عيشة الصبيان و علوق الحصان

لم أنت حلوة يا دنيا بلدنا رغم المحن! وكم يعجبنى الفنان صديق متولي!
{ونعيش عيشة البساطه}
رغم أنف أغانى بنات {العاصمه البدلنها ل{و نعيش عيشة الباسطه} ههه
لكما أعجبتنى قناعات الفنان ود اللحو !
نحن ناس بنعيش حياتنا الغاليه بالنيه السليمه
وكل زول دايرين سعادتو تشهد الايام عليمه

رغم المحن فجميل أنت يا سودان .جميل بناسك.
ناس فى إنسجامها و ئامها فى أفراحها و أتراحها متلمه و ناس متعاونه، ناس إن ضنت الدوله علينا بالضمان الإجتماعى و العلاج و التدريس المجانى ، تلاقينا قنوعين بقرض و بحرحل و شربه و لبخه حِلِبه على الورم بنتعالج. نحن ناس بنعيش حياتنا بالله كريم الله الذى قال {إلا من أتى الله بقلب سليم} فسلامة قلوبنا موقيانا دنيا و آخره، بإذن ربها.
ما أن أحكى قصه عن روعة أسره سودانيه ، حتى يتبادر لأذهانكم كم مثالاً تملأها الروعه جمالاً و تحناناً ،كيف لا و نحن ناس لنا دُخر إجتماعى عبر الأزمان Accumulative history ذاخر بروائع أهلنا ،أهل السودان، و أفتخر . بكل عواطفى sentimental feelings منى لأهلو – أهل عزاز أهل الشكابه ،أهل بورتسودان خشم السودان و خشم القربه و كسلا ، و أهل القضارف ، ناس بحر أبيض الطيبين و كل النيل الأزرق بكل جباله و باحاته ، ناس حلفاء
بوابة تأريخ الدنيا the world history door و كل النوبه و الحضاره و سلام يلوّح من الجزيره المرويه حنان بأهلها إلى غربنا الأغر ،ناس رواية الدورى حفظة القران و اللسان.كردفان و دار فور دار التقى – يا الله سلام علي دارفورنا و نيالا و الوادى و جبل مره و بالمره بطانتنا بكل عِد (بئر ) و قوز و قريه، من رفاعه بلد العلم الى البلد العاليات قصورها ، التى راعنى أشواق بنت القريه تتغنى ؛
الليله و متين أزور الخرتوم.

امدرمان أمان و إعتزاز و كل أطراف شرق النيل ، لك يا سودان و لك يا الطير المهاجر سلام و بعيد سلام على نيل بلادنا و نخيل بلادنا بكل الضهارى و الجريف و اللوبيا و البلدات المطريه و المرويه.
ما أن أحكى قصه عن روعة أسره سودانيه ، حتى يتبادر لأذهانكم كم مثالاً تملأها الروعه جمالاً و تحناناً
قصتى قصيره و لكنها تحمل فى طياتها روعة إنسان،إنسان ود بلد ود السودان .
حكى لى صديقى العزيز ب…العربجى :
يوم كامل ما دخلت جنيه و أنا راجع إستلفت حق راس البرسيم للحصان ، و الله يا أحمد أخوى حمدت الله عليو .
قلت له : سمحه القناعه و سمح الرضى و الله .
مشيت البيت نزّلت و قلت للمرا ما معاى قروش ،قام أولادى الإتنين مشوا جابوا فته من الدكان فى صحنا الماكن داك و المرا سوت سلطه بشطه خدره ما اديك الدرب . جات المرا قعدت جمبى فى النعقريب و البنيه فى قعدت فى البنبر و الأولاد قعدوا فى الوطه (الأرض) و أكلنا زييين تيه ،لامن نُخُرينا عرقت . و الله يا أحمد أخوى ،أنا أكلت لامن زيت الفته وِصِل كوعى و الحمد لله .
قلت له : و الله يا ب… أخوى دى أهل القصور البنوها بحق الشعب الغلبان دا لامن إموتوا م يضوقوا لذتها و لو بذهبهم المجمر و جدادهم المحمر.
قمت منه و حلف إدفع حق الشاى لست الشاى. ودعته و سرت مبتعداً عنه بالمسافه و متقرباً نحو كل شعور يقربنى له ،شعور لناس عاشت حياتها الغاليه بالنيه السليمه.
طبتم
أحمد نور -ودراوه
[email][email protected][/email]