عاطلون يتحركون لإصلاح التعليم بالسودان

الفكره جيده ومشكورين ، ولكن هذا ليس عملكم !!؟؟

هذا العمل مسئولية الدولة وحكومة السودان :

(1) لماذا تجمعوا كتب ؟؟؟

(2) لماذا تعملوا صيانة للمدارس

(3) لماذا تسدوا النفقص بالمدارس ؟؟؟

أين دعم الحكومة للتعليم ؟؟؟

واين وزير التربية والتعليم ؟؟؟

واين كتب المدارس ؟؟؟ولماذا يكون هنالك نقص في الكتب ؟؟؟

ولماذا التلاميذ مستواهم متندي ؟؟؟

أين أنت يا وزير التربية ؟ واين أنت يالبشير بحكومتك وبطانتك الفاسدة ؟؟؟

ويا خسارة علي تهديم أجيال بكاملها ،،، والله خسارة كبيرة .

أي زول يحاول يعمل حاجة يصلح بيها الخراب والدمار الشامل العم البلد شجعوه وهي كتب السجم والرماد مقررات معولقة سجمانة بس بتودي العيال في ستين داهية مقصود منها التجهيل ما التعليم وهي الودت العيال في طرق القتل والإرهاب والمخدرات لأنها ما ربت فيهم أي نوع من جمال النفوس زي ما درسنا زمااااااااااااااااااااااااان واتعلمنا. بس لاحظوا مقررات الأناشيد المدرسية في كتب اللغة العربية ووووووووووووووووووووووووووب من العواليق ما بعرف المؤلفها منو وجابوها من وين دي. مثلاً أناشيد أمي وأبي في الصف الأول هي السبب في جرائم قتل الآباء والأمهات لأنها بتكره من سماجتا وسخافتا و………………. إيك لو بديت ما بنتهي من الجرائم المرتكبة في حق الصغار من المقررات المدرسية لا فيها علم لا تربية لا تجميل للنفوس والحياة الصعبة وين من مقررات زمان والقصائد التي لا زلنا نحفظها إلى الآن من جواهر الأدب العربي وين النحو في كتب علي الجارم وين الأيام لطه حسين والشاعر الطموع البحكي عن المتنبئ وين البلاغة الواضحة وجمال الشعر والنثر وغيرو وغيرو . مقررات سمجة تعبانة القصد منها واضح. كفاية يحسبوا ليك في كتاب التربية الإسلامية في عملية حسابية أجر صلاة الجماعة كل شي عندهم تجارة وحساب ربح وخسارة. ربنا سبحانه حساباته حاجة تانية غير حساباتكم الدنيوية ربنا يخصلصنا منكم ومن شروركم وترجع مناهج الدراسة القبحتو وجهها . ربنا يوفقهم أهم يعملوا حاجة وسط الخراب يمكن تساعد مستعدين للمساهمات حتى لو بالتشجيع فقط. وبس برجو ما يكونوا تابعين للجماعة

مجموعة مدعومة من المؤتمر الوطني

يا حزين جدا
اسال الله ان يوفقهم ويشد من ازرهم

اما عن اسألتك فان القائمون على هذه الامور والمسئولون امام الله تعالى يوم الموقف العظيم
مشغولون الان باستثماراتهم وتقسيم المستشفيات الحكومية لبيعها لتسجيلها كمؤسسات خاصة بهم ، واقسم لك بالله العظيم اذا تحول بترول الخليج كله الى السودان واصبحنا ننتج 20 مليون برميل في اليوم لن يعود ذلك على المواطن بالخير ولا بالرفاهية ولا بالخروج من خط الفقر
لانا المافيا التي تحكمنا باسم الدين لن يغنيها بترول وذهب العالم كله هذا حزب كامل يسرق اكثر من مليون شخص يسرقون ويلدون كل يوم وابنائهم وبناتهم يريدون ان يؤسسوا شركات يعني الحاجة الى المال لافراد الحزب الحاكم ووالمثاني والمثالث والروابع من زوجاتهم وابناء مطلقاتهم كلهم يريدون ان يغتنوا حلالا ام حراما ، لأنهم مغيبون عن حسابات الدين والآخرة
وكان الله في عون اهلنا البسطاء

بمزيد من الحزن والاسى انعى المتشائمين منا الناس بتتكلم عن الحكومة سرقة نهبت ما عملت والوزير سوا والوزير ضرب القروش وجرى واى زول بقول ( انا مالى ) انت مالك كيف ؟؟؟
مدام الناس رافعه شعار وانا مالى ( وبتشجع على الانانية) ما ح يتغير شئ
تانى شئ الحكومة دى جابوها من وين من المريخ (القمر) ديل ما انتوا زاتكم طالعين من نفس البيئة بتاعتكم والواحد فيكم لما يمسكوا حاجة ف البلد دى لسانوا بيتغير على طول ويبقى اكبر …………!!
علشان كدة لازم نغير شعارنا ونقول (دة مالنا ومال اهلنا زاتوا) لما الواحد يشوف غلط يقول طوالى دة غلط الواحد لما يركن عربيتوا لازم يراعى حقوق الاخرين موش يركن صف خامس (لما الناس تغير طريقة تفكيرها التغير بيحصل ودة ما كلامى دة كلام ربنا )
ولى كل الشباب السودان الفضل فى بلدنا دى لازم ما تستنوا زول يغير لينا شئ شغال عاطل بتدرس لازم يكون عندك دور ودور مهم ف مجتمعك وتساعد وتتجمع ف بناء هذا الوطن ( طبعاً ما تتخيل انك اول ما عايز تلعب الدور دة كل الناس ح تصفق ليك بعكس بتلقى ناس 999 جوك وقبضوا عليك واحتمال ناس تانين ما يتفاهموا معاك تلقى روحك ف مكان انت ماعارفوا وين ؟؟.. بس دة لازم مايحبطك ولازم نستمر … ولو ديل كلهم خلوك بجيك المحبط الماشايف شئ غير الضلام بيقول ليك ( انت مالك )
بس لازم اجابتنا تكون واحدة ( دا مالى )