(شريف مايدوغري) يرفض مقابلة مطربة معروفة رغم رجاءات زوجها..قالت أن هجومها السابق عليه كان خوفاً من الصحافة
كشفت مصادر لصيقة بالسيد علي الشريف حاكم ولاية مايدوغري النيجيرية أن زوج فنانة شابة معروفة قد فرغ نفسه تماماً لمعرفة المكان الذي يقيم فيه الشريف بغية ترتيب لقاء لزوجته مع حاكم الولاية النيجيرية على أمل الظفر بإبرام عقد لسفر زوجته الشابة للغناء في القصور المايدوغرية حتى يظفر من الرحلة بحزمة دولارات.
واكدت المصادر الوثيقة ان زوج المطربة المعروفة قد حشد كل طاقته وإستنفر معظم من يعرفهم داخل الوسط الفني لإغتنام سانحة زيارة الشريف الى البلاد وتنظيم موعد عمل له مع زوجته ، وابلغ الزوج العشم بالسفر هو وزوجته الى مايدوغري احد الشخصيات القريبة من الشريف انهم يحبون الشعب النيجيري، وقالوا له في إتصالاتهم المتكررة به على هاتفه المحمول ان موقفهم المعادي للرحلات السابقة كان بسبب خوفهم من هجوم الصحافة الفنية عليهم وخوفاً من القيل والقال.
الا ان ماسعى الزوج المعروف في الوسط الفني وزوجته باءت بالفشل الذريع بعد ان تأكدت معلومات ان الشريف رفض لقائهما، وهو الامر الذي ترك حسرة في نفس المطربة المعروفة وزوجها.
صحيفة فنون
الظاهر الشريف ما مبسوط هذه المرة…
الزوج نسى يمشى ياخد دروس عصر فى التسويق عند ندى القلعه.
ده كلام ده ؟؟؟؟ والله محن وشيء يجنن غايتوا
أهو ده السودان وأهو ده المشروع الحضاري وأهي دي أمبراطورية الترابي الإسلامية تنقل الفن الإسلامي السوداني الأصيل إلى نايجيريا
اصو النسوان كده رخيسات عشان القروش تعمل اي حاجة
صحى الرجال ماتو فى كررى -راجل اليابا والتابا والقروش تتطير
ما عرفتوا لينا ده ممكن يكون منو
والله الفن دخلنا في مشكلة الراجل ده هسه راضي يمشي مع مرتو عشان تتكشف للاسمو منو دا لية حليل السودان والسودانيين
اوعى تكون دي واحدة من بناتنا !
ما الرماد كال حماد !
اسدنا قرد ولا شنو …….. اسد الياباني
انا عاوز اعرف الفتح باب نيجيريا ده منو
والله يازي الكان السبب
المشكله ده كلو هين الرجال زاتم بقو يمشو نيجيريا وربك يستر الناس كلها 1111111111111
يا ناس حرم وطلق وينكم شوفوا الشريف ده فهموا شنو
الله يستر من البلاوي
انا عرفت الراجل الخايب ده منو
معزور مامنو من المدام صغيرونه و دايره فيلا و عربيه اخر مودل و عمك في العقد الاخير من حياتو عايش قصة حب مش في مثل بقول من الحب ماقتل :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool:
لا حولة ولا قوة الا بالله العلى العظيم دا ما راجل والمفروض تكتبو اسموا عشان الناس تبصق فى وجه .
لماذا يدفع الرجل الدولارات ما اظن علشان الفن وبس 😮
ولدت امك ياراجل السجم
الظاهر انو صاحيتنا دي ما مكرية ذي ندوية و لا ممكن الشريف كورتو فكت و بقى يجيب في الاعذار
خرنق بالواضح وبعد شوية رجل الأعمال ورجل البر والإحسان والناس تنسى الكان
ياجماعة الخير … الليلة الواحدة بى لكزس .. 😀 😀 😀
حليــــــــــــــــــل الرجــــــــــــــــــــال البكسروا العنـــــــــــــــاقريب …