أكثر من 450 تريليون جنيه مديونيات.. الحكومة تقرر سداد ديونها الداخلية في 100 عام

موت با حمار………..

يا جماعة الخير الإنقاذ دى بتقول ليكم أنا ورطتكم فى ديون عالمية تجاوزت الـ 450 تريليون جنيه خلونا كدى نكتبها الأرقام 450,000,000,000,000,000,000 جنيه يعنى لو كان فى العشرة 1 صفر والمائة 2 صفر والألف 3 أصفار والمليون 6 أصفار والمليار 9 أصفار والبليون 12 صفر والبليار 15 صفر فإن فى الترليون 18 صفر ولو قسمنا هذا الرقم على عدد سكان السودان من الرضع للكهول ولو قدرنا عدد الشعب السودانى بالداخل والخارج 30 مليون نسمة فإن حصة الفرد فى الدين العام تقدر بحوالى 15,000,000,000,000 جنيه القديمة يعنى 15 بليون جنيه قديم وهو مايعادل 15,000,000,000 جنيه يعنى 15 مليار جديد
الحكومة دى خبيثة أوى أوى قالت أغرقهم فى الديون لحد إضنيهم وأقول ليهم أنا من تسبب فى رفع حجم الدين العام لهذا الرقم الفلكى ، أدونى فرصة أحكمكم تانى 100 عام أسدد فيها هذا الدين
وإلا شيلوا شيلتكم براكم ونحن قروشنا أديناها ولدياتنا شالوها فى شنط كل شنطة 10 مليون دولار عشان لو قبض عليهم فى دبى وهم فى طريقهم لماليزيا تكون الخسارة شنطة واحدة و10 مليون دولار بس ولا شىء شوفوا نحن ودينا كم دولار من الـ 450,000,000,000,000,000,000 جنيه
الشعب السودانى : ياجماعة الإخوان إتخارجوا بأخوى وأخوك
ومبروك عليكم وسخ الدنيا الشلتوه وهربتوه بره
السودان مادام فيه إنسانه وأرضه وزرعه وحيوانه قادر يستعيد قوته ويسدد ديونه