مواجهات مسلحة بين الجنجويد والشرطة وسط مدينة الفاشر

علي الرغم من ان الجميع في الداخل والخارج يعلم جيدا ان التسليح الحربي والعربات ذات الدوشكات عليها والركوبه ذات الدفع الرباعي هي من اموال هذا الشعب المغلوب علي امره تم دفعة بواسطة الحكومه التي لاتستطيع حتي الان فصله من منصبة في الدولة التي لا ندري باى قانون تسير.
لكن الراجل موسى هلال قد اصبحت صورته تكبر لدي معارضية قبل اعوانه ومناصريه لانه اختار الكرامه قبل الصحة والمال فلذا له منا كل تقدير علي موقفه الذي قد نختلف معه فيه .

هههه واله شر البلية ما يضحك—الغريبه في اﻻبيض ماتوا 3(الله يرحمهم ويحسن اليهم) الدنيا قامت وما قعدت—-صدقوني لن تقوم ثورة حتي يتألم ساكن الجنينه لما يحدث في كسلا والعكس صحيح—-المبادئ ﻻ تقبل التعامل معها بالتجزئة وكذا (الدم)!هنا لا اتحدث عما يجري في الفاشر لوحدها—-فقط حاولوا مع ععد من قتلوا في دارفور منذ الخميس حتي اليوم الثلاثاء—اقل من اسبوع!حاول احصائهم من فضلك!

عايرة وادوها سوط … ده اخرها زادت الطين خبوب .. موسي هلال وجنجويد وعبدالرحيم محمد حسين والبشير وحاج سوار .. البلد ما ناقصة خوازيق وعواليق ….

حرم عثمان صغر يكون هسع هاري في لباسه (سرواله) وأها جاتك جوا الحوش يا كبوري! السؤآل يا كبوري هو ويييييين الفقراء المبركهم جوا القصر الرئاسي بتاعك؟؟ قوم جاري يا معلم جاك جاك جاك يا كبوري يا جكاك.

انقلب السحر على الساحر

جابوهم فزعة بقوا ليهم وجعة

المناطق التي يقيم فيها موسى هلال حكما ذاتيا بعيدا عن الخرطوم
يا سلام أي زول عنده قرايب ذي 2000ومعهم 200عربية ممكن يقطع
من الوطن الهامل الاسمو السودان ثلاثة أربعة مدن زايد قريتين ثلاثة ويعمل
ليهو دولة ويقيم فيها حكم ذاتي بلدا ما فيها تمساح يقدل فيها الورل

******* الكارثة مثل هذه الاشتباكات الرعنا في السوق و المناطق السكنية ****** يكون المواطن هو الضحية جرا الرصاص الطائش الذي لا يفرق بين الصغير ولا الكبير ****** اللهم احفظ دماء الابرياء **** و اهلك الظلمة من الكيزان و الجنجويد و مليشياتهم و من شايعهم *******

تمرد شنو يا ناس مافي أي أي تمرد من قبل موسي هلال . ولو تمرد مسي هلال سينهزم في يوم وااااااحد فقط واظن اولئك الذين يناصرونه او هو شخصيا قد يقرأ تعلقي هذا واوجه لو وصية خاصة واقول لك يااااااااااااا موسي (التمرد ليس بالسلاح والرجال) نعم هما ضروريان ولكن الاول الاهم هو 1- لابد من وجود المساندة الخارجية ان تقف معك دولة حتي ولو شكليا حتي ولو دولة بنما
وانت لا تملك مساندة ولا حتي من الحمار الاسترالي ناهيك من البشر
2- المعارضة تحتاج لكوادر ومفكرين وعلماء وانت حصيلتك صفر حتي بعد 600 سنة
3- يا اخي الشغلة دي ماااابتنفعك خليها

هههههههههههههههههههههه شر البليه ما يضحك اهل مكه ادرا بشعابها……..

اشناء الله يطلع ود ابراهيم على الخرطوم

التسوي بايدك يغلب اجاويدك وينقلب عليك جنجويدك

قارنوا الوضع فى دارفور ايام الديمقراطية الاخيرة(الثالثة) والآن فى عهد حكومة الانقاذ آسف حكومة الخراب اللاوطنى!!!
بل قارنوا الوضع فى السودان عامة !!!!

