الدقير : لن نسمح بإدخال البيرة والويسكي
البرلمان: إيمان فضل السيد:
قطع وزير التعاون الدولي د.جلال يوسف الدقير بعدم سماحهم بإدخال المشروبات الروحية خاصة "البيرة والويسكي" حال الانضمام لمنظمة التجارة الدولية، خاصة وأنها وضعت استثناءات للدول الأعضاء فيما يتعلق بقضايا العقيدة الإسلامية، ما يتيح للدول التي تعتنق الإسلام رفض الصادرات المخالفة للشريعة. وحذر الدقير في جلسة البرلمان أمس رداً على سؤال حول موقف انضمام السودان لمنظمة التجارة العالمية، بأن أي توجه لعدم انضمام السودان للمنظمة العالمية يؤدي لخسارة، مقراً بوجود ملاحظات من قبل المنظمة تعرقل انضمام السودان لها، مشيرا إلى أن 95% من التجارة العالمية تدور بين دول داخل هذه المنظمة، معتبراً أن السودان يمكن أن يكون خارج السرب سياسياً واجتماعياً واقتصادياً؛ إذا لم يُحكم عملية الانضمام، ومؤكداً على تحمسهم للانضمام لمنظمة التجارة العالمية؛ لجهة تمكينهم من وضع إجراءات الحماية اللازمة بما في ذلك وضع التعريفات الجمركية لكل السلع الصناعية والزراعية، الأمر الذي يتيح حماية الإنتاج المحلي بوضع تعرفة جمركية عالية. وأشار الوزير إلى دعم المنظمة للسودان بحسبانه من الدول الأقل نمواً بتقديم المساعدات الفنية لاختراق العوائق الفنية التي تعوق الانضمام إليها. وأوضح الدقير أن الكلمة الفصل في "ان ننضم أو لا هي من اختصاص المجلس الوطني،البرلمان".
الاخبار
البيره والوسكي الان موجوه,,وانتو يا كيزان من ما تقولو لن نسمح معناتو حا تسمحو,,, ما قلتو الف مره لن نسمح لي تقسيم البلد ودخول القوات الامميه ياهو الوسكي حا يدخل
العرقى هو الصناعة الوطنية ما عايزين منافسة خارجية الراجل وطنى جدا لا و لا للويسكى والهيرويين نعم للبنقو والعرقى نسكر مما نصنع وننصقع مما نزرع. ياخى البيرة مالا بطلوا النفاق . يعنى الخمور يعنى بقت مصيبة البلد. العمايل الفى البلد قدر شنو عشان تقول لى خمور.
قال لى احد السكرية انو قعدات السكر زمان اشرف من قعدات المتاسلميين كانوا فى القعدة بناقشوا مشاكل المنطقة لكن قعدات الاسلاميين كلوا نقاش عن الجنس و الزيجات المتعددة والنهههههههههههههههههههههب
ياسلااام بالله المعلم دا بيشلع ؟ الخمرة دى برضو هى لله ههههههههه
يعنى يالدقير ياسجم ياوهم يا امعة اختصرت شغل منظمة التجارة الدولية فى البيرة والويسكى؟ اها طيب الفيغرا وحبوب منع الحمل والكبوت والكوندمز والملابس الداخلية للحريم والفوط الصحية الخ ماعندك فيها راى ولا لسه تيوس السلطان ناس عبد الحى وابوزيد ومن تبعهم من هئية جهلاء السودان ما افتوا ليك فيها؟
واختم بمقطعك ده:
" معتبراً أن السودان يمكن أن يكون خارج السرب سياسياً واجتماعياً واقتصادياً؛ إذا لم يُحكم عملية الانضمام، "
هو يادوب حيكون خارج السرب يا سالخ ومغيرجلدك و مباداءك – من اتحادى زى شيلا الى مؤختمر وثنى- ماهو من ماجات الاغطاس دى والسودان بنهق خارج السرب
يا جماعة خليكم من الويسكي
الوزير ده جاهل بمنظمة التجارة العالمية .. قال :
(((((( ومؤكداً على تحمسهم للانضمام لمنظمة التجارة العالمية؛ لجهة تمكينهم من وضع إجراءات الحماية اللازمة بما في ذلك وضع التعريفات الجمركية لكل السلع الصناعية والزراعية، الأمر الذي يتيح حماية الإنتاج المحلي بوضع تعرفة جمركية عالية. ))))))
ومنظمة التجارة العالمية أول عبارة مشطوبة من قاموسها هي عبارة (حماية المنتجات الوطنية)
حد يصحي الوزير
;(
والله ياود الدقير جننتنا
ياريت تعرف ان اخف ضرر يلجق بالاقتصاد السوداني هو دخول الويسكي والبيرة
