الميرغني الصغير يحذر حزب البشير من أحزاب “الفكَّة”
الخرطوم ?
استبق محمد الحسن الميرغني، رئيس الحزب الاتحادي الأصل المكلف، تشكيل الحكومة الجديدة، بما سماها “نصيحة مهمة للمؤتمر الوطني” لخصها في عدم الإكثار من استصحاب “أحزاب الفكة” موضحاً أن “الفكة تقدد الجيوب” على حد قوله، مؤكداً أنها لا تفعل شيئاً غير أن تأخذ دون أن تقدم عطاء، وقال الميرغني : “ليسأل الوطني نفسه ماذا أضافت إليه هذه الأحزاب في الماضي وماذا خصمت منه”، وطالب المؤتمر الوطني باعتباره صاحب الأغلبية المخوِّلة له تشكيل الحكومة الجديدة أن يراعي في تحالفاته القادمة الحرص على التعاون مع أحزاب ذات ثقل حقيقي تضم في عضويتها الخبراء والعلماء والمفكرين والمنتجين ولها علاقات خارجية ممتدة لتشكل إضافة حقيقية للحكومة الجديدة، محذراً في ذات الوقت من ركون المؤتمر الوطني لاستصحاب أحزاب ضعيفة عرفت في التاريخ السياسي المعاصر بأحزاب الفكة وأنها عالة على الوطني وعلى الدولة وعلى الشعب وليس لديها ما تضيفه بل تظل خصماً على الدوام.
وبينما نفى الحسن الميرغني، شروعهم في أي مباحثات مع المؤتمر الوطني، ذات صلة بالمشاركة في الجهاز التنفيذي لمرحلة ما بعد الانتخابات، إلا أنه نبه إلى إن الحد الأدنى الذي يمكن أن يقبل به الحزب الاتحادي الديمقراطي الأصل هو ذلك الثقل الذي يمكن الحزب من الوفاء بالتزاماته تجاه ناخبيه
اليوم التالي
الزخم الانتخابي ما جابت حقها !!! قلتوا أحسن تزاحموا الفكة !!! عالم ما تستحيش …
فعلاً صغير
جاير النص ب النص نصك اتكسر
والله حقيقة مثل تلك اللتي تاكل من بثديها وتعرض لكل لامس
نهايتك مع العصابة كل قعادك فى اميريكا اتعلمت شنو كان ممكن تتصرف أحسن من ذلك حفاظا على شبابك وأولادك و البلد و ثروة ابوك البجع فيها من زمن نميري و بقت بالعملة الصعبة زمن الإنقاذ و فوق كل ذلك ترضى ربك ان كنت مؤمن به
كان ممكن تسلك طريق اخر لترميم ما دمره ابوك وتتصالح مع الحيران ان وجدوا
أكيد رب العالمين سيلطف بِنَا ويكرمنا بزوالكم و البشير و المهدى و توابعكم
امين. امين. امين
شوف عامل زي القربة وعايز يكاوش
مش كفاية الاكلتو من اهلنا زمان
احسن تلحق ابوك لان الطوفان لا محالة
قادم
وانت بكرشك دي فرقك شنو من ناس الفكة
البتقد الجيب — شكلك داير دولارات
قيمة عالية ووزن خفيف
قوم كدة اتلمة قبل ما تتخمة
شكلو عندنا بلدوزر جديد لنج! حد أحسن من حد!
البلدوزر بتاع حزب الأمة شكلو بقى خردة فالسودان محتاج واحد جديد!
الله في!
دا شغل ضرات وغيرة ساي وحفر منك يا مولانا حمادة عيب استحي.. بلا اخم اهلك
الجنيه = عشرة طرادات.. الطرادة = عشرة قروش.. القرش = عشرة ملاليم..
الحزب اللاديموقراطي الأصل في عهدتكم عبارة عن ملاليم.. يعني فكة فكة الفكة.. دي مش تتقل الجيب وبس، دي تقيلة على القلب كمان..
ياخي فكنا بالله حزب وما ادراك ما حزب..
كونك عرفت كلمة الفكه ده معناها إجتزت إمتحان الجنسيه السودانيه.
أنا الحقيقه فكرت فى إنك كيف عرفت الكلمه ولكن فهمت أخيرا إنك بتقصد احزاب الفته وليس الفكه.
