حاج ماجد سوار : الجهاز فرغ من صياغة أكثر من ثمانية عشر حافزا تشجيعيا لجذب مدخرات المغتربين

سبحان الله _حتى المغتربين حصلوهم بره في غربتهم_ ضرائب وجمارك_ دولة الغسيان

مابتعرفو المغتربين ديل الا عايزين قروش اصلحو حال السفارات فى الخارج فحالها يرثي له خدمة زفت وحاجة تحزن وتدمى وعذاااب عديل وايتهتار وظلم وتشعر بانه السفارة بتنصب عليك فهم يتحايلون لسرقتنا واكل مالنا بالباطل اول شي اصلح حال السفارات والخدمة فيها بعدين احكى عن محفزات عايزين نشوف افعال لا بيع كلام شبعنا من الكلام فاين افعالكم

أهمية ربط الاقتصاد المباشر باقتصاد المهاجر مع استكشاف فرص جديدة للهجرة المنتجة لتعظيم العائد منها
ما بلقا لي عقد عمل رخيص لي ليبيا اهو نساهم معاكم

كلام جميل جدا ومشجع واتمنى ان يرى النور قريباً..

لازم نلقى حل لكثير من المشاكل وأدناها اذا نويت الحضور للسودان ليومين فقط .. الخميس والجمعة
ثم الرجوع .. لا يمكن ان تطلب مني مراجعة المغتربين عشان تاشيرة خروج من وطني ويمكن دفعها في المطار مباشرة ان كان ولا بد من الحصول عليها رغم خطأها ..

نرجو ان يؤتقي الجهاز حتى يحظي باحترام المغتربين وثقتهم..

بالتوفيق

كملتو الفى البلد , خلاص عاوزين تقبلو على المغتربين تنهبوهم يا حرامية.

تمعنوا ايها المشردون فى الاشارت التى وردت فى كلام هذا الرجل

* استلام تحويلات المغتربين بنفس العملة
*معالجة متأخرات المغتربين لتعظيم الفائدة الاقتصادية
*جذب مدخرات المغتربين لدعم الاقتصاد
*اهمية ربط الاقتصاد المباشر بأقتصاد المهاجر

ابشروا النية شيييييينة

ههههههها قلته نحول ليك سجم خشم امك القاعدة راجياك دي اها الترابه في خشمك اكان شفته مليم احمر تحويل امشوا ياحرامية يانهابين الناس اتفتحت واتنورت وعرفت شنو الحاصل كذبك ده الا تغش بيهو نفسك وجماعتك الحرامية

اتهمت القيادية بالمؤتمر الوطني سعاد الفاتح عملاء داخل السودان ـ لم تسمهم ـ بالعمل لصالح الخارج وتخريب الاقتصاد السوداني، وحرضت على ضرورة تطبيق القوانين، وقالت: «إذا لم تطبق القوانين سنطبقها بضراعنا»، وقالت: «إن العملاء استطاعوا الدخول في كل شيء و «صاتوا» بداية من الدفاع الشعبي الذي لا نعلم أين هو الآن مروراً بالتعليم العالي الذي أصبح «يُحتضر» وانتهاءً بالشؤون الاجتماعية التي ترأستها سامية أحمد محمد وطفشت منها»، وقالت سعاد: «لسنا الآن فى موقع لوم حول الفساد وتبديد المال العام لأننا إذا فعَّلنا قانون الثراء الحرام والمشبوه وحده نجد أن «الحرامية كتار» وثلاثة أرباع نساء ورجال البلد حرامية»
الانتباهة

هاج صوار تفوووووو عليك ي كرهتنا زاتو مافي اي تحويلات يا حرامي قال ضمانات في زول في الدنيا بضمن ليهو كوز قول حاجه تانيه شوفو الزول ده نيته مبيته كيف قال مدخرات المغتربين عينو في المدخرات عايز السمينه طوالي الله يقبحك وكمان يقول ليك متاخرات ياخ انت نيتك لو بيضا اعفي كل المتاخرات خلي الناس دي نظيفه عشان يقدرو يعرفو انك شغال بنيه بيضا وقال التحويل بنفس العمله دي علي منو يا اهبل يعني احول دولار واجي السودان استلموا دولار بالله ده عاقل الزول ده وقال تاني هذا العام بلغ عدد المهاجرين 67 الف من مختلف المهن يعني انتا بتضرب بالسنت متر اي واحد لو لقيت منو ريال ولا درهم ولا دولار دي ح تعمل معاك ترليون في الشهر ضرب كويس يا حرامي تشوف لو في واحد حول ليك

