تسوية خطيرة

الخبر ناقص
من هم أصحاب الشركة.
وأسئلة أخرى من نوع
مجالات عمل الشركة السابقة في الولاية… وما قامت بتنفيذه لصالح الولاية أو أي ولاية أخرى.
ولماذا منحت القطع المذكورة أصلاً. وفيما كان يجب أن تخصص. وما علاقة ما تخصص له القطع بمجال عمل الشركة. فالحكومات لا تمنح القطع سمبلا؟؟

حسبى الله ونعم الوكيل والله ديل يأكلو مال النبى ولا عندهم ادنى وطنية

يريد الوالي ان يخليها مستورة
دخول المراجع العام قد يكشف الفساد في الصفقة ويفضح سعادة الوالي
وكله مقبول تحت فقه السترة

ههههه ,, ملعون ابوك يا بلد ,, الزبالة دى حدها متى يا عالم ؟؟؟ مافى راجل فى البلد اللى بقت كده يا ناس والله شنو ؟؟ الفهم شنو ,, نحن الله خلقنا عبيد وغنيمة للناس ديل يلعبوا فينا ؟؟ أى واحد اجاوب ويقول نعم … عشان نرتاح ونسلم بالآمر الواقع ,, بدل الضغط والسكرى والامراض النفسية اللى خلت الواحد أنحر فلذات كبده وأم عيالوا ,, أستغفر الله العظيم ,, اللهم صبر الشعب السودانى وخاصة سكان ولاية الجزيرة على هذا الابتلاء العظيم يا رب ,,,

والله هذه اشياء يشيب لها الولدان لو كنا في دوله محترمه كلهم كان مكانهم السجون
يا اخوانا هو البشير غاض النظر عن الجماعه أم من امن العقوبه قل الادب
هل بعد هذا تصدقوا ان هذه الزمره فيها ذرة وطنيه

ولا تزعل نفسك هي السرقة القانونية كيف – ما كدا -اتفرج علي الناس الديل واكثر من الاستغفار – ديل قوم عاهدو الله ان هي الا حياتهم الدنيا- لا بعث ولا نشور – وجنة في الدنيا اخير من اخرة مجهجهة

اي عقد يجب عرضه علي المراجع العام قبل توقيعه اذا كان مازال هناك قانون يحترم

هذه هي حالهم. ليس الغرض من التعينات خدمة المواطن بل ايجاد منافذ للاستفاده الشخصيه لهم. وكها منافع في منافع اما البلد والسودانين فهم ليس في الحسبان. حتي اصبحت بالنسبه لهم بني الاسلام علي سته اولها سياسة التمكين ثم لا اله الا الله….
المصيبه الكبري ان ﻻ حياة لمن ينادي
اﻻ لعنة الله علي الظالمين

بسال لو سمحتم
شركه رواج دي تبع منو
وماسكه منو الان
اكيد سانده نافذ او نافذين
بعدين كيف شركه تمنحه الحكومه سبعين قطعه سكنيه علي اي اساس
وهل كان قبل اربعه سنوات سعر القطعه في سوق الله اكبر خمسه مليون
عموما الشركه دي ما عاديه وعندها ضهر قوي جدا …

عاش مجاهد السحت الاعظم المبارك المبروك والي الجزيرة المقدام نسيب نافع وزيتنا في بيتنا،نسرق ننهب البلد بلدنا ونحن اسيادها وطز في خنوعنا

هى لله هى للله لا للسلطة ولا للجاه …هذا زمانك يامهازل فامرحى …يجى هذا الخبر حتى يتاكد الجميع من سفه هذا الوالى مما يتطلب اقامة دعوى حجر عليه من اهل الجزيرة حتى لا يصرف أموالهم فى غير محلها .ودى فاتت تسوية سربل التى يضرب بها محامو مدنى المثل وقصة تسوية سربل ان الاستاذ عمر سربل المحامى الضليع بمدنى عندما يدخل فى تسوية مع محامى الطرف الاخر يكون عرضه للتسوية تسدد كل طلبات موكله ورسوم الدعوى وكامل اتعابه دون اى تخفيض .اما تسوية الزبير ورواج زادت على سربل بان منح الاخ الوالى لشركة رواج المدينة مبالغ إضافية ولم يكتفى باصل المبلغ بل كمان قبض مبلغ اضافى يعنى بعد ما كانت رواج مدينة للولاية اصبحت بقدرت قادر دائنة .ولعلم الجميع ان شركة رواج صاحبها ومديرها امير كيلة وهو من كوادر شباب المؤتمر الوطنى بولاية الجزيرة ومن سكان قرية دار ام بلال غرب ام سنط وجنوب مارنجان وله كثير من اعمال المقاولة مع وزارة التخطيط بالجزيرة  

كلو كوم و وزارة المالية دافعه مليار للشركة فرق سعر!!! بعد دا كللللللللو؟ ههههها غايتو ما عارفه ابكي ولا اضحك