نقل أبو العلا عبد ربه من السودان لتدريب مقاتلى داعش بسوريا
فجر الشيخ ربيع شلبى، القيادى المنشق عن الجماعة الإسلامية، مفاجأة جديدة عن جماعات العنف والإرهاب، والتي تتمثل في نقل قيادات من الجماعة الإسلامية من السودان إلى سوريا للتدريب على أعمال إرهابية والانضمام لداعش.
وقال إنه تم نقل أبو العلا عبد ربه الهارب من السلطات المصرية وقاتل فرج فودة الكاتب الكبير، من السودان إلى سوريا وانضم لداعش من أجل تدريب شباب التنظيم.
وقال ربيع في تصريح لـ«فيتو»، إن القيادات الإرهابية وصلت إلى سوريا، برفقة أمير الجماعة الإسلامية في السويس والمحكوم عليه بالإعدام أبو محمد غريب.
مصر اليوم
إذاً كلام كمال عمر و تهديده بإرسال داعش و بوكو حرام إلى فرنسا و الدول الغربية طلع صاح .. البلد مليانة بالإرهابيين من كل الجنسيات و النظام يفرخ فيهم و يرسلهم للخارج .
كلام بتاع مخابرات دس السم في العسل لهدف اضافة ورقة اخري في ملف السودان بمجلس الامن ماهم المصرييين الودو الملف دي مجلس الامن اول مرة ولا نسيتو ياناس
ان الارهاب بصورته المنظمة تلك لم يبدا في العالم الا بعد اعتلت الجماعات الاسلامية واختطفت الحكم في دولة السودان بليل ليتم تحويل الدولة كلها الى راعي للارهاب. فالسودان هو الدولة الاولى التي ترعى الارهاب في العالم وكل القيادات الإرهابية خرجت منه من قائد تنظيم القائدة والشباب الصومالي وبكو حرام النيجيري، كما انهم قد اووا تنظيم جيش الرب ودعموه. كل قادة هذه التنظيمات كانت الخرطوم منطلقا لهم. اذا لماذا يبحث العالم عن ارهابيين في دول اخرى وراس الحية في السودان؟ ان انتهت الطغمة الحاكمة في السودان حاليا انتهى الارهاب في العالم بتجفيفه من منبعه، والحية تضرب من راسها وليس من أي مكان اخر في جسمها.
يا راجل انت بتصدق الكلام دا
جماعتنا ديل كده واعفينى من الأيقونة
البعيد شنو وصور بن لادن وأيمن الظواهري مع رموز النظام مالية الميديا الله يكضب الشينة
السمع يكلم الما سمع….السودان هو حضن الارهاب الدافي في كل العالم بكل فروعه،،،هذة حقيقة ،،،والحقيقة الثانية ان الموضوع صار بزنس لكبار الامنجية وبعض السياسيين يبيعون ملفات بعض الموهوسين من الارهابين عند اللازم ويقايضون بعض الملفات لشراء المواقف السياسية…
والابالسة العواليق ينبحوا في لامريكان عشان يشيلوهم من قائمة الإرهاب!!!
والله إنتوا كلكم دراويش ,, أولا داعش صنيعة إسرائيل وأمريكا ,, ومعظم دول أوربا تدعمها سرا ,, ذلك لمحاربة المد الاسلامى في غارة أروبا ,, وها تخطيط إستراتيجى طويل المدى صاغته عقول غربيه جباره,, وأى شىء يفقله اليزان , أو الاسلاميون في السودان ,, هو شىء مدروس وبأمر أمريكا ,, والحكومه هى إداء طيعه لتمرير الاجنده الامريكيه الاسرائيليه ,, بكب بساعه ,, والثمن معروف هو التغاضى عنهم ,, ومدهم بالاستراتيجات التى تبقيهم على سدة الحكم, إلى أن تحرق كل أوراقهم
* و الغريب فى الموضوع شنو!!..
*علي الطلاق بالتلاته انا شخصيا شفت عددا من المهووسين ديل فى عدة اماكن متفرقه بالعاصمه!
* و علمت ان عددا منهم يقيمون فى أمبدات و الثورات و جبرا و الطائف و الحتانه و خلافه!
* و بعضهم تم تعيينهم فى عدد من المساجد “يرفعون الآذان”! أو ك”أئمه!”!, اشهد الله اننى شاهد على ذلك..
* يعنى السودان بقى كمان يستورد “أئمة مساجد”!!..و لماذا مصريين تحديدا!
* لكين اعتقد الامن المصرى عارف الحكايه دى..بعد شويه تسمعوا بيهم نفقوا واحد بعد واحد!
الحائط المايل ( السودان ) عندما يتم الضغط في ليبيا يتهم السودان وعندما يتم الضغط في جنوب السودان يتهم السودان وعندما يتم الضغط في مصر يتهم السودان دائما السودان والمشكلة كدلها إتهامات من غير أدلة حتي الدول التي لا تربطنا بها حدود تتهم السودان لماذا ؟ لأنه بلد اﻻنقسامات السياسية والحروب جعلت منه بلد ضعيف وفقير لايشكل خطر من الناحية الإقتصادة ولا الناحية العسكرية .
دا كلو تشوية لسمعة السودان الإصلا انتهت
صحيح الدولة مليانة من هولاء ولان الاسلاميين عهندنا شكليين واصحاب مصلحة لا مبدأ ديل باعتبارهم سلعة استراتيجية تجيب ليهم عملة صعبة وكلهم حيتباعوا واحد واحد والمتمكن منهم يفدي نفسة بدراهم معدودة ماتنسوا ان بن لادن الجماعة عرضوه لامريكا ولكن الامريكان كانوا فيه من الزاهدين ولم تتم الصفقة فنجا بجلدة، الناس ديل ببيعوا اي شيء قدامهم ، راجعوا الأرشيف المااتباع شنو؟
خلاص الضرب تحت الحزام!!!المصاروه بدو!!!! ماتشمتو في الحكومه!!! الفواله دوله زي بعضيهم بيكيدوا للبلد دي منذ الاستقلال!!!والكضب اسيادو!!! ياريت حكومتنا كانت اي حاجه!!!! ارهابيه زلابية!!!دي بقت حكومة سماسره ساي!!!!اي زول من بره يلعب في بلابيطه !!لابتهش ولابتنش!!!نحنه الخوافين بس ماقادرين عليها!!!ومنمسك في اي دولوكه من بره عشان تخلصنه منها!!!!وما اظن في زول بيقلعه من ضهرنه!!!!طالما هي بقت مطيه للكل!!! وماتصدقوا اليانكي وله البانكي ممكن يتخارجو منها!!!! ونمر الورق مابخوف!!!واالصقر المقصقص ريشو!!اخير من الطاير!!!!
واليوم كمان الحاج ساطور هدد الدول الغربيه عديييل كده