انتبهوا إلى هذا الخطر القريب!!

وانت راجى منو يا اخوى فاضى ليك لليبولا دى .. الانتخابات قربت وعمر البشير عايز ولاية جديدة تقول لى ايبولا وما ادراك ما ايبولا , عشان الاسلام ما تجيهو حاجة .. الاسلام نسيتو , كل العالم ماعندو شغلة خلاف انو الاسلام دا ما يسود لانو لو ساد حا يطلع ليك الحضارة الغربية دى كلها بيش ساكت وينتهى منها ويصبح العالم كلو مسلمين ودى الغربيين والدوائر الصهيونية والمستطيلات النصرانية والمثلثات البوذية كلها شغالة ضد الاسلام عشان ما يسود وينتشر .. لان الحضارة الاسلامية حضارة قوية وراسخة وهى خلاص البشرية من كل المشاكل اى مشكلة فى العالم حللها فى الاسلام موجود .. بالاسلام تستطيع حل مشكلة الايبولا مثلأ .. شوية رقية شرعية ومعاها كم وصفةو تركيبة من كتاب الطب النيوى.. وخلاص ,, الاسلام ما مافى حاجة ما حلاها الم تسمع ( الاسلام هو الحل).. نسيتها ولا شنو .. عشان كدة عمر البشير لازم ولاية تانية عشان يحرس الاسلام من الشيطان والعلمانيين ودعاة التفسخ واصحاب الاجندة عملاء الصهيونية ,
الاسلام لازم يسود عشان خلاص البشرية من كل المشاكل , لازم حضارة البغال والحمير تسود من جديد , حضارة الجزية وحضارة العبيد والاسياد , حضارة الجلد بالسياط وقطع الراس بالسيف و حضارة الاربعة زوجات وما ملكت ايمانكم , حضارة الجهاد والغزوات غنائم وسبايا .
لازم تلغى كل المدارس العلمانيةوالمواد الصهيونية مثل الرياضيات والفيزيا والكيميا وعلوم الهندسة وغيرها , وتكون المدارس تحفيظ قران واناشيد جهادية واحاديث , ويكون الاعلام تلاوة 24 ساعة وفتاوى وخصوصأ عن الحيض وعدة النفساء واحكام نكاح المراة والتوسع فى فقه ما يخرج من السبيلين .
والله انها المصيبة التى اوصلتنا الى مافيه نحن الان ولكن لا احد يقول (البغلة فى الابريق )

هؤلاء يتمنون مرضنا و موتنا ليرثوا ارض السودان وتنتعش تجارتهم اليس هم المؤمنون

ومن متين ياكوز كان الكيز بهمهم مايصيب الوطن والمواطن

المرض هو الحركة البايخة الإسلامية بتاعتكم

ما في ايبولا اكتر منك !!!!!!!!!

لا سمح الله لو حاله واحده ظهرت سينتشر كالنار فى الهشيم وحينها يمنع دخول السودانيين الى اى دوله فى العالم الخطر محدق واخوانا يتسابقون على الكراسى

الاخ المهندس / الميرغني

السودان في هذا الوقت لا تحكمها قوانين او يحكمها بشر بدم ولحم وعظام 000 عباره عن عصابات علي أشكال بني ادم او قل شياطين بصورهم وهم ملبوسين00 بربكم ان زرت قبل أسبوعين اغلب دول غرب أفريقيا حتي تشاد ليس لديهم أطباء كثر لكن يبدو هناك حذر في مداخل الدولة. كيف لهؤلاء الأبالسة لا ينتبهون حتي لأنفسهم وعائلاتهم 00 وهم يحسبون أنهم يستطيعوا ويتمتعوا بأموالهم الحرام وسلطانهم الزائف .. لكن هذا المرض لا يفرق بين الأبالسة والشعب السوداني، أخي عثمان انك تنفخ في هامبول وهذا الهمبول لا محاله أنها ستطرشق في يوم ما وهم لا يعلمون تأتيهم بغته وحينها لا ينفع الندم ولا التصدق.

