جهاز أمن البشير يمنع تداول انخفاض قيمة الجنيه في الصحف

هؤلاء كالنعامه يريدون تغطية وجوههم وعوراتهم مكشوفه , بدلا من البحث عن حلول لنهضه الاقتصاد المنهار والجنيه السوداني الذي مات وفقد الإحساس والقيمه , اصبحتم تتحدثون عن أشياء تافهه لا قيمة لها مثل جنيكهم , قال يمنع الصحف مافي زول يجيب سيرة ( الغريف ) الذي مات في البحر واكله سمك القرش بعد ان فاحت رائحتة النتنه . حسبنا الله ونعم الوكيل .

طيب انتو الصحف دي تكتب في شنو اي حاجه ممنوع نشرها ولا يكتبو بس في زيارات البشير ذي زيارة البشير الاخيره لعيد (الشهيد)….

وكمان قفّلوا برج البركة وبرندات السوق العربي عشان الناس تكون دايشة ما جايبة خبر!!

كل الناس بتقرأ أخبار العملة الأجنبية من الراكوبــة
يا جهلة

((جهاز أمن البشير يمنع تداول انخفاض قيمة الجنيه في الصحف)) .

فعلاً الجِرسة و الرعب ضاربكم من كل الجوانب وماعارفين التعملوهو ,
قبلها أمرتو الصحف بعدم تناول أخبار الحركات التى تفاوض النظام فى خريطة الطريق بأديس اباابا ,

و قبلها أمرتو الصحف بعدم تناول أخبار فنلة ميسي و بردلوبة لولى الحبشية الحمراء التى تم تكريم المشير بها ,
و قبلها أمرتو الصحف بعدم تناول أخبار مسئول المؤتمر الوطنى المقبوض عليه فى تهمة فساد ,

و قبلها أمرتو الصحف بعدم تناول أخبار شركة نسرين لتعدين الذهب التى يقول النظام انها شركة روسية و سفير روسيا بالخرطوم يقول بأنها ليست روسية و إنما سودانية و مسجلة بالخرطوم ,

و غيرها الكثير الكثير من المواضيع التى منع الجهاز الصحف من الكتابة فيها أو حتى ذكرها فى الجرايد !!
طيب يا نظام السجم و الرماد الصحف دى تكتب فى شنو مادام أى حاجة ممنوع الكتابة فيها ؟؟

ثم ثانياً وِكِت إنتو ماقدر المسئولية و ماقادرين تتحملو عقبات افعالكم ال خجلانين من نشرها قاعدين ليه ماتغورو فى ستين الف داهية , او على الاقل أتركو السكلى و الردحى و الحى ووب . لعنكم الله فى قبلاته الاربعة .

اذا دخلت اي بنك في العالم تجد سعر العملات مكتوب وبالخط العريض
سعر الدولار ما محتاج صحافة ؟ اسأل اي بتاعة شاي قليها الليله الدولار عمل كم ؟؟
اغبياء فعلا ريئسكم محمد عطا

الصحفيين ممكن يسكتو اليسكت تجار العملة شنو

طيب في الصحف ممنوع !؛
كيف الراي مع ستات الشاي ؟؟؟

الافضل ادخال حظر فى محركات شركات الاتصال لبعض الكلمات مثل كلمة الاخضر و ابو صلعة و الامريكى لانو اى سمسمار لضرب تلفون و بسأل الكبار الليلة الاخضر بى كم و هكذا

يااخ والله الحكووومة دي ماااعارف دايره تودينا لي ويين ؟؟
.
.
.
يااخ اها إكتبوو شنوو تااني اي منعتوو تاني الا يكتيوو في الجرايد الزوول البكورك في السوق العربي عصير مركز واحد جنية برتغال مركز واحد جنية 😤😤
يااخ فلتذهب الحكوومة وجهاز الامن الي مزبلة التاااريخ …
بعد دة خلاص قربتوو ماششين في الضياع .. الصبرر بس

الموت الوطني دايريين نصف الشعب يموت والنصف الاخر يعيش يعني طبقات طبقه تلقي قوت يومها وهي فقيره وطبقه برجوازيه

اذا كان هناك امن وقلبه على الدولار فاليسأل من الذي اوصل الدولار لهذه الدرجة عندما جاءت الانقاذ كان واحد دولار يساوي 18 جنيه في السوق الاسود
والان واحد دولار يساوي 16500
يالله يا بناعين الامن العينكم على البلد امسكولنا الزول العمل سياسة التحرير وودى الجنيه في ستين داهية وانتو يا بتاعين الصحف اعملوا اضان الحامل طرشة
لغاية مانشوف الزول الضيع الجنيه ده

جهاز الأمن والإستخبارات هو الذي يحكم السودان وخادم الكيزان يسود ولا يحكم