استقالة (12) من خيرة علماء وكوادر الطب من جامعة الخرطوم
الخرطوم: أبوالقاسم إبراهيم
دفع (12) من خيرة الكوادر والكفاءات العلمية بكلية الطب بجامعة الخرطوم استقالاتهم مفضلين الهجرة خارج السودان، أبرزهم الاستشاري بأمراض الكلى ومدير مركز نورة لأمراض وجراحة الكلى اطفال (الوحيد في السودان) د.محمد بابكر عبد الرحيم، فيما اعتبرت وزارة الصحة بولاية الخرطوم أن هجرة الكوادر الطبية إلى خارج البلاد تمثل كارثة، وعزت الأمر للازمة الاقتصادية التي تعيشها البلاد.
وقال عميد كلية الطب بجامعة الخرطوم البروفسيور عمار الطاهر خلال مخاطبته احتفالية نظمتها مستشفى سوبا الجامعي لوداع (د.محمد بابكر) أن كلية الطب بجامعة الخرطوم فقدت (12) من خيرة علماء وكوادر الطب من حملة الشهادات العليا (بروفيسورات ودكاترة)، مشيراً إلى خطورة هجرة الكوادر العلمية الرفيعة إلى الخارج، وأضاف “احدى الدول العربية الصديقة فتحت عددا كبيرا من الجامعات واصبحت تستقطب الكوادر السودانية في شتى المجالات”.
من جانبه اكد المدير العام لوزارة الصحة ولاية الخرطوم د.صلاح الدين عبد الرازق أن هجرة الكوادر الطبية إلى خارج البلاد يمثل كارثة، مشيراً إلى أن الاطباء الذين غادروا السودان مؤخراً يمثلون علماء وكفاءات نادرة في مجال الطب.
السوداني
مع ألف ألف ألف سلامه !!!!!!!!!!
مش وزير العواسه قال حكومته بتصدر الدكاتره والنبق
والبشير ابوحلقوم مورم قال بعد اضراب الاطباء افصلوهم كلهم
هي حكومه مابهمها العلم ولا التعلم .. دمرت التعليم وخلته تعليم خاص
وبعدين مافارقه معاهم البشير بتعالج واهله المجرمين بره ووزير العواسه بعالج اضان ولده في امريكا بقروشنا
وشيخ دجل الحي بتعالج في المانيا الكافره
ورئيس مجلس التصفيق بتعالج في السويد
والاسود العنزي بغير دمه في تركيا
طيب الدكاتره لزموهم شنو في السودان خليهم يغتربوا عشان يجيبوا عمله صعبه لاولاد ابوالعفين
ماهي المسألة مقصودة وممنهجة للتجهيل وتدمير الموارد البشرية والسبب معروف
بس ليكم يوم شردتونا بس ربنا انتقم منكم ويجعل كيدكم في نحركم امين
الله المستعان ديل ناس الانغاذ لاوالله ديل ناس الدمار يتكلمون عن الاسلام
ناس الانقاذ هم عارفين كل شئ حتي مهنة الطب و حرموا اطباءنا الاجلاء من حقوقهم و طردوهم من ديارهم لعنة الله علي الاسلاميين الابالسه
يا ربي الدوله هذه ما محتاجه سياسيين يخلصونا من البلاوي القاعده فوق صدورنا دي ؟!!!
هذا الذى الذى جنبناه ممن وليت لهم امورنا فى هذه الدنيا ولكن وقد صلت علينا من اعمالنا
والله شىء مؤسف حقا – هجرة الدكاترة – والكفاءات السودانية – لكن نرجع نقول لهم الحق فى ذلك – لاصلاح حالهم وحال اسرهم –
ان ميجرة العقول في كافة المجالات اتخذت منحننى خطير لان الوضع في السودان العام يشكل حالة ميؤس منها ولا علاج لها فاذا اردت ان يبدع هؤلاء يجب ان توفر لهم ابسط مقومات الحياة ومقومات بيئة العمل والبحث العلمي فلماذا يبدع السودانيون في الخارج؟ لان كل شيء متوفر فيركزون على عملهم وابحاثهم بعيدا عن السياسة ودهاليزها وعندما تسوء الحال المعيشية يلجاؤون للخوض في السياسة لان الجمرة بتحرق الواطيها فقد كنت اعرف الكثير من الانجليز ولان كل شيء ممهد لا يتعاطون من السياسة الا النذر القليل وهذه القامات اذا اشتركوا في مشاريع البحث كانوا في المقدمة وتعال شوف السودان البلد الذي يصرف على الحفلات اكثر من على مشاريع البحث العلمي وهذه سائدة في بلادي منذ زمن الاتحاد الاشتراكي – انصاف المتعلمين والجهلة والغانيين في المقدمة ولا احترام او مكانة مرموقة لعالم فهؤلاء العلماء اينيما حلوا فهم في خدمة البشرية ولك الله يا وطن
أبدآ مافيش مشكلة د. بابكر محمد عبدالرحيم يمكن ان يحل مكانوا الشاب الإشتغل دكتور لمدة كم سنة ماعارف بمدينة عطبرة. والله زمان ياسودان الهنا .