يفتفتك قطر إنت وابوك
عبود جابر يا بتاع الفكة .. خم وصر……. الله يفك حنكك
الغريب ليس السيد الحسن أو ما يصدر عنه
الغريب أنه في ناس كانوا مؤملين في خير في هذا الوليد الذي لا يملك معرفة ولا خبرة ولا أخلاق باع نفسه للشيطان بدراهم معدودة
حاوا ليه ديونه والثمن البعمل فيه في الحزب
يا صغير يا محيرني ومتحير
الولد الما بشبه جدوا حرام…
نفس المكر ونفس الشره للمال وحب الايقاع بالخصم بكل الطرق..
ونفس الانتهازية فى ابتزاز النظام ساعة ضعفوا ..وركوب موجة المعارضة ساعة
قوتها ..غايتو يا تجار السياسة كان مرقتو من العيدان فى السودان ..
القاهرة لندن امريكا كلها اصبحت وطن المهاجرين السودانيين من ضحاياكم
يعنى ارجو الراجيكم.
اها باقي 175 يوم على حل مشاكل السودان زي ماقلت – ورينا شنو عملت ؟؟؟
انا اعتقد ان كل التعليقات حول هذا الخبر لم تنل من الحقيقة الواضحة وضوح الشمس هوي ان المقصود الكلي من مشاركة ال الميرغني هو لضرب احزاب الدقير والبلال التي انشقت منهم حتى الذين فصلوا من الحزب هذه كذبة كبير القصد منها اننا مع الحكومة والماعاجبه احلق حاجبه ولكن سوف تظهر الحقيقة جليا بعد ضرب الدقير والبلال او الاحزاب التي انقشت من الاتحادي الديمقراطي …
طريقة خبيثة لابتزاز الكيزان مع العلم ان الكيزان عصروا عليهم شديد في انتخاباتم المخجوجة وطلعوا نسبة الاتحادي 1% ونسبة الكيزان فوق التسعين في المائة ، وجاي الوليد دا يقول على الحكومة ان تراعي في تحالفاتها القادمة الحرص على التعاون مع أحزاب ذات ثقل حقيقي ، ثقل حقيقي؟؟ كيف والكيزان عصروكم في نسبة 1% ، يعني الفكة زاتها فتوها لامن بغادي ، يعني فكتكم دي لو جمعوها ما تجيب طرادة!!
على قول المثل : الجمل ما بيشوف عوجة رقبته . لمعلويتك يا شاب ان أول حزب اطلق عليه حزب فكة هو حزبكم واصلا التسمية كانت هى لحزبكم يعنى حزبكم هو رئيس وزعيم احزاب الفكة يا سيد . اليس من العار ان يتنازل لكم حزب الحكومة عن الدوائر التى قام بتزوير ارادة ناخبيها وسجلها لكم بأسمكم . هل تعتقد بأن لكم قاعدة جماهيرية توازركم ؟ دا كان زمان لما كان فى الحزب رجال وطنيون يأكلون النار وليس مثل رجال اليوم الذين يأكلون اموال السحت . والله لو كانت الأنتخابات نزيهة وحقيقية لما فاز حزبكم ولو بدائرة واحدة . الأختشوا ماتوا .
سمحة النصيحة يا (بيبى مولانا).
أها وأحزاب الفته كيف
يقطروها ولا يخلوها وحلانة فى الزيت والرغيف والرز والهبر.
العبيط اهو ،ياولد يا بجبوج اسامه حسون علمك البوابير ولا شنو؟ ده كلام شنو ! فكه ،فكه مالك وماله يفك سروالك. ……..كده كويس اهو جبت الاساءه لينا يا رئيس حزب البهجة الاصل الله يرحمك يا عوض دكام نهبوا منك حزبك!
والله سيدي الحسن نازل تقيل …ولسة الجوكر فوق ..
ومع ذلك نصيحته مهمة وغالية وواعية واحزاب الفكة لم ترجح اي كفة في الماضي وكانت عبارة عن سواسيو لدجاج المؤتمر الوطني كما انها احزاب ديكورية اميبية ونبت بلا اصل وما تستحقه هذه الاحزاب الركل بالقدم.
يا أستاذ محمد الحسن الميرغنى ، إذا تكلمت كتير ، رح تفضح نفسك كتير ! .
إنت مالك ومال أحزاب الفكة ، يستصحبوهم أو لا يستصحبوهم ؟ .. نصيحة لله ، إذا تدخلت فيما لا يعنيك رح تسمع ما لا يرضيك ، من الدقير واشراقة وبلال و جابر ، وتابيتا ، ومسار ونهار ، و… ! .. كل الشعب عارف أن أصحاب أحزاب الفكة تمنهم رخيص رخص التراب ، معظمهم كانوا بياكلوا الفتة فى جنينة جدكم ! ، وبيشيلوا أحذيتكم ، ويبوسوا أياديكم !! .. قالوا التغيير كويس ، لعل وعسى يجدوا عند الانقاذ احترامآ ودريهمات افتقدوه عندكم!.. أصحاب أحزاب الفكة بيضحوا عشان الفتة ولو على حساب كرامتهم وعزتهم !! .
