أخبار السودان
خبير بيئي: إعدام القنافذ سيؤدي إلى زيادة الثعابين والعقارب
الخرطوم: أحمد الشيخ
حذر الخبير البيئي د. خالد شمبول مصعب، من خطورة القضاء على القنافذ على التوازن البيئي، ونفى أن تكون القنافذ تسيطر على مرض السرطان باعتبار أن أمر مثل ذلك يحتاج إلى بحوث علمية، وقال إن الحديث عن علاج السرطان بالقنافذ لا أساس له من الصحة ومخالف للقانون السوداني ويعاقب عليه جنائياً.
وذكر شمبول أن إنعدام القنافذ التي تتغذى على الثعابين والعقارب سيؤدي إلى زيادة الزواحف التي تعيش في فصل الشتاء بالمناطق المأهولة بالسكان.
وراجت شائعات في الأيام الماضية بأن ذكر القنفذ يعالج مرض السرطان، مما أدى ارتفاع سعر القنفذ إلى (1000) جنيه.
الجريدة
يا ريت يطلع لينا أبقنفوت متخصص فى عض و تسميم الكيزان فقط دون سائر بنى البشر عشان يريحنا منهم
شعب وهم عشان كده البشير ليهو حق اقعد في راسكم الي ان يتوفاه الله
أبو الشوك..القنفذ
رغم أن السرطان حصد آلاف..في الشمالية حيث لا قنافذ…أبحث عن سبب تفشي السرطان في عموم السودان…
يادوب من الخبر ده فهمت سبب القومه والقعده في السودان ووسائل التواصل الأجتماعي حول ابو القنفذ وماادراك ماهووو
اتاري الحكايه خزعبلات واشاعات صدقه العقل السوداني البسيط انه يشفي مرض السرطان
الشافي الله وربنا يشفي عقولكم من الخزعبلات الي بتصدقوا اي حاجه .
مساكيين
ما هو الهدف من زوبعة باخرة المخدرات وشائعة ابو القنفد ؟؟؟؟؟؟؟؟؟
وماهو مصدر شائعة ابو القنفد ؟؟؟؟
وماهي اهدافه من هذه الاشاعة ؟؟؟
الكيزان عملو الاشاعه دي عشان العقارب الثعابين تكتل الشعب الفضل
ااااااااه ي زوووول نحنا مشوارنا طويل طوووووويل ..!
عليك الله هسي شوفو الناس دي يعني الواحد ماداير يتعب يشغل مخو؟
الكيزان وجهاز الامن استغلو ظروف الناس وبقو يديروها لصالحهم يعني كدي انت بتفتكر ابوقنفد بجيب ليك الف جنيه؟؟
ولامكوه فحم تجيب ليك بخمسميه مليون؟؟
لسه محتاجيين لمئات السنيين عشان نبقي زي باقي الناس ..
سووووودان مين والناس نايمين قال سودان قال ارجع براك ي عمك هههههههههههاا
يا جماعة اليكم قصة القنافذ كاملة وليس هناك اشاعات …
اتملت ساحة ملعب القولف الذي يتبع لرجل الاعمال اسامة داؤد بالعقارب واشتكا الخواجات زبائن الملعب من الوضع وتعاقد اسامة داؤد مع شركة مطافحة الحشرات وفشلت فى السيطرة على العقارب ونصحه شخص بادخل قنافذ فى الملعب وقام الاخ معتصم داؤد بتكلف حارس مزرعة بجلب قنافذ واعطاه مكافاة 2 مليون وذهب الحارث واخبر اصدقائه وقام حراس المزارع بجمع قنافذ واحضارها للملعب وضحق معتصم من الموقف واعطاهم مليون لكل شخص وامرهم بارجاع قنافذهم الى مواقعها انتهت القصة .
معقولة القنفوت بمليون؟ لماذا لا تعترفوا أن القنفوت لذيذ الطعم وأن أكليه إزدادوا؟