برلمان حزب البشير يعدّل القانون الجنائي لادانة من يسب الصحابة
سيعكف برلمان حزب البشير لادخال تعديلات على القانون الجنائي لسنة 1991م، وخصوصا المادة (125) لادانة وتجريم الطعن والسب في زوجات رسول الله “صلي الله عليه وسلم”، او احد صحابته.
ورجّح مراقبون ان تكون الخطوة قد جاءت في سياق ادعاء الحكومة بانها تحاصر وتضيّق على المد الشيعي في البلاد، مشيرين الى ان حزب البشير يحاول استغفال الدول السنية ودول الخليج التي ترفض التقارب بين الخرطوم وطهران، من خلال التلاعب على المواقف، خصوصا ان وثيقة اريك ريفز التي سربت اجتماع اللجنة الامنية في سبتمبر الماضي، اكدت ان الخرطوم تمارس التمويه من خلال العلاقة مع ايران، بعد ان دعا رئيس القطاع السياسي بحزب البشير مصطفى عثمان اسماعيل، الى خداع السعودية بتصوير الحكومة السودانية في ثوب الحادب على محاربة المد الشيعي.
واوضحت لجنة التشريع والعدل في برلمان البشير ان اهل القبلة اجمعوا على ضرورة الوقوف في وجه الظواهر السالبة وادانة وتجريم الطعن والسب في اصحاب رسول الله “صلى الله عليه وسلم”، أو احدى زوجاته، وخصوصا من يطعن او يسب السيدة عائشة ام المؤمنين. واقترحت لجنة التشريع معاقبة من يفعل ذلك بالسجن والجلد.
الكلام ما في التشريع
الكلام في القضاء واستقلاله
الكلام في السلطة التنفيذية
السلطات الثلاثة في يد المجرم
ودى عايزه ليها قانون؟؟؟ البسمع يضرب وعلى المتضرر يشتكى!!
عليك الله حسي اذا واحد سب الصحابه قدامك حتعمل ليهو شنو ، زي ما قال المعلق الفوق دي ما عايزه ليها قانون، ولا عايزه زوبعه منك عشان تكتبها لينا في الراكوبه بس عدم موضوع منك.
و من متين الناس في السودان تسب الصحابة.. يا شيعة يا رافضة السواد الاعظمرمنالاعظم من السودانيين يحمل اسماء الصحابة. دي حركة استهبال من الكيزان للضحك على الدقون الخليجية. اذا وجد في السودان من يسب الصحابة فهذا حدث بعد انتشار التشيع و انشاء الحسينيات برعاية الكيزان
يخس عليكم
الحكومة مع ايران لايهمكم من يسب الصحابة في شئ
الحكومة ضد ايران يهمكم من يسب الصحابه
الحكومة مع الصين فالصيم صديقة
الحكومة ضد الصين فالصين ملحدة
الحكومة ضد الربا فالربا حرام وفيه حرب من الله بنص القران الكريم
الحكومة مع الربا فالربا حلال ولا باس منه بموجب فقه الضرورة
الحكومة مع راس السنة فراس السنه الاحتفال به من حرية الاديان
الحكومة ضد راس السنة فلا يجوز الاحتفال به وهو حرام
الحكومة مع زيادة الاسعار فانتم تصفقون وتصيحون كوراليا مجاز مجاز
الحكومة ضد زيادة الاسعار فالحكومة تعمل من اجل رفع كاهل الغلاء عن المواطن
يخس عليكم ثم يخس عليكم
اها رايكم شنو في امريكا والامم المتحدة قبل ما تقول الحكومة رايها او تتراجع عن رايها حين تفيق من غفوة الانتخابات ؟
ما ريكم في حوار الوثبة والحوار المجتمعي قبل مالحكومة تخلص من الانتخابات وتفض السامر ؟
اذا سب شخص ما الصحابة هنا القانون في يدك وطبقوا بي نفسك اذا انتظرت ناس عمك البشير واطاتك اصبحت