يا استاذ محمد الحسن الميرغنى ، مهمتك صعبة جدآ لأنك معزوم فى وليمة اللئام فى حوش الانقاذ ! ، وأنت تدرى نسبة الذين نجحوا من حزبك لدخول البرلمان ، بدعم ومساعدة معلنة مسبقآ قبل النتائج من حزب المؤتمر الوطنى !!!! . لذا عليك أن تأكل وانت ساكت كما كان ابوك واخوك يعملان !. يا استاذ الناس كلها عارفة اللى فى البير وغطاها ، لا داعى للفنجرة فى الفاضى ! ، والناس واعية ، وشباب أصحاب الركشة يحملون شهادات تفوق وتبذ شهادتك التى لم تتم معادلتها فى التعليم العالى !! .
الزول ده لا قرأ ولا سمع؟ ولا شاف؟ …المؤتمر الوطني ده ظهر متين؟ ظهر لما خاطب عواطف الشعب المسكين بالصح والكذب وقدر يخم الناس وانت يا ود مولانا الناس الكانوا حولكم طفشتوهم والناس الكانوا بيتكلموا نيابة عن الحزب سفهتوهم !!!! كان في الاول يرسلوك مدرسة كادر( لفلان ) بودمدني او (فلان ) بام درمان يدرسوك تاريخ الحزب وافكاره اللي جمعوها من دار الوثائق لانها لم تجد ميزانيات لطباعتها والعناية بها !!!
على العموم يقول علم التاريخ ان الحزب الى زوال بس نرجو الا يكون ذلك بكوارث ودماء لانه التقدم الذي يشده العالم لا يسمح بتكرار المشاهد القديمة التي لم تواكبه !!!
معقول بس المتخلف ده كان عائش في امريكا !!!
تجده تارة ينصب نفسه بنائب رئيس الحزب و اخري بأمين التنظيم السياسي !!!
و يفصل من يشاء و يقرب من يشاء !!!
و يصف كبار رجالات الحزب بالدواعش و الذباب !!!
و آخرتها جابت ليها مشاركة في السلطة بسبب الزخم الذي أحدثته مشاركة حزبه في الانتخابات ..
حتي عاد كسيرآ يبحث عن الجاه بدلآ عن أحزاب الفتة .. عفوآ الفكة .. أو كما قال !!!
غايتو ربنا ابتلانا بأمثال هذا..وأمثال المؤتمر الوطني..وفكة المؤتمر الوطني.. والله كلهم الان.. ما يساووا صفر على الشمال..فالنضال مستمر لحين كنسهم جميعا لمكب النفايات.. أبداً ما هنت يا سوداننا يوما علينا..
هؤلاء الناس يصفون انفسهم بالاشراق وقد امتطوا ظهور الشعب السوداني في زمن العمى والطشاش ولم يترجلوا حتى الآن وقد استغلوا الناس حتى النخاع وفي اعتقادي انه جاء زمن التحرر والانعتاق بعد اخضاع السادة للفحص والتمحيص للتأكد من النسب المزعوم وذلك متاح للبساطة شديدة في زمن توفر ادوات البحث والفحص والتمحيص وحتى اذا ثبت لهم النسب فذلك ليس بميزة لهم على باقي الشعب السوداني بجميع مكوناته مع العلم ان هناك في السودان ناس فعلا اشراف يرجع نسبهم لقريش وآل البيت والصحابة والخلفاء الاربعة ولكنهم لم يسعوا لاستغلال السذج والبسطاء للعيش على ظهورهم كما يفعل آل الميرغني وليفتح كل غافل جفنه ليرى الدنيا بالعين المجردة فليس هناك سيد وعبد طالما الجميع يحمل الهوية السودانية…..
يا شباب براحه علي سيديكم ؟ ما خايفين يسختكم ويقلبكم قرود ؟ والله السودان بقي مهزلة يحكمه تجار الدين واطفال الكهنوتية
تحل الكارثة السنمائبة عندما يصبح ( عوير الفلم ) بطلا للفلم —
هذا المعتوه يعتبر نفسه اله و المشكلة انه يطالب الاخرين بتنصيبه اله
علي شباب الحركة الاتحادية ان يبنوا حزبهم — الذي كان يمثل حزب الوسط الليبرالي — بعيدا عن هذا الجرو الذي يحاول ان يلعب بذيله من الان قبل ان يصير كلب كبير —
.