إسماعيل : المعارضة عاجزة «تعيش في أبراج عاجية .. ولاتعي بالخط الفاصل مابين الوطنية والعمالة.. اجتماعات الشريكين الآن ليس هدفها التمهيد للانفصال كما يتوهم البعض وانما من اجل الوحدة.
شن مستشار رئيس الجمهورية القيادي بالمؤتمر الوطني الدكتور مصطفى عثمان اسماعيل، هجوما عنيفا علي القوي السياسية المعارضة، ووصفها بالعجز عن المساهمة في عملية صنع الوحدة «واكتفت بالجلوس في ابراجها العاجية وتوجيه لعناتها على المؤتمر الوطني».
وقال اسماعيل، في ندوة عقدها مجلس الشباب العربي الافريقي بالتعاون مع بعثة الجامعة العربية بالخرطوم بقاعة الشارقة امس، بعنوان «تحديات الوحدة ومخاطر الانفصال»، ان المعارضة لاتستطيع ان تفرق مابين معارضة النظام ومعارضة الوطن «وظلت تتباكي علي الوحدة ومعظمها لم تطأ اقدامها الجنوب، ولاتزال تسيطر عليها عقلية التكتيك دون ان تعي بالخط الفاصل مابين الوطنية والعمالة».
واضاف ، ان المعارضة فشلت في ان تعقد اتفاقا مع الحركة الشعبية لتعزيز خيار الوحدة «ولو فعلت ذلك لوجدت الاحترام والتقدير» .
وشدد اسماعيل على ان الاجتماعات التي تجري مابين الشريكين الآن ليس هدفها التمهيد للانفصال كما يتوهم البعض، وانما من اجل تعزيز خيار الوحدة .
ورأى ان خيار الوحدة هو الافضل للحركة الشعبية فهي تحكم كل الجنوب وتشارك في كل حكومات الولايات الاخري، وابدي استعداد حزبه التنازل عن نصيبه في بترول الجنوب اذا كان ذلك سيساهم في تحقيق الوحدة بالسودان.
من ناحيته، حذر الاكاديمي المصري واستاذ العلوم السياسية الدكتور، نصر الدين ابراهيم، الجنوب من مغبة اختيار الانفصال، قائلا ان الاقليم لايتمتع بالجدارة الاجتماعية التي تمكنه من انشاء دولة جديدة في ظل سيطرة قبيلة الدينكا علي الاوضاع هناك، وقال ان انفصال الجنوب سيضع المنطقة كلها في عدم استقرار، وانه في ذات لحظة الاعتراف بدولة الجنوب ستعلن ثلاث دول اخري بالصومال، واعتبر الانفصال مقدمة لتدمير الشمال والجنوب وصوملة السودان.
وقال ان حصة مياه مصر لن تقل في حال حدوث هذا الامر وهو ليس في صالح القوي الامريكية والصهيونية لانه سيفتح الباب لوحدة السودان الشمالي مع مصر.
واعلن نائب رئيس المجلس الوطني والقيادي في الحركة الشعبية اتيم قرنق. انه لن يصوت للوحدة القديمة في السودان ،ووصف المثقف العربي بانه ذاتي التفكير واناني وينفي الاخر، رافضاً الحديث عن فشل الدولة في الجنوب ،وتساءل اين هي الدولة الناجحة والنموذج ؟.
وقال قرنق، لدى تعقيبه علي الاوراق التي قدمت، ان هنالك مجموعة من التحديات التي تقابل عملية تحقيق الوحدة، ابرزها عدم انجاز عملية المصالحة الوطنية ،بجانب عدم وجود رسالة اعلامية موحدة، وعدم تغيير الخطاب الاعلامي بعد الاتفاقية، وغياب الادارة القومية للعاصمة مما يحقق التعايش في اطار التعددية، والاستخدام السلبي لقبائل التمازج، وعدم تطبيق مقررات الاتفاقية بالسلاسة المطلوبة ،لكن قرنق عاد واكد ان الانفصال له مجموعة من الاثار السلبية.
الخرطوم: الزين عثمان:
الصحافة
ايها الكذاب الاشر انت طلعت الشعب السودانى شحاتين وانكرت فى بدايات الانقاذ كنا نحترمك ونحسبك خيار الانقاذ لكن الظاهر خيار ام خير المافيهو خير.
اجتماعات الشريكين الآن ليس هدفها التمهيد للانفصال كما يتوهم البعض وانما من اجل الوحدة !!
انا اقتنعت بكلامك يا سيادة المستشار لأنه مخي مخ طيرة
يلا اقنع الغيري
مصطفى اسماعيل
كنا نحترمك … من خلال توازنك في وزارة الخارجية … رغم رأينا في النظام الذي تتبع له … لكن هذا الاحترام انتهى .. يوم أن وصفت الجوع بالسوداني … يا مصطفى والله السودان لم ير الجوع الا في عهدكم … أمشو خلونا نجوع … والله نعيش أفضل حياة … تعليم مجاني … وصحة مجانية … الآن قتل بالجملة … جوع لا مثيل له … مرض لايمكنه حسابه … كان سودان واحد … الان دولتين … وغدا الثالثة ,, وبعد الغد لا نعرف .. والله لن يرحمكم الشعب السوداني … المعارضة حارقاك في شنو … أذهبوا غير مأسوف عليكم …..
