جنسية كابلي

وفيك يامروى شفت كل جميل

محمد عبدالماجد
شكرا فقد كتبت عن موضوع اوجعنى ( بوجع )
يقينى ان كابلى يتألم الآن لا لنيله الجنسية الأمريكية لا . بل يتألم لموافقته على مضض عليها
فمن يعرف كابلى حتى ان كانت علاقته لا تتعدى العين التى تراه صدفة او معرفة من يقابله صدفة ( و ان تكررت كثيرا فى حالتى بحكم السكنى قرب سوق الحى الذى سكنه ببحرى – شارع المدارس ) وسعيه بالمرسيدس العتيقة هو وزوجته بين الطاحونة و سوق الخضار يوزع البسمات و يرفع يده بالتحية أو يلاطف بعض الناس دكاكين سوق الشعبية او مشاركا فى المناسبات الاجتماعية أو أو …..
يعرف ان سعيه لتلك الجنسية ما كان امنية تقطع دونها اكباد الابل او يترك لها الاوطان هجرة لا عودة منها
بل هى كانت اضطرارا ( قد أمارسه انا شخصيا ) لتأمين العيش يسيطر عليه من لا يعرفون اقدار الرجال و لا تأخذهم رأفة فى حق القوانع و لا يعرفون حرمة للوطن و ماله .
عزيزى سيبقى كابلى انشودة وطنية و ينبوع قيم نادى بها حتى بح صوته و تقاذفته الاحن

ها ناس..عليكم الله الكابلى “فِِكّوا شوطو”.. ما تنجهوه! لا هو كان اول ولا حيكون آخر من اخد الجنسيه الامريكيه! كوللكم يامن كتبتو فى الموضوع تتمنوا تبقو بحال كل من اخد الجواز الامريكى.. والامريكان ما طالبوا اللى بيستوفو شروط الحصول عليه ان يتخلّو عن جنساتهم الاصليه..وبعدين السودانيين ما هم الوحيدين الادتم امريكا جوازاتا ! ايش لزوم الدخول فى اللى ما ليكمش فيه! قوموا لصلاتكم يرحمكم الله.
*الكابلى وغيرو العندهم الجوازات اللى كولكم تتمنو “ان تكون كل يوم معاكم .. و ما قادرين او ما دايرين تقولو ليها انها فى قلوبكم وليها بالكتير مشتاقين ومحتاجين” وكولكم تتمنوا ان تبقو “لوتراب”! كل حاملى الجوازات الامريكيه من اهل الدنيا يمكنهم العوده لبلدانهم بجنسياتم وجوازتم الامريكيه ويبقوا مع اهليهم ما شاء لهم الله ان يبقو معهم.. زيهم وزى السودانيين واحد!
* بس فى اشياء ضروريه الكابلى ومن فى سِنّه بيحتاجو ليها.. كانت قبل 30 يونيو متوفره فى السودان ..اها دلحين بقت مافى!..هل عندكم اليوم فى السودان علاج اى مريض من عامة الناس بيبدا من لحظة دخوله عربية الاسعاف (الما خمج) فهذه العربيه اسبتاليه متكامله على عجلات وصوت “سايرينا” يقول يا ليل لآفساح الطريق لمن هو اوهى داخلها! وكأنه رئيس الدوله! الى حين وصول العيّان الى”المشفشفا ” حيث تكون كل المعلومات عنه عند ممرضات الاستقبال صاحبات الوجوه النيّره المستبشره المتبسمه ( موش زى المكفهرّة وجوههن “المصرورات انديكم”) وكضاب زول يقول ناس الاسبتاليه قالو لأهلو امشو جيبو اورنيك 8 او 14!اوادفعو 4 مليون تحت الحساب! على بال ما الدكتور ينادوه ولا امشو جيبو حقنه او شاش!
دحين الكابلى الله يحفظو واسرتو ويرعاهم ويديهم المزيد من الصحة والعافيه اينما كتب لهم البقاء.. كابلى اداكم ما عندو بالزايد شويه .. اطربكم وعلّمكم والله اضعاف ما اتعلمتوه من مدرسينكم! فى تجرّد ونكران ذات ! جازيتوه بشنو! بجنس كلامكم اللى لا يودّى ولا يجيب؟

كل قادةالحركة الاسلامية في السودان يحملون الجواز الالماني والامريكي والكندي والبريطاني وينادون امريكا قد دنا عذابها
لكن ان يناله كابلي فهناك فرق كبير فالفنان هو ضمير الامة والاحساس يختلف ان يتم امركة ضمير الامة

هذا افضل ما فعله عالي القامة الكابلي ومثله لايعيش وسط هذا الهُرار الفني والسياسي والفكري الهابط كله اسفل سافلين وأتمناه لأهل الذوق والمشاعر والحس النظيف وخاصة المرهفين الفنانين موسيقيين ومغنين من لدن الله جابو الى عوض حمودي ول صلاح ابن البادية وصلاح مصطفى وعبد القادر والمواقف الصلبة ابوعركي
وسيف وعقد الجلاد لكن بعد ان يعتذر سيف والعقد عن هذه المغازلة الحرام للباطشين بنا…الف تحية وسلام للكابلي حيث ما حل وسودانيته لايمحوها مسمى جنسية دولة كائنة ما كانت ولاننسى ان جميع سادتنا رؤساء ونواب و وزراء ودبلوماسيين ودستوريين كل ابن لزين آمنوا عندو جنسية وننتظ كمان جنسيات اسرائيلية للأحباب حفيد المهدي وصلاح قوش وجنسيات كذلك من مادوقري ل ندى وصاحباتها …. لنا صاحب بعد كلامه يقول دائما (أحي يا وحيحي الما لقيت لك راحة )