المهم اقتناع الشعب وليس الوطني!!
حيدر احمد خيرالله
*الأمين السياسي للمؤتمر الوطني الدكتور مصطفى عثمان اسماعيل كالعادة يتحدث بذات العجرفة المعهودة فبرغم خطاب الرئيس فى حفل التنصيب وتأكيده على هموم المعيشة ، وتصريحات النائب الأول الفريق / بكري حسن صالح عن ان المرحلة القادمة هى اهتمامهم (بقفة الملاح) إلا أن رئيس القطاع السياسي بالحزب الحاكم يقول بالفم المليان : ( ان الأنباء المتداولة حول زيادة الكهرباء والمياه لم تعرض عليه ، واذا اقتنعنا بتلك الزيادات سندافع عنها وإن لم نقتنع سنرفضها )
*المحيّر حقاً كيف كان هذا الرجل رئيساً للدبلوماسية السودانية عدداً من السنين ؟ فهل من الحصافة ان تبادر باقتناعك او عدم اقتناعك فى شأن لم يعرض عليك بعد؟ أما كان الافضل ان يقول : لو وجدنا الزيادة فى مصلحة الشعب فسندافع عنها وان لم تكن فى مصلحة شعبنا سنرفضها ..ثم ماهى آلية اقتناع المؤتمر الوطنى من عدم اقتناعه ؟ وهل فى قيادة هذا الحزب من تفرق عنده زيادة الكهرباء او حتى يعرف قطوعاتها .؟!
*وان كانت الشكوى من زيادة الاستهلاك فان هذه الزيادة فى الاستهلاك شأن يخص الأحياء التى نمت فى غفلة من الزمان قتلت فيه الشفافية وتم فيه تحليل المال العام لشذاذ الافاق السياسية ممن وأدوا الديمقراطية وتطاولوا فى البنيان واستهلكوا كهرباء السودان بالتكييف المركزي والمكيفات الفريون وآخر ماانتجته مصانع العالم من ادوات كهربائية ومافتئ القوم يستهلكونه دونما حاجة للترشيد فالمال السايب الذى يمتصونه من اوردة وشرايين شعبنا بكل وسيلة لاتسمى فى قاموس اللغة سرقة ، تجعلهم لايرون ثمة مشكلة فى ان تزيد تعرفة الكهرباء او المياه او حتى الهواء ، ظناً منهم ان الذى يعيشونه هو السودان وهو فى حقيقته سودان غير سودان عامة اهل السودان..
*وفى الوقت يحدثنا طبيب الاسنان عن اقتناعهم او عدم اقتناعهم بزيادة تعرفة الكهرباء يبرز السؤال : هل الحزب الحاكم هو الجهة التى تملك الحق فى اقرارالزيادة من عدمها؟! ألايوجد ذرة حياء تمنع رئيس القطاع السياسي للمؤتمر الوطنى من ان يصور السودان كأنه حواشة يملكها الحزب الحاكم ومسجلة باسمه ملك حر يزيد تعرفة الكهرباء والمياه باقتناعه؟ والميزانية التى تمت اجازتها وبدأ تنفيذها فعلى اي بند ستدخل الميزانية اذا – لاسمح الله ? اجيزت هذه الزيادة المزعومة فى تعرفة فى تعرفة الكهرباء ؟
*كلما نستمع لتصريح من د.مصطفى عثمان نتأكد بان هذا البلد بحق تجد فيه الرجل فى المكان غير المناسب .. ونقولها لهذا المصطفى المهم ليس اقتاع الحزب بل اقتناع الشعب ، وهذا النهج الذي يتبعه الحزب الحاكم لن يوصلنا الا لإنهيار الدولة ? ان وجدت ? المسكينة .. وسلام يااااااوطن..
سلام يا
( يصل رئيس الآلية الأفريقية رفيعة المستوى ثامبو أمبيكي إلى الخرطوم الأحد المقبل في زيارة تستغرق عدة أيام بدعوة من الحكومة السودانية. وقال مصدر رفيع بمكتب الاتحاد الأفريقي بالخرطوم لـ”الجريدة” إن زيارة أمبيكي تهدف لإنعاش الحوار الوطني، واستئناف مفاوضات المنطقتين بين الحكومة والحركة الشعبية شمال. ) العم أمبيكي رايح جاي بقصد انعاش الحوار .. ساوي الدرب ساساقا ياخي ريح روحك.. الفيلم البايخ ده عارفين نهايتو .. وسلام يا..
الجريدة الخميس 30/7/2015
معقوله الكلام ده بينشر في الجرائد ويوزع في الخرطوم ؟!
يا اخي عمر البشير ده ما عندو دم ولا احساس ولا عقل ولا دين ولا بيستحي ولا بخجل ؟! ده شنو ؟ يا اخي الزول ده ما سوداني ؟ وناس النظام ديل ما سوادانيين ؟ خلينا من ما مسلمين ولا الكلام الفارغ ده ؟ الناس ديل ما سوداننيييين ، طيب من وييين جو ؟
انا بديت اقتنع بان البيحصل في السودان ده غضب من ربنا بس ! ما عندو تفسير تاني
، اللهم لطفك اللهم لا نسالك رد القضاء ولكن نسالك اللطف فيه ياا الله .
