فوضى عارمة وأعمال نهب وحرائق في أبيي – شاهد " فيديو + صور "..عبد الرحيم محمد حسين للبرلمان : الجيش سيبقى في ابيي ولن يغادرها

لو الجيش طلع من ابيي المسيرية ما حتطلع انها الحرب

نحن اولاد بلد والحقارة ما بنرضاها ……كنتو وين عندما اعتدت الحركة على كنفوى العسكر الشمالى الراحل بسلام من المنطقة ….ويلكم كيف تحكمون ….

والله ما باقى الا……..لكم …بالله شوف هنا لا معارضة هنا وطنى يا وطن اجدادى جيش السودان لن يذل ولن يهان مهما كان وخاصة من الاجنبى والذى فرز عيشته عنا برغم كل شى
.؟؟؟

ونحن فعلا لا نحب المؤتمر الوطنى ولكن اليوم نحن نحب السودان ….وتبا لليلنكى العاوز يذل المسيرية اولاد البلد ويحاربهم فى اكل عيشهم وعيش عيالهم …..

والرجالة خشم بيوت ياناس …..ونحن ليها وبكرة تشوفوا الحيحصل شنو والله نولعها جهنم عديل كدة ومن هسع يا ها دى صدورنا مفتوحة ليك يالموت ….!!!!!!

والله للاسف على بورسودان واحلايب ومصنع الشفى نعام بجعجع

وعلى ابيي بقى اسد بزئر

أين هي القبائل « العربيه » ؟؟ ومن الذي قال بأن المسيرية قبائل « عربيه » ؟؟؟
حتى يسمى الصراع بأنه بين قبائل (عربيه) واخري افريقيه .
قبل أيام شاهدت بقناة الجزيرة ، بعض رجال قبيلة المسيرية وهم يتحدثون في برنامج خاص بقضية ابيي ، لم يكن المتحدثون يجيدون « العربية » ، و وكانت سحناتهم اقرب لاخوتهم الجنوبيين والنوبه منها للـ « العربية » او لاي جنس سامي آخر .

ماذا يضيف او يضيرنا ا إن كّنا عرباً او افارقة او لم نكن ؟؟؟
نحن يا هؤلاء سودانيون .. سودانيون .. سودانيون ..
هكذا قال المناضل على عبداللطيف ومن أجل ذلك جيّش الأمام المهدي جيوشه .

إن ما يحدث في بلادنا من بعض الإقصائيون والعنصريون والموتورون قصيرو النظر ، لهي (جاهليه) ، قد اوردت البلد الى موارد التهلكه كما نرى الآن من احتراب و معارك في غير معترك .
إن ما يحدث بالسودان بحاجة لوقفه « جادة » و « حاسمه » من كل القوى ، ونخص (الشباب) وهم مستقبل هذا البلد ، قبل ان تزروا مستقبله ومستقبلهم الرياح على يد هذه الفئه .

وزير السجم فالحين علي مواطنينكم الحلفتو قسم انكم تحموهم وين كلامك ده اول امس القريبه ده لمن اسرائيل ضربت بورتسودان

يا اخوانا الي متي ندفن رؤوسنا في الرمال….

كلنا نعلم ان الجنوب لم ينفصل الا لانهم ضاقوا زرعا بعمائل الكيزان…ولو اتيح لنا نحن ابناء
الغرب وحتي ابناء الشمال ان يستفتوا لما بقي شريف .. نقي.. طاهر ..غير كوز… غير لص… في السودان
البشير هو سبب كل البلاوي لانه لا يفقه شيئا….

عندما استمع رؤساء الدول يتحدثون…صدقوني حتي القذافي وعلي عبد الله صالح.. دعك من كلتون وتوني بلير وساركوزي وميريكل اقول لماذا لا يتحدث رئيسنا مثلهم…
نحن عموما كسودانين لا نجيد فن الحديث وذلك راجع لتربية …اسكت يا ولد….لمن الكبار يتكلمو…

المشكلة الكبار استعاضوا بالرقص…تجنبا للمزيد من الدراب..

راقب الخيط الدقيق بين معارضة المؤتمر الوطني وخيانة الوطن :confused: :confused: وضميرك الحكم :confused: :confused: :confused: :confused:

الواحد ما يعرف يدعيلكم ولا يدعي عليكم
يا اخوانا انتو انسو الحاكم منو مره واحده في حياتكم
واوزنو الامور
وفرقو بين معارضة البلد والحاكم
والله الواحد بطنو تقلب لما يقرا بعض التعليقات يتخيل الكاتبها ده ما سوداني
انا قريت لي معارضات كثيره بس متلكم ما قابلني
وانا متاكد انتو بتعارضو من فشلكم وبس
ولعلمكم انا لا كوز ولا اخواني ولا مستفيد طبعا راح تقولو مغفل
ياريت اكون مغفل في حب البلد

We need to change Albasheer by Husni Mubark or Gadafi to roll the country

راقب الخيط الدقيق بين معارضة المؤتمر الوطني وخيانة الوطن وضميرك الحكم
هكذا قال المعلم
الضمائر في السودان حيرت الترزية ، أما عمود فقري يحيط به جلد ، أو كرش منسدل لم ير صاحبها …… منذ سنين . فكيف لمثل هذه الضمائر أن ترى خيطك ؟

اسد على و في الحروب نعامه نسال الله فرض الفصل السابع عشان الابرياء فء دارفور و عيرهم من المناطق الاخري يرتاحو شوي

بس البقت ابيى ؟؟؟؟؟؟؟؟؟؟؟؟؟؟؟؟؟؟؟؟؟؟ امة سايكيتك؟

مدهشه ومحيره تعليقات الناس البتقول هى ضد الانقاذ وفى نفس الوقت بصفقوا وبهللوا لحمقات عسكر البشير فى ابيى شنو صحوة الضمير الفجائية دى ماكفاكم الحاصل فى دارفور ياسجم ياوهم

أين الحكمة وأين القانون إن ما تفعله الحكومة والحركة الشعبية بالبلد هو طريق الفتنة لحرب أهلية وعرقية ستبيد الأرض والنسل وهؤلاء على كراسيهم فى الجنوب والشمال بعيدين عن الضحايا الحقيقيين من أبناء الجيشين وأبناء القبائل المتأثرين
ليس هذا زمن العنترية الجوفاء ، اين العظة من التاريخ القريب جداً لهذه الحرب التى أفنت الشباب على مر السنين ثم كان الثمن الإنفصال .. أبحثوا عن الحق وعن جذور المشكلة حتى نجد الطريق للحل السليم بدلاً عن هذا الطريق الذى لا يفضى إلى شئ سوى الدمار ….. أرحمونا يرحمكم الله