تدشين مشروع مناهضة ختان الاناث الأربعاء المقبل

الشيء العرفتو
بعدما ماوقفوا ختان الإناث!!!!!!!!!!!
الشوارع امتلأت بأطفال الخطيئة والزنا!!!!!!!!!!!!
ناهيكم عن أنه لو اضرار صحيه!!!!!!!!!!!
ولو سالتوني لشنو؟
حاقول ليكم
إنو البنت المختنه تخاف تعبث بشرفها
وتدرك تماما انها في حالة حظر جنسي
غلى ان يأتي الزوج الصالح ……….
ولذا اقول توجد سلبيات لذلك……..
وحبوباتنا زمان كانن يلدن بكل سهولة
ولم يكن عندهن حالات عقم إلا نادرة
ولم يكن عندهن امراض تناسليه
وكانن أشرف من الشرف نفسه
فأقول من الممكن استخدام طريقة ختان بصورة حضارية ومعقمه
وسليمه اكثر من العهود السابقة.

يا بتاع قلبي علي وطني، صدقني انت قلبك علي نفسك فقط. و القال ليك الشرف بحموهو كده يبقي ما عارف ابسط اسس التربيه. انتو الواحد وكت ما بيعرف يربي بيلدي ليه؟؟؟

اعتقد اي زول ما قادر يمد المجتمع ببني آدمين فاهمين فالاحسن انو يعيد النظر في فكرة الزواج من اصلو. ياخي ربنا كرم بن آدم بالعقل ما ممكن يصبح ضعيف تجاه الجنس بالصوره المهينه دي.

في السودان الناس اتفرغت للملذات و رفعت يدها من المسؤوليه اللي كلفنا بيها ربنا. في السودان ما فيش استخلاف و لا حتي اعمار للارض. ليش الناس همها كلو اكل و شراب و ترفيه و بيت حدادي مدادي بالسراميك و التكييف و الباقي فهلوه في السوق. عقليه استهلاكيه زي دي لا بد تتصف بالشهوانيه و حب الملذات. ياخي نحنا من شدة ما انانيين حتي في التعليم بنجبر اولادنا يقرو الطب و الهندسه علي اساس مادي بحت ما عندو علاقه بعلاج الناس او اعمار البلد. و في السودان مستحيل تلقي زول ناس بيتهم يشجعوهو علي قراية الآداب مثلا اللهم الا كان طفره.

بعدين حتي ما عندنا تفكير خلاق في المجال الانتاجي سوي كان صناعي او زراعي و حكومتنا خانقه الاصوات الايجابيه علي قلتها و ده كلام خطير و معاهو اتحول الشعب لمجموعة مستهلكين و تفكيرهم سلبي تجاه اي شي.

طول ما كانت حياتك مليانه بالمشاريع و الخطط و الافكار البناءه و المنتجه لصالح البشريه ما اظن بكون عندك زمن عشان تفكر في الجنس و الصعلقه و قلة الادب. الافكار الشهوانيه اللي نتجت منها افكار شيطانيه زي ختان الاناث دي لا يمكن تنبت الا في عقل استهلاكي بالتالي وجب علينا استثمار وقتنا لصالح المجتمع و الدوله و الانسان ما بس يفكر في نفسو.

اذا خرج الانسان من الصباح عقلو موجه بالاكل و الشراب و تحقيق اكبر ربح مالي لمقابلة احتياجات ماديه في اطار الاسره اذن ده انسان لا يمكن ترجو منه اي شيء ايجابي. خلونا نخت مشاكل الحكم و الفساد جانبا. نحنا محتاجين اعادة صياغه لمفهوم الحياه و اهدافها لانو بن آدم ممكن يكون افضل بمليون مره من مجرد كائن استهلاكي و يقضي حياتو من المهد الي اللحد خلف اشباع حاجاتو بكل انانيه دون اعتبار دوره كفرد منوط به المساهمه في اعمار الارض بداية بالحي الي المحليه الي الولايه الي الاقليم الي القطر و حتي الكره الارضيه، ياخي الخواجات بدأوا في اعمار الكواكب التانيه نحنا لهسه ما قادرين نمرق من شرنقة الذات.

الغرب فايتنا بسنين ضوئيه في التنميه لأن الحياه عندهم تبتدي بما تنتهي به عندنا!! هم بيعملو للأجيال الجايه الواحد تلقاهو ضعفان و يومو كلو شغال و يبتكر و كل افكارهم بتفيد عموم البشريه بغض النظر عن الحدود الجغرافيه. اكتشافاتهم في الطب و العلوم سبب بقائنا نحنا المستهلكين ديل نصيحين.

و الله يا اخوانا في غلط كبير جدا في مفهوم الحياه لدينا. و المسأله دي اعتقد انها جاتنا مع الثقافه العربيه. لكن البهمنا اليوم السودان و بعد نصلح حالنا نأثر في الباقين.

مواطن يعاني نقص حاد في عنصر الوطن!