الخرطوم تحتفل اليوم بفوز أسبانيا بكأس العالم ..ألف ركشة تحمل اعلام اسبانيا والسودان..ومصارعة حرة وفنون شعبية..المنظمون : البرنامج سيتابعه العالم بأثره ..
تشهد الخرطوم اليوم بحدائق 6 أبريل وصالة هاشم ضيف الله إحتفالات شعبية بمناسبة فوز اسبانيا بكأس العالم. وقال الأستاذ الحاج السيد مكي أبو ورقة رئيس اللجنة التنفيذية للاحتفال لـ(سونا) إن الغرض من الاحتفال بهذه المناسبة هو استغلالها لدعم منافسات كأس افريقيا لغير المحترفين التي ستقام بالخرطوم من خلال تفعيل فقرات البرنامج لواقع يشارك فيه الشعب السوداني ويتابعه العالم بأثره مما يجعل السودان في دائرة الضوء عبر القنوات الفضائية المختلفة التي سوف تسجل حضورا مميزا في البرنامج.
وأكد أبو ورقة أن البرنامج يتضمن عرضاً لملف دولة قطر لتنظيم منافسات كأس العالم في العام 2022م مشيداً بالدور الذي تلعبه قطر في دعم الأنشطة الشبابية والرياضية في السودان إضافة لمواقفها الإيجابية تجاه تحقيق الاستقرار والسلام في دارفور والبلاد عامة
وقال إن البرنامج بحدائق السادس من ابريل صباحاً يتضمن عروضاً لفرقة الفنون الشعبية ومصارعة حرة واغاني جاز واغاني حديثة وشعبية لكبار الفنانين وعروضا للثيران ترمز لدولة اسبانيا وتجهيز ألف ركشة تحمل علمي السودان واسبانيا وأضاف أن برنامج المساء بصالة هاشم ضيف الله بالخرطوم يتضمن طابور عرض يحوي تجسيدا لمشاركة الدول في نهائي كأس العالم بجنوب افريقيا ومباراة استعراضية للنجوم الدوليين واقامة معرض داعم لملف دولة قطر في سعيها لاستضافة كأس العالم عام 2022م وتوظيف الاحتفال بخلق توأمة بين الخرطوم ومدريد اضافة لعدد من الفقرات.
السوداني
انتهت الزفة وضرب الدفوف وجات الهبلة تقول تبغا تشوف
هبله ومسكوها طبله
زي اللي جاء يعزي وما يعرف مين مات
مع اعتذارى لاصحاب الركشات وربنا ينور البصائر
عالم فاضية
ومواضيع للمآكل والاختلاسات يعنى شنو تحتفل بفوز بلد عمرك ماعندك معها علاقة
مميزة واهله لايعرفون اين يقع السودان
بلد عجيب وغريب
انا مافاهم لي الكرنفال تحت مسى( إحتفالات شعبية بمناسبة فوز اسبانيا بكأس العالم) نحن ما أسبان عشان نحتفل بي فوز اسبانيا,
ولو كان عشان ( يجعل السودان في دائرة الضوء) زي ما قال الكاتب ممكن يتعنون بي اي اسم تاني ليهو معنى مثلا (إحتفالات شعبية بمناسبة تنظيم افريقيا لي كاس العالم)
واديكم قصه حصلت هنا في ماليزيا اربعه شباب اتنين منهم ماليزيين والتالت بنقالي والرابع سوداني طلاب في مجال الهندسه, طوروا صاروخ واشتركوا في مسابقه منظمه في اسبانيا لحسن الحظ فازوا ومنحو التيم دعوه عشان يكرموه في مدريد والمفاجأه كانت في السفاره الاسبانيه لما رفضو يدوا الطالب السوداني تأشيرة ما لي شيء الا لانه سوداني مع انه كان قائد التيم.
طيب لامن السودان يفوز على غانا فى نهائى 2022 فى الدوحة ويشيل كأس العالم الاحتفال حيكون كيف ؟
عالم فارغة .. علشان كدة حنظل فى هذا التخلف الى يوم الدين ….
