محمد الحسن محمد عثمان
ماقاله جعفر فى لقاء مع الحدث اليوم أمس كله ياجعفر كان فى يدكم تحقيقه ياجعفر بتاع قوى الحرية والتغيير (المجلس المركزى) لكن عملتوها لينا كلها سفر وفسح وانت جيت فى امريكا ماخذ ليك شهر او شهرين فسحه فى وقت كان فيه السودان يحتاج لكل دقيقه منكم انتوا القيادات ووالله كان فى يدكم حل الجيش نفسه بمليونيه من شباب الثوره تحيط بالقياده كان الكيزان شردوا لكن ياجعفر عملتوها لينا عربيتى الحكوميه وعربيتك وبيتى الحكومى وبيتك وصراع على المناصب والمكاسب واستعراضات تلفزيونيه ونسيتوا الثوره وشباب الثوره ياخى حمدوكك دا كان مظاهرات شباب الثوره يجوه لمكتبه وبدل يتشرف بزيارتهم ويجتمع معهم كان يفرقهم بالاحتياطى المركزى وهم الذين اجلسوه فى كرسى رئيس الوزراء !! وعداها لينا كلها سهرات فى المزارع بدل يساهر للصباح فى مجلس الوزراء دا شعب سلم حمدوك ثوره فريده فاضعتوها لانكم ماكنتم رجال ثوره بحق وحقيقى … ومن سلمناهم الثوره كانوا ثوار حقيقين كانوا من المتفرجين خلال ال٣٠ سنه وفى مقدمتهم هذا الحمدوك وناس مين كده البوشى التى لم نسمع بها الا وزيره وحمدوك ذاته هل سمعتم به فى وقفه احتجاجيه حتى فى الخارج خليك من مظاهره لمدة ٣٠ سنه دفن فيها الكيزان الناس احياء !!! وعمركم سمعتم بزول يقود حكومة ثوره وهو لم يشارك فى الثوره ولو بهتاف واحد ؟ وهذا لم يحدث الا فى السودان وهذا الحمدوك اعترف بانقلاب البرهان بل استضافه البرهان فى بيته واكلوا ملح وملاح مع بعض ولو كان حمدوك كارب قاشه كان يمشى مع هذا البرهان بيته والا مزرعته بالله بعد الانقلاب !! والا حتى يمد له يده ليسلم عليه ويد البرهان تسيل بدماء شباب الثورة فى فض الاعتصام ويقعد معاه وياخى زول الكيزان دايرين يجيبوه وزير ماليه بالله دا تثقوا فيه ؟؟ يعنى السودان الثوار كملوا ياخى والله افضل نجيب واحد من شباب الثورة ولمتين نحن مانستفيد من تاريخنا ولمتين يتقدم ثورتنا امثال الجزولى وحمدوك وهلمجرا .
((ياخى والله افضل نجيب واحد من شباب الثورة ولمتين نحن مانستفيد من تاريخنا ولمتين يتقدم ثورتنا امثال الجزولى وحمدوك وهلمجرا .))
يا أخي من المفارقات العجيبة جابوا واحد اعتبروه من شباب الثورة وهو لم يرى الشمس ولم يكتوي بلهيبها وهو (الأصم) الذي ألقى خطبة عصماء مليئة بكلام كبير ووعود كثيرة لم يتحقق منها ولا وعد واحد نعم كان ينبغي أن يكون لشباب الثورة حضورا مقدرا وملموساً ولكن بدلا من ذلك جاءت الديناصورات برئاسة حمدوك الذي كان اشبه بالمدمية التي تحركها جماعة قحت بالريموت أما قولك (لمتين نحن ما نستفيد من تاريخنا ولمتين يتقدم ثورتنا أمثال الجزولي وحمدوك))
وأنا استغرب مقارنتك الغير عادلة ما بين الجزولي وحمدوك هذا إذا كنت تقصد دكتور الجزولي دفع الله الذي قاد الحكومة المدنية الانتقالية عقب ثورة أبريل التي أطاحت بنظام مايو والتي انحاز فيهه الجيش إلى الشعب بعد أن أصدر النميري أوامره من أمريكا التي كان قد ذهب اليها لتلقي العلاج بقمع المتظاهرين وبالتالي طلب نائبه الأول ووزير داخليته عمر محمد الطيب من قائد القوات المسلحة آنذاك المشير عبد الرحمن سوار الذهب بقمع المتظاهرين ولكنه أبى وقرر الانحياز الى الشعب وشكل مجلسا عسكريا برئاسته وحكومة مدنية انقالية برئاسة د. الجزولي دفع الله الذي قاد البلاد لمدة سنة واحدة اشرفت على الانتخابات وكان ضمن الثوار المعتقلين من قبل حكومة مايو وتم تسليم السلطة للحكومة المنتخبة لذا شتان ما بين الجزولي وحمدوك أما إذا كان المقصود جزولي آخر فلك العتبى.
هههه.. يقصدوا الجزولي دفع الله ذاتو وزعلانين منو لانه لم يكن يساري علماني وبعد اكثر من تلاتين سنه جابو حمدوك اليساري العلماني وفشل يحقق أهدافهم فزعلوا منو كمان.. البلد دي مربوطة بحبل من الله وحبل من الناس احسن تتواضعوا قليلا.