ترس وراك
ترس هناك وترس هنا
اقفل شبابيك البيوت
اتلموا في كل الجهات
حفر هناك وحفر هنا
اردم وراك واردم هناك
واردم هنا
كل الطرق
كل الازقة والفرق
ارفع صوتك بالهتاف
زلزل حصون كل الجنود
جفف منابيع الرصاص
ولّوّل هنا ولوّل هناك
جنن جنود الشر
عبااد الفريق
اقطع طريق
امشي بعيد
راقب ولا تركض كتير
يا شعبنا
سجل وصور كل اشكال الخنوع
دون ومرر كل اصوات النفاق
احفظ وجوه الغاصبين
المارقين القاتلين
الراحلين الي الجحيم
—-
بالدم ارسم كل احداث السجون
صف الجنود كتاال شبابنا وفخرنا
يا شعبنا لما تشوف عدوا بعيد
خليه يمرح
لما يمشي بعيد خلاص
ترس وراه
قول يا فريق
وفريق خلا
والله ما تحكموا جت منا وليد
خليك من زولا عنيد
زولا نضيج
شعبا عظيم
علّم شعوب كيفن يكون
درب النجاح
درب الخلاص
من كل غصاّب حقير
من كل مختال فخور
من كل نصاّب ذليل
من كل اّفات الزمان
شعبا مجيد ، شعبا اكيد
مايعرف الخوف يا بلاء
لوكنت قايل انت اقوي مننا
ماعشت بيننا وما خبرت كم عزيز شعبنا
يا زول ابعد عننا
افسح طريق اترك حياة لشعبنا
النصر آت ثم آت يا قاطع الازراق
للشعب العنيد العندنا
والله افهم مرة بس
يا كاتل الاطفال
مصاص الدماء
حتي وان طال الزمن
وجلست تقتل
كم سنة
النصر آت ثم آت
وانت خائن للامانة وشعبنا
ياشعبنا ترس هناك ، ترس هنا
تربس وراك باب الكلام
خلي الهمج يموت قهر
ينتشرو في كل البلد
ينبحوا ويعضوا في بعض
سما يشيل روح الغجر
مايبقي فيهم زول سليم
اصلوا الهمج
قايلين خلاص
مهما حصل
الشعب مات وانتهي
ابدا يمين قومتنا ابدا كالحديد
ماتنكسر
نحن هنا
نحن هناك بالف روح
حتي اليموت
يرجع وينبت في مكانو
كالشجر
الف شكرا
من جديد
للشهداء
للمجد الاصيل
ارواحنا تمدد شعاع قد البلد
ترس وراك
كل البلد
تربس خلاص ياشعبنا