الدولة الوحيدة الفي العالم تجي السفارة في مشكلة يقولو ليك انتو زاتكم الجايبين لينا المشاكل دا غير النهير والزهيج والجرجرة في اي حاجة،
في الهند كان تحصل ليك مشكلة يودوك البوليس تقول عايز تكلم السفارة بكل استهتار ومعاها ضحكة الضابط يديك التلفون ويقول ليك هاك شوف كان يجوك، في حين اي واحد تاني من اي دولة مندوب السفارة يجي مسافة الطريق بس دا اذا ماجا السفير زات نفسو.
والله تشموها قدحة

طيب المغتربين ما عانوا من هذا النظام في الضرائب والزكاة والتحويل الالزامي … أكيد الناس الفي التسعينات عرفوا ماذا أقصد …. لما نجي ندخل السفارة ندفع لما نطلع ….. ولو ما دفعت ما يجدد الجواز …. وحصلت معاي مره ما كان عندي حق الضرائب القنصل قال لي ما بتجدد جوازك وقام بطردي من المكتب ….. ومره في السودان موظفة قالت لي ما تسافر لو ما عندك حق التحويل اللالزامي ..

المغترب عانى ويعاني إلى الأن …

المشكلة أن الحكومة المساكنها جهال يا شعبي الفضل كل الادارات المهمة ممسوكة بيد اطفال كيزان والقرارات تأتي من اطفال في هذه الحكومة ما فيه كفاءات بشرية للاسف الشديد ،

لوالدولة مخلصة لوضعت الرجل المناسب في المكان المناسب دون تحيز لاي جهة ولا جنس الرجل المناسب في المكان المناسب بس غيرالدولة تحرق مواطنيها الاكثر محترقين الآن

المغتربين ظلوا يعانوا منذ امد بعيد وحتى الآن ماذا قدم لهم جهاز المطربين من حوافز يا ماجد سوار —- بالله انت لو كنت كفء لما اخروجك من السلك الدبلوماس واصبحت بايظ ورق فرموك هنا في الجهاز لكن بتغنى اقل شيء تعمله بختك مال سايب اصلوا السودان اتقسم بين الكيزان ولكن اين تذهبوا يوم ينادي المنادي ويوم تقبرون .

والله بصراحة عجزت عن فهم الكثير مما ورد في الخبر الوارد من وكالة السودان للأنباءعن جهاز المغتربين وهوخبر متلق اي بمعنى عبارة عن تصريحات سابقة اضيفت مع تصريحات لاحقة كونت خبر غير مفهوم مثل (التكلفة العالية لتحويلات المغتربين؟؟؟) وسبق ان قال رئيس الجهاز حاج ماجد سوار انه لا يعلم عدد المغتربين بالخارج وانه سيجري احصاء لمعرفة عدد السودانيين بالخارج وانا اتفق معه صحيح لأ يُعرف حتى الآن عدد السودانيين لأن الكثير من ابناء السودان تم ولادتهم بالخارج في بلاد الله الواسعة ولم يتم تسجيلهم بالسفارات وان السودانيين انتشروا في بلاد الله الواسعة حتى في جزر المحيط الهادي من امهات اجنبيات والطريف في الامر فقد قابلت احد السودانيين قال انه يسكن في جزيرة تقع في وسط المحيط الهادي قريب من بلاد الجن الاحمر التي ذكرها بلة الغائب وهو سوداني ويعتز بسودانية والده ويتحدث اللغة العربية بلهجة السودان ولكنه خارج عن اطار السودنة لأنه يحمل الجواز السوداني ..وعلى العموم فطالما ان الجهاز لا يعلم عدد السودانيين بالضبط يبقى ان اي نسبة تذكر في الخبر هي نسبة غير حقيقة ولا تعرف الاصل الذي نسبت اليه ومع ذلك نقول انها نسبة قريبة من الصحيح وهذا يعنى ان 54% من المغتربين يعيشون بعائلاتهم في الخارج وتبلغ نسبة المرافقين 70%؟
معالجة الزحام:
لا اعتقد ان اشتكى اي من المغتربين او المسافرين بتأخير اجراءات الخروج من المطار لأن اجراءات الخروج مرتبطة بالعفش واجراءات والجمارك وغيرها والحقيقة لله ان اجراءات الجوازات في مطار الخرطوم في غاية الروعة وان عدد كاونترات الخدمة بالمطار كافي كما ان الاجراءات تتم يسر وللقائمين علىها الشكر والتحية..
ويبقى المطلوب من حاج ماجد سوار ليس اجراءات الزحام بمطار الخرطوم وانما الازدحام فيما يخصه بداخل الجهاز حيث انه سبق القول ان تصميم الجهاز قد تم في السنة الاولى من حكم الصادق المهدي لخدمة عدد محدود من المغتربين وان عدد الصالات الموجودة حاليا لا يكفي لخدمة المغتربين كما ان عدد الكاونترات المخصصة لذلك لا تكفي للايام العادية ناهيك عن ايام العطلة الصيفية بالاضافة الى تعطل شبكة الانترنت خاصة الربط ما بين الجهاز وفروع الجهاز في الاقاليم.