سياسة الانقاذيين الفاشلين الجهلة هي التخلص من الكفاءات حتى يطبقوا القول الماثور ” بلدا ما فيهو تمساح يقدل فيهو الورل” … اورال الانقاذ منذ ان استولت على السلطة تعمل على تشريد و تهجير و التخلص من الكفاءات الوطنية ليخلو لهم الجو .
اذا مرضت فى السودان اما ان تكون عندك قروش كتيرة لكى تتعالج فى الخارج او ان ترجى الراجيك- وانت عارف الراجيك شنو
سافر تجد عوضاً عمن تفارقه وانصب فإن جميل النصب في السفر
فالاسد لولا الفراق ماافترست والقوس لولا فراق السهم لم يصب
والله انتو صبرتو الدابكم عاوزين تهاجروا ياجماعة نحن هجين من سنة 95 وفي ناس قبلنا بثير ( انجو سعد فقد هلك سعيد )
البشير دمرها وقعد على تلها
يهاجرو السودانيين كلهم لكن هو يقعد يكسر ويدمر ويعذب ويقتل ويسرق وينهب ويعمل كل الموبقات
فهو الملك الذي ملك السودان واصبح يوزع ويبيع فيه لمن يسوى ولا يسوى بل ويدعو الاخرين للهجرة اليه والاستيطان به
اقعد يا نيرون زمانك
خلوها ليك
دمرتنا الله يدمرك الله ينتقم منك
ومن الكلاب المعاك
أصل الحكاية أن هذه الكوادر قالت أحسن تهاجر من بدري قبل ما يتم تجفيف المستشفيات بواسطة وزير صحة ولاية الخرطوم المستثمر الكبير في صحة الإنسان السوداني المغلوب على أمره والمبتلى بحكومة الضلاليين الفاسدين.والمدير العام لوزارة صحة الولاية قال: ((إن هجرة الكوادر الطبية إلى خارج البلاد يمثل كارثة)) لكنه لم يوضح لنا الأسباب وراء هذه الهجرة الملحوظةوكيفية معالجة هذه الأسباب لأنهم لا يودون خيراً للمواطن المسكين.والمصيبة الكبرى أن هنالك عدد مقدر من متنفذي العصابة الحاكمة من فئة الأطباء ولم يقدموا أي شيئ يذكر لصالح صحة المواطن بل اغتنوا واسثمروا وتاجروا بأمواله وباسم الدين.
اخى العزيز الذى هو ناحج لايترك بلده بعدين خلى الكذب هل نحن عندنا علماء فى الطب اتقى الله هؤلاء حرامية وجزارين قل لى ماهو الطبيب المحترم او الانسانى فى السودان ديل لايدرسون محاضرة ولايعملون بمستشفيات حكومية وكل وقتهم فى العيادات الخاصه فليذهبوا الى الحجيم وليس السودان محتاج لهم
الذى يهاجر من بلده هو فاشل فقط ولاتعقلوا اى شماعه على النظام والحكومه خلينا منفصين شوية ونستطيع تميز الخير والشر
نحن ماعندنا اطباء عندنا حزارين ومنفعين – اخى العلاج فى مصر ارخص واحسن من اى طبيب سودانى تقول عليه متميز بس نحن بنكذب على انفسنا
الذين ذهبوا ربنا يكتب لهم التوفيق ونحن ليس فى حاجه اليهم لانهم لم يستفيد منهم المواطن الفقير ولا طالب العلم
واتمنى من ابوالقاسم ان يكتب شئ مهم وذو فائده للناس وخليك رجل مع الفقراء
لماذا يذهبون هؤلاء الناس نريد الاجابة من الحكومة لان الذين يهاجرون ليس كودر الاطباء نجد الاساتذة ومهن اخرى كثيرة هاجرت وستهاجر اذا الحكومة لم تضع الامر في الاهمية
يا جماعة دي سياسة من الحكومة حتي تطرد جميع المثقفين وما تنسوا انهيار التعليم بالسودان بسياسات مدروسة وايفاد ابناء المسولين والمؤلفة قلوبهم للدراسة بالخارج حتي يضمنوا تخلف ابناء السودانين ونيل ابناهم التعليم بالخارج ليصبحوا الجيل القادم لحكم السودان انها خطة شيطانية وقد نفذوها باحترافية عالية انظر اليوم لخريجي الجامعات وقارن بينهم وبين خريجي المتوسطة في عهد نميري رحمه الله فقط في مادة اللغة الانجليزية سوف تجد العجب العجاب
كويس :..خلى البلد تتملى بالكناسين والعمال اصحاب المهن الهامشية من ستات شاى اجانب وسمكرجية ودهانين وسكابين … بينما الاطباء والمهندسين والاداريين ابناء البلد يغورو فى ستين داهية… نزيف العقول والكفاءات …. وتكدس العمال غير المهرة…. بالتالى سنجد نفسنا بعد سنين معدودة : مجموعة من الحمقى
أولا تسلم ياوطن
بالعقل والمنطق أذا كان السودان بلداً يشجع الاستثمار بكل أنواعه ،لما هاجرو السودانين الى المهجر .
