الجاز : تخريب منشآت “هجليج” تم بواسطة خبراء أجانب

ادينا كبايه من بترول هجليج ده يا عوض

ولكن يا بعاتي الاقتصاد السوداني ساهم في تدميره خبراء ولصوص محليون من امثالك وكل من ينتمي للمؤتمر الوثني وكفوة الافساد العفني……قاتلكم الله يا اشباه الرجال ولا رجال. …

يا ربى اسرائيليين ؟ بكرة نفبرك لينا علم اسرائيلى و نجيب ليكم انتظرونا…

هو عوض الجاز بعد أن ملأ وزراة المالية بأفراد قبيلته رجع تانى لوزارة الطاقة عشان يكمل المهمة البدأها فى الطاقة و لم تكتمل ليعيد ملئها بجماعته من جديد؟ و هو عمل لولده شركتين يبلغ رأسمالهما 30 مليون دولار، يمكن عاوز يعمل لباقى أولاده شركات برضو.

طبعاً بصواريخ ايرانية و فى مرتزقة ليبيين كمان. هيييييييييييي.الله يصبرناعلى جنس البلاوى النحناغرقانين فيها دى, شوفو وشو يا اخوانى واستغفر الله العظيم.

إن تخريب المنشآت النفطية فى منطقة “هجليج” جنوب البلاد تم بواسطة خبراء أجانب فى البترول،
طيب ياترى الخبراء ديل تم القبض عليهم من ضمن الأسرى أو وجدت جثثهم من ضمن القتلى حيرتونا والله كفاية كل واحد منكم عامل ناطق رسمى