منشور بنك السودان:
اقتباس (ودعا سيادته الى تفعيل منشور بنك السودان الذى يقضى باستلام تحويلات المغتربين بنفس العملة التى يتم بها التحويل وذلك لتعظيم الفائدة الاقتصادية).
وطالما الحكاية دعاء فنحن نقول آمين يتم تفعيل منشور بنك السودان .. ولكن لا اعتقد ان مثل هذا الدعاء سيجد آذنا صاغية لا من المغتربين ولا المسئولين ولن يخاطر احد من الناس بالتحويل عن طريق اي من البنوك السودانية لأن هذه الدعوة مستحيلة التطبيق في الوقت الحاضر فضلا عن عدم مصداقية البنوك السودانية ومن الممكن ان يصدر منشور مخالف لذلك في اي وقت من الاوقات بالاضافة الى احتاج البنوك السودانية باي حجج او تأخير الدفع او عدم توفر النقد والسيولة اللازمة وضرورة مراجعة البنك بعد يوم ثم يومين ثم شهر وبالتالي عدم حصوله.

الحوافز:
طالما انها سرية للدرجة دي خلاص اتركو الحديث عن الحوافز دي عندكم لغاية ما تكتمل الصورة ثم أعلنوا عن 18 او اكثر على حسب الخبر ومن أجل أن تكون الحوافز منتجة ومفيدة للطرفين آمل الكشف عنها ورفع سريتها قبل اجازتها واعتمادها حتى نضيف اليها او نأخذ منها قبل ان تقوموا بإعلانها وصياغتها بصورتها السرية ثم لا تؤتي اكلها والافضل لكم الخروج بها من دائرة السرية الى دائرة النقاش العام قبل اعلانها في شكل “مناشير” وقرارات لأ تؤدي الغرض المطلوب.

تحويل شنو وضرائب شنو وسوار شنو ؟ وهو منو القال ليكم نحن عندنا قروش اصلا والله العظيم قاعدين نأكل ونشرب فقط نحن وعيالنا وبنقول الحمد لله وربنا يديمها نعمة ، شوفو ليكم ناس غيرنا اهو صارحناكم ، والله العظيم لى 25 سنة مغترب بالرياض وماعندى شى والكان عندنا بعناهو عشان نقدر نعيش ياسوار شوف ليك شغلة غيرنا واتركونا فى حالنا ، وعايز اقول ليكم حاجة عندى معلومة من مصدر موثوق جهاز المغتربين المسؤول الاول منه ومازال هو على عثمان طه وماترجو منه خير ده ، ناس سوار ديل مجرد صور ساكت يعنى موضوعكم بايظ من زمان على عثمان الشين متحكم فى الجهاز منذ سنوات والله لو غيروا 20 مدير السياسة المرسومة واحدة .

هل حاج ماجد سوار له معرفه بمشاكل المغتربيين في دول العالم قاطبه عربيه او اجنبيه ؟

هل حاج ماجد سوار بداء بمناقشة مشاكل المغتربيين وأسرهم ؟

هل حاج ماجد سوار يعرف ما يعانيه المغترب من مشاكل في العمل وفي كل مكان من بلاد الغربه؟

هل حاج ماجد سوار يعرف العدد الكلي للمغتربيين في العالم ؟

هل حاج ماجد سوار يعرف عدد السودانيين الذين داخل سجون الغربه

هل حاج ماجد سوار يعرف عدد المرضي بمستشفيات الغربه ؟

هل حاج ماجد سوار يعرف عدد العطاله السودانيين في الغربه ؟

الغريب في الامر ان المستثمر الاجنبي حصل و يحصل على حوافز و تسهيلات بينما ابن البلد يسلخ و هو حي من كثرة الرسوم و الجمارك و الضرائب و اللوائح المعيقة