أذا اتت شركات ومصانع تعود بالفائد للمواطن وقفو عليهم تجارد الدين بالضرائب والجمارك العاليه لى كى لا يرتقى المواطن ويعيش كمثله يتمتع بالرفهيه . ان هذه الموتمر يفكر بعقيله قديمه منذ23 عام واليو م التفكير يختلف هم يتبعون ساسة جوع كلبك يتبعك ،أسف كان هذافى الماضى ،وهنا نحنو اليوم ………؟؟؟
إن المستثمرين لا يحبزون الاستثمار فى السودان ، وبتالى لاتجود فرص عن عمل الابعد الواسطه ،أو ان تشترى الوظيفه ايعقل هذا .وتقول لى ماتسافر أنا مافى ولايه فى السودان ماقدمت فيها تقول دى بلد دى ماسوره ولو مافكيت الماسوره بخر عليك المويه فهمت على يعنى أجوع أسرتى ، وهتك عرضى لالالالالالالا
ههههههههههههههههههههههههههههه
داكلو هين الاصعب من كدا هو الشيطان هاجر من السودان لماسالو لية يا شيطان هاجرة من السودان فقال غلبنى الشعب السودانى فى النفاق والكذب والدجل قال ديل يكذبوويكذبوويكذبو فى الاخر يقولو الله الكبر هى لله قال ديل انا اقول ليهم شنو ديل فاتونى فى كل شى
فى قصة الطاعون فتك الطاعون باعداد هائلة, ظل مخيما حالة من الفزع والسكون. لكن رجلا من مسكنه سمع صوت نجار يواصل عمله.
لاتوقفوا الكلام ياناس الراكوبة-محررين ومعلقين- مهما بلغ وبلغ الامر.
آه آه آه لك الله يا سوداننا الحبيب !!!!! آه لك الله يا سودان العزة والكرامة آه من مصائب تأتي من أهل الديار !!! وآهٍ من ظلم قتل أهل الديار وآه آه واحسرة علينا وعلى سوداننا الحبيب … شكوناكم لرب العالمين يا هؤلاء شكوناكم للواحد الأحد الفرد الصمد ..شكوناكم شكوناكم …
رد علي الحساني
يا اخي والله انت متخلف متخلف…مين القال ليك البهاجرو هم الفاشلين.لان انت فاشل وهاجرت فهذا مقياس؟؟؟ والله الواحد بفتخر بانو ماهر في مهنته بشهادة الجميع مع ذلك هاجرنا عشان بيئة العمل القذرة في السودان في زمن الانقاذ
أكاد أجزم بأن الشعب السودانى قاطبه لا شك سيرحبون بهذه الخطوات التى تدعو الى هجر العمل بأى شكل من الاشكال وهروبهم المشرف كوسيله للتعبير عن رفضهم لسياسات النظام التى قادة البلاد الى عصور ما قبل التاريخ ولقناعتهم التامه أن العمل تحت إمرة نظام الانقاذ يجلب لهم ولاسرهم العار والشنار ولا يشرف أحد حتى ولو كان منتميا اليه.. وإن جاءت متأخره..فلا بأس (ان تأتى متأخره خير من ألا تأتى) وهكذا سوف يستبين المواطن السودانى (اللص) الذى قبل العمل فى ظل النظام وإستمر فى عمله من (الشريف) الذى لا يبيع ذمته وضميره مهما كانت المغريات ويسجل لنفسه ولابنائه من بعده موقفا يزهو ويتفاخر به وهذا كان ديدن نخبتنا وصفوتنا على مر الزمان والشعب السودانى درج على تثمين خطواتهم الرائعه وإنتفاضة مارس/إبريل85كانت شاهده على إضراب القضاة وتلاها إضراب الاطباء ثم توالت الإضرابات ثم كان العصيان المدنى الذى دفع الشعب للتخلص من نظام مايو كليتا فى أقل من ثلاثة أيام !!ولا ننسى دور الشرطه الذى إنحاز لجانب الشعب ثم تبعته قواتنا المسلحه وكان بيانهم الاول ونحن نشهد للشرطه والقوات المسلحه إنهم لم يطلقوا رصاصه واحده تجاه الشعب لأن إحساسهم كان من إحساس الشعب وعانوا بمثل ما كان يعانى المواطن وكانوا يقراؤن ظلم النظام وجوره فى عيون أهاليهم وكانت قناعتهم أن النظام وقتها صار مهترئا وباليا وبأئسا ولا مجال لإصلاحه وبالتالى لا رجاء منه والعمل تحت قيادته تجلب لهم العار والتاريخ لن يرحم أى أحد، كان فى يوم من الايام جلادا عمل لصالح نظام لايعرف معنى العدل والرحمه !!