بالواضح
لم يخطر بذهن العبدلله قط أن يواجه مقاله (ضحى الغد) بمثل هذه العاصفة من الإنتقادات والتعليقات (بعضها واضح إنو جداد أليكتروني) ، لنري ما جاء في المقال :
– وصلت الأمور الحياتية والمعائش بالمواطنين إلى (حتة صعبة) وأصبح سواد الشعب السوداني في حالة معاناة .
– خرج الشعب إلى الشارع محتجاً بعد أن صارت الحياة لا تحتمل
– تمت إجازة الزيادات الأخيرة مما جعل الحياة أكثر إستحالة
– المواطنون براء من تهمة التخريب بل كان متعمداً بواسطة مندسين أجل تشويه صورة الإحتجاجات لتبرير التعامل القمعي معها
– على الرغم من سلمية الإحتجاجات بعد التنبه لمن يقومون بدسهم إلا أنها قوبلت بإستخدام مفرط للقوة وإستخدام للرصاص الحي الذي أدي لقتل وجرح الكثيرين من أبناء هذا الوطن .
– على الرغم من التوجيه الدائم للنظام من أجل الإصلاح وبسط الحريات ومحاربة الفساد إلا أنه لا يأبه لذلك وكمثال لذلك توجيهات أعلى السلطات التي لم تنفذ بشأن بعض قضايا الفساد
– لا يمكن للمواطن تحميله ما هو فوق طاقته جراء هذه القرارات القاسية وهو يري من ينهبون مدخراته يسرحون ويمرحون دون محاسبة أو عقاب؟
– الأمور قد وصلت إلى مرحلة يستحيل معها المضي بذات النهج السابق وإلا لن تتوقف هذه الإحتجاجات
– ويجب إعمال صوت العقل بدلاً عن (الكنكشة) وذلك بتبني تحولاً ديمقراطياً سلمياً سريعاً يجنب هذه الأمة الكثير من النوائب والشرور والفتن والمحن وذلك قبل أن تقع (الفأس في الرأس)
– المجد والخلود للشهداء الشرفاء الذين ضحوا بأرواحهم من أجل إنسان هذا الوطن العظيم
هذه كانت النقاط التي أثارها المقال الذي تم وصف كاتبه (بالزبالة) في موقع ما ….
الجميع يعلم أن العبدلله لم يكن يوما يحيد عن قول الحق بل كان وسوف يظل مجاهراً به دون خوف أو وجل وليس هنا في موقف يزكي فيه نفسه فما يريد تزكية من أحد وما لهذا قد عملنا لكن لقد هاله كيف أن الكثيرين قد تغاضوا عما جاء في مقال يحمل هموم هذا الشعب بل وصوفوه بالهذيل وتم نعت كاتبه بأقذع الألفاظ على الرغم من أنه وعبر سنوات يحمل هموم وآمال وطموحات هذا الشعب .
إن إنحيازنا التام للمواطن السوداني ضد الظلم والإنتهاكات والفساد الذي مارسه هذا النظام ليس مجال تشكيك وموقفنا الواضح طيلة هذه السنوات لا يمكن تجاوزه أو الإستهانة به ولطالما قلنا ما عجز الآخرين عن قوله
وأخيراً :
هل أحتاج لتوضيح موقف؟ هكذا سألت نفسي .. أبعد كل ما قلت وكتبت زهاء العشرين عاماً فاضحاً للممارسات الخاطئة ومتصدياً لكل أنواع الظلم التي يمارسها النظام ؟.. أبعد ذلك أحتاج لتوضيح !! ولكن دعونا نوضح موقفنا بالوووواضح :
– بالواضح : نحن مع إسقاط هذا النظام الفاسد
– بالواضح : نحن نستنكر ما يمارسه النظام من قتل وعنف وإعتقال للمتظاهرين
– بالواضح : نحن نسنكر الإعتقالات التي طالت النشطاء والمواطنين
– بالواضح : نحن ندعو لضرورة سرعة إطلاق سراح النشطاء المعتقلين ووقف أعمال العنف والانتهاكات …
– بالواضح : نحن نؤمن على حق المتظاهرين من أبناء هذا الشعب في التعبير عن أرائهم والمطالبة بحقوقهم بحرية تامة .
المجد والخلود لشهداء بلادي والخزي والعار للقتلة الجبناء
كسرة :
بعد ده ما يجي (جداد أليكتروني) يقول يا جماعة الزول ده موقفو رمادي وللا مش عارف أيه.. يمشو يشوفو ليهم شغلة تاني !
كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو)+و+و+و؟
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو)+و+و+و؟
[email][email protected][/email]
والله انت جمرة عديل كدة بعدا ياجداد شوفو ليكم ديك
والله يا حبيبنامقالاتك كلها اكثر من رائعة ولكن اغلب اهل السودان يخشون من عنصرية الجبهة الثورية وتسمياتهم لباقى السودان باسماء غريبة ةعشان كدا عمرهم ما حيشوفوا حكم ولا ثورة حتنجح , لان افراد ثورة الضباع او الثران لا يفقهون شيئا سوى (المريسة وسف التمباك)
دا الكلام ياجبرا … وريتهم حاجه والله ..تسلم لينا و دمت.
