راكب إضافي بطائرة تلودي يتسبب في تأخير بيان الرئاسة
رغم وقوع الحادث في الصباح الباكر إلا أن المراقبين لاحظوا تأخر صدور البيان الرسمي لرئاسة الجمهورية عن الحادث لعدة ساعات.
وعلمت (السوداني) أن سبب تأخر صدور البيان الرئاسي ناتج عن وجود راكب إضافي لم يتم تضمين اسمه ضمن قائمة الركاب.
وخلال فترة المراجعة والتدقيق تبين أن القائمة الرسمية للمسافرين على متن الرحلة تضم (31) راكباً بما في ذلك طاقم الطائرة والمضيفين فيما أظهر الرقم النهائي لركاب الطائرة قبل اقلاعها أن على متن الطائرة (32) راكباً، وبعد تدقيق وتمحيص من قبل الجهات المعنية تمكنت من تحديد هوية ذلك الراكب.
وطبقاً للمعلومات التي توفرت لـ(السوداني) فإن ذلك الراكب الإضافي ?الذي لم يكشف عن هويته- حضر لصالة المغادرة لتسليم خطابات خاصة بأحد أعضاء الوفد الحكومي وحينما وجد مكاناً شاغراً بالطائرة قرر الانضمام للرحلة دون أن يكون اسمه ملحقاً بكشف الأسماء الأولى للأعضاء المسافرين.
السوداني
سبحان من له الدوام ,,, تدبير ربانى عجيب يستوجب الوقوف عنده .
زول دا فتش موت براو………؟
﴿ أَيْنَمَا تَكُونُوا يُدْرِكُكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ﴾
[ سورة النساء ]
((حضر لصالة المغادرة لتسليم خطابات خاصة بأحد أعضاء الوفد الحكومي وحينما وجد مكاناً شاغراً بالطائرة قرر الانضمام للرحلة دون أن يكون اسمه ملحقاً بكشف الأسماء)) الفرق شنو بين الطيارة وبصات السوق الشعبى؟ لو الطيران المدنى شايف شغلو تمام لا يمكن لهذا الراكب ان يتخطى بوابة المغادرة مهما كانت الاسباب وبالقانون يجب محاسبة امن المطار وضابط المطار ووردية شركة الفا المشرفه على الرحلة, والله دى فضيحه لينا وسط الدول, بكل بساطة لقا كرسى فاضى وركب وما سجلوا اسمو!!!!
عادي يا أخواننا
ما نحن سودانيين
له الرحمة علي كل حال
معقول شئ زي دا يحصل في بلد تاني خلاف السودان
دا حب الملح
تتعدد الاسباب والموت واحد
أعملوا حسابكم من الملح
طيب يا ناس الطيران المدنى ورونا الزول ده طلع منو ؟؟
فعلاً التجاوزات الزى دى لا تحصل إلا فى السودان بلد الفضايح و اللاقانون … و مشى آمرك يا قدر ….
أنا متأكد لو سألوا الزول ده و قالوا ليه الطيارة دى ماشة وين كان ماحيعرف – المهم لقى طيارة وركب فيها- و ياهو ده السودان !!!
فعلا دولة فاشلة و رئيس أفشل .. ربنا لا تؤاخذنا بما فعل السفهاء منا
دى بلد البركة وخليها على الله والفوضى معقول مكان شاغر ويركب؟؟؟؟ دى طيارة ولا الميناء البرى؟؟؟ عليكم الله خلون من القدر الذى نحن سلمين به الكلام ده بحصل في اى دولة في العالم ؟؟؟ جوابات شنو مع الموبايلات والنت والاتصالات الحديثة ؟؟؟؟ طيب طلع هو ذاتو منو ياربى ؟؟؟؟
الزول ده هو الوحيد الشهيد الفيهم بخلاف طاقم الطائرة
>> لكل اجل كتاب .. و المقدر لابد يكون .. ( انا لله و انا اليه راجعون ) .. لهم الرحمة و المغفرة و ان يسكنهم فسيح جناته مع الصديقين و الشهداء و حسن اؤلئك رفيقا .. و يلهم اسرهم الصبر و حسن العزاء .. و ان يجعل الخير و البركة فى ابنائهم .
