علمت دارفور24 من مصادر أمنية وحكومية بمعلومات تفيد باجتماع نحو 100 من تجار ومنتجي ومروجي مخدرات “البنقو” في السودان بحضور رئيس اتحاد المروجيين بالسودان ورئيس فرعية شرق دارفور قبل ثلاثة أيام في إحدى غابات السافنا الغنية التابعة لمحلية الفردوس بولاية شرق دارفور لمناهضة الحملات الحكومة ضد تجارة المخدرات.
وبحسب المصدر الحكومي فان اجتماع لكبار التجار والمروجين ناقش كيفية حماية قوافل نقل المخدرات من مناطق الزراعة بمحلية الردوم بجنوب دارفور مروراً بشرق دارفور وكردفان حتى الوصول الى العاصمة الخرطوم، ودائماً ما يستخدم مهربي مخدرات البنقو الدراجات النارية والسيارات ذات الدفع الرباعي المزودة بتسليح متقدم.
ويأتي مؤتمر تجار ومروجي المخدرات كأول رد فعل لمواجهة الحملة التي اعلنتها الحكومة السودانية لمحاربة المخدرات، ومساعي حكومة ولاية شرق دارفور لمحاربة ما تسميه السلطات بالظواهر السالبة والتي من ضمنها تجارة وتعاطي.
وتعد منطقة الردوم الحدودية بين السودان وافريقيا الوسطى وجنوب السودان من أكثر المناطق المنتجة لمخدرات البنقو، حيث تزرع فيها آلآف الافدنة في كل موسم زراعي، بينما تنظم قوات الشرطة السودانية في كل عام حملة عسكرية للقضاء على مزارع البنقو، وتقع مواجهات مسلحة بين قوات الشرطة والمروجين وتجار المخدرات في الغالب يقع فيها ضحايا من الطرفين.
وفي العام 2021م لقي 15 شرطي مصرعهم في كمين نصبه منتجي وتجار المخدرات لقوة من الشرطة كانت تنفذ حملة ضد منتجي المخدرات في منطقة سنقو التابعة لمحلية الردوم.
وأكد مروج سابق- طلب حجب اسمه- لدارفور24 اجتماع المروجين باحدى غابات الولاية بهدف التنسيق وأنشاء صندوق لاعالة أسر المروجين الذين يقعون في قبضة الحكومة، أضاف: تعاهدوا فيما بينهم على الدفاع عن تجارتهم بتوفير تسليح متطور وأجهزة اتصال خلوية “ثريا” وذكر أن من مخرجات الاجتماع دفع دية كاملة لأسرة كل مروج تتم ادانته في قضية مخدرات .
دارفور 24
بداية حملة تلميع جديدة لحميدتي الذي حسب السيناريو سيهاجمهم ويقضي عليهم وينقذ عصافير الخرطوم من الضياع
والله انتم بعيدين مليار فرسخ عن الإسلام وربنا ميز الإنسان عن بقية مخلوقاته بالعقل وانتم تغيبون عقله فهل تفكرون فيما تصنعون وهل تدبرون ليوم لقاء ربكم
لو اى شخص دخن هذا البنقو وفقد عقله وتشاجر مع زوجته وقتلها الا يكون زارعه ومن نقله إلى الخرطوم ومن تاجر فيه جملة أو قطاعى محاسبون
عودوا إلى الله وشوفوا اى بديل تزرعونه فى هذا المناطق حتى لو كان ربحه اقل فسيجعل الله فيه البركة وتذكر انه رزق حلال
والله انتم بعيدين مليار فرسخ عن الإسلام وربنا ميز الإنسان عن بقية مخلوقاته بالعقل وانتم تغيبون عقله فهل تفكرون فيما تصنعون وهل تدبرون ليوم لقاء ربكم
لو اى شخص دخن هذا البنقو وفقد عقله وتشاجر مع زوجته وقتلها الا يكون زارعه ومن نقله إلى الخرطوم ومن تاجر فيه جملة أو قطاعى محاسبون
عودوا إلى الله وشوفوا اى بديل تزرعونه فى هذا المناطق حتى لو كان ربحه اقل فسيجعل الله فيه البركة وتذكر انه رزق حلال
لا يحدث الا فى السودان جمعية مروجية ومنتجى البنقو ومنظمة قومية لحماية انتاج وزراعة البنقو وعينك ما تشوف الا البنقو يا حكومة والله يكون فى عون اولادنا ويحميهم
ابدا ما بلومكم و الله.