انته زول رمااااادي عديل كده الراماد كال الجداد على وزن الرماد كال حماد عاش حماد ومات الجداد اليكتروني كان ولا كنتاكي .
عشت ياجبرة حرا عزيزا وعاش السودان الفضل والموت للجداد وأصحابه
امسحه في وشنا, كلام ما مفروض اتقال عليك والله ما بنعرفك الا من خلال مقالاتك والاناء بما فيه ينضح جعلك لله دوما قلما مسلولا في اعناق كل من يستبيح حرمه من حرمات بلادي .
ف ليعد للدين مجده ، أو ترق منهم دماء….. أول من يراق دمه :نحن الذين وقفنا ضد اسلام مخلوط بالدجل وبالتجارة وباللهط المنتهي حد التلاشي،،،اسلامهم من نوع الاسلام السياحي(منازل فخمة ، ضمت أحدث مقتنيات العصر وسيارات فارهة)-ربنا أدنا للتمكين وانتو حاسدين لي؟؟؟.. أما أنتم وكل الشعب عليكم بالتقشف ، .. أركبوا الدواب وأمشوا برجليكم -كما ينصحنا قطبي المهدي الذي منزله (طبق فضائي يستقطب كل عملات الدنيا)…
البعض أستاذي جبره يأتي لمقالاتك من أجل النكتة والضحك ، وبدون وعي لا يقرأ مابين السطور من إنتقادات شجاعة لهذا الوضع المقرف ، وأنت جهاز ارسال يعمل بكل كفاءة والخلل في الاستقبال وهذا الخلل معالجته ليست بكاتب المقال وإنما بالشخص المتلقي ، فلا يهمك هذا الجداد قانه آن الآوان لمعطه هههههههههههه
انت متعلق في خط هيثرو دا عايز سفرية الي لندن ولا مالك
حاشا وكلا موقفك واضح وضوح الشمس في رابعة النهار ومن قال انه ما واضح ففي عينيه ذر رماد ويريد ان يشوه صورتك كلامك كله في المليان وده البخلي المنتفعين يقولون غير ذلك سر وعين الله ترعاك في قول الحق ومحاربة الفسدة والفاسدين الذين يتدثرون برداء الدين وهم ابعد من ذلك والثورة انطلقت بعد ان عرف السودان كله غشهم وكذبهم وتدليسهم وعملياتهم القذرة قاتلهم الله وخلصنا منهم
Mubrook, you are direct and clear.
let them go and heck themselves
يا استازنا مقالك السابق لو كتب من غيرك لاعتبرناه ثورة … بس انت اكبر من كدا (انت راجل ركبت البوكس ) عشان كدا زعلنا شوية .. بعدين طوالي كدا جداد الكتروني شوية شوية حتقول شذاذ افاق
الفسدة الحرامية
زادو مرتبات الكبار بس 10%,والفقراء المطحونين 55%
لكن ال 10% تساوى 3 أضعاف ال 55%
شوف الظلم
فى وقت الشعب يجوع فيه ولا يجد من يرحمه
اللييييييييييييييييييييييييييييييييييييييييييلة
دى قوييييييييييييييييييييية
بى كم……………………………………ك………………………………………
تسلم يا استاذ والله كتاباتك عبارة عن متنفس لنا ونلقي فيها نفسنا ودائما بتضرب في المليان ,,,, لا فض فوك ,,, والناس القالو زبالة ديل نقول ليهم انتو عبارة عن حفرة أوساخ صبت عليها مطرة ومعاها ريح فيها تراب فطلع من هذه الحفرة حرااااااااااااااااامي اسمو الكوز
مع الوضع الراهن و تصريحات المسؤولين(طبعاده على نفسهم مش على الوطن ولا على المواطن) البتجيب الشلل الرعاش و الكذب الغير متنهى أرجو منك المواصلة في كتاباتك و فضح كل ما هو مشين و عار من فساد المسؤولين و عدم الإلتفات الى اي جداد إلكتروني ولا غيرو فالمهم أنك مؤمن بالقضية.
بالواضح سيصيبك ما اصاب الطاهر ساتي
بالواضح سيتماعتقالك اذا كنكشت في خط هيرثو
بالواضح سوف يتم تصفيتك اذا اصريت على متابعتك لتنفيذ توجيهات الرئيس بخصوص ملف خط هيرثو
بالواضح الواضح اصبح فاضح
شكرا على التوضيح.. والمابعرفك بجهلك
حاشاك الله يا جبرا من المواقف الرمادية فقد كنت تسلقهم بلسان حاد منذ أن عرفناك منافحا ومكافحا في سبيل رتق الانسان السوداني من أسر الظلم والجور. أبقاك الله ذخرا لهذا السودان
فتح الله عليك استاذنا الفاتح جبرا . عسى ربك ان يريد ان ياخذهم اخذ عزيز مقتدر.