جوابات شنو صباح العيد؟ القدر قدر نقبلو لكن ماتحتقروا عقولنا دى واسعه شويه ؟
بلد ام افكووحتي لو كان نصفها فاضي ليس هناك سبب غير القدر والمجاملة وده الغطس حجرنا
حليل الباع عنقريبو وقام بليلو
تف وتف وتف
ده الملح الكتل علي التوم . يحكي اهل الدمازين طرفة ان الوجيه علي التوم عليه الرحمة كان مدير الزراعة الالية بالنيل الازرق اولاده قطعوا ليه تذكرة سودانير لما عرف انه في طائرة عسكرية راح مرجع تذكرة سودانير وانضم للسي ون 30 بتاعة الجيش التي احترقت فوق ابو نعامة في طريقها من قيسان للخرطوم مرورا بالدمازين رحم الله علي التوم والتحية لابنائه الكرام عصام وجمال
جواباااااااات؟ ما الي اراكم بقايا بقايا….. صحي الفي راسنا ده طايوق لأنو ساكت عليكم لكن برضو بيستحق الأحترام.
هكذا حالنا نحن معظم السودانيين سبهللين و بنط فى كل شىء بدون تخطيط وسابق إنذار يعنى ما معنى لقى كرسى فاضى و قرر فى لحظته الجلوس فيه؟؟؟؟ ألم يدل هذا الشىء على عدم التخطيط المسبق لا توجد مثل هذه السبهللية دى الا فى السودان أحيانا نمشى لدعوات زواج بدون دعوة فقط واحد من المدعوين يعرض عليك عشان تمشى معاه و بدون تفكير تلبس ملابسك و تستلم المناسبة هذه السلوكيات الغير حضارية يجب علينا التخل منهالأنها قمة التخلف
May his soul rest in pease this is the reality of life .Death is Death it reaches you wherever you are and by so many ways or means
يا جماعة. الزول دا يؤمون تمت
من سياق الخبر انو هذا الشخص احضر خطابات تخص احد المسؤلين (الان بين يدي ربه) حيث قام الاخير باستخدام سلطتة الدنيويا (التي زالت الان(سبحان الله)) استخدمها للمرة الاخيرة بالسماح لهذا المغفور له بالصعود الي الطائرة , يعني ركب بالواسطة
كان الله في عون بلادي
من الملح ماقتل والله البيزعلنى وبيفقع مرارتى ويرفع ضغطتى الزول البيجى عزومة ونادى هو ماعزموه ويسافر ويقرر فجئه السفر عندى حبوبتى زمان بتعمل كده والله اتلحست ذى الزول ده بعد ثالثه يوم لما عرفوها لانها ما عندها بطاقة يعنى أبعد من الملح كان فى الحلة او الكرسى
الراكب البدون اسم يومه نم ،ولا تدرى نفس بأى ارض تموت ،ولا يعفى شركة الفا من المسؤليه وهذه
الفوضى ،اين امن المطار وكيف يسمح لشخص ركوب طائره وهو غير مسجل بكشف الركاب ،فوضى
الزول دخل الماسورة ملح دا سندويتش سائ . ولا في مؤامرا؟
يحدث فى السودان شئ أغرب للخيال ؟؟
قبل عدة سنوات حضرت الى السودان قادمة من السعودية اسرة بغرض الزيارة واجازة المدارس
قضوا فترة اجازتهم وعند الرحيل عبر مطار الخرطوم(الدولى) كان فى وداع الاسرة كل افراد العائلة
الكريمة بأطفالهم طبعا لوداع بقية أطفال الاسرة المغادرة الى السعودية..بعد الدموع والوداعات السودانية المعهودة تذكر المودعين ابنتهم ذات الخمس سنوات..بدأ البحث قرابة الست ساعات.واحد من شبابهم انتبه للاتصال بالجوال لخالته التى سافرت للتو الى السعودية وكم كانت المفاجأة بأن ابنتهم بصحبة أطفالها..تتخيلوا ؟؟؟؟؟؟
معقوله دي لقي كرسي فاضي ركب وتقولوها بدون خجل اين امن المطار اين طاقم الفا الكلام ده ما خاشي عقولنا قولو كلام غيرو بعدين الزول طلع منو ؟؟؟؟ وجاي لمنو؟؟ظوماشي وين والله دي فوضي وفضيحه للمطار مطار ذي السوق الشعبي امدرمان