فيديو – طالبة من جامعة الخرطوم تحكي الاعتداء عليها – فيديو

28 يونيو، 2012

في مخاطبة تحدثت طالبة من طالبات جامعة الخرطوم وبينت الاعتداء الذي تم عليها وزميلتها من طلاب نظام البشير ، وطالبت الطلاب بالثأر .

[SITECODE=”youtube gvCNiOY0lZw”]طالبة بجامعة الخرطوم[/SITECODE]
28 يونيو، 2012

تعليق واحد

  3. تسلمي يا بنتنا المناضلة حقك بنجيبو ليكي نحن كل الشعب السوداني وشباب الثورة والجبهة الثورىة من خلفك انشاء الله .

    رد

  4. تسلمي يا بنتنا المناضلة حقك بنجيبو ليكي نحن كل الشعب السوداني وشباب الثورة والجبهة الثورىة من خلفك انشاء الله .

    رد

  5. طالما لا زال هنالك شباب مثل هذه الفتاة الجسورة, هنالك أمل كبير لمستقبل هذا الوطن, من المؤسف أن تضم المؤسسات التعليمية بين هؤلاء الشباب حثالات من الارهابيين و فاقدى الاخلاق تحركهم عصبة الانقاذ بشحنات من الحقد و الكراهية فيصبحون آلات تبطش بكل من يخالفهم الرأى دون رحمة بعد فقدهم للضمير و الاخلاق و عقولهم الخربة.

    رد

  9. يجيك حقك وبالزيادة كمان ،يا مهيرة يا بنت بلادي يا مناضلة،وتأكدي ان السوداني بطبعه يكره اهانة وضرب المرأة ،لذا أؤكد لك حقك وحق كل الظلومين وحق الشعب كله سوف يرجع وضاعف،وحينها هؤلاء الخيابة لن يجدوا لهم حجر حتى يدخلوا فيه.لكي التحية ولكل المناضلين في بلادي ،والى الامام ثورة ثورة حتى النصر.
    لحححححححس الكوووووووووع ضد نظام الجوع
    ماتنسوا اليوم لحس الكوع وبكرة آخر 306 ،طلعة واحدة ياجماهير شعبنا الابي في كل المدن وشوفوا لو الكيزان ال ****** ،لو يقدروا يسووا حاجة خلاص هم منتظرين الضربة القاضية والنظام يترنح ومنهار نماما وكل التصريحات دي محاولة للتماسك امام الرأي العام ليس الا ،لحسسسسسسسسس الكووووووع بس دي البداية والى الامام