عمار عمار يا دار فور
دمار دمار يا دار فور
– شكراً دارفور لتنمية النهضة الزراعية البنقويه و بلاش قرف التمباك
– ركوه دي فُرصتك احسن تبرُك فيها و صدقني حلفائك اولاد فيفي المحشِشاتية سيستوعبون كافة المنتجات و كدي باي باي الخابه
بينما تنظم قوات الشرطة السودانية في كل عام حملة عسكرية للقضاء على مزارع البنقو،!!!!!! يسيبو الفيل ويطعنو فى ظله .الاعدام لكل تلكم الرؤوس كما هو القانون فى اغلب دول العالم .
الله لا يبارك فيكم
كضااااااااااااب وابوك كضاب
كل الموضوع اشانه سمعه الدارفورين
نفس القذره الاستخدمات في الجنوب.
هم الدارفوريين محتاجين اشانة سمعه يعني
من الله خلقنا البنقو بجي من دارفور والتمباك من دارفور والاجرام من دارفور
ياخ ناس تتماوت في ست شاي وعلبة سجاير وشاحن موبايل
معروف من قديم الزمان للشعب السودانى ان كبار قادة الأجهزة النظامية هم من يقومون بالتعاون مع صغار الضباط بإدخال وتوزيع وحماية المروجين .
العلة فى الأجهزة النظامية نفسها
زمان سمعت من واحد دكتور بيقول انو قبل ما تمنعوا الشعب السوداني من البنقو أمنعوه من أكل الشطة ..!
و ليه لأ .. ما يعملوا مؤتمر .. إذا كان المخدرات الضبطوها قبل شهور واحدة من الحركات طالبت بفكها لانها بتخصها..
و ما أستبعد انو ناس الردوم و كفية قنجى و كفن دِبِّي البزرعوا البنقو ديل مرتبطين بالحركات .
و كمان برضو الجماعة أكيد عندهم رؤية ، أكيد في توصيات و تدابير ستتخذ في نهاية المؤتمر ، يساعدوا الحكومة بزيادة إنتاج الكنافس و يرخصوها عشان الشباب يبطل يستعمل المخدرات الشرسة إياها ..
…التحية لشعب السودان التعِس ..
اها ديل ح تقضوا عليهم ولا ح تعملوا معاهم اتفاقية سلام
قمة الماساة دي نتيجة صناعة الفوضى والانفلات المخدرات يتم استخدامها كسلاح ممن يفترض به حماية الشعب من خطرها ومن الراعي لنشر وترويج المخدرات؟ انها الحكومة نفسها لتركها الحبل على الغارب لحليفها حركات دارفور لتجلب لنا السرقة والنهب والخطف والمخدرات انه زمن الفوضى والعبث ياسادة
علينا النظر بصورة شاملة لموضوع زراعة الحشيش،فهنالك دول تزرع الحشيش ،مثل ايطاليا ودول بدأت في التصريح باستخدامه للعلاج ولاغراض اخري.
في اسرائيل اكتشف اب لطفلة بان الحشيش يساعد ابنته المصابة بمرض الصرعة ويفيدها.
من واجب الدولة النظر في تصدير الحشيش لاغراض التصنيع الدوائي.
مع مساعدة المنتجين..وايجاد بدائل مجزية..أو دعمهم إترك هذه الزراعة
كل البلد دارفور
اي و الله دي المصيبة الدخلونا فيها عواليق قحت و بقوا يولولوا من حركات الكفاح و النضال المصلح.