ومصيبتنا كبيرة وقاتلة ان كنت لاتري في الاتفاقية ضررا خلاف z لك
اماالويسكي المفتري عليه موجود مثل سجائر البرنجيفي شوارع الخرطوم
واولاد البنقال عرسوا بناتنا والموضوع انتهي
الاخ كارلوس لك الود … كلام السكرجى حقيقة بنسبة 100% وصدقنى لو البلد كانت
فى حكم السكرجة لما وصلت لهذا البؤس .. قعدات الاسلاميين مريبة وخبيثة والونسة
من الصُرة وتحت .. وحتى الاطفال يعلمون ذلك عنهم .. لعنة الله عليهم
البيرة ذاتها غالية والوسكي كمان اخير لينا عرقينا ده ولا شنو
يا ود الدقير – دغدغت مشاعرنا أو لقد أضرستنا بذكرك للويسكي والبيرة أبوجمل قمت ثتني جبت سيرة البحر! – ؟ يا راجل ماذا كان انتاجكم الأخير من مخلفات السكر ؟ ألم يكن واحدا من مكونات الخمر وستقومون بتصديره ؟ يا واد ! يحكي أن أحدهم وعندما أصروا عليه بترك الشراب مرة واحدة رجاهم بتعديل القسم ليكون : والله العظيم لا ـشرب الخمرة إلا إذا حلفوا عليّ ! أوع تكون يا ود الدقير من الدكاترة الذين يحرمون الخمر ويحللون البول ؟ يا أخ قوم وين هو الويسكي وأين هي البيرة ؟
وليه بالتحديد الويسكي والبيرة بالتحديد هل حتدخلوا الجن والفودكا والواين والكونياك مثلا 0 شكلك بتاع كونياك يا الدقير 0 وأيام اليسكي في السودان كانت أزهى أيام وأرخص وآمن من الآن 0 والمشي مع منظمة التجارة العالمية يعني تمشي بشروطهم وليس على مزاجك يالحبيب 0
كدي خلى اخوك يرجع ال 40 مليون دولار وهرب بعدين اتكلن في الممنوع ىا حراميه——– عارفين المتخلف ده عنده فكى بشبوش كده وبعبدوا عباده –عالم بهم
يا أخوانا دي صورة شيخ علي … والله عمري ده كله كنت فاكره فكي الجبهجية-وبالمناسبة دي الكيزان فيهم كتيرين بنصقعوا
ولشنو البيره والويسكى التى تكلفنا العملة الصعبة فالمشروبات البلدية كالعرقى والمريسة متوفره وبالعملة السودانية مع خدمة التوصيل المجانى
البرلمان سمح للقروض الربوية والرباء حرمه الله فى كتابه الكريم . والان تتعاملون به . والبيرة والوسكى ما حاتجيبوها؟؟ طيب الكونياكحا تجيبوه؟؟؟؟؟؟؟؟؟؟ الرجاء من ابالسة الانفاذ الكف الفورى من اللعب باسم الدين . اين الشريعة التى تتحدثون بها كفاية كفاية كفاية نفاق .
يعني دة من مبداء تشجيع الصناعة الوطنية زي ما منعوا استيراد العفش والسيارات المستعملة لانو الوسكي والبيرة حا ينافسوا العرقي والمريسة القصة ما قصة اسلام وكدة لانو ديل اصلا الاسلام ماعندهم معاهو شغلة
يا جلآل الدقير بقت عليك حكاية والله يا خجيجه ما باقى ليك إلا شراب السجاير.
CHEEEEEEEEEEEEEEEEEEEEEEEERRRRRRRRRRRRRSSSSSSSSS
CHEERS
لك الله ياسودان هولاء هم من يتحدثون باسمك
البتشربو ه بس
كدي يا الدقير خلينا من البيرة والويسكي
أخوك الحرامي اللابع ليهو اكتر من 50 مليون دولار جاء وللا لسع قاعد برا السودان؟
وحات الله سرقة أخوك للـ50 مليون دولار خلت راسنا لافي بدون بيرة أو ويسكي
شيخ علي دة إنت ذاتك ؟؟؟ أكيد أنت الفكي البروب الموية والبقلب العرقي موية؟؟وبتشرب حار وبتكتب حار
من شعارات الجماعة (نأكل مما نزرع ونلبس مما نصنع ) اليوم تم اضافة (ننصقع مما نزرع ونسكر مما نصنع) عرقي بلدنا ولا جن الناس …
غلفة وشايلة موسها تطهر .
الحمد لله انا ما بشرب غير المريسة. يعني منع استيراد البيرة و الويسكي و منع استيراد الروزرويس و الجاكوار واحد. اول مرة منذ مجيئ الانقاذ اراهم يتخذوا قرار ليس فى ضرري. بعدين الدقير ده مستهبل وله شنو، ما هو فى لندن كلها مقضيها شراب فى سجاير الروثمان و شراب اسمة سميرنوف و سميرنوف هذا قالوا لي انه ويسكي