    رد

  10. عفوا سيدي الحجاج

    كلابك والأفاعي الحايمة من روتانا لي أمواج ..
    كاورت البلد بي حالا ..
    … ولا لقت اليقولها جر ..
    في ناس جيعانة ما قلبت حرف في صاج ..
    … في ناس عريانة ما لفحت هدم في الزيفة ..
    ما طالت ايديها رغيفه ..
    والسبب المعكر كيفا ..
    دق بنوتا بالكرباج ..
    ناس غلبانة بس دغرية ..
    ما بتعرف تخت طاقية في طاقية ..
    والدين الحنيف في شرعها الحرية ..
    زدتها في الحرج احراج ..
    وزدتها في الدجل دجال ..
    عوج شفناهو ماسمعناهو في قول زول ..
    قال بنات دقوها دق العيش ..
    ولاد ما أندقوا في شبال ..
    بقت في غصة الأيام ..
    قيم غنيتا يا قدال ..
    قيم شلناها عمة وتاج ..
    رقيص الشامة بت حمدين ..
    وخت الحنة لي يات من حضور ضفرين ..
    ونمات العديل والذين ..
    ورقصة جون مع أوهاج ..
    مشينا نقدم البنوت على ضو الرتاين ..
    خفت وهج الغنا الوهاج ..
    ورحل صوت المغني حزين ..
    ورطن صوت العنج هراج ..
    سقط في غفلة نون النسوة ..
    أخوان البنات والنخوة ..
    ستار العيوب والرسوة ..
    شيال الحمول أبعاج ..
    .. فيا حجاج أكل نارك ..
    واتلفح بشاكيرك ..
    مع طلعة شهر زو الحجة ..
    وأحرم حاج ..
    وطوف فوق الجثث طاؤوس ..
    وشعبك لا أكل لا علاج ..
    وحاج في شنو؟ ..
    معاك كل البلد هاصت ..
    وفار نحل الجباية وهاج ..
    فيا فالق نواة الحبة يافراج ..
    ويا باسط عجايب الإسرا والمعراج ..
    ويا خالق الخلايا الحية .. أمشاج ابتلت أمشاج ..
    طحنتنا طاحونة الفقر ..
    طحنتنا سنواتا العجاف ..
    يا الله تلزمنا الصبر والسترة ..
    والعيش الكفاف ..
    وترحمنا من صرة وشي ..
    في وش وليداتنا الضعاف ..
    …………..
    غرقان بيرقص منتشي ..
    ووطنا مقطوع من خلاف ..
    وبأسم الله ما خلالنا شي ..
    وفصلنا في آخر المطاف ..
    يا ناسي أقدار الرجال ..
    ما تخشى غدر الله وتخاف ..
    كتر عوج الكلام والميل ..
    وتحت الجزمة مليون ميل ..
    تحت الأزمة طاحونة حوافر الخيل ..
    سقط تلت البلد عفوا ..
    سقط نص البلد لهوا ..
    سقط كل البلد سهوا ..
    فهل صحاك ضمير الأمة في هجعة هوايد الليل ..
    على زبد الغنا الممحوق؟ ..
    شنو الخلاك تنوم تحلم على على خرطة وطن مسروق؟ ..
    وطن في السوق .. وطن أشتر ..
    مرق من ذمة التاريخ على ذمة كلاب الحر ..
    ينوم في جبة الدرويش ..
    يقوم بي بدلة العسكر ..
    .. فيا ويلك في يوم الويل ..
    ويا ويلك .. تقوم تحتك قيامة الناس ..
    أفواج الضحايا ..
    ستات الكجيك والشاي ..
    والناس البعرفو شليل ..
    حشود الطلبة والعمال ..
    وبنوت الغياب والليل ..
    طفولة مشردة ونازحين ..
    وكم حجاج .. يجيك من ديل يجيك من وين ..
    أولاد الشوارع عووك .. المعدمة ومعدومة ..
    قطامة وقرضمة وراندوك ..
    لماضة وطرقت حلقوما ..
    من كل حتة يجوك .. يوم التسود يوما ..
    ناسات حكومة الجن .. وناس جنها الحيكومة ..
    ما طالا الشوارع في .. في ولاد بعرفوا القوما ..
    ولاد راقدين .. وأولاد اسمها المايقوما ..
    ديل أولاد شريعة قوش .. المستضعفين في الأرض ..
    يبنوا ويهدوا عروش ..
    لا بتخون البعض لابتشتريها قروش ..
    في كل حته وراك تمرق تلاقي جيوش ..
    أصدق لسان الحال من نضمك المهبوش ..
    نفس الولاد جايين من طينة حضارة كوش ..
    حافظين شعر حميد ..
    فاهمين قصايد الدوش ..
    ما تمشي يا محجوب دايرين نظبط بوش ..
    يا داب عرفنا الصاح ..
    دخل الكلام الحوش ..
    وشكرا .. شكرا سيدي الحجاج