ويجب أن لا نغمط حقوق الفئات الاخرى من موظفى الخدمه المدنيه من عمال وموظفين حينما وقفوا وقفة رجل واحد وأحجموا عن الاستجابه لطلب قيادات الاتحاد الاشتراكى الذى يوازيه اليوم المؤتمر الوطنى!! أحجموا عن الخروج والمشاركه فى المسيره التى أطلقوا عليها (مسيرة الردع)بقيادة الرائد/ابو القاسم محمد إبراهيم فإذا بها تنقلب على الداعين لها وبالا وكشفة بوضوح عن حجمهم الحقيقى ورفض الشارع التام لهم!!هل فى إمكان أبناء هذا الشعب أن يعيدوا التاريخ مره آخرى وينجزوا لانفسهم ما سبق وأن أنجزه آبائهم وأمهاتهم؟ أسأل الله أن تكون ألاجابه (نعم نحن نستطيع)ليضاف لهم فى سفر تاريخهم أنهم من إستطاعوا قهر نظام فى غاية من الهشاشه بطريقه حديثه مبتكره ألا وهى (سحب القشه)التى تسند ظهر النظام!!وإعتماد سياسة الاستقالات وياحبذا لو كانت جماعيه وحجب الاموال التى تذهب الى جيوب جلاوزتهم وخاصة من طرف أبنائناالمغتربين.
لا حولا ولا قوة إلا بالله خبر مؤسف والله الواحد ما عارف السودان ده ماشي لي ويين
الحكومة البتهتم لامر شعبها ورفاهيته وحالته الصحية عشان ينتج ويكون مواطن صحيح الجسم والعقل ما بتفقد كوادرها الطبية والتعليمية بل بالعكس تحافظ عليهم وتسد النقص من الدول الاخرى من خلال انشاء المستشفيات المتكاملة التى لا ينقصها اى شىء من المعدات والفنيين والكوادر الطبية المساندة والمساعدة من ممرضين وسسترات وهلم جرا وانشاء مساكن لائقة ومعقولة لتلك الكوادر الطبية ورواتب معقولة تغنيهم عن الهجرة وبالتالى يكون السودان من الدول الجاذبة للعلاج حتى بالنسبة لدول الجوار وهذا يدر على الخزينة العامة عملة صعبة وكذلك الحال للقطاع التعليمى لانه هو اساس كل شىء!!!لكن اعتقد طالما ناس الانقاذ بيتعالجوا بره السودان هم واسرهم فطظ فى الشعب المسكين ويقعدوا يكذبوا وينافقوا دون ان يرمش لهم جفن ويوجد كثير من الناس الضان يصدقوهم!!!اللهم اكشف عنا البلاء بذهاب الانقاذ الى مزبلة التاريخ!!!!
غايتو معظم الدكاترة البرة والجوة جزاريييييييييين يحترمك فى العيادة الخاصة ويرزعك فى المستشفى لمن تموت مابشوفك ودا لانك مابتدفع وحليل رسل الانسانية
في ولاية ابتلاها الله بدكتاور – انظر ماذا يحدث في ولايته في الجانب الصحي فقط !!! الاخصائي وليس الطبيب العمومي نعم الاخصائي 1 ) راتبه لايتجاوز 1750 جنيه مع انه يتولي الشؤن الادارية الا انه محروم من استحقاق البدل االمادي عنها 2 ) محروم من الاستحقاق المادي عن الاستدعاء خارج مواعيد العمل الرسمية 3 ) العلاج الاقتصادي حين كان يقوم الاخصائي باجراء العمليات مقابل نسبة معينه لكن صدر منشور بحرمانهم منها وعليهم اجراء العمليات مجانا ويورد كامل الرسوم للولاية !!!! 4 ) مع ان هناك منازل مخصصة للاخصائيين منذ عهد الاستعمار الا ان سيادة الوالي يرفض توزيع هذه المنازل لهم حسب نص اللوائح المنظمة لذلك فاي منزل يخلوا من ساكنه يستلم الوالي مفاتيحه ويظل المنزل خاليا ينعق فيه الغراب وبعض الاخصائيين في امس الحاجه للسكن !!!! 5 ) والطامه الكبري ان احد الاصدقاء الشخصيين للوالي له ابن اخت طبيب عمومي وهو في المجموعة السابعة وعلي هذه الصداقة تم تعينه مديرا عاما لوزارة الصحة وتمت ترقيته من المجموعة السابعة وبالصاروخ اصبح في المجموعة الاولي نعم الاولي واصبح يعلوا علي الاخصائيين وظيفيا!!!!!! اي حافز يتم صرفة لاي مستشفي من المستشفيات شرطا يكون اسمه في المقدمه وايضا بخلاف الحوافز والامتيازات المهوله فانه يمنح بدل سكن 2000 جنية شهريا ( اثنين مليار جنيه بالقديم ) وهو مستاجر شقة ب800 جنيه !!!! وقولي بعد كده لماذا يهاجر الاخصائيين ؟؟؟؟؟!!!!!!!
