عروس تخدع المعازيم ..إستبدلت عريسها الطاعن في السن بآخر شاب ..
قصة مثيرة للغاية تدعو للدهشة حدثت في الخرطوم في غضون اليومين الماضيين.. القصة هي أن سكان أحد أحياء الخرطوم بحري قد حضروا حفل زفاف بهيج للشابة «د» أُقيم في الصالة الأمدرمانية الواقعة على ضفاف النيل، ورقص الجميع على أنغام الفنان الشاب، ثم تناولوا عشاءً فاخراً والعروسان أثناء الحفل يتمايلان في أنس خافت..
المدهش في اليوم الثاني والمفاجأة تملأ الصدور بعدما أشيع بين المعازيم من سكان الحي وأصدقاء وصديقات العروس وأسرتها، أن الشاب الذي يُدعى «م» قد أتت به العروس لتمثيل دور العريس العجوز الذي رفض الحضور إلى «كوشة» العرس، وهو حدث لم يستوعبه الجميع.
لكن الملفت أن شقيقة العروس قد مثَّلت نفس الدور في حفل زفافها قبل سنوات، حينما جاءت بشاب ليمثل دور العريس الطاعن في السن..
ما رأي الدين في مثل هذه الممارسات الشائهة التي بدأت تظهر وسط المجتمع السوداني ؟
الإنتباهة
هؤلاء لادين لهم وبسسببهم حلت العنه بالبلد
سبحان الله , انا لله وانا اليه راجعون
هذا واحد من تجليات ” المشروع الحضاري” الذي من اجله قدنا إنقلاب على حكومة ديمقراطية منتخبه، والما عاجبو يلحس كوعو.
ما رأي الدين في مثل هذه الممارسات الشائعة التي بدأت تظهر وسط المجتمع السوداني ؟
قلتوا لي رأي الدين شنو يا ناس الإنتباهه؟؟؟
يعني حفلات الإختلاط والمظاهر والمجون و… ما فيها مشكلة … المشكلة في كذبة العريس دي؟
(لكن الملفت أن شقيقة العروس قد مثَّلت نفس الدور في حفل زفافها قبل سنوات، حينما جاءت بشاب ليمثل دور العريس الطاعن في السن..) علي قول عادل أمام “متعودة دائماً”
شنو القصة, الأسرة دي أظنها من المولدين وهم يحبون البهجة والحبور والخروج عن المألوف ليس مثل بقية السودانيين الذين لا يحبون اللولوة- شفت كيف العرس بمسرحية حقيقية ,الكمبارس فيه البطل والبطل الحقيقي كمبارس- الحياة مسرح كبير والكل يلعب دوره فيها, لكن المصداقية والمبادئ يجب أن تكون دائماً في بالنا, الزيف والكذب هو ما يجعل صاحبه تعيس وشقي. المهم الحياة البسيطة الهنيئة هو ما ينشده العاقل.
ياجماعةنحن وين ؟ نحن طولنا من البلد حليل السودان وقدح الضيفان وفطور رمضان الفي الشارع جنب الدكاكين والزوايا والاعراس الجميلة والفنانين المخضرمين الرائعين ( هذا زمانك يامهازل فأمرحي )
انا بسأل سؤال برىء — هل العريس الشاب بيقوم بالدور فى (الكوشة) بس ولا ؟؟؟؟؟ ولا أيه ؟؟؟
دا فيلم هندي ! طيب اذا كان العروس أخفت عريسها بسبب أنو طاعن في السن أو (شين شديد !!)، ح تخفيهو طول عمرها كيف ؟؟ خاصة أنو المعازيم هم من الأهل والمعارف ولا بد من مناسبة فرح أو كره يشاهدون فيها العريس. بعدين في مية حل أحسن من كدا، كان ممكن يلغوا الحفلة من أساسو، ويختصروها علي حنة العروس. الشئ المعروف والمقبول، أنو العروس تكون مرسلة طرد delivery ف يقوم والد العروس أو أخوها أو أخو العريس بمرافقتها يوم الزفاف . أما حكاية تجيب ليها شاب وسيم (دوبلير)، يطرشننا عااااد.