عالم فايقة والله دي اخرتها !!!!! اول حاجة حلوا لينا مشكلتنا نحن مع الفيفا لو اصله الشيئ بمس كرة القدم
هذا الاحتفال مثل الشخص الذي يأتي إلى مكان العزيمة ثاني يوم ( ) يا سودانيين صحوا النوم
واللة ماشاءاللة دى لفتة بارعة من السودانين بس ياريت يجى اليوم النشيل فيهو كاس العالم والاسبان يحتفلوا بينا ويردوا الجميل؟ هاهاهاهاهاهاهاها وين مع الحرامية دول.
يا بتاعين الركشات اوعكم تدقسوا ..
دا كمين من ناس المرور ..
اسبانيا شنو البحتفلو بفوزها بكاس العالم ؟؟؟
اسبانيا زاتها نست كاس العالم وبقت تفكر في منافسات جاية ..
غايتو حذرتكم والبمشي يشيل شيلتو براااااااهو …
متى ياتى ذلك اليوم الذى نحتفل فيه جميعا بزوال هذه الطغمة الباغية
اسبانيا وين وانتوا وين والعلاقه شنو ؟؟ عايزين تقولوا فيها فريق عربي اسمو بلدالوليد وزمان كانوا عرب وكده ..!!! … تمام انشاء اسبانيا تنضم لي جامعة الول البلطجيه ..العالم ماعايز يعرفوهو على السودان لان العالم يوميا يشاهد السودان عبرالاقمار الاصطناعيه كل ما يحدث في دارفور لحظه بلحظه كفايه بيع الوهم للشعب السوداني.. اللهم عليك بمن اتى بهذه الفكره …
;( يااخوانة تعالو نعجل هذا الاحتفال. لوحدة السودان والاستقرار وفوز السودان بوحدته وشكرا
انشاء الله يكون في قائم بالاعمال لاسبانيا بالسودان هو قنصلية ماعملوه في بلدكم تقومو تحتفلو ؟ خلاص ترعتي كنان والرهد مشت جيب فلان ودمغة الشهيد جيب فلان والفضائية جيب فلان
بس ياجماعة فلان دا زعلان ما اديناه حاجة اقول ليكم اعملو ليه احتفال بمناسبة والده كديسة اوباما واوهو يطلع ليه فيها بمبلغ يمشى بيهو حالو لحدت ما نلقى لينا سبب تاني نحتفل بيهو
فعلاً نحن شعب مقفل ومحتاج لحكومة زي دي لاننا ساكتين عليها
اتهمت الحركات بالتمويل من اسرئيل وامريكا—–ديل تمويلهم بجى من وين
أسأل ربي يا بتاعين الركشات ده إكون كمين نصبوهوا ليكم بتاعين الحركة زي الكمين النصبوا المك نمر لإسماعيل باشاويعدموكم التعريفة الحمرا يا عواطلية.
وقلتوا الحفلة حاتكون بى هاجر مدريد و عبدالعزيز ملقة ,,,,,,,,,,!!!!؟؟
نحن كالعادة في وادي والدنيا في وادي ….. شعب مغيب
فعلا شيئ غريب جدا( احتفااااال لمناسبة فوز اسبانيا بكاس العالم)
دائما نحن السودانيون ماناتي متاخرين ..الاسبان احتفلوا زماااااااان بفوزهم والعالم
شاطرهم هذا الفـــــــــــــــــــــــــــــوز .. (وكمـا يقال لكـل حــدث حــديث )
انا بفتكر انو دا عدم موضوع واهدار اضافى للزمن والمال الذى نحن في اشد الحوجة
اليه ..والسودان كلو عوجات ومشاكل ..(وزي مابقولوا البيرقص مابقتي دقنو )
ومفروض وزير الرياضــــة يوقف هذا الاحتفال المسخرة . والذي يجئ بمناسبة
اللامناســــبة..:confused: :confused: :confused: :confused: :confused:
الاحتفال بخلق توأمة بين الخرطوم ومدريد اضافة لعدد من الفقرات.) :crazy: :crazy: :crazy: ;( :mad:
لم أفهم ما هي علاقتنا نحن شعب الله في السودان بشعب الله في إسبانيا (الأندلس سابقاً) هل يا ترى عندنا علاقة دم بالإسبان و نحن ما عارفين؟ حقيقي الفاضي يعمل قاضي و أثني اقتراح الأخ الهدهد الحاضر عن كمين ناس المرور.