استاذ حبرا شنو الانفعال دا فى مندسين من جهاز الامن بخشوا المواقع دى وبكتبوا نحن كقراء نفهم اسلوبهم تماما انت من الرائعين فى هذا الوطن الجريح لا تهتم لهم لك والود والتقدير
كلامك حلو يا استاز 00 لاكن علاجك وصل مناخر شويه ممكن يعالج وممكن لا كنا خاتين فيك العشم
يا زول انت مطليش ومودر او راح ليك الدرب انا قلت لك قبل ذلك فى عدة تعليقات ان خط هيثرو شااااالتو السيول و الامطار و لجنة التحقيق عند ما بدات عملها قررت ان تبدا من لندن عشان يلمو ليهم شوية دولارات و الشكلة الان هم انقطعوا فى لندن لان الدرب راح ليهم معليش اقصد الخط وعملو نايمين طالما النثريات ماشة انشاء اللة تكون فهمت ولى عاوز ليك فهامة
لك التحيةاستاذ انت قامة سامقة في فضاء الكلمة السوداني وعرفناك تحمل كل الصفات الكريمة والنبيلة. وعلي قولك امكن الناس العلقو ديل يكونو المندسين زاتم.
بالواضح استاذ جبرا دى وقت شحذك وباقى الاعلامين لتوحيد الشعب فى الخروج بجماعات وكتل لاسقاط السفاح فى يوم الجمعه 4 اكتوبر لوضع نهاية فلم الرعب الكرتونى وانت من وين حتطلع وما احب هتاف اليك صدح به الشباب خلال مظاهرات الاسبوع الفات ؟
الله واكبر انك رجل شجاع
ينصر دينك .مافي واحد يقدر يشكك في نزاهتك دي سياسة الفاشلين التنقيص من قدر اصحاب المبادي انطق بالحق وانتظر الاجر من الله لا من فرد.قلمك يفرحنا ويدخل الأمل في قلوب البسطاء ربنا ينصرك علي الظلمة وبايعي الضمائر والمواطن والدين
عزيزنا ود جبرا …
ياخي نصيحة من عمك ..اكتب …اكتب وما يهمك الجداد ..خليهو يكاكي يكاكي لمن يبيض
اكتب ياخي ومايهمك …وارجو ان لا ترد عليهم لانهم دايرين يشغلوك وبس
كترخيرك للتوضيح الشعب اصبح لا يحب اللون الرمادي
يسلم قلمك يا أستاذ وكلو حسب نيتو
أنا أحد الذين أقلقهم غيابك خلال الفترة الماضية وفى وقت كنافيه فى أشدالحاجةلظهور مقال لك وأعترف بأنى أتهمتك بأنك بالفعل كنت مستشارا للتنفيس …….كماذكرت ذلك فى أحد مقالاتك متهكماوأرسلت لك خطابا فى الايميل بذلك ولكنى أعترف لك مرة أخرى يا أخى الفاتح اذا كنت أنا أرى فى داخلى شحنات من الوطنية فأنت وأجزم بذلك أكثر منى حبا للوطن وأكثر منى شجاعةويكفى ما كتبته اليوم ……….لك اعزازى وتقديرى
امثالك يقتاد على دماء الابرياء ببطولة مزيفه وامثالك وامثال جراهم لايخدعون ولايغبشون الوعي تبت يد المخربين والتحية للشعب السوداني
حبيبنا جبرا لك العتبى حتى ترضى نفيدكم نحن الشعب الفضل نعرف جيدا صليحنا من العدو وحاشاك مما نسب اليك زورا وبهتانا نحن قراءك نحس بنبض كتاباتك التي دائما ما تعبر عن وجدان وتطلعات السواد الأعظم من الشعب ، بارك الله فيكم وجزالكم الله عنا كل خير ودمتم 0
البشكك في وطنيتك وشجاعتك الصحفية فعلا جدادالكتروني والمفروض ماترفع ضغطك عشان هرطقات فاضية…ربنا يكثر من أمثالك ويوفقك.
يا استاذ هؤلاء الذين اساءوا اليك انما هم امنجية امنجية مواقع الكترونية ولذلك لاتهتم بهم ولك منا كل التقدير انت ايقونة فى سماء السودان دائما مناصر لقضايا الشعب فلا يهمك ما يقوله هؤلاء المهطرقين .دمت ذخرا للسودان .ظروف بتعدى وما تهتم للايام . رحم الله شاعرنا عوض جبريل
هون عليك أبا يوسف … متابعيك يعرفون موقفك ويلتقونك كل صباح هنا أو في جريدة الخرطوم أو في كل المنابر التي تتلهف على توصيل كتاباتك لقرائها …. فكن كما أنت وهذا محل إعزازنا
نحني لك الهامات حبا وتقديرا أستاذنا الفاتح جبره.
الذي يدعون موقفك بالرمادي لم تكن إداعاءا تهم بل كانت أمانيهم لأن ما كنت تكتبه لا يحتمل الشك والغموض فأنت مثلي ومثل كل سوداني مسلم غيور على دينه ووطنه تكره أزلام النظام وعصابة الجبهة الاجرامية البغيضة التي لعبت بالدين ومزقت الوطن.
لم يكن يوما من الأيام موقفك رمادي من لصوص المؤتمر البطني وعصابة الجبهة الاجرامية، فقد كانت كتاباتك تفضح فسادهم وسرقتهم لأموال الشعب السوداني البطل الذي خرج ليقول للسارق قف! فإن النسر ينطفد بعد أن أثخنته جراح القدر والخيانة وآلة أمنكم البغيضة.