    رد

  11. امبارح بالصدفة لقيت لي واحد كوز كان زميلنا في الجامعة والله العظيم انا من زمااااااااان كنت بتمنى يلاقيني في خط ميت وحصل وبتوفيق من رب العالمين أول حاجة استلمتو كف اقسم بالله لمن يدي خدرت وها ها ها غايتو اخد الفيها النصيب وللأسف جو جماعه مارين وحجزونا وسمعت انو قال كايسني واتمنى الاقيهو تاني بس يكون براهو ، اعزروني على هذه القصة ، ما أريد قوله أن هؤلاء الشرذمة المنتفعة التي تتزيل النظام وتسير في مجموعات كالكلاب الجائعة أجبن من أن تدافع عن هذا النظام اليهودي ، كل ما أطلبه من الإخوة الطلاب هو التربص لهؤلاء وكل من يجد فرصة فليشفي غليله بشتى السبل فهي تجاه هؤلاء مبااااااااااحه

    رد

  12. هام جدا من اخوكم المصرى اخوانى الثوار الاحرار فى وطننا الثانى السودان كنا اقرب شعبين الى بعضنا البعض ولكن فرق بيننا اللامبارك واللابشير الذى سوف يصحو بعون الله من نومه الا بكابوس لحس الكوع اخوانى الثوار اريد ان اقدم لكم بعض الاحتياطات الازمه لتجنب المواجهه مع حراس وشركه المخلوع بعون الله ولكى تنجح ثورتكم اهم شىء هو التوكل على الله فى النصر وبارادتكم القويه وعزيمتكم سيتحقق النصر باذن الله وبالنسبه لقنابل الغاز المسيل للدموع ارجو منكم استخدام الخل او البيبسى او الكولا وتضعه منها فى يدك او بمنديل وتمسح بها عينك برقه وانشاء الله لن تؤثر بكم الف قنبله وانشاء الله الى النصر والتحرر من الطاغيه ووفقكم الله الى ما يحبه ويرضاه اخوكم المصرى السودانى عبدالله سمير

    رد

  14. نسأل الله ان يكثر من امثالك ايتها الثائرة الكريمة والله بنت وبنت رجال ومن ظهر رجال خيرا وصفتى الكيزان خير وصف والله ان النساء افضل منهم . قذارة ونتانة ونفاق وتجار دين ودنيا وعبيد سلطة ودولار . اللهم ان حكامنا الفاسدين الفاجرين قد طغوا فى البلاد واكثروا فيها الفساد ، فصب اللهم عليهم صوت عذاب ، اللهم ارنا فيهم عجائب قدرتك اللهم زلزل الارض من تحت اقدامهم وشتت شملهم وبعثر صفوفهم واجعل الدائرة عليهم يا رب العالمين الله نسألك ببركة هذه الجمعة المباركة والتى عرفت لدى الثوار بجمعة ( لحس الكوع ) ان تدمر هؤلاء الطغاة الخونة ، اللهم انك تعلم انهم خدعوا الشعب وسرقوا قوته وافقروا الناس وقتلوا وسرقوا ونافقوا بدينك الحنيف ، اللهم ارنا فيهم عذاب عاد وثمود وقوم صالح اللهم انصر الثوار على هذه العصابة الباغية الفاجرة ، سبحانك ربى العزة عما يصفون وسلام على المرسلين والحمدلله رب العالمين .

    رد

  15. هكذا عهدناهم اجبن خلق الله ولايعرفوا ما معنى (مان 2 مان) فدائما ياتوا فى قطيع كما الابقار ولذلك قابلوهم ايضا فى مجموعات لانهم مسلحيين الجبناءوعلى مر السنيين حتى عندما كان السودان متحضر وفى اركان النقاش كانوا يحملون العصى والسيخ وذلك لضعف منطقهم وجبنهم ( وبالمناسبه وين الطيب سيخه صحى فكت منه ) حسبى الله ونعم الوكيل فيهم جميعا .

    رد
جميع الحقوق محفوظة، لصحيفة الراكوبة© 2025 .. تعبر المقالات المنشورة عن رأي أصحابها، ولا تمثل بالضرورة وجهة نظر إدارة الراكوبة
زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..