معلومات جديدة عن شرطي متورط في عمليات اعتقال المتظاهرات في موكب 14 فبراير

كتب: د. أسعد علي حسن في صفحته على موقع فيسبوك

في البوست بتاع الصحفي منعم سليمان عن الملازم الي طلع باص المدرسة وارهب الطلاب، دخل واحد اسمه حاتم فحل يدافع عنه ويقول انه شرطي مهني.. لامن دخلت صفحته وشفت صوره لقيتو ده هو ذاتو الي كان امبارح شايل ماسورة ضمن المجموعة الكانوا معتقلين البنات شرق شارع الخطوط السعودية ومقعدينهم في الارض موكب 14فبراير

بمراجعة بوستات صفحته وتعليقات اصدقائه القديمة يبدو انه يتبع للشرطة.. أحد المعلقين في احد البوستات “عقيد شرطة” قال ليهو وينك يا دفعة ما ظاهر في قروب الدفعة قام حاتم ماسورة كتب ليهو رقم موبايله 0912389476 عشان يضيفه.

لقيتو غير صورة البروفايل بتاعته بصورة لابس فيها طاقية عشان يخفي ملامحه الظاهر خاف بعد ما انتشرت صورته وهو شايل الماسورة للبنات.. في أحد تعقيباته على اصدقائه قال (بردلوبة دي مقدور عليها لكن الثورة دي يحلوها كيف وقفت معايشنا والنظام الزي ضرس العقل ده ما داير يغور)

في تعليقات في بوستات قديمة كان بيقول تقعد بس وفي حتات تانية في اجواء هزار بيقول تسقط بس.. شكلو من النوع البيباري الموجة وحسب البوصلة متجهة وين

من الحاجات البتوريك نفسيات الناس دي عاملة كيف لقيتو كانب في صفحته بوست قديم من 2017م قال فيهو: (حينما تتكالب عليك امور الدنيا تسلح باهل مضببين واديها عكاز تحت الاضان)

محتاجين معلومات اضافية عنه، أهله من وين؟ وساكن وين؟ عشان الناس توري جيرانه وأهله وشلة النادي والكتشينة انو زولهم ده بيعمل في شنو

رسالة اخيرة: لاي زول شايل بندقية او مسدس او خرطوش او ماسورة وحايم في الشارع: النظام ده ساقط ساقط.. وبعد ما يسقط خلي البشير يجي ينفعكم.. أي زول اجرم في حق الشعب السوداني تعدى عليه او ارهبه حيتحاكم وحيتعاقب عقاب عسير .. حقنا تب ما بنخليهو.. اذا ما قادر تقوم بواجبك في حماية الشعب، وما قادر تخالف التعليمات الي بتأمرك بالاعتداء على الشعب، فاحسن ليك بدل ما تورط نفسك في جرائم وتقضي باقي عمرك في السجن، احسن ليك تقلع الكاكي وتلبد في الحلة او تسافر البلد وما ترجع الا بعد ما النظام الخايف منو ده يسقط والشغلة دي تنتهي.. كنت بضرب وبقتل عشان ادوني تعليمات ماااااا بتحلك.. انتهى عصر البشير والدكتاتورية والدغمسة

البوست بالتعاون مع احد الاصدقاء، كان له الفضل في اكتشاف هوية حاتم ماسورة ولفت انتباهي له.