لك التحية يا أستاذ/ جبره، وأنا أقترح أن تكون كتاباتك منذ اليوم تحريضا صريحا للشعب لمواصلة الثورة المجيدة.
معقولة يا استاذ جبرا ناس باعوا ضمايرم و كرامتم من أجل المال و الجاه يخلوك تنفعل كدا؟؟
لا.. لا…
أرجو أن لا تلتفت إلى ما يكتبه هؤلاء السفلة. إن انتقدك شخصٌ واحد في المليون ، فثق بأنّ 999.999 شخص من متابعي قلمك الجرئ المسكون بهموم الوطن و المواطن يضعونك في حدقات أعينهم.
زي ما قال أحد المعلقين المحترمين أعلاه ، امسحها في وجوهنا
أشهد على وطنيتك وشجاعتك ويأمل زبانية السلطة في أسكات أصوات الحق والتشكيك في أنتمائهم لجماهير الشعب ولكن هيهات فليست كل الضمائر ميتة ومن كان سعره الشعب لايشترى,لك التحية والوفاء.
والله موقفك واضح يا ابن الاكرمين
أخى جبرا يا رائع
تسلم يا اخى من نقنقة(صوت الدجاج بالفصحى)صيصان ديك العدة العوير,الواحد فيهم تلقاه آخر شياكة بدلة و كرافتة و تحت البنطلون سروال أبو تكة، دوس على ألأبنص للآخر و خلى الجرابيع وراك،ونحن نستاهل الخليناهم قاعدين 24 سنة،لكن خلاص كتمت و مافى رجوع إلا بعد كنسهم و مشروع ألإفك بتاعهم إلى الكوشة.
الاستاذ جبرا لك التحية . ظللت لمدة طويلة متابع لكتاباتك ومرات كثيرة كنت ادخل الموقع لاقراء مقالك واخرج مباشر . كنت اكلم نفسى ممكن ان يتغير النظام وينصلح الحال ونبنى دولة حقيقية ونطور انسان السودان ولا دا حلم .. لكن اخيرا اصبخ الحلم وااااااااااضح جداّ
لك التحية والتقدير
انت سراج الكلمة
اخوك واحد من الغبش
أستاذنا. الجليل. جبرا. أمسحوا. لينا. في. وشنا. وتسلم. انت. من. الرمادية. والخطوط. الالتوايية. ،،،. لكن. يا أستاذ. الفهم. أقسام. وكل. العلل. بتداوي. إلا. علل. الارواح. فهؤلاء. أرواحهم. معطوبة. لا يرجي. برءها.
يا ريت كل الكتاب يكونوا واضحين كده …
لماذا لم تعلق قلمك تضامنا و اسواة بشرفاء المهنة الذين توقفوا عن الكتابه منهم من اوقف عنها عنوة بامر النظام و منهم من اضرب عنها حتي تكفل له و لغيره الحريات
بيييييع في الكلام بييييييع كلو حقو مدفوووووووع
والله يا استاذ اوضح من كده مافى .مع العلم بانك لا تحتاج لهذا التوضيح…وانت ارجل راجل ولا يهمك اى مواطن تعبان ومسحوق واثق منك …سير ولا يهمك
طيب… فيما يخص موقف أخونا جبرة… فجبرة إنسان (عاقل) بصورة زيادة شوية… فبنحني وقت هبوب العاصفة بسرعة عاتية… وبتخير الأوقات (الأكثر مناسبة) لعرض آراءه… وكمان الأراء المعروضة دي بتتكيف ألفاظها وحروفها على حسب الموقف… ما عايز أقول عليهو هو إنسان فيهو شي من (الانتهازية)… لكن كمان صراحة في مقالو السابق كان أفضل ليهو إنو يواصل سكوتو… لأنو في الأساس اتأخر شديد وبصورة ما هي مقبولة في إبداء رايو… وفوق لي دا جاء رايو بشكل فيهو ضبابية تصدم… الكلام ده بنقولو ما دعوة للتعبير المصادم ولا التعبير الداعي للفتن… لكن تحميل كل مقام مقالو البيستاهلو وفي وقتو بيكون هو الشيء المناسب والمقبول.
ففي جانب تاني احتمال يكون سبب في تأخر أخونا الفاتح في الكتابة بعد بداية الأحداث… فبتمنى إنو السبب ده يكون هو فعلاً السبب الأخرو والخلاهو يكتب بالتعابير الكتبها… ومن وجهة نظري إنو السبب هو إنو جزء كبير من الداعين لتغيير الحكومة بيتبنوا شعارات قبيحة وصادمة… منها ما هو معارض لوجودية فئات كبيرة من الشعب السوداني… يعني وبصريح العبارة دعوة لإزاحة العرق العربي من قبل العرق الأفريقي… فده هو السبب البيخلي العرب ما يتفاعلو بصورة حاسمة وكبيرة مع الأحداث… خوفاً على هوية الدولة اللي (وللأسف) لبستها الحكومة وجعلتها جزء منها… يعني تشيلوني وتسقطوني بتسقط معاي الهوية السودانية والدولة بمعناها الواسع… فيا أنا أو الطوفان… فالوضع معقد… لا نحن راضين بوجودهم واستمرارهم… ولا كمان بنقبل بي اقتتال أهلي متخيلين أحداثو في أذهانا بصورة رهيبة… وبتكون نتايجو لا راحة للعرب ولا للأفارقة.