خايفك يا غالي تسرح طوّالي

و تعبر بحوراً تغرّق آمالي

وتقول ما براي معاي أخوالي

تذكّرني البَنّا و أيّامي الخوالي

ديلك جافوني ثمّ نفوني ياغالي

قالوا لي إتهنّا في كندا طوّالي

دقّوني قالوا إلى الجنّة طوّالي

هناك أنا ما قمت بعّاتي ياغالي

جيت من هناك إلى بلد أخوالي

قلت أحسن لي يكون بلد خالي

من غير النّاس القايمين أمثالي

داهمتني فكرة أحزاب التوالي

ود برّات في سابع نومة ياغالي

ود إدريس مُعتاد تدقيس خيالي

القايم علي عثمان أيّدني طوّالي

وجذبنا مجذوب الخليفة طوّالي

عبدالرحمن خليفة خلّفنا طوّالي

وسيّخنا الطيّب بالسيخة طوّالي

معتصم عبدالرحيم أيقن أقوالي

ومصطفي عثمان لحّن أقوالي

قام حاج إبراهيم أيّد كُلّ أفعالي

باع درجات قبول لتعليم عالي

قام ود الحاج رفع تحيّة لجلالي

قام ود السنوسي إنبهر بأقوالي

حفظ أسراري لِكَيْ أبقى متعالي

عبد الحليم قال حلّمتني يا خالي

ثمّ قام المحبوب حبّاني طوّالي

قال بموت فيك حبيبي يا غالي

الشبح المشلّخ قال بيوتنا خوالي

كُلّ شبح يسترجع أيّامنا الخوالي

يجيب الزملاء لمؤانسته طوّالي

قلنا ليهُ دي ما السياسة يا غالي

قام المشنقح بالإعتقالات طوّالي

وعبثنا بالمعتقلين العبث المثالي

فقام الشبح العتباني أيّدنا طوّالي

قام الشبح الخطيب أيّدنا طوّالي

وقام الدرديري دردرنا طوّالي

عبدالرحمن أمين زوّرنا طوّالي

قام فتحي ود خليل خاللنا طوّلي

الشبح كمال العبيد عبدنا طوّالي

قام أمين العُمَر آمن بينا طوّالي

قامت سعاد الفاتح أيّدتنا طوّالي

بت الخليفة قالت أبدعت ياخالي

وبنت أحمد محمّد أيّدتنا طوّالي

بنت يعقوب قالت دا كلام حالي

الصافي جعفرقال مشهد جمالي

إن دَلّ على الكبرياء أو التعالي

إنّما يدلّ على عظمتي و جلالي

أنا المُكفّرالمُقتّل للمُفكّرين أمثالي

الذين بلغوا درجة الأصالة قبّالي

محمود محمّد طه المفكرالمثالي

لحّقتهُ أمّات طه وإحتلّيت الخالي

محمود شريف قالّنا وهم خيالي

ود حمدي قالّنا مُثلّثة يا أخوالي

التجاني قال خصوصيّة الأهالي

الأفندي قال ديمقراطيّة يا خالي

الطيّب زين عابدين قال أنا سالي

الجميعابي قال البشيرهو السالي

البشير سلاني و قال أنا السالي

ما فهم اللّعبة المكنونة في خيالي

بيجيهُ يوم يبقى حالُهُ زي حالي

حسن مكّي قال شطحاني خيالي

وهو شطحانهُ أكتر من الخيالي

قام عوض جازين قال يا خالي

ماليزيا والصين ساكنين خيالي

والبترول بترولي مالكم ومالي

تصدق رؤياي و تتحقّق آمالي

في قطر ثمّ دبي أمتلك العوالي

ماليزيا تكون بيت مالنا الخيالي

لمؤتمرنا الوطني جناح أخوالي

وزارة تجارة خارجيّة يا أخوالي

أيضاً لازمانا لتمويلنا يا أخوالي

أيّ شئ جماركُهُ قدرُهُ يا أخوالي

الهادي قال عوض جادين مثالي

إبراهيم غندور قال وضع مثالي

قطبي المهدي قال حزب مثالي

مندور المهدي قال حزب مثالي

مهدي إبراهيم قال حزب مثالي

وأحمد عبدالرحمن أيّدنا طوّالي

كُلّ تيراب البنيّة صادقنا طوّالي

قامت أشباح مايو أيّدتنا طوّالي

أشباح الخلافة خلّفوني طوّالي

قام صادق عبد الله أيّدنا طوّالي

و أخونا الحبر قام بينا طوّالي

ثمّ قام عبد الجليل كرّانا طوّالي

حتّى القايم الهندي أيّدنا طوّالي

والطيّب مُصطفي شدّانا طوّالي

ثمّ إمتطانا إلى مأربه الإنفصالي

المُبَدّل ود فضل الله قدّانا طوّالي

تنوك وقودنا غدون من الخوالي

إنتصفنا طرائق نهوضنا العوالي

فرجعنا القهقرى من تلك العوالي

وصدمنا بأعقابنا أحقابنا الخوالي

في آخرالمطاف أدركنا يا غوالي

زمن البعاعيت قد ولّى يا غوالي

ثمّ أصبح ذكريات أيّامنا الخوالي

(وقال إن السودان قادر على تجاوز الخسائر،)كضااااااااااااااااب احن مالقين ناكل من وين قدرة تموتو بالجوع علشان تانى نعمل منشاه بترول جديدة تصب فقط فى كروشكم السودان ماقادر عيدو لينا منشاتنا من القروش السرقتو وعملتو بيهو شركات وارصدة فى بنوك خارجية…. بلاء يخمك لى جهنم الحمرا شاكياكم لى رب العالمين

يا سبحان الله حتى التخريب اصبح محتاج خبراء في السودان يعني الاسلاميين خبراء بامتياز