هو نحنا بنعرف رأي الدين أكثر من الإنتباهة؟
يعني الموضوع منقول من جريدة الانتباهه المملوك للخال الرئاسي كلها كذب لا يصدقها عاقل
اهل الانتباهه يمكن يصدقوها
كلام عجيب
والتمثيلية دي حدها الحفلة والا ما ليها حد ؟؟
يا اخواننا السودان ما انتهى عديل
قصه وهميه والعريس الطاعن فى السن ده موافق على الموضوع ده الطيب مصطفى خلى الجنوبيين خلاص بقى ماعنده موضوع
الكذب حبله قصير أها هسي اتعرف الموضوع
معليش الدين ما عندو راي
الدين عندو حكم
يعني يكون السؤال
ما حكم الدين في ذلك
طيب وكت الجدتعمل شنووووووووووووو؟
سجمي جدا، اقول ليكم لو صحي فعلا حصل الكلام دا – ممكن يكون العريس – الطاعن في السن على حد تعبير الكاتب- ممكن يكون زوج احدى السيدات المشاراكات في الحفل
مش فلم هندي خلينا نشارك في السيناريو
ماذا عمل المدوعيين لهذا الحفل بعد معرفة الحقيقه حيث أن مشاركتهم جريمه وسكوتهم كارثه
دي واقعة جديدة عاوزة ليها إجتهاد شديد… لكن في رأي الخاص بقول بصراحة السودان خلص انتهى مثل هذه الاشياء كنا نسمع به في دول الغرب والآن اصبحت حقيقة معاشة اين نهرب ؟؟؟؟ربنا يبدل الحال بسأن حال وربنا يهدي الجميع …؟
فليم هندي مدبلج للعربية و الدارجية
والدخلة كانت بى منو فيهم ؟
ورقص الجميع على أنغام الفنان الشاب، ثم تناولوا عشاءً فاخراً والعروسان أثناء الحفل يتمايلان في أنس خافت..
ـــــــ وأين الدين مع الرقص
زادوا المصيبة مصيبة
يا جماعة أنت فارغين جدا جدا ، واحد يقول السودان انتهى ، واحد يقول فلم هندي مدبلج ، واحد يقول راي الدين ………..الخ كل مجتمعات الدنيا فيها الفاسد والديوس ، ومن راي البنت والأسرة كلهم ديوسين وفاسدين وعديمين الاخلاق- ولا يمثلوا السودان بشئ……….؟؟؟
لا حول ولا قوة إلا بالله العلي العظيم
كلام عجيب
أكيد ديل حلب بحري
ان الزواج الذي لا يفارق صاحبه الاضطراب القلبي والرعب والخوف من الأهل والأقارب والناس إذا ظهر واشتهر لايمكن أن يكون هو الزواج الشرعي الذي امتن الله به على عباده، وجعله سكنا ومودة ورحمة! لا يمكن أن يكون هو الزواج الذي يكون الأُسَرَ، ويحفظ الأنساب، وينشئ علاقة المصاهرة بين الناس! لا يمكن أن يكون هو الزواج الذي رغبت فيه شريعة أساسُها ( في العقائد والأخلاق والأعمال ) الوضوح والعلانية، ومُوافقة الظاهر للباطن ، وإن الشهادة لم تعتبر شرطاً في صحة الزواج إلا لأنها طريق في العادة لإعلانه وإشاعته بين الناس، وبها يعمُّ خبره، ويشتهر ويستفيض ، فإذا لم تكن الشهادة طريقاً لإعلانه كان اتِّخاذها مجرد احتيالٍ بشهادة صورية على تحليل ما حرم الله ، وكانت لا قيمة لها في نظر الشرع والدين.