فيا أخوانا… ثورة في وضع زي ده وبصورتها دي بتكون نتائجها خطيرة ومدمرة… لأنو ح تتفقد أهم مقوم من مقومات النسيج الاجتماعي… وهو الثقة بين القبائل… وبنتج من فقدان الثقة دي هوايل ومجازر… فالناس حقو تبعد من الشعارات الكنا بنكتب ونعلق عليها قبل فترة طويلة إنو نتائجها ما في صالح أي طرف… وكان أصحابها والمتعاطفين (بجهل) معاها بيقيفوا في وشنا مواقف عنصرية وجارحة وسادرين في غيهم… لدرجة إنو الناس العاقلة انزوت وبعدت وتركت المجال لأصحاب العقول الضعيفة… فالآن جات الحاجة للتكاتف مع بعض من أجل السودان وإنقاذو من الإنقاذ… فكيف ح يكون في تعاون وتكاتف في انعدام الثقة… خاصة إنو لسع في كتير من الكتاب والمعلقين بيرددوا في نفس النغمات العنصرية القديمة؟.
أخي الكريم / الفاتح جبرا … تحية طيبة ،،،
ما كان ينبغي لك أن تضيّع زمنك وجهدك في الرد على هؤلاء .. بل كان الأجدى أن تقرأ لهم قول الله تعالى :
أعوذ بالله من الشيطان الرجيم
{وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا}
صدق الله العظيم
يكفيك و طنية يا أستاذ خط هيثرو الذي ظللت تكتب عنه كحق من حقوق الشعب السوداني الضائعة حتى قلنا ليته سكت.
من منبرك العامر هذا أدعو الناس الكبار أن يحذو حذو الشباب الصغار الذين قدموا حياتهم في سبيل الوطن و ما أجمل الموت في سبيل الوطن.
نحن عارفين وواثقين أنت أوضح والفاسد واضح لم يداري فساده وما تزيل به مقالاتك عن خط هيثرولسنوات شاهد إثبات كلنا ننتظر ذاك اليوم .. أنت لن تساوم ولو منحوك الذهب! والله أنت ورفاقك تضخون الأمل في قلوبنا وتضيئون عتمة الأفق .. نسأل الله بكل حرف سطرته في حرب الفساد يكون لك كجبل أحد في ميزان حسناتك ..اللهم أنشر الرعب في قلوبهم وأقلق نومهم وزغ أبصارهم.. اللهم إقتلعهم إقتلاعاًوأجعلهم عبرة لمن يخشى.. اللهم بعزتك وجبروتك أرنافيهم يوماً قريباً انهم لا يعجزونك ..
يا استاذ…. سيبك من أى تعليق غير سوى.. لانو صادر من انسان غير سوى… حاشاك من الرمادية وحاشاك من انك تمسك العصاية من النص وانت اصلا ما محتاج توضيح عشان نحن عارفنك .. عارفنك.. لا من الليلة لا من امبارح.. سلمت يداك وسلم فكرك وعقلك… ودة يا استاذ (جداد اليكترونى فاسد)
لك العتبى حتى ترضى باسمى واسم كل الشرفاء البتابعوا مقالاتك وبنفعلوا بيها…
تأكدت الآن تمامآ بان جداد ابليس و ذوي الفهم المحدود قد نال مراده بشل تفكيرك و اخراجك عن طورك .. لدرجة ان تشك في نفسك.. و هذه نظرية امنية معروفة باستفزاز الخصم للوصول لما تريد ..
الكل يعرف من هو جبرا .. دمت شامخآ يا نصير الغلابي و مانح البسمة في زمن عز فيه الضحك و لو علي سؤ حالناالمبكي .. دعهم في غيهم يرمونك بالحجارة و سفيه القول.. و كن كعود الصندل يحترق ليسعد الآخرين ..
متعك الله بالصحة و العافية و دمت ذخرآ للوطن .
كفييت وو فيت …… عوفيت يا جبرة
لكن يا عم جبرا بالرغم من محاربتك ونضالك الطويل ضـد هذا النظام الغاشم الفاسد ما حصـل سـمعنا يوم واحد ولو بالغلط انهم اوقفوك من الكتابة او منعوا لك مقال واحد من النشر فلماذا ياترى؟؟؟ أليس في هذا ما يدعوا الى العجب العجاب؟!!!!!