دكتورنا الجليل اين كنتم عند توقيع الإتفاقية في ابوجا من المعارضة وكل الشعب السوداني وبعد التوقيع ايضا طيلة السنوات الخمس. رفضتم مشاركة كل قطاعات الشعب السودان و مشورتهم في كل قضايا الوطن والآن لما التباكي.
سيلعنكم الله و التأريخ لما حل بالوطن العتيق و الشعب الجريح.
حتى انت يامصطفى سيادة المستشار بالعافية بالله على اى شسء تستشار والله هى وظيفة ترضية وهمية كلو واحد مالقوا ليه وظيفة قالوا مستشار ؟ كمان بقيت تتشدق على الاحزار وتقول ماقدموا اى شىء يؤدى للوحدة ؟ عن اى وحدة تتكلم ياموهوم صراحة انتو البنحسبو كلو منكم موسى نجى نلقاه فرعون انت اولا ماعندك قرار ولا رأى ينفذ قاعد كالببغاء تردد لنا ماقاله الرئيس ومايقصده الوزير وكلام لا يقدم ولا يأخر تاخذون رواتب بالملايين من عرق الشعب بدون مقابل مجرد وظائف وهمية للأسترضاء المجاملات الحزبية الان وبكل خجلة تتكلم وتقول نحن اجتماعاتنا عشان الوحدة ؟ أى وحدة ياوهم البتتكلم عنها انت انت موهوم والله مفتكر الناس ماتقرا اعلام بس منتظرين تصريحاتكم دى الكلها كذب وظراط امش ياخى افتح ليك عيادة اسنان وبطل التمثيل والكذب والنفاق السياسى دا أقل شيء تكون اكلت حلال ومن عرق جبينك وصرت كبير فى عيون الناس والله خلاس السلطة والثروة دى فسدت اخلاقكم وضمائركم ونسيتو حق الاخرة بقيتو ناس دنيا بس ويل لك ويل لكم ياكيزان السوء
ياسيد مصطفي أسماعيل ياسيد الوطنية والسفريات الخارجية خلاص ناس كرتي وشلته إستلموا الخارجية وأتفرغت أنت للسودان ومشاكلوا؟؟؟ وطبعا بعد ده ماعندك طريقه تزوزي تحت كبري المك نمر ناس الجلد والراس واقفين في ضبيحتون ومفشقين فيها كمان!!!!!! وبعدين مادام المعارضة عاجزة وفي أبراج عاجية (حلوه عاجية) هم حق الفول ماعندهم وإتحداك رسل ناسك من الباصصين (لقب رجال الأمن في عهد المماليك الأول) لمراكز هذة الأحزاب وشوف الحال الذي يغني عن السؤال….اللهم تكون عاجية دي شايله من جوعى (تطابق حروف مع إختلاف المواقع) ..المهم مادام المعارضة عاجزة حتعمل لوحدتك شنو؟ وداير بيهو شنو؟ ومخسر خشمك في شنو … ياهداك الله كفانا نافع واحد وقايم بالواجب ومامقصر وتاريخوا في هذ الخانة يشفع له وجابه بعرق جبينوا …مزازي بينا من زمن بيوت الأشباح وراكب في البكاسى تبع الكشة (شوف عين) وين كنت أنت في تلك الأيام……. تلقاك راكب طيارة ماشي مؤتمر دول الكاريبي وتأثير المناخ على البوش السوداني….تنحى ياسيادة الوزير والمستشار و…….. عن خانة الرجل وما تسلبط في شغل ما شغلك والحمامة ما بتبقي صقر وشوف ليك برج (أنشاء الله صفيح) لحد ما ناس كرتي يولعوا ليك نور أخضر وتشيل الرسائل من والي !!!!!!كسرة : ياهو مصطفي اسماعيل شاف الجنوب وين ومتين؟؟….دي عايزه شرح ولا بتتكلم بلسان الأخوة الدبابين؟ كمان… هنا تكون دخلت برضوا غلط في خانه سيادة الوزير الاتحادي الفرش حاج ماجد…مصيبة كبيرة !! أنا ماعندي ليها حل !!!