بدينا في الكلام الما جايب حقه هل مسلسل النواح هذا سيتواصل

زمان الشعب السوداني الواعي اقسم ان الكيزان كذابين
هم لم يدخلوا هجليج عنوه بل كما قال نافع ارتكزت ميشياتهم في الكيلو 20 شمال هجليج. ارتكزت مليشياتهم هناك حتي يكمل الجيش الشعبي انسحابه كما هو متفق عليه مع المبعوث الامريكي
لان من الطبيعي اذا كانوا استردوا هجليج بالقوه لكان دمروها هم نفسهم بانفسهم
لانك لا يمكن ان تقذف بالمدفعيه الثقيله والراجمات وتجي تقنعنا انك حافظت علي حقول النفط وان فقط منالك شوية حرائق تمكن الفنين في وزارة الطاقه من اخمادها في خلال يومين فقط … هذا كذب وخداع لا يمكن ان يصدقه الشعب السوداني الواعي
الحقيقه واضحه هي اننا انهزمنا في هجليج شر هزيمة من دولة حديثة التكوين. لأنن في الحقيقة لانملك قوات مسلحة سودانية بل نمتلك قوات مليشيا تابعة للمؤتمر الوطني لا خبرة لها ولا دراية بعلم وفنون العسكرية … ” فقط هجموعه من المهوسين … ماهدين والدفاع الشعبي والدبابين” والذين ليس لديهم خبره في سلاح المدرعات والمشاة والدفاع الجوي وبقيه الاسلحه. لقد تم تفكيكك الجيش واختزاله ليصبح مكون من هؤلاء المهوسين التابعين للمؤتمر الوطني
الكيزان وجدوا انفسهم في ورطه … الشعب السوداني صحي من التخدير والضبابيه التي عملها الاعلام الحكومي والنشوه بتاعت الانتصار الزائف
الشعب السوداني بدآ يحلل في الموضوع ويشوف ان كان منطقي او لا
طبعا الشعب السوداني يعجبك … تحليل في المواصلات وفي الاحياء وفي المآتم وفي كل مكان والاشاعات الان منتشره في كل العاصمه المثلثه وكل الناس عرفوا ان الكيزان كذابين
عشان كده حاول قائد قوات هجليج الغبي ان يكحل الحكايه ويبرر ولكن عماها زياده
قائد قوات هجليج الذي هرب مع مليشياته وترك هجليج لقوات جنوب السودان اقر بانهم لم يدخلوا هجليج عنوة كما اوضح اعلامهم الكذاب … ولكي يقنع الشعب السوداني قال كلام غير مقنع بالمره … قال انهم اعتمدوا على القتال بالأيدي للحفاظ على المنشآت النفطية
لاحظ القتال بالايدي في القرن الواحد والعشرين
الله يسلط عليكم يا كيزان … خربتوا السودان بلد العديل والزين

طبعا المطبلاتية ديل فهمهم بالحيل كعب …. لو بناكل وجبة واحدى فى اليوم وكمان الوجبة عبارة عن بوشة اكيد مالقين ناكل لانو الشعب حتجيهو سؤا تغذية فى الشهور الجاية طبعا انتو بتاكلو خمس وجبات ماحتحسو عمركم بناس الموجوعة ومالقية تاكل دا جانب اما الظلظ وماادراك مالظلط بلاهى هو داظلظ البيتعمل 3 مرات فى السنة ويتجدد سنوية دا؟؟ ولا باب مفتوح للماكلة كل سنة

طالما أن الخراب حصل بواسطة خبراء أجانب فإصلاحه يحتاج أيضا لخبراء أجانب يعني هذا تمهيد للفاتورة الكبيرة و العضة المدنكلة التي سيأكلها الجاز و أصحابه

وقال الوزير إن المهندسين والفنيين يعملون فى وسط النيران للسيطرة على الحرائق وإعادة البناء والتعمير للمنشآت، فيما تعهد العاملون فى حقول النفط وشركاته بالعمل بأسرع ما يمكن فى كافة المرافق وإعادة البنى الأساسية

كيف ما بيطفوها دي ما النقاطة حقتك انت وعصابة علي بابا وهم لهم الفتات ولكن الفتات دا في نظرهم حاجة كبيرة اما الشعب فله الله العادل الجبار المنتقم، وانت ما صدقت جريت مستعجل على البترول وداير النقاطة الوقفت دي ترجع تجيب لك ابوصلعة ابوصلعة اليفتفت عظامكم كلكم يا منافقين

همك تكبر وتزيد شركاتك وشركة بنتك في الامارات

يا لصوص لعنة الله عليكم

والله حرامية زيكم ما شفت يا ناس الانقاذ, بالله عليكم رجعونا من محل انقذتونا,يقطع البترول ويقطع سنينو,بتمشو من الله وين

يعني الحركة الشعبية دخلت هجليج للسياحة وللترويح عن الجنود ، بديهي انها تقوم بتدمير حقول النفط لانها تشكل مورد لتسليح الجيش السوداني فلابد انها تقوم بذلك والسؤال لماذا اصلاً تفرط الحكومة في حماية هجليج من البداية بدل هذه الولولة السياسية والعويل والنحيب

خليتو لي شنو
من العنوان يعني مافي بترول
بكلم أمي كان جات

تعيش مُنشآتك يا أجمل جميل

تعيش إنت و تحقّق الحُلم النبيل

حلم حزبك رغم أنف المُستحيل

شريك حلمك يعيش عنوة عديل

عيش النّاس بعد قيامكم يستحيل

يا القايمين ثمّ حاكمين لكلّ جيل

عُنوةً ثمّ إقتداراً ثم نكراناً للبديل

لقد صدقتم لأنّ موتكم يستحيل

تأشيرة خروج ثمّ عودة يا جميل