بالواضح يااستاد جبرة
والله كل ماكتبت حقيقة ترى بالعين المجردة : الفساد اعترف به راس النظام الرئيس البشير ثم عاد وانكره وطلب ان يتقدم ببينة كل من يعرف شيئا عن الفساد وهو ما مستعد تقديم الناس كبش فداء باسم الفساد .. يعني موضوع الفساد شرب موية بمافيه خط هيثرو والحج العمرة الاوقاف التقاوي المبيدات الفاسدة سودان لاين شركة الاقطان وزارة الرعاية الاجتماعية وجوكية البنوك ومن يقف خلفهم والدين يجنبون الايرادات ويطردون المراجع العام من مراجعة حساباتهم والدين يحصلون خارج اورنيك15 او بنمودج منه .. والشكوى لله
كما بالواضح
ان ثورة الاحتجاجات على زيادة الاسعار(رفع الدعم بالحكومي) قد انتهت فعلا بعد انزال الجنجويد لشوارع العاصمة لممارسة اعنف انواع القمع .. كما ان الشعب قد خرج للشارع ولكنه لم يجد تلك الاحزاب لتنظيم الثورة واعتقد ان الزيارات التي قامت بها الحكومة على رؤساء هده الاحزاب قد رتبت كل الامور بالاتفاق التام على السيناريو والدي صرحت الحكومة بانه لا يعدو كونه احراق لستك لستكين وهدا كل ما يستطيعه الشعب المقهور
بالواضح كمان
الان قد انتصرت الحكومة على الشعب واقعدته تماما لم يتبق الا ان نخاطب ضمير الحكومة ونستجديها بان يتم تخفيض الزيادات في الاسعار لان الشعب الفقير لن يستطيع الحصول على طعامه ودوائه تحت شدة الغلاء الحالي فضلا عن موجة الغلاء القادمة التي ستحول 97% من الشعب السوداني الى حد الكفاف ولربما التسول
بالواضح كمان
نرجو من مسئولي الحكومة النزول من فارهاتهم البيضاء والسوداء دات الكندشة الرطبة والتي تسير في الشارع بسرعة وتحيطها سيارات امامها وخلفها فتحجب عنهم رؤية وجوه الشعب الجائع المريض فقط ندعوهم فقط ليوم واحد ان يسيروا بين الناس ليروا ما بالناس
وبالواضح كده
النظام هدا لن يتغير من الداخل ابدا كما يبدو يبدو ان الله قد اشتد غضبه جدا وقد ياتي التغيير من حيث لا تختسبون ويمكرون ويمكر الله والله خير الماكرين
اخى الفاتح نحن نعرفك جيدا انت معدن نفيس ونظيف من فساد الاخان هولاى مصرهم معروف الجحيم لانهم فاسدين (اخوك محمد على
استاذنا الجليل الفاتح …
طبعن انت سيد العارفين انو كل زول بيفهم على حسب همو والناس اللي ما فهمت مغزى المقال الفات ده تحديداً دايرين ليهم فهامة المانية … احبابك ومعجبيك فهمو قصدك وما كان في داعي ابداً للوضوح ده فاللبيب بالإشارة يفهم وقليل دائم خير من كثير منقطع .. هسي ح يجو الجماعة ويوقفوك من الكتابة وتبقى علينا ميتة وخراب ديار ..
لك العتبى حتى ترضى استاذ الفاتح فالكلاب تعوي والقافلة تسير ..
tasslaqm ya astaz you are truth man in time being seid of the thruth unque action
تحيه لك أستاذنا الدكتور الفاتح وأنت من المدافعين بشده عن الأنسان والأنسانيه وأهلنا قالو العارف عزو مستريح وسيبك من الجداد والقمل والجعارين الألكترونيه ويكفينا سخريتك اليوميه علي الباطل
والله ما واضح
صدقني ما واضح
cloudy
dull
foggy
fuzzy
indefinite
indistinct
nebulous
unclear
vague
الجماعة ديل ما فاهمييييييييين
ديل جداد
شوف ياجبرا حنقلب النظام دا وحنخليك رئيس للبلد الهاملة دي
اصلو نحن الايام الجاية دايرين لينا رئيس
والله ما عارف اوضح منك الا يكتبوا علي جبهته كسرة وكسرات مضايقة الجداد الانو دايرين يسوا السبعة وزمة وما في زول يسال .بالله عليك الكسرات دي سويها في بداية المقال لانو البهمهم الامر ما بيصلو لنهاية مقالاتك احسن تكتبها ليهم عديل بعد العنوان ولك التحية يا استاذ ما يهمك خفافيش الدجي .
أكيد الجداد الالكتورني راكب من محطة هيثرو
انت من اليوم اصبح لدينا اسمك “الواضح” جبرا .. ما قصّرت ما يقصرن ايامك.. وضّحت وبينت واتبينت .. بس اكتر مما يجب.. وما كنت محتاج للتوضيح دا كووووللو.. أها عشان ما ننسى لازم نعرف الحقيقه .. ال حقيقه!! اللى هىّ انّو وعن كونو و”نعمنّو” وكما هو معلوم “الشي ان فات حدّو انقلب الى ضدّو” ..أها دا الحين انت بقيت واضح اكتر من وضوح الشمش فى رابعه “العدويه” .. ودا الخلانا عنك نقول قبل ما يرجى عمرنا الحول ان موقفك من شدة وضوحو زادت “ضبابيتو” واصبح محتاج الى مزيد من التوضيح.. بس مشكلتك ستظل اكبر من القائمه الزاويه ام 180 درجه انك كلما حاولت توضيح موقفك اكثر الى ان توافق على تغييرو من الواضح الى الوضاح برضو ضبابيتك تظل تزداد وتنداح اضطرادا الى ان يخرج سم الخياط من الجمل اللى حيفوت مع اللى عايزين اسقاط النظام من ابواب “الحبيب الرمز” … او كما قال!!! واهو كوووللو كلام فى كلام وما حدش واخد منها حاجه ..
