مسؤول حكومي كبير في قضية النقيب ابوزيد: “لو ما عاجبو يعمل إنقلاب”
كدنتكار/ الخرطوم
فى ظل متابعتنا لقضية نقيب الشرطة ابوزيد عبد الله صالح و الذى أُدين بالسجن و الغرامة لكشفه عمليات فساد كبيرة فى مؤسسة الشرطة كأغرب قضية فى تاريخ البشرية علم مندوبنا فى الخرطوم ان مجموعة من أقرباء و أصدقاء النقيب أبوزيد تدخلوا محتجين لدى أحد الشخصيات الكبيرة النافذة فى الدولة لإنصاف النقيب أبو زيد لكن رد هذه الشخصية فاجأ الجميع حيث قال لهم بالحرف الواحد :
“كل الناس عارفه إنو البلد مليانة فساد ونحن أول من يعرف ذلك ونعلم أن حجم الفساد كبير ومعشعش فى كل مؤسسات الدولة لكننا لا نستطيع فعل شئ و إلا سينهار النظام” .. ثم اضاف “هو عامل نفسو بطل عايز يحارب الفساد يتحمل العواقب ولو ما عاجبو يعمل إنقلاب”.
خرج الوفد من منزل الشخصية الكبيرة التى وضعوا فيه آمالاً كبيرة لما كانوا يرون فيه الصلاح والحزم وضربوا كفا بكف تعجبا من الحالة التى وصلت لها البلاد.
بالتأكيد ده البقرة بكري حسن صالح لأنو الكلام يشبهه
يا جماعة السؤل داراجل جد والله لانه قال الحقيقة بس تكفي عبارة (لكننا لا نستطيع فعل شئ)
دا اكيد قريبو عبدالرحيم لانو برضو من كرمه
الحمد لله مازال هناك بعض الخير في ابناء بلادي الضباط والعساكر ،الذين لا يخافون قولة الحق لؤمة لائم.
ومثله كتاااااار النعتبره دا السيسي بتاع السودان
جاب من الآخر .
خلاص سووا انقلاب .. وريحونا
والله لا اقول إلا إننا نستاهل اكثر ، بصراحة عدم المبالاة مننا كشعب إضافة الى تفشى الجهوية والعشائرية بيننا ووضعها امام الوطن جعلنا نتعامل بمفهوم انصر اخاك ظالماً او مظلوماً بصورة حرفية … واكبر دليل الاحداث التى صاحبت مسرحية اعتقال قوش ووقوف عشيرته معهم وتناسيهم لجرائمه …
هذه اللامبالاة من ناحية والجهوية من ناحية اخرى تناسبت عكسياً مع الروح الوطنية للانسان السودانى ، السودانى يمكن ان ينصر قبيلته بالروح او حتى ينصر حزبه ، ولكنه لن يحرك ساكناً لنصرة وطنه والمحصلة النهائية مثل هذه التصريحات من المسؤل اعلاه ، الذى لا يهمه ما يحدثه الفساد فى البلد فقط يهمه ان لا ينهار نظامه.
مثل هذه التصريحات اصبحت كثيرة ، واصبح المؤتمر الوطنى لا يهمه اظهار الفساد والادلة حتى ولو كانت تسجيلات فيديو ومستندات وغيرها ، ولكن ماذا نحن فاعلون.
والله هذا النقيب راجل وأبن راجل ونتمنى أن نجد المئات من نوعه لأنعدل الحال. كلمة الحق لا بد أن تقال حتى للحاكم الظالم فى وجهه وليحصل ما يحصل فوالله يموت صاحب كلمة الحق وربنا راضى عنه.لماذا لا يكون كل الشعب صاحب كلمة الحق وترفع بها الصوت عاليا فى كل الشوارع فتنهزم كلمة الباطل ويندك عرش الظلم.
هذا هو وطنكم ايها الناس
هؤلاء هم حكامكم يعترفون بفسادهم وجرائمهم
هذا هو مصير من يقول كلمة الحق في دولتكم الرشيدة
ماذا أنتم فاعلون بعد كل هذا ؟؟؟
ضرب كلام هذا المسئول الفاسد كبد الحقيقة الافض ان يقود تمردا منذ البداية بدارالفور اصلها بائظة
ياناس الراكوبة الله يحمكم ويرحم والديكم ما تكتبوا اسم المسؤل الحومى دا عديل كدا والله دا سر من الاسرار الالوهية .ماتكتبوا اسم العفن دا شان بعدين وقت الحساب نعرف ننظف الوسخ والعفن والقرف .
الوفد دا كان امشى مسلح زول يقول كلا م زى دا استاهل طلقة فى الراس لازم يكون فى شوت عشان البقية منهم تبطل هذا الاستهتار
كلام المســـؤول الكبير وووواضح قال في فســـاد في البلد وهم عارفنـــو وماناكرين وحكومتنا كلها فساد في فســاد ,,, ولو حابوا الفســاد سينهار النظام
كلام واضـــح زي الشمس اها رايكم شنو ياسودانيين ؟؟؟؟
السؤال مالذي يدفع مســؤول كبير وذو منصب حساس جدا بأن لاينكر بل ويتبجح بأنه يعمل مع عصابة منظمة لنهب وافساد البلد علنا ويقول بكل غرور وصلف وتكبر الماعاجبوا يعمل انقلاب او معن كلاموا الماعاجبوا اليجي يقلعنا ؟؟؟!!!
اذا المشكلة بقت فينا نحنا يا شـعب الســــودان الفضل !!!!!!!!!!!!!!
اللهم ارزق السودان بواحد زى السيسى لانه ارجل واعظم عسكرى فى الوطن العربى وودبلد مصرى تمام!!!!!
ولا كرمة وكريمة؟احملوا السلاح !ياجبناء ؟برضوا تقولوا ناس الجبهة الثورية ؟ماعندهم حق يدخلوا الخلاء فساد فساد حرامية حرامية ؟ماناكرين؟