والصاح أن يعلنوا زواجهما للجميع واللى يحصل يحصل ومش ح يحصل الا كل خير لأنكما قررتما عدم اغضاب الله عز وجل عليكما…
موضوع فارغ من صاحب الانتباهة لشغل الراي العام بسفاسف الامور ونسيان الجواهر وهي الوضع السياسي والاقتصادي المزري والحروب والقتل والدمار … السؤال متي ينتبه الشعب؟؟؟ صاحب الانتباهة منتبه شديد لتدمير السودان لدرجة سمي صحيفته العنصرية بالانتباهة يجب علي السودانييين الانتباه
الزوج الاول ما جميل وعندو صلعة وكرش ودقن لكن عندو قرش وكوز طبعا…اها الفرق ده ممكن تغطيهو بالشاب الوسيم ولا عندو صلعة ولاكرش ومن الحواته..مافيها حاجة …وكل زول يمشى لى مرة بيتاعو بعد نهاية العزومة.. لاكن لايجوز الايجار ولاشنو يا ناس الافتاء ولا راجين شهر رمضان وهلال العيد بس ؟؟؟؟
إن لم تستح فاصنع ماشئت ..
عروس رفض عريسها الحضور لمشاركتها الفرحة، فرحة الزواج التي هي مرة واحدة ولكي تشبع رغبتها في الفرح إختارت عريس ديليفري وهو قبل بذلك وفرحا ورقصا أمام الناس (يعني لم يختلي بها) واحتمال يكون أخوها أو قريبها أو أخو العريس أو قريبه، بس ياناس الإنتباهة عايزين ليكم موضوع عشان تخلقوا منه قبة أيها الخبثاء غير نبش حال الناس ماعندكم شغلة.
اولا : لم يقول انه في العقد استبدل العريس
ثانيا : هذا موضوع لايصلح فيه الافتاء الا لاهل الفتوي
ثالثا : ينبغي ان تكون الاجابه الله اعلم
يا حليلنا راحت علينا الوظيفة اللقطة دى . بعد ما راح الشباب
والله ياجماعه الموضوع كمل كلامي ناس بحري ديل بجيبوا القيامه زي مره واحد عرس واحد وواحده عريس شده وما تعرف اتفضل ياولدي اتونس مع اخواتك جوه براهم وقصه وبعد ده الواحده تطلع بالليل تقول لي زوجهاماشي مشوار مع زميلي زواج زميلتنا وخلي بالك علي الاولاد بجرجع متاخره والطرطور في التلفزيون ومسلسل حياته قدامو0هوووي ياناس انحنا سودانين رجال كرري وام دبيكرات ماتطلعونال….ه
العريس البديل ده بعدين مابيجي يشترك في المسابقة
الله يهون
للاسف القصة اما من خيال مريض او واحد مشوكش من واحدة فضلت عليهو زول اكبر منو وما بالضرورة يكون عجوز كما قال فى روايته امعانا فى اهانة البنت الادتو شاكوش
والغريب فى الامر هو سماح الصحيفةبكتابة مثل هده القصص التى تسئ الى الاخرين وخاصة اهل
مدينة بحرى والتى احتارها الراوى لتكون مسرح الاحداث ( ربما لان من اعطته الشاكوش من ناس بحرى) وعايز يرسل ليها رسالة خاصة ومحددة
يا ناس صحيفة الانتباهة ىعنى البلد ما فيها اخبار غير الكلام الفارغ دة والماعندو اى معنى او هدف غير الاساءة
انتو مالكم ومالة انشاء الله تعرس الجن الاحمر الواجعكم فى الموضوع شنو ونحنا حا نستفيد ايه لمن نقرأ الكلام الفارغ دة
القصص الدى دة خلوها للصحف المتخصصة فى الفارغات ومافى داعى لدكرها
شوفو اخبار البلد الوقعت فى الهاوية والناسو بقو يتكلمو براهم من شدة الوجع
شوفو اخبار الدولار المترنح وقدر ما دايرين يسندو يدق الدلجة تانى
شوفو اخبار اللبع البقى عندو محامين وعينك يا تاجر والحوافز دقت فى الخمسين مليون