هجرة الأطباء وأطباء الإمتياز و الكفاءات والعقول الذكية وذوي الخبرات تعد خسارة إقتصادية كبيرة ، و السوداني ممكن إذا توفرت له الإمكانيات يصنع المعجزات لكن المؤسف أن يصنع الدواء و المعدات الطبية و كل ما يحتاجه الإنسان خارج السودان و بأيادي و خبرات سودانية و السوق و التسويق هنا في السودان! الكوادر التي خرجت ضاق بها الزمان و المكان و العمر محدود لابد لأي إنسان أن يسعف نفسه مهما كان في أي مرحلة من عمره .ألا انهض و سر في سبيل الحياة.فمن نام لم تنتظره الحياة.قراء الراكوبة شكرا لكل من اتصل أو أرسل رسالة عبر البريد أو الهاتف في الختام همنا السودان أو بمقلوب الحروف نادوس.[email protected] 00249126267120
وجراحة الكلى اطفال (الوحيد في السودان) د.محمد بابكر عبد الرحيم
انهم الصفوة التى احبت السودان ولم ينقطع عملهم ضحو بذمنهم الغالى ووقتهم ولكن من يستطيع ان يتحمل كل هذه العفونه وكل هذه الالام وفضلو ان يحذمو حقائبهم للخروج مرغمين من واقع يذداد كل يوم عفونه وسؤ وقلة ادب فضلو الهجره على رؤية الناس يموتون من الحاجه والعدم فضلو الهجره بعد ان امتلات المقابر ولم يعد بها مكان صدقو او لاتصدقو المقابر لم تعد تحتمل المذيد 50 فدان فى البنداري امتلات و90 فى المائه منهم اخطاء طبيه او فقر وبعد كل هذا نرى من يسمون انفسهم باسم الاسلاميين ياتون ويعقد المؤتمرات بالمليارات وفنادق سبعه جوم وسيارات مخصصه وفلل رئاسيه واباء البلد يموتون عفوا انتم لستم اسلاميين ولاحتى فيكم رائحة الاسلام اذا كنتم تغتتاتون على دواء المساكين فى السودان واذا كنتم تعلفون من امواج والدجاج واللحوم ولعبكم يثيل مطر للمذه من دجاج ومحمر ومقمح فانتم لستم مسلمين انتم طلاب دنيا
وداعا وصحبتكم السلامه طيور بلدى واعلمو ا قلوبنا معكم ولاتخشو عليا فلنا الله وهو نصيرنا ونصير المساكين والغلابه ورحم الله كل من مات لخطاء طبي وربنا لايسامح كل من ساهم فى موت مواطن حر شريف عفيف سودانى
05-04-2012 08:29 AM
الخرطوم: مبارك ود السما
في الوقت الذي يعاني فيه المواطن البسيط من ويلات تكاليف العلاج المرتفعة؛ ثمن رحلة الاستشفاء التي تبدأ من مقابلة طبيب مرورا بالفحصوات وانتهاءً عند محطة الأدوية, ترتفع وتيرة الاهمال وعدم المبالاة من قبل بعض الأطباء وكبار الاختصاصيين، حيث سجل الكثير من القصص المأساوية نماذج مختلفة على (روشتة) الواقع داخل المستشفات وعيادات الأطباء الذين أصبح بعضهم يعامل المرضى بطريقة لاترتقي الى مستوى المسئولية، بجانب الأخطاء الطبية التي أصبحت شبحا يطارد المرضى ويؤرق هاجسهم؛ مما دفع بالكثيرين لرفع شكاوى إلى المجلس الطبي واللجوء إلى الجهات المسئولة لاسترداد حقهوقهم
آخرها قضة الطفل (غزالي) الذي أثبتت التقارير والتحقيقات أنه ضحية لخطأ طبي افقده القدرة على الإنجاب بعد أن أجريت له عملية بمستشفى ابراهيم مالك. وأبدى والد «غزالي» ياسر أحمد الطيب لـ(الأحداث) في وقت سابق تبرما كبيرا من مطالبة المستشفى للأسرة بالتنازل عن شكوى أسرة غزالي المودعة بالمجلس الطبى والاعتذار عبر الصحف السيارة عنها مقابل عرض نجله على اختصاصي محلي لمعالجة الخطأ الطبي. وطالب المسؤولين بالتدخل السريع واتخاذ الاجراءات اللازمة لحث المستشفى للقيام بواجبه تجاه الطفل وتحمل نفقات العلاج بالخارج, وإلى الآن لازالت القضية محبوسة في أضابير المجلس الطبي, وقبل أن يسدل الستار على تلك القضية التي كشفت