يوميات بشه و ودة
[/CENTER]يوميات بشه و ودة
ايمان حموري
[email][email protected][/email]
بالدراجي
بعد ان عاد بشه من جولته الاسكشافية بسيارته المكشوفه المدعومه محروقيا حتي كتابة هذة الاسطر، دلف الي الغرفة مبتسما ابتسامه عريضة ،
ودة : مالك يا بشه فرحان كدة خير؟
بشه :جلس علي الكرسي الوثير بعد ما تكآ عصاه علي جانب المزهريه ، انشاءالله تكوني شفتيني علي المباشر!!
ودة : المباشر ياتو ؟
بشه : يا ودة المباشر بتاع المناقل ؟ !!! (بيستهزء) والله هسي الزول يرجعك اهلك
ودة : خاف قايلني انا برجع ليك
بشة : ما المباشر حقنا دا !! ضحكت ضحكة غنج وقالت تقصد التلفزيون القومي ؟
بشه : ياهو في غيرو انا اديتهم اوامر طول فترة التقشف دي يشغلواغاني حماسيه وجهاديه ولو ما حالة التقشف دي كان وعدتهم نجيب لكل مذيعه توب رقاش، ولكل مذيع بنطلون وقميص مخطط ، ردت عليه وهي ممسكة بعلبة المجوهرات، كان جبت ليهم انا زاتي تجيب لي انا زاتي دايرة توب رقاش احلي من بتاع حفلة نوناتو الفي وجانتو؟
بشه : عليك الله يا ودة التياب العندك في مرة عندها
ودة : خلينا من التياب يعني يا بشه جابوك بترقص في الاغاني الحماسيه ولا شنو؟
بشة : ارقص شنو يا ودة انتي الرقيص جننك ولاشنو؟
ودة :” اها جابوك كيف؟
بشة “: الخطاب بتاعي ما شوفتيهو ؟
ودة : ههههههههه شفتو لكن وحات الله شي فهمتو وشي ما فهمتو؟
بشه : ما فهمتي شنو ؟
ودة : هههههههههه عليك يا بشه شواذ الافاق دي جبتها من وين ؟ الكلمه دي ما حقتك ؟ وانا ما فهمتها لكن شكيت فيها ؟
بشة : شكيتي في شنو ؟
ودة : شكيت في انك تكون شفيتها من زول قريبك عندو جريدة !!
بشه : علي الطلاق يا ودة ما شفيتها
ودة : استغفر يا راجل الجاب سيرة الطلاق شنو؟ هي براها مقشفه
بشه : شواذ الافاق والله ما شفيتها كتبوها المستشارين بتاعني وانا اتفأجأت بيها زي زي بقيت الشعب !!!!!!!!!!!!!!!!
ههههههههههههههههههههههههههه
هههههههههههههههه
والله أبدعتي ياأستازه فرقتي علي شويه من الهم الانا فيه دا بس ربنا يخارجهم ونرتاح منهم ثوره حتي النصر
نكته قال في حمار وديك وكلب اتفقوا قالوا دايرين يقلبوا الحكومة تم كشف المأمره قدموهم لمحاكمة وكان الرئيس عمر بشير سأل كلب ليه داير تقلبني الكلب زمان كان ننوم بنهار ونكون صاحي بليل ننبح في الحرامية هسي ننبح ليل ونهار سأل ديك داير تقلبني مالك كان مهمتي اقوم ناس صلاة الصبح هسي الناس صاحيه ليل نهار سأل الحمار داير تقلبني مالك الحمار قال والله انا ذي ذيك مافاهم حاجة
شكيتك علي الله دي قوية عديل كده .. بعد نخلص بديك ادارة المسرح القومي
ههههههههههههههههههههههههههههههههههههههههههه
خيالك ظريف يا استاذة , لكنى اسبعد انو فى الايام دى بقدر بشة اتونس مع ودة بالاريحية دى , لانو المظاهرات دى بتخلى الجبهجية يرتعدوا من الخوف , و النوم يطير من عيونهم
دمك خفيف اوى اوى اوى وكل يوم تعالى
حلوة يا استاذة .تكون دي ونستم في القصر.من نكد الدنيا علينا ان يكون رئيسنا البشير.
الاخت سارة اسمحى لى بأن استعير منك بهذة المداخلة على نفس النمط واسف ان كان فيه ما يخدش الحياء
ودة: هبلوك مستشاريك عاوز تعمل فيهم شنو
بشه: بكرى تشوفى حأطردهم واعلن عن خلو مناصبهم
ودة: بس يمكن ناس ابوهاشم مايقبلوا بالكلام ده
بشه: يا غبيانه ابو هاشم طويت تحت اباطى ومايقدر يفرفر
ودة: وود المهدى؟
بشه: ما بطرده لان ابوه لسع ماسك العصاية من النص
ودة: طيب بامناسبة دى ماتعين لى بناتى ديل فى وظيفة مستشارة عشان يكون زيتنا فى بيتنا
بشه: حبابك عشرة انتى وبناتك (يعنى ما هم بناتى كمان؟)
ودة: سجم رمادك
بشه: ليه ياودتى نسيتى انو انا خلعتك من ابوهم وسويتك بنى ادمة
ودة: الله يرحمه لو ماكان عملت كدة كنت لحد دلوقتى انا وبناتى كنامرميين فى بيت الجالوص داك
بس الله يجزيك خير فى العملتوا بس بينى وبينك كان قادر…… هههههههه
بشه: على الطلاق كان جبت سيرة الموضوع البتقهقى فيه اوصلك ليه
ودة: ياراجل انا بهظر
بشه: تعالى نعالى وهظرى جنبى ودلكى لى ضهرى
ودة: حاضر وتقول لنفسها ( سجم الدلكتو وادانى عنقرته
وبهذا انتهى الكلام المباح
هي في الحقيقة جواب آفاق أي زول حايم ساي … والله المستشارين طلعوا مواسير زي رئيسهم الذي ليس لديه أفق حتى.
عسل بس
يابت حموري الكلام ده بتجيبيه من وين ؟ كلام زي ده مايطلع الا من واحد اخد ليه سيجاره كاربه ، شكيتك علي الله اتخيلتك قاعده معاهم في الاوضه
ياود البشير ايامك انتهت السودانين اكلوا وجبتان وانت ترقص لكن ماعندك قلب الماعند قلب يرقص فوق فراش الاب
والله مباااااااااااااااااالغة الى الامام يااخت ايمان حقيقة للثورة رجالها ونساؤها
هاهاهاهاهاهاه والله يا منة عليك جنس جنة ؟؟؟؟