((اجتماع المروجين باحدى غابات الولاية بهدف التنسيق وأنشاء صندوق لاعالة أسر المروجين الذين يقعون في قبضة الحكومة))!!! الجماعة ديل بشبهو لي منو يا ربي؟؟!!!!!
الحكم المدني بيعرف يقعد الناس ديل في علبهم لان المجرم الحقيقي مسؤول بالدولة هل الناس نسيت عملية ضبط شحنات وتم فكها كل الملايش بالسودان خونه شرقا سليم مبرووك قام بفك قوافل من الابل الاناث بعد ما ضبطتها قوات الشرطة مناوي فك شحنات من البنقو هذه الملايش والجيوش مرتزقة تعمل ضد الوطن والمواطن وتتحدث باسمه تهميش والخ…… لماذا الاغلبية يرفضون الحكم المدني يرفضون التحول الديمقراطي ويصروا بالاحتفاظ بالملايش لحماية تجارتهم المممنوعه وسرقة موارد الدولة الناس ما صعب تتجند وتحمل سلاح لكن ليس في مصلحة الوطن والابرياء لكن قد تجروا الناس وبعدها بتعرفوا مخاطر الملايش والسلاح على الدولة اذا وجدت دولة اين الوطنية دول تتلاعب على امننا واطفالنا طلابنا بواسطة المخدرات
العلة ليست في مروجى المخدرات… بل في ارادة الشعوب. .. فالشعب الفاقد اﻻرادة تنتشر فيه بشدة المخدرات والكحول والزنا والبطالة. ..في الصين عندما قامت الثورة يتم اعدام كل مدمن ﻻيمكن علاجه. .فتحولت الصين من أكبر دولة مخدرات الى ما نراه اليوم
عشنا وشفنا اتحاد لمروجي السموم ….الزول التايب ممكن يرشد قوات المكافحة لتدمير اوكارهم واشخاصهم ويكون في حماية الشرطه والاحسن في حماية الجيش
لا أسكت الله لك حساً السيد / منى أركو مناوي. حاكم دارفور الكبري
( مبادرة مصرية تشيف، إجمتاع المروجين ما تشيف )
عالم تخاف ما تختشيش…😒 🚶♂️ 🚶♂️ 🚶♂️
الرجوع الي ما قبل اتفاقية 1916 و بتر هذا السرطان المتنامي حتي ننعم بالامن
سجمناااا كماان حصلت للمخدرات والبنقوووو ودا كل من القحاتة وحميدتي الملاعيين عاوزين يفكو البلد دي ويتاجروا في البنقووو واحتمال كبير امريكا تكون فيها كل يوم اجتماعات في دارفور وشنو وشنو تاريها عاوزة تزرع لينا البنقو وتبيع لناس الامارات وافريقيا كما هي دخلت افغانستان وزرعت الافيون والايس وعملت تجارة منو ووزعت لكل الدول ربنا يحرقها بي جازززز وبعدين يالبرهان لو دكتور بلدو داك قال ليك علاج الايس بي البنقو يبقي كاذب لانو ماعملوا ليه دارسات ولو كان الكلام صحيح الدول المتقدمة مثل امريكا كانت استبدلت الايس بي البنقو ومايقشكم القحاتة وتقوموا تصدقوا مافي حاجة اسمها علاج مخدر بي مخدر اخر ودا هو الذي سوف يودي البلد في داهية وداهية تاخذ حميدتي والقحاتة الملاعيين وهووووي ياناس دارفور زراعة المخدارت البنقوو في اراضيكم اكبر خطر ليكم وسوف يجيب ليكم الامراض الخطيرة وتخلف الاجنة والعقم ووو ولن تسلمو منه حاربو هؤلاء النار احسن اعدمو كل تاجر في ميدان عام
ومن توصيات المؤتمر ؛ طرح البنقو بديلا للآيس.
بعد شوية الجماعة ديل حيمشوا ياخدو كورسات مع كارتلات المكسيك و كلومبيا , طبعا لازم يطوروا تجارتهم و أعمالهم بأحدث الاساليب تهريب و توزيع, وما بعيد يكونوا عندهم فعلا علاقات على مستوى القارات.