بجلاء الإهمال الذي يضرب بعض المؤسسات العلاجية ظهر سيناريو جديد للاهمال وقصة مؤلمة تميط القناع عن اخصائي شهير (ا,ب) يستخدم أساليب غير انسانية مع مرضاه، حيث يتهرب منهم بداعي السفر خارج السودان، بينما يمارس نشاطه في عيادته الخاصة. وتكفلت مريضة برواية ماحدث لها مع الاختصاصي الذي تهرب منها لـ(الأحداث) علي لسان ابنها الذي قال: إن والدته حاجة كبيرة في السن تقطن بحاضرة ولاية الجزيرة ود مدني وهي متابعة مع هذا الاختصاصي, وأضاف: إن حالة والدته ساءت في الفترة الأخيرة بعد أن تورم جسدها فاضطرننا لاحضارها إلى الخرطوم لمتابعة الحالة وإجراء اللازم حتى لاتستفحل حالتها، وبالطبع قابلنا اختصاصي القلب (أ.ب) الذي طلب منا إجراء فحوصات في مركز شهير (….) بتكلفة بلغت (450). وطلب الاختصاصي من المريضة ومرافقها الحضور يوم (الثلاثاء المنصرم) لتشخيص نتيجة الفحص، ومن ثم حجز المريضة بحوادث القلب لإجراء اللازم تمهيدا لتحويلها إلى مستشفى معروف (………..)، ولكن عندما حضرت المريضة وذووها في يوم الثلاثاء وفي الساعة المحددة وفقا للمواعيد المضروبة سابقا تفاجأ الجميع بعدم حضور الاختصاصي وقبل أن نعرف أنه قام بتكليف مساعدته للقيام بالواجب نسبة لأنه غادر فجأة إلى الولايات المتحده الأمريكية, وظلت المريضة وأبناؤها ثلاث ساعات قبل أن تحضر الطبيبة عند الساعة (11) من صباح نفس اليوم, وقال: بعد حضورها نشبت مشادات كلامية بين أبناء المريضة والطبيبة المساعدة للاختصاصي التي كشفت بأن الحالة محولة لها من الاختصاصي الذي غادر إلى أمريكا. ولفت ابن المريضة إلى أن والدته تم تحويلها وتحت اشراف المساعده إلى حوادث القلب. وبعدها ذهب محدثنا إلى سكرتيرة الاختصاصي في نفس اليوم وسألها عن رقم هاتف الاختصاصي فأعطته رقم هاتفه الجوال بالسودان على الفور, فاتصلت به قبل أن يذهب إلى عيادته وهناك كانت المفاجأة، حيث وجد الاختصاصي يمارس عمله الطبيعي في عيادته بحضور عدد كبير من المرضى, هذا التصرف آثار غضب ابن المريضة فاصطدم بالاختصاصي، ونشبت بينهما معركة كلامية صوب من خلالها ابن المريضة كلمات كالرصاص في وجهة الاختصاصي. وقال له: إنك عديم الأخلاق وليس بك ذرة انسانية لأنك كذبت وتركت خلفك مريضا في حاجة لك. وهذه لم تكن أخلاق الأطباء (ملائكة الرحمة). وقال: حدث ذلك أمام مجموعة من المرضى كانوا ينتظرون دورهم للدخول لمقابلة الاختصاصي نفسه الذي هرب من مرضاه, وأوضح بأنه أخذ الأوراق الخاصة بوالدته وذهب تاركا العيادة تضج بالدهشة. ونادى ابن المريضة المسئولين برئاسة الجمهورية للنظر لحالة الطب والأطباء في البلد وتفعيل دور المراقبة والمحاسبة لكل من يقصر في حق مريض إلى جانب الارتقاء بسلوك الأطباء وترقية اسلوب التعامل مع المرضى بانسانية وليس كمشروع استثماري, وطالب وزارة الصحة بمراجعة اللوائح الخاصة بتعيين الأطباء والاخصاصيين الذين يلعب بعضهم بالمرضى. وتساءل إلى متى سيتمر اهمال والاستهانة بالمرضى؟ وتابع بالقول: على اتحاد الأطباء والمجلس الطبي السوداني أن يراجع القوانين واللوائح التي تكفل للمريض حقه، وأن تضع مواد للأطباء إذا أخفقوا في حق مرضاهم قبل أن تحدث كوارث بشرية بسبب الاهمال والتقصير في حقوق المرضى. وعاب على الاختصاصي (أ.ب) تصرفه غير الانساني في حق المرضى جميعا، وفي حق والدته على وجه الخصوص, مشيرا إلى أن الطب مهنة انسانية في المقام الأول ويسمى الطبيب بـ(ملك الرحمة).