أخونا الفاتح جبرا , جبرالله كسرنا حميعا فيما أصابنا في وطنناوالرحمة والخلود لشهداء ثورة سبتمبروالتحية لكم وموقفكم المبارك في هذه الملحمة التاريخية العظيمة ودوركم البارز وأقلامكم الشجاعة الناطقة بالحق والتحية لكل الابطال مثلك .. لقد صبرنا ردحا من الزمان مع معاول الانقاذ وهي (تحكم فينا بالدايرو) من دمار وتشريد وإقصاء وفصل ونهب وترهيب وابعاد وسجون وشجون وآخرها رصاص تطلقه الانقاذ في صدور الجوعى والمرضى المسحوقين – لماذا ؟؟؟ يقتل الجائع ويقتل المريض طالما لم يقتله المرض ولم يقتله الجوع … قتلته بالرصاص لتريحه للأبد من الجوع والمرض طالما استثمر وزير المالية الفاشل تصدير الاطباء لدول الخليج حتى يدر بالاموال لخزينته الفارغة واقتصاده المنهار – لقد كتب نظام الانقاذ البائد لنفسه شهادة الوفاة فهو الآن جاثم كالمرض الخبيث في صدر الوطن ولا بد من استئصاله هل يسمع البشير أم به صمم …فقد حان وقت الظعن..فإن كنت فارس أما آن للفارس أن يترجل… ويترحل … نحن السودانيون كرامتنا لا تدعنابأن يتم محاكمتك خارج السودان … ساعدنا وسلم السلطة بسلام وأمن ولك محاكمة عادلة في بلدك إن كنت وطني ولك الخيار والثورة الآن على نار هادئة … لن تنطفيء ( الشعب السوداني صانع ومعلم وأستاذ الثورات .. لم يتعلمها من الربيع العربي ولكنه معلم الشعوب يصنع من فقره وجوعه ومرضه وصبره وصلاته وتسبيحه قوة يخسف بها الله الطغاة والله مع الصابرين – هل يستجيب البشير أم لا زال يربد التشبث بالسلطة.
أتفق معك تماما أخوى الفاضل ((( وضح … أبن … أفصح ))) ولكن أريد أن أوضح فى الجزء الذى يخص تأخير أستاذنا ((( جبرا ))) من الكتابة فى الموضوع الدائر الآن
من خلال متابعتى لمقالاته لاحظت أنه لا يكتب عن الحدث فى لحظته كبقية الكتاب وهذه الخاصية تفرد بها دونهم وكنت استغرب فى تأخيره دوما ولكن عرفت السبب من خلال واحدة من مقالاته وذكر فيها أنه دائما يتريث حتى تتضح له الصورة النهائية ثم يكتب عن رأيه فقد يكون هذا هو السبب أخى الكريم وليس شيىء اخر والله أعلم . أقول لأستاذنا ((( جبرا ))) ولا يهمك وقراءك يعرفونك جيدا وامسحها لينا فى وشنا ونرجوك الا تزعل لأننا نعرف منك أنك مصاب ببعض الأمراض التى لاتحتمل الزعل فتمرض وتحيرنا ونحن نحتاجك وخلى بالك من صحتك وربنا يوفقك ويسدد خطاك ودمت بخير وعافية . تحياتى لكما
والله يا جبرا نحن ما كنا عارفين إنو نفسك قصير للدرجه دى !!وهل تعلم بأنك المجاهد الوحيد المصر على مخاطبة رئيس عصابة الانقاذ بكلمة (السيد/رئيس الجمهوريه وتسأل عن ما تم فى شأن تنفيذ توجيهاته؟!!) وهل مشكلة البلد والفساد المحيط بيه مقصور فى خط هيثرو ؟ من فضلك يا الفاتح جبرا إذا ماكنت عايز (الجداد الالكترونى يهبشو كرامتك الاتبعترت!!) خليك مع الزمن على رأى الراحل رمضان حسن وشيل طوبه ولا كريزه وأبحث معنا عن كافة المفسدين الخلو البلد (خلxخل)والظاهر عليك دخلت مخزن من زمن خط هيثرو وما طلعت منو وما مواكب جديد الفساد!!وكأنك ما متابع معانا مسلسل الاستاذ/عبد الرحمن الامين وكشفه لفساد مصحوب بالمستندات يهون دونه مليون خط هيثرو!!وهى جنس (جلبطه ولخبطه)وبعد ده بيقولوا لينا خليكم مؤدبين وعاينو ساكت …ولا… كلمه!! وطبعا ترانا ساكتين ساكت وعشان أحفادنا ما يعايرونا ويصمونا بالجبن فكرنا وقدرنا وقلنا لابد من حيطه قصيره(نفش فيها غبينتا)ولازم تستحملونا إذا كان ده قدركم وأحمدوا الله بأننا لم نصفكم يوما بقلة الآدب لاسمح الله حتى يأذن الله وينزل رحمته علينا وعليكم!!.
يا استاذ جبرة لك التحية و الاحترام , فالكل يقرأ مقالك لما فية من قوة الكلمة و صدق التعبير وقوة المنطق و حملك لهموم هذا الشعب المكلوم المهموم فلا تشغل بالك بقصيرى النظر و ضعيفى المنطق .
