن العادات الكانت سمحة والناس نسته واكتب عن مواصلة الارحام الكتير مننا بي سبب اشغالنا بي العيشة نسينا الصلة والوصال واكتب عن وطن بقي نصفين واكتب عن مرض تخلف حروب تشرد نازحون اكتب عن انا بقتل اخوي اكتب وابحث واعمل دارسة في الشارع ليه الناس بقت جافيه وليه الناس بقت ناسيه اكتب عن حقوق ضاعت واموال تنهب وعن اراضي توزع لي قطر اكتب ابحث وتعال قول لي

في واحد شحد شخص اخر في الطريق و لا يعرفه قال ليهو ( بالله لو سمحت اديني سفة ) فرد عليه بادب شديد معليش انا ما بسف – قاليهو شلاليفك دي شلاليف تمباك الا براك حاسد .

شكرا جزيلا على التعليقات الجميلة والقيمةوالتى اثرت النقاش ولفتت نظري لاشياء لم اتطرق اليها انشاء الله اتناولها فى مقال مكمل شكرا
بكرى خليفة
[email protected]