وطن الرفع رغم الدفع !!

1- 27 سنة والشعب يدفع ويدفع ويدفع !!
2- و 27 سنة الحيكومة ترفع وترفع وترفع !!
3- حيكومة المجاهدين تجار الدين قايلة حكم الوطن دا حصة عربي اظنها !!
4- يا ترفع يا تنصب ؟
5- البشير قال لسه حا نرفع الدعم عن حاجات كتيرة ؟ طبعاً الا حاجة واحدة يرفعوا اياديهم القذرة عن الوطن والمواطن ويغوروا في ديشليون داهية !!
6- دا كلو ما مشكلة نحنا بقينا ( متعودا دايما ) المشكلة السكوت دا لي متين ؟
7- وليه ؟ وعشان شنو ؟
8- ما دام الحكومة حا ترفع الدعم عن اي شي !! مش مفروض نقول لعصابة الحكومة ديل ( جزاكم الله خير ) شتتوا ؟
9- نشكرهم ونديهم حريتهم بسبب ما تحملوه من ابتلاءات وصبر على التحديات !!
10- ونديهم فوق دا كلو بوسة كمان ؟!!
11- وكان ما رضيناهم بي دا كلو ما عندنا مانع نحنسهم !!
12- لكن اظن بعد التاريخ الطويل دا والمخزي في فرز كيمان الشعب بمن دخل دار المؤتمر الوطني فهو آمن ولا خوف عليهم و ( لا هم يحزنون ) والباقي من الشعب يبقى تحت مقصلة الرفع والدفع !!
13- ( ولا هم يحزنون ) دي برضو دايرة فرز كيمان جواني !! كيف لا والما حزنانين ديل 27 سنة منهم من ملأ كرشه ومنهم لسه ببلع وما بدلوا تبديلا !!
14- ومع انهم طغوا في البلاد وأكثروا فيها الفساد الا انهم ما زالوا في غيهم يعمهون !!
15- وهم قاعدين يعمهون جد جد اصلوا ما بلعبوا في رقبتهم !! اي حاجة تترفع عن دعم الشعب الا مخصصات الداخلين لدار المؤتمر الوطن عشان لا يحزنون !!
16- والشعب ما عندو اي حل غير يدفع اي شي عشان ما يموت فطيس !!
17- اها بعد دا كلو الجماعة الما بدلو تبديلا من جماعة النصب عشان المناصب اي فرفرة من الشعب الدفيع دا او قولت لا طوالي يركبونا اعتقالات وتعذيب بل ورصاص حي في الصدور !!
18- ديل كلاب محمد عطا ومجرمي حميديتي !!
19- ما في اي داعي نتكلم عن الفساد في سبيل انو الجماعة ديل لا يحزنون !!
20- طيب مش ظهر الفساد في البر والبحر وتحت الواطا ذاتو والسبب بما كسبت ايدينا ؟
21- ايدينا كسبت شنو ؟
22- رضينا بي عصابة الاهطل دا تتاجر بذات الدين الحنيف لا بل تقهرنا بيهو 27 سنة وتبدد ثروات العباد والبلاد لغاية ما بقونا فيران تجارب !!
23- رضينا بوطننا يتقسم والباقي منه تحت ويلات ونيران الحروب وتشريد مواطني تلك المناطق من ابناء الوطن !!
24- رضينا بالقهر والتعذيب والاعتقال والقتل ورضينا قبل كده بسياسة التمكين وتشريد ملايين الاسر !!
25- رضينا بالفرجة على كروش هؤلاء المجرم تتورم لا وبل يسيئون لنا ويصفونا بأقبح الالفاظ ويهددونا كمان ويتحدونا بالخروج للشارع !!
26- ورضينا بعد دا كلو نتفرج علي هؤلاء الدجالين يختلفون ويتصارعون فيما بينهم حول اقتسام غنيمة الوطن !!
27- رضينا بالذل والهوان والمهانة !!
28- رضينا يمصرو انسانيتنا ويعلقونا في حبل المجهول !!
29- رضينا بتفشي القبلية والمحسوبية !!
30- رضينا بأقذر معارضة وافشلها !!
31- رضينا بهذه المعارضة البائسة تتفاوض نيابة عنا مع حزب الاجرام والخزي لا وبل تعطي زعيم العصابة تاج البقاء فترة انتقالية اخرى ؟
32- وهم في اضعف احوالهم اليوم لا بل ويرقعون وجه حكمهم الكالح من جلد الشعب الناشف فماذا يمنعنا من التراص صفاً لاقتلاعهم من جذورهم ؟؟؟؟؟؟؟
33- كل القناعات متوحدة ضدهم وضد هذا الواقع البائس في الوطن الفقير !!
34- يا ايها الشعب الابي قوموا الى ثورتكم ينصركم الله
35- قوموا للثورة ليس من اجل الزيادات فهي ليست سوى صورة واضحة لضعف وهوان هذه الفئة الباغية بل لأجل سداد الدين لهذا الوطن
36- هم ليسوا سوى نمر من ورق تحرسه كلاب الامن !!
37- السكوت دا لي متين ؟
38- واعدوا لهم ماستطعتم !!
39- ولا نامت اعين هؤلاء الجبناء !!
……
……
البنشرجي !!
[email][email protected][/email]