فبأي حديث تتحدثان .
فيه تلاعب من الطرفين لابادة السكان الاصليين لدارفور

بالرغم من نبذنا للاصطفاف القبلى والتسليح !!بس بصراحه ابناء التضامن النيلى سوها واضحه ودى اللغه الوحيده البتنفع معاهم !!حمل السلاح والضرب بالجزمه !!لقد كون ابناء التضامن النيلى (شوايقه دناقله جعليين ومحس) ثروه طائله كان الاولى بها عرب الغرب لانهم هم من دافعوا عن الحكومه ومنذ حرب الجنوب قدموا الغالى والرخيص وقد قام ابناء التضامن النيلى باستغلالهم ايشع استغلال . نحى موسى هلال ونتمنى ان يضرب الخونه اللئام

لقد مزقتم البلد دمرتوا كل نسيجها الاجتماعى انا من مواليد جنوب كرفان عشت فيها سنين وكل اخوانى ولدوا فيها وفى مناطق متفرقة فوالدى عمل بوزارة الزراعة ومؤسسة جبال النوبة الزراعية استمتعنا باجمل طبيعة وعلاقات مازالت ممتدة لم نسمع بالنعرات القبلية هذا بقارى وهذا نوباوى وهذا ميسيرى فقط كنا نسمع بالانتماءات الحزبية الانصار والاتحاديين فقط ولكن اليوم اصبح السودان عبارة بركان يقلى حزنت لما قرأت من تعليقات بان فلان من قبيلة كذا وابناء عمومته فلان وفلان لقد حقق النظام الحاكم اهداف لم يستطع ان يحققها المستعمر فصل الجنوب والفصل القادم للشرق والغرب ونشر الموت بين الامنين من سكان القرى بتسليح المليشيات وصناعة زعماء لنشر الدمار والموت وسط اهليهم امثال موسى هلال فقد كان بالقصر قبل تمرده ماذا فعل لاهله فلنترك الحماقة ونحكم العقلاء والعقل لحل قضيانا ولنعلم ان هذا النظام محمى باعداءه ان كان له اعداء كما يزعم فقطر لاشك فى عمالتها فهى راعية النظام وماننجر اليه الان هومخطط محكم يتم تنفيذه بهؤلا اللقطاء اصحاب الكذب باسم الدين فلننتبه حتى لا نفقد وطن نعيش فيه ويأوينا جميعا لا للفرقة لا للقبلية لا للعنصية فكلنا من ادم وادم من تراب

يا موسى هلال لازم تفهم انك كنت (مغفل نافع) يعنى اداه تم استخدامك من قبل جنجويد الخرطوم لتنفيذ برنامج معين هو قتل اهل دارفور الذين لم يكونوا صيدا سهلا لك والان انتهى دورك ومصيرك الحتمى فى قانون اسيادك ان يصفوك وهذا ما سيحدث بالضبط. Go to hell

هوى يا الاسمك (((جاس)))دا كلام شنو البتقول فيهو دا بس بقت عليك حكاية غلبا راجلا جات تأدب حماتا … نسوان الشمالية والمتمة دخلهن شنو بالكلام دا والله كلام غريب … موسى هلال من الشمالية ؟؟؟ ولا الشيىء البحصل عندكم دا من ناس الشمالية ؟؟؟ هديلك ناس موسى هلال وناس الحكومة الفيها من أهلكم ذاتم بس عينك فى الفيل وتطعن فى ضلو … بالمناسبة صدقوا كلامكم البتقولوه دا هو البخلى الناس يتمسكوا بالحكومة بالرغم من مساوءهاوكرههم ليها… لأنه من جنس تفكيرك دا الناس خايفة بعد الحكومة تمشى الله اعلم حاتسووا شنو فى (((نسوان الشمالية))) ذى مابتقول ياربى ناوين تغتصبوهن ولا شنو ؟؟؟ ياناس تعبنا خلاااااص من الكلام الذى دا بالله سيبوا عنصريتكم دى …

طيب وين ابورياله والمسطول بكرى بالله يا اخوانه اتخيلو لو ابوكدوك كان موجود ده كان بيحصل فى البلد دى

مساء التفاءل، ما داير اديكم مواعظ، بس كلمة ورد غطاها.
الجنوبيين قاعدوا يتكلموا زى كلامكم ده كده ويقولوا البشير ونافع والمؤتمر الوطنى و….
حتى انفصلوا وشكلوا افشل دولة فى العالم واهم قاعدين يقتلوا فى بعض
وحسى كمان انتم ماشين فى نفس الدرب.
ما تعلقوا مشاكلكم فى الاخرين با ناس دارفور
خليكم شجعان واقعدوا فى الواطه وحلحلوا مشاكلكم