اخوات نسيبه الرماد (الرماد كال حماد) يهتفن فى ختام جلسة الحركة الاسلاميه و بلادهن تحتضر وايادهن ملبسة بالذهب ، اساور وعقود وحلقان وكردان وغيرها من المعادن النفيسة ، وهن لايهمهن سوى زينتهن لرجالهن الذين يهتفون هى لله هى لله لا للسلطة ولا للجاه ولكن اعينهم فى السلطة وفى الجاه والمهم يحكموا سوان من كوستى والدويم ومدنى والخرطوم فقط ولسان حالهم يقول بلا ش هيصة وجوطة نحن كدا مرتاحين ….السودان اصبح بلد طارد بسبب الجهوية والعنصريه والمحسوبيه واستئثار ناس معينيين بالسلطة والمال والشركات ..ولكن هيهات هيهات ..يا بلد امك حواء والده كثير من الوطنيين المخلصين وهم قادمون قادمون انشاء الله لا بالشعارات الجوفاء والشعارات االدينيه الاستعطافيه بل بالروح الوطنيه المخلصة والقلب الصادق باذن الله .
++=ياوزارة الصحة ولاية الخرطوم..جننتونا معاكم…الله يبشتنكم زى مابشتنتو شفع الفشل الكلوى فى أبنعوف…ومرضى الغسيل الكلوى فى أمدرمان وبحرى والخرطوم..وزى مابشتنتو الأطفال المصابين بالسرطان فى مستشفى الذرة ومالافين دواء والأشعة العلاجية متعطلة…والشفع يكوركو وأمهاتهم يشيلو ويكبو فى التراب فى روسينهم قدام كلية الطب بالخرطوم وقدام شارع المستشفى…والبروفيسور الفيلسوف الماشايف فى البلد دى دكتور غيرو لمن الصحفيين قبل شهرين قالو ليهو 3000 طبيب هاجروا خلال شهرين..قال ليهم ..والكلام ده كتبتو كل الجرايد…قال بالحرف الواحد:- لسنا منزعجين من هجرة الأطباء…!!!واليوم مدير وزارة الصحة بولاية الخرطوم تعليقا على هجرة كبار الاخصائيين بكلية الطب جامعة الخرطوم…يقول مدير الوزارة:- انو هجرتهم كارثة ومصيبة!! يعنى كيف مامنزعجين قبل شهر واليوم هجرتهم كارثة!!!
++= والى الخرطوم يتبرع ب 400 مليون لقسم النساء والولادة قبل شهر لترقية القسم فى احتفال اعادة افتتاح المستشفى الجنوبى للمرة الرابعة وبحضور وزير الصحة بولاية الخرطوم…اليوم التانى وزير الصحة حميدة يقول:- مستشفى الخرطوم لن تقوم لها قائمة ولو أنفقت فيها عائدات السودان من البترول والذهب…يعنى معناها قروش الوالى راحت وهو سكت ماقال حاجة للوالى يوم اتبرع بال400 مليون…يعنى ضحك فى سرو من الوالى الدايش!!…مش ليهو حق الوالى لمن سألوهو عن مذكرة الاخصائيين…لما سألوهو قال :- نحنا ماتنابلة يقودنا زول واحد زى حميدة مع احترامنا ليهو…وهوحميدة مشيلهم القفة ووش القباحة…
+++يعنى وزير الصحة بولاية الخرطوم ح يلغى مستشفى الخرطوم..والبداية من قسم الطوارى…الميزانية نقصوها والكهرباء الوزير ما حيدفعها…والمية للجبص تمشى تشتريها من بتاع الموية الباردة بالصفيحة من قدام الحوادث عشان يجبصو لأخوك رجلو…قس على ذلك بقية الأقسام..عنبر الجراحة :تصدق بصرف 10 أكرر !0 جونتات لهذا الأسبوع..والمعمل يقول ليك والله المحاليل ماجات من الامدادات وأحسن تكسب وقتك وتعمل الفحص برة المستشفى…أما اذا ربنا ابتلاك بحادث حركة أو ضربك واحد بساطور ماركة منزو..كان انت وللا واحد من أهلك واحتجت ليك أو لى مريضك أشعة مقطعية للرأس ..