منذ تطبيع العدادات الجديدة (الجمرة الخبيثة) هنالك كهرباء مدعومة 200 ك و ومعنى ذلك ان بقية الكهرباء غير مدعومة.
فماذا يعنى رفع الدعم ؟
السودان ما عاد فيه لا دبلوماسية ولا حصافة ولا حياء ولا مروة حتى الشهامة بقت شهادات استثمار …. السودان أصبح فيه شعب يتيم رأسه شبع حلاقة وزيانة من التعلمجية السياسيين ……
اعتقد ان الزول دا سقط في مزبلة التاريخ بعد ان فشل فشلا ذريعا في كل الملفات وعليه ان يشوف ليه مكان ما يستريح فيه اذا كان لم يتهم في قضايا فاسد ولا اعلم ما بينه وبين صفوت الشريف وزير اعلام مبارك في ايام زمان وحكاية العشرين الف فدان وكما ينبغى عليه ان يترك تصريحاته البائسة التى لا تقدم ولا تتخدم قرض سودانى ولقد فشل في كل ما اؤكل له من قبل بشان الاستثمار الخارجي لانه رجل متلبس بقناع الجهوية المفرطة بالتالي لا محل له في القاموس السياسي السودانى
فلمن اراد ان يكون رجل سياسة ودولة في أن واحد عليه ان يتجرد من مسأله الجهوية والنعرة الجغرافية .. والزول دا احد الذين لالا يبارحوا هذا الوصف ولا يقنعنى ابدا انا سودانى ان يمثلنى باي مكان
Useless
الزول ده ما غلطان شوفو الغلطان منو
مصطفي عثمان يملك مزرعة اسماك حديته تم الاستيلاء عليها من اراضي ولاية النيل الابيض. اذا فطعت الكهرباء او ارتفع سعرها سيلجأ الى مزرعته و يا دار ما دخلك شر. لكن هل لنا ان نتسأل عن ما هي الجهة الي اقامت المزرعة وتحت أي حساب ومن دفع الفاتورة.
معقوله الكلام ده بينشر في الجرائد ويوزع في الخرطوم ؟!
يا اخي عمر البشير ده ما عندو دم ولا احساس ولا عقل ولا دين ولا بيستحي ولا بخجل ؟! ده شنو ؟ يا اخي الزول ده ما سوداني ؟ وناس النظام ديل ما سوادانيين ؟ خلينا من ما مسلمين ولا الكلام الفارغ ده ؟ الناس ديل ما سوداننيييين ، طيب من وييين جو ؟
انا بديت اقتنع بان البيحصل في السودان ده غضب من ربنا بس ! ما عندو تفسير تاني
، اللهم لطفك اللهم لا نسالك رد القضاء ولكن نسالك اللطف فيه ياا الله .
منذ تطبيع العدادات الجديدة (الجمرة الخبيثة) هنالك كهرباء مدعومة 200 ك و ومعنى ذلك ان بقية الكهرباء غير مدعومة.
فماذا يعنى رفع الدعم ؟
السودان ما عاد فيه لا دبلوماسية ولا حصافة ولا حياء ولا مروة حتى الشهامة بقت شهادات استثمار …. السودان أصبح فيه شعب يتيم رأسه شبع حلاقة وزيانة من التعلمجية السياسيين ……
اعتقد ان الزول دا سقط في مزبلة التاريخ بعد ان فشل فشلا ذريعا في كل الملفات وعليه ان يشوف ليه مكان ما يستريح فيه اذا كان لم يتهم في قضايا فاسد ولا اعلم ما بينه وبين صفوت الشريف وزير اعلام مبارك في ايام زمان وحكاية العشرين الف فدان وكما ينبغى عليه ان يترك تصريحاته البائسة التى لا تقدم ولا تتخدم قرض سودانى ولقد فشل في كل ما اؤكل له من قبل بشان الاستثمار الخارجي لانه رجل متلبس بقناع الجهوية المفرطة بالتالي لا محل له في القاموس السياسي السودانى
فلمن اراد ان يكون رجل سياسة ودولة في أن واحد عليه ان يتجرد من مسأله الجهوية والنعرة الجغرافية .. والزول دا احد الذين لالا يبارحوا هذا الوصف ولا يقنعنى ابدا انا سودانى ان يمثلنى باي مكان
Useless
الزول ده ما غلطان شوفو الغلطان منو
مصطفي عثمان يملك مزرعة اسماك حديته تم الاستيلاء عليها من اراضي ولاية النيل الابيض. اذا فطعت الكهرباء او ارتفع سعرها سيلجأ الى مزرعته و يا دار ما دخلك شر. لكن هل لنا ان نتسأل عن ما هي الجهة الي اقامت المزرعة وتحت أي حساب ومن دفع الفاتورة.