ها ها ها تطلع مين انت يا كمريرة يا صبى المؤتمر الواطى ياخى انت لولا الانقاز كنت بتحلم تكون وزير عريس انه زمن المهازل خلاكم تفرضوا نفسكم علينا فى غفلة من الزمن وانت قلت الشعب السودانى عندما سرقتم السلطة كان جيعان وشحات يا راجل الاختشوا ماتوا انتم السبب فى جعل الشعب السودانى العزيز العفيف ان يكون جائعا ومشردا فكنا ياخى بلا لمة معاك قريبا فى ستين داهية انت صبى والعوبة نافع على نافع انت وكل زبانية ومطبلاتية وحارقى بخور النظام كلكم الى مزبلة التاريخ قريبا بأزن الله ولا نامت اعينكم ايها الجبناء
بسم الله الرحمن الرحيم
السيد؟ مصطفي اسماعيل كنت مثال طيب رغم انك ابن الحزب الظالم ولكن كنا نتمثل فيك الخير انت والرجل الطيب المحبوب المهندس عطاالمنان ولكنك بعد ان شبعتم من مال الشعب اصبحتم تنبذوا في شعبكم واتفلفستم ان السودان هو من علمك من المهد حتي ليدز شمال انجلتراءوكم كنت محبوب وانك تصف المعارضين اتدري من هم المعارضين الان انهم بايعوا الماء والاكياس والاطباء والمعلمون والحاجات الكبار والمرضي وكل الشعب الدارفوري والشرق والجنوبيين والشماليين وناس الثوره ودردق مدني والعمال كسلا والنصر كوستي وكورما الفاشر وكوريا بورسودان ونيوسايت والسجانة وكل السودان الاانتم وابناكم ومن اشبعتموهم من مال الشعب ماذا يضركم لوتنازلتم من بترول ابوكم للجنوب ماشبعتم انتم اتعلمون من هم المستضعفين القادمين انهم ابنا الوسط والسمال تاجرتم باسم الجميع هل تفتكر بان الوحدة مرفوضة لا الكل يريد الوحدة من اجل الغد الذي لم تتركوله نفس والملك عبدالله اوقف التنقيب من اجل الاجبال القادمة في السعودية كان التعليم مجان والعلاج والحياة جميلة وكان المغتربيين 3مليون في كل العالم ولكن الان المهاجرون والمغتربون في الخليج وامريكا واوربا واستراليا واسيا11مليون وكسر سوداني اتقوا الله وحسبنا الله ونعم الوكيل
عتقد ان السيد المستشار لم ياتى بجديد هذا هو أسلوب المؤتمر الوطنى كلما أحس بورطة يرمى اللوم على الاخرين ولكن ليجيبنا السيد طبيب الأسنان,لماذا رفضتم طلب المعارضة بالانضمام الى نيفاشا وقد كانت تقديرات المعارضة ان هذه القضية وطنية بالدرجة الاأولي وهى التى ستحدد مستقبل السودان. عليكم ان تكونوا شجعان وأن تتحملوا المسؤلية كاملة بتقسم السودان وتفتيته لأنكم عملتم ليل نهار من أجل الانفصال كل سياستكم العنصري كانت تؤشر الى أنكم تريدون التخلص من الجنوب و ان تبقى كردفان ودارفور الغنيتين بالثروات واحة لكم وحديقة خلفية.اذن ستطاردكم لعنة التاريخ الى الابد بأنكم من قسم السودان وكرس فية العنصرية و القبلية.
المعارضة فشلت في ان تعقد اتفاقا مع الحركة الشعبية لتعزيز خيار الوحدة «ولو فعلت ذلك لوجدت الاحترام والتقدير
……………………………………………….
والله شيىء غريب من هذا المستشار مفروض يسموك منشار ماهو مستشار الراجل غلبه الحيلة بقى يتشبث بالمعارضة لحل مشكلة الجنوب طيلة 20 عاما إنفردتم بالسلطة بعدم فتح أى مجال لحل القضايا السودانية فى داخل الوطن وأبيتم كل الحلول إلا فى الخارج والان تلومو المعارضة بعدم إتفاق مع الحركة الشعبية لحلحلة مشكلة الجنوب السؤال هل أعطيتم أى فرصة أشراك للمعارضة فى مشاريع حل قضية الجنوب والقضايا الاخرى طيلة 20 عاما ؟ حتى أجتماع جوبا للمعارضة مع الحركة الشعبية المؤتمر الوطنى عارض هذا الاجتماع قلتوها أجتماع عمالة . ونحن نقول لو تنازلتم عن مناصبكم للمعارضة وللحركة الشعبية لعززتم خيار الوحدة لوجدتم الااحترام والتقديرمن الشعب السودانى . وأنت شخصيا من المكنكشين بالسلطة والان أصبحت غير مرغوب فيك وما تنفع حتى منشار خشب بتصريحاتك المخزى والمحرج للشعب السودانى وجوهكم وتصريحاتكم لم يتغير من 21 عاما قرفنا وزهجنا منكم لا نطيق نشوفكم أم نسمعكم خلاص قلنا الرووووب فارقونا السودان والده غيركم
ايها المستشار الذى ليس له اشارة غير التهجم على المناضلين …. بتين تعلمت العربى حتى ترمى شرفاء الوطن بالابراج العاجية يا نكرة
عملت كضيمات لعنة الله عليك ياكذاب .. إنت فاكر امخاخنا امخاخ جداد ؟ اهلا ياطيب
صدقناك خلاص .؟ قوم لف عامل كده زى الجدادة الصغيرة الحمـــــــــــــــــــراء