حيقولو ليك الكهربة قاطعة لأنو المستشفى ما دفعت قروش الكهربا..المستشفى صرفها من الكهرباء الولاية بتدفع خمس بس وتقول دبرو حالكم..أها الزول المحتاج أشعة مقطعية مستعجلة لراسو عشان الدكتور يعرف عندو نزيف ولا ماعندو …ولو عندو نزيف مكان النزيف وين..وكميته كم…وهل بحتاج لتدخل جراحى..ناس الأشعة يخدموك ويقولو ليك:- كر عليهو..أكسبو وكتكم وأمشو أعملو الأشعة المقطعية للراس فى مستشفى الزيتونة…وبدل تشيلوهوبنقالة المستشفى المعفنة..أضربو لناس ال.يتونة وهم بجو يشيلو من الحوادث..ونقالتهم نضيفة..والأشعة بتاعتهم واضحة…وبعد ماتعملو الأشعة رجعوهو للحوادث الشايفنها زحمة ومافيها ولا نقالة فاضية..أسرعو بسرعة لأنو مريضكم الظاهر بدا يفقد وعيو!!!
++=وقس على ذلك فى الأقسام الأخرى…فليه الحكومة وهى تنادى بسياسة التحرير تصرف قروشها فى الفاضى..أحسن نحول المستشفى بتاع الخرطوم زى ما قال حميدة لمستشفى للجراحات الدقيقة والتخصصات النادرة…ويكون مستشفى استثمارى…يعنى بدل الولاية تصرف على المرضى…المرضى البليونيرات والهم الوحيدين الحايتعالجو فى المستشفى الجديد حيدفعو باليورو والدولار..يعنى سياحة علاجية…برضو ياطاهر ساتى عشان انت صاحب المعز حسن بخيت تقول الاختصاصيين ديل كلهم غلطانين وانشاءالله مستشفى الخرطوم يقفلو الليلة قبل بكرة..وزى ماقلت يعنى هو زول مالاقى ياكل البيوديهو المستشفى شنو!!طبعا لازم نبارك لساتى الصحفى هجرة أساتذة الطب من جامعة الخرطوم..وطبعا الجو حيفضى للدكتور صاحب صاحبه..وبعدها بطاقة علاجية مجانية من مستشفى الزيتونة للطاهر ساتى وأسرته سارية مدى الحياة..وبعد داك انشالله الخرطوم ما يفضل فيها طفل عايش..وعاش (الوالى) و(الوالى)!!وبالله لمن تعمل الكرامة أعزمنا بس صاحبك المسيخ ده أعزمو فى يوم براهو..يعنى انت وهو راس…وبالله ماتنسى ياسر محجوب…!ودكتور أسامة مرتضى ودكتور الهادى بخيت ودكتور قنات ودكتور كمال عامر ودكتور جعفر ابنعوف فى حفلة الوداع !!
الذين ردوا لايعرفون شى بصراحه هل هية معارضة ام حق انتم الان لو كنتوا موجودين فى السودان اتحداك مليون مرة امشى لاحد الذين تقل عنهم علماء فى عيادته خليه يدخلك بدون قروش اخواتى انا ليس بحاسد لطبيب لكن نحن ماعندنا اطباء نحن بنكذب ع انفسنا ولو عاوز تتعالج الناس بتمشى برة ليه لان السودانى الطبيب غير امين وعاوز فلوس بس خش عيادة خاصه وتعرف وامش لطبيب اخر فى نفس التخصص شوف التانى بقول ليك شنو اولا يطلع الطبيب الاول غير فاهم حاجه
انتم جهلاء لاتعرفون الصح والخطاء وليس النظام كل شئ وهذة شماعه تافه جدا واتمنى ان تكون غير ذلك والطبيب السودانى طبيب مادى فقط
الزول الأسمو الحساني عامل روحو الآمر الناهي ..
(((و نحنا ما في حوجه ليهم و شنو ما بعرف )))..
البوم البعجبو الخراب انت قايل روحك منو يا جنا ؟؟؟
بلا يخمك و يخم أشكالك ..أنت قايل روحك البشير ؟؟؟
و لا منو من أسيادك الكلاب البتجري وراهم ؟؟
يا جماعة الحساني ودا احد من أتنين :
يا غبي …!!
يا أمنجي ..!!
و أنا بأختارلو الإتنين !!!@!
أها انتو بتختارولو شنو ؟؟؟