الأخ / الفاتح جبرة لا تثريب عليك فالمثل السودانى يقول(الكلب ينبح والجمل ماشى).تأكد أخى جبرة أن الشعب السودانى به حصافة قل أن تجدها فى الشعوب الأخرى ولماح ويفهم كل شىء ونحن قراءك ومتابعين لكل كتاباتك فلم يدخل فينا الشك فى يوم من الأيام بأنك رمادى الكتابة بل بالعكس نعرف ماترمى اليه بكل شجاعة وتأكد بأننا نميز بين الصحفى الوطنى والصحفى المرتزق ولا نقدح فى وطنيتك أبدا وحاشا لله,لكن أنت تعرف أخى الفاتح بأن هناك من لايعجبه العجب ولا الصيام فى رجب وهؤلاء من الرجرجة والمتسلقين وماسحى جوخ الحاكم والجداد البكاكى ليل ونهارومعروفون لنا ويكفى أنك مننا نحن الشعب الغلبان والمقهور24عام وهى أعوام البؤس والشقاء التى حكمنا فيها صعاليق القوم والنازيون الجدد فلعنة الله عليهم وأحب أن أقل لك بأن الحرية والأنعتاق فجرها قد أطل ولامكان لأولئك بيننا وحسابهم نراه قريبا وهم يرونه بعيدا.لا تهتم بأمر سفهاء القوم وواصل نضالك معنا ونحن الغالبون بأذن الله وأتركهم فى غيهم يعمهون.
جزاك الله الف خير
بالواضح المافاضح
لا تهتم لما يقول السفهاء
جبرة ونستبرأ … من هولاء……
قال تعالي :( قَالُواْ يَا لُوطُ إِنَّا رُسُلُ رَبِّكَ لَن يَصِلُواْ إِلَيْكَ فَأَسْرِ بِأَهْلِكَ بِقِطْعٍ مِّنَ اللَّيْلِ وَلاَ يَلْتَفِتْ مِنكُمْ أَحَدٌ إِلاَّ امْرَأَتَكَ إِنَّهُ مُصِيبُهَا مَا أَصَابَهُمْ إِنَّ مَوْعِدَهُمُ الصُّبْحُ أَلَيْسَ الصُّبْحُ بِقَرِيبٍ )..
لا تلتفت إلى الوراء فيصيبك ما أصابهم…
صبراً جبرا…
فإن الصبح قريب…
الله اكبر كدة الوضوح ولا بلاش نحنا عاوزين نسمع كلام يحرك السكون ويشحن العزائم ويخلي الشارع يغلي فوق راس الدمروا البلد.
كدة انت الستاذ.الفاتح جبرة الذي نعرفة الي الامام ولاجف قلمك من الابداع وبث الحماس في اهلنا الذين انتظروا هذة اللحظات الحاسمة للخلاص…………..ولا نامت اعين المتملقين باسم الدين.
وعاشت اسماء شهداء سبتمبر نبراسا يزين وينير دروب الحرية والنضال.
هذا النوع من الكوميديا السوداء التي يمارسها الأستاذ جبرة تساعد علي إطالة عمر النظام الفاسد المفسد ……
يقول أخوان الشيطان هناك معارضة وتكتب ما تشاء في الصحف ويشيرون لعمود جبرة ….
ولايهمك ياجبرا من هولاء ياجبرا مواقفك والله واضحة سيبك من هولاء الجداد الالكتروني كما وصفتهم بحق من يري رماديا في موقفك اكيد عندو عمي الوان .. لاتابه لهولاء ولنفرغ لعدونا الاكبر الانت عارفو وانا عارفو
يحق لك ترديد قول الشاعر :
إذا أتتك مذمتى من ناقص
فهى الشهادة لى بالكمال
تحياتي وخالص احترامي
الاستاذ جبرا
كنت اتابع مقالاتك لفتره ليست بالقصيره وفيها اشهد انك من خيره واصدق كتاب الصحفه السودانيه
وكل مواقفك لم تكن رماديه كما يزعمون بل في ظل رقابه امنيه مشدده علي النشر الصحفي استطعت انت ومعك اخرون ان تعبرو عن معانات شعبنا الصابر
ولذلك ان تقل شيئا في هذه الثوره لكفاك ماضيك شرفا
ادام الله صحتك وحفظك من كل سوء
ونصر الله شعبنا علي جبروت الدمار المسمي مجازا ( الانقاذ )
شريف و دائما مواقفك مشرفة لا تشتغل بالجاد الاكترونى
ليك التحيه ماتعكسو .. واضح ومعلوم ..
المعرفه تساوي قيمتها ذهباً.
والله ياستاذ موقف شجاع واضح وضوح الشمس
ولايهمك يااستاذ انت اسمى وانبل من هذا
كلامك واضح ….والما واضح كلام البشير لي ناسو أصبج ما واضح
ذكرتني ايام زمان قالوا في شافع امو رسلتو الدكان قالت ليهو جيب لينا حرية بارده…. الشافع مشى لي صاحب الدكان وقال ليهو أدينا حرية باررررررررررررده … بتاع الدكان ضحك وقال ليهو: يا ولدي مافي حرية بارده الحرية بيموتو فيها موت ….