عملية سطو على طائرة لسودانير
الخرطوم: عمار محجوب :
كشفت مصادر موثوقة عن وقوع أكبر عملية سطو على إحدي طائرات شركة الخطوط الجوية السودانية «سودانير»، وقالت المصادر إن مهندساً يعمل بشركة طيران «م أ» تسلل إلى هنكر بالمطار به طائرة سودانير
وقام بسرقة قطعة غيار يقدر ثمنها بـ(25) ألف دولار وقام ببيعها لشركة الطيران التي يعمل بها ليتم استخدامها كقطعة غيار لإحدى طائراتها. وأضافت المصادر أن عملية السرقة قام بكشفها مهندس آخر يعمل في شركة «م أ» عقب فصله من الشركة والتماطل في الإيفاء بمستحقاته. وأوضحت المصادر أن الأجهزة الأمنية باشرت في إجراء التحقيقات في الحادثة.
اخر لحظة
عايرة وادوها سوط
عملية السرقة قام بكشفها مهندس آخر
لو لا الفصل ومستحقاتة المالية لصمت عت جريمة زميلة والشركة لماذا لم يبلغ من البداية لو كان امينا ونزيها علي السلطات تعاقبة ب جريمة التستر وب اقصي عقوبة ويشجع ويكافأ بترقية وحافز لمن يبلغ عن اي عملية كم رؤوس سوف تطير
عايره وادوها سوط
شعبى الامين…
مهندس حرامي بسودانير … ضابط حرامي بمكتب الوالي … مدير كبير حرامي بشركة الأقطان مسئول كبير مسئول عن بيع أدوية فاسدة …. عامل يبيع لحوم كلاب ، حمير للمواطنين ، مسئول والى كبييييييييييييير حرامي يتستر على حرامية … مدير بالبنك الزراعي يمرر صفقة بذور فاسدة منتهية الصلاحية …. ، والى فاتورة الغسيل والمكوة حقتو 3 مليون في الشهر ، مسئول كبير جدا يبيع خط هيثروا …وبصراحة كده ياناس شوفوا ليكم حته تنانية غير السودان
هى سودانير يتطلع فى الروح وخلاص دايرة تتلحس وبرضو ما دايرين يخلوها فى حالها دة يقولو عليهو شنو ؟؟
ما قيمة الـ 25 ألف دولار ، مع قيمة بيع خط هيثرو بمليارات الدولارات ولا حياة لمن تنادى ، البلد هملة ، فوضى ، سمى ما تسمى ، لا يمكن أن تجد كلمة مناسبة لحال السودان اليوم .
الله يخارجنا من البشير وحكومته .
حليلك يا سودان كل يوم تسمع وتشوف العجب العجاب بلد واشلعت ولا عزاء للكيزان
احشفا وسوء كيلة
أبو الزفت دي يبلعوها كيف أكيد اللص يكون كوز مقدود والمبلغ عن الجريمة متكوزن لسع ماانقدا لانو على الاقل ضميرو انبو
الاشتباك مع الهدف ..ادي الي تفتيته
الجوطه في شنو اذا كان الطايره مركونه انا لوكنت مسئول حااكافي المهندس دا لانو السرقه تمت لشركه وطنيه احسن من يستفيد بيها شركه اجنبيه ويابخت من نفع واستنفع
المثل يقول اكان دار ابوك خربت شيلك شلية المهندس المسكين شايف الجماعة شغالين بلع عثروا وماادراك فقال نشيلنا حاجة نمسح بيها الخشم
وهكذا الانقاذ
افرح للمشروع الرسالي
يا جماعة يتححل وبس المشكلة تكون انتهت.
من لم يمت بالسيف مات بغيره الجود يفقر و الاقدام قتال
قلع وزندية و الايام صارت فوضى ايها الفوضويون الجدد………….لا اطال الله فى ايامكم
باكر نسمع بيها طايره في السما بدون قطع غيار…محن
شلعوها السودان اير ؟؟؟!!! يا الأجهزة الأمنية عملتوا شنو في لب القضية ؟؟؟ههههه اذا كان رب الدار بالدف ضاربا فشيمة أهل الدار كلهم الرقص يللا دقي يا مزيكة
حرام عليكم ده سرق (قطعه) ما سرق طياره ولاباع خط ولا ولا ولول ولا في واحد باع سفن سمعتو بيه
“م أ” إلى ماذا ترمز؟
الملكية الأردنية
أم مارسلاند ايرويز
سودانير تم سطوها من قبل نظام الاخوان تجار الدين منذ أكثر من 25 عاما ، لذك ما عايد يهمنا أخبارها لأننا بأذن الله سوف نؤسس خطوط جوية جديدة بعد نزج بهؤلاء اللصوص في مزبلة التاريخ.
الأن عرفنا الطائرات عندنا بتسقط لي اتاريها ماشا بالإزبير المسروق الي هذا الرجل يعني لو مالجماعة فصلو كان سكت علي الموضوع الي ان تتلاشة الطائرة تماماً
شنو يعني سرقة قطعة غيار طائرة ب25000 دولار ما في ناس سرقت وطن بأكمله …. مالكم بتعاينوا للفيل وتطعنوا في ضُله .
الى متى ياابناء شعبى
(م أ) ميد أير
كل الناس مبااااااااااااااااااااع..بااااااااااع.. باع ..باع..
عشان كدا جاااااااااااااااااااااع..يااااااااااع..
رحم الله البروف الدكتور عبد الله الطيب .. عندما شعر منذ عهد محي الدين صابر فى التربية..وهو يعلم أن مثل هذه التغييرات ستدمر أخلاقيات وثوابت الإنسان قال له بعد تغيير السلم التعليمي (يا صابر كدا جامعاتنا حا تخرج إنسان هلامي..يعنى بدل المهندس يشكل ويغير الواقع أصبح يشكله الواقع(سرقوا نسرق)(كفروا نكفر) يلا تنقد الرهيفة إن شاء الله ماتتلتق..(بى صراحة يا ناس الراكوبة بدأنا نحس بالإحباط)لأن الكم الهائل من الإسقاطات بتاعتكم دي ما ممكن تكون كلها (فبركة) ولو كان بعضها..(الله يستر ما يصفوهو زي غسان).