فرح عقار يطالب برعاية محايدة للحوار الوطني
طالب فرح عقار عضو الحركة الشعبية في مفاوضات اديس ابابا الذي تم اختياره من غير عضوية الحركة الشعبية من داخل السودات طالب برعاية وإشراف محايد لعملية الحوار الوطني السوداني التي دعا لها الرئيس عمر البشير، وقالت إنها تريد أن تطمئن على كيفية تكوين آلية إدارة الحوار واختيار لجانه ومصادر تمويله.
وقال عضو وفد الحركة بمفاوضات المنطقتين بأديس أبابا فرح عقار، لـ “الشروق”، إن الحوار يجب أن يشمل جميع السودانيين بلا استثناء لبناء وطن يسوده العدل، وتتم فيه المساواة بين الجميع في الحقوق والواجبات، داعياً لنبذ القبلية والجهوية.
وأضاف “نأمل أن تكون الدعوة صادقة”. وشدد على مطالبة الحركة برعاية محايدة للحوار. وقال إن الحركة تود الاطمئنان على كيفية تكوين آليات الحوار ومصادر تمويله.
الزول دا مش كان مع الحكومه او كان مرشح يبقى والي للولايه .
يخوانه فرح عقار ده موش ياهو الكان مرشح المؤتمر الوطني في الانتخابات ضد مالك عقار وللا واحد تاني ؟ ولاحقا تم تجميد عضويته في المؤتمر الوطني بعد لجنة تحقيق وكلام زي كده !!
نورونا يا خبراء السياسة في الراكوبة
المؤتمر الوطني اخترقهم………….و اخترق حكومة سلفاكير و الله يستر
فرح عقار كان مرشح المؤتمر الوطني فى الانتخابات التي جرت قبل استفتاء الجنوب وكان منتمى للمؤتمر الوطني وكان عضوا فى وفد الحكومة فى جولة المفاوضات السابقة والان هو عضو فى وفد الحركة الشعبية ولكن بصفة مستشار ولبس كاعضو منتمى للحركة الشعبية قطاع الشمال . ولله فى خلقه شئون .
هذا الرجل ما عندو شغل وظيفتو الاساسية السياسة و راس مالو يدلة كرفتة و اجادة اللف و الدوران دى مشكلة السودان انو هناك طبقة معينة من الارزقية تكون معارضة او تدخل حكومة لا من اجل السودان بل من اجل السودان لذلك السودان ليس له وجيع حكام و معارضين نسال ان ياتي من صلب السودانيين من يكون رجل وطني غيور .
ياهو ذاتوا بلحمه وشحمه واذكر استضافه عوض ابراهيم عوض في قناة هارمونى زمان في احدى برامجه وكان الحفل كبير وكان الفنان من منطقة النيل الازرق وهو الجمرى حامد وغنى اغنية (الثلاث بنات اللابسات ثياب ومقنعات لي عذابي انا)وصاحبك قام اجدع جنس تجدع .
لا خير فى ود امرء متلون اذا الريح مالت مال حيث تميل
يا اخوانا الزول ده اول البارح ما اكان مع الحكومة و عقار التانى مع الحركة الشعبية و الله ده ياهو زاتو كلام النكتة المتداولة و هسى الراجل عايز ىفاوض ناسو لابس طاقىة الحركة الشعبية عشان كدي البلد دي ما بتقوم لها قايمة طالما كل هيلمانة المعارضة من اجل كسب العيش الرخيص و ناس عير تكون في الكراسى و تاكل من مال الشعب السوداني او معارضة تاكل من الاجنبى و كل راس مال الشغلانية بدلة و لسان صحاف .
والله حيرتونا ياناس الجبهة كمان بقيتو حركه شعبيه
لمن لا يعرفون الدكتور فرح العقار , نعم كان فرح العقار قيادي بالمؤتمر الوطني ونافس مالك عقار علي منصب الوالي وبعد ان فاز مالك عقار بمنصب الوالي تم تعينه وزير دوله بالشؤون البرلمانيه وعند ما قامت الحرب في النيل الازرق قال انه ضد الحرب في النيل الازرق وضد قتل اهله في النيل الازرق وبذلك الموقف تمت إقالته من منصبه كوزير دوله وبعدها قدم مبادره لحل الصراع في المنطقتين تم فصله علي اثرها من المؤتمر الوطني فالرجل لا يبحث عن سلطه كما تدعون يا جهلا اعرفو قبل ان تحكمو فنحن في النيل الازرق راضون عنه لانه كان بأمكانه ان يطبل للحكومه ويبقي في منصبه كما يفعل
الان بعض قيادات النيل الازرق امثال ابو مدين , وكرمنو واخرون كثر وبالمناسبه هو ليس عضوا في وفد قطاع الشمال وليته كان بل ذهب خبيرا لها فقناة الشروق تنقل الاخبار كما تريد الحكومه يا عالم.