عمر حسن البشير وسدنته ، هم أخطر من مرض الايبولا ، ولو فى خيار بين الاثنين عند السودانيين ، كانوا قد اختاروا ايبولا . الشعب السودانى لم يصب بعد بمرض الايبولا ، ولكنهم مصابون بمرض البشير ، ويعانون صنوف العذاب من جرائه .

مرض الايبولا عادل فى حكمه ، لا يفرق بين كوز وبين مسلم عادى ، عمر البشير وجماعته ظلمة وفاسدون ، يظلمون المسلم العادى ويمكنون الكوز . مرض الايبولا لا يكذب ، ولا يغش ، ولا يخون ولا يسرق ، عمر حسن البشير وجماعته امتهنوا الكذب ، والخيانة فى دمهم ، واخترعوا فقه التحلل للصوص .

مرض الايبولا يحاربه الآن العالم أجمع ، وسيقضى عليه عاجلآ ، أما مرض عمر البشير وجماعته ، فالسودانيون لوحدهم يحاربونه لربع قرن ولم يفلحوا فى القضاء عليه حتى اليوم .
يسقط يسقط حكم عمر البشير ، ويسقط يسقط مرض الإيبولا ، فكلاهما مرض خبيث .

اللهم ارحمنا برحمتك ونجنا من أمراضك الخبيثة .

المخدرات الفقر الانتحار الوساخ والقاذورات انها اخطر من الاايبولا ياعثمان ميرغنى ما خايفيين ن الايبولا لانه ماعندنا ليه اى حاجة والاشياء اعلاه بالاضافة للسرقة والنهب والتدمير الممنهج هو اولى من الايبولا ولو خخفت كفاية ماتورمنا يامرتزق

أخونا عثمان الله يديك الصحة, عليك الله في أيبولا أخطر من جرثومة الانقاذ و جراثيم عصابة البشير ؛ حكومة البشير الفاسدة أخطر من فايروس الائبولا حدثنا عن سجون ومعتقلات النساء و ممارسات الجراثيم الأمنية لنظام حكومة البشير الجرثومية المجرمة, والله ما فعلته حكومة البشير الجرثومية المجرمة من انتهاكات وخراب ودمار في السودان و أبناء الشعب السوداني لم تحدثه أي جرثومة أخرى مهما كانت خطورتها… أخونا عثمان أنت المجرب وأنت الطبيب فكن من رماة الحدق ولا تخطيء التصويب الخطر ليس في الائبولا الخطر في جرثومة الانقاذ حمانا الله وإياكم.

ياعثمان ميرغني انت مثالي أكثر من اللازم حكومة منو البتهتم بصحة مواطنيها وأخذ احتياطات . حكومة تقتل مواطنيها وتعذبهم في المعتقلات وتطردهم من الخدمة وتنهب وتسرق خيرات البلد وفسادها ملء السمع والبصر ( ولا حياء ولا اختشاء ) بلد مواطنيها من مرضي الفشل الكلوي يسدون الطرقات ويتمددون علي الاسفلت لأنهم لا يجدون غسيل وأدوية الكلي وأغلب مرضاها يبحثون عن العلاج خارجها . يأخي دي مثالية ايبولا بتاع شنو البتقول لحكومة البشير شوفي موضوع المرض دا شنو والله ضحكت شديد. يا اخي علي الأقل خليك واقعي شوية. وتهليل تكبير ارمي قدام . هي لله لا للسلطة ولا للجاه .

والله يا عثمان انت راجل طيب اسمع مني الانسان او الزول اخر اهنمامات الناس دول

اللهم جنبنا شر الاوبئة من ايبولا وما شابهها واشف مرضانا ومرضى المسلمين قادر يا كريم .

بعد العلقة الاخيرة وانت فى مصر قلنا ليك اعمل قناة فضائية عملت اضان الحامل طرشاء

انت تنفخ في صافرة مثقوبة
واله هؤلاء لا في عير الدول الراشدة ولا في نفير التحسب لاحتمال انتقال المرض إلى أرض الوطن
هؤلاء في وادي والمواطن في وادي آخر
واصل ولكن عليك بارتداء خوذة على رأسك قد تقلل عليك من شدة اعتداء قد تتعرض له في مقبل الأيام لا سمح الله وأنت تطرق مثل هذه الأمور
محمود