خرج ولم يعد

كلامكم دا المجنن عبدالقادر المهم الجائزة شنو ان انشاء الله تكون تذكرة واقامة فى فندق عشرة نجوم فى ماليزيا لاننى وجدت العيد الجانا وانت وانا والشعب السودانى سعيد لكن ما بسلموا لاى نوع من انواع الشرطة الذكرتها بخاف يضيع منى وكمان عايزة اعرف الجائزة بتستاهل

أخي كمال
كل سنة وأنت والأهل في ربوع السودان بالف خير
أخي كمال أنا سوداني من أبناء شمال دارفور من مدينةالفاشر
قضيت كل مراحلي التعليمية في دارفور
ويشهدالله بأنني وحتي كتابة هذه السطور لا أعرف قبائل الكثيرين من دفعتي
وكانت العلاقات تتم بالصورة الآتية : دفعتي أو زميلي أو جاري معناه أخي في الله وكفي!
وفي كل مناسبات الأعياد والزيجات كانت همناك العاب ورقصات شعبية يتباري فيها الجميع
الفلاتة والزغاوة والمساليت والعرب والفور والبرتي والداجو والدينكا كل هذه القبائل و بكل فصائلها تجتمع في ساحة جنوب المشتل شرق مطارالفاشر ,أو في ساحة السوق الكبير (حجر قدو),أو في ساحة(أم سوقيو زنقو) وأحيانا في ساحة سباق الخيل أو في ساحة المولد بميدان النقعة,وفي دار الرياضة غرب القيادة العسكرية!يجتمع كل خلق الله صغارا وكبارا لا نعرف القبلية ولا اللونية نلعب ونرقص مع من نريد!و وقت ما نريد!فرحا وسعدا بالعيد! ويسبق كل هذا تبادل الزيارت والتهنئة والتسامح مع الجار والبعيد!و عندما يقول لك أحدآ (السماح) تحس بهذه الكلمة في دموع العين (وأنت ترد من غير تكلفة وتقول له: السماح لله والرسول )لأنها خرجت من فم وقلب صادق!
واليوم (حسبنا الله ونعم الوكيل)
تحول الأخوة والزملاء الي أعداء كل يتربص بالأخر(جهادآ في سبيل الجاه ؟؟؟؟!!!!)
قتل ونهب بإسم الله والدين !اموال الدولة في يد اللصوص و الجهلاء! ولاة الأمور نسوا الله فأنساهم أنفسهم! فأنشغلوا بالإتفاقيات الجوفاء التي فككت البلاد والعباد!!
سفكوا الدماءعندما طبقوا القانون علي الضعفاء وتركوا محاسبة الطغاة!وضعوا السلاح في يد من لا يعرف خطورة السلاح حتي علي نفسه! قبيلة للوالي وقوات للمعتمد ومليشيات ومعارضة وعباد الله وسط!!!
عندما كنا في زمن النميري كنا نسمع صوت المدافع في إفطار رمضان أوإحتفالات البلاد بالأعياد ولكن اليوم نسمع صوت الرصاص وأخبار الرصاص أول رمضان!و وسط رمضان!قبل العيد وبعد العيد! لذلك خاف الصغار؟وفر العيد؟ مع القلوب الصافية هنااااااك و سكن بعيد!!! –العيد سعيد علينا وعليك

بالمناسبة يا أخ كمال أنا غيرت اسمي من سها لقفة بس أنا الما أغير وأتغير ما هي البلد كانت حدادي مدادي كبيرة وجميلة وخريطتها بنحبها ومرتبطين بيها من زماااااااااااااان من زمن دروس الجغرافيا والتاريخ بلدناكانت جميلة قبحوها قبح الله وجوههم شرطوها وقطعوها إلهي يقطعم حتت حتت ما تتلم إلا في نار جهنم علمونا الكراهية والسب والحقد ملوا نفوسنا الكانت مليانة بالأمل بالكره والتفكير في بكرة لكين الحمد لله إيماننا في الله كبييييييييييييييييير زي ما اتعلمنا من بلدنا الطيبة وأهلنا الطيبين ربنا بيفرجا على الناس عشان ناس طيبين وغلابة وهمهم في الدنياالستر والونسة في ضل الضحى ياه لو ترجع الأيام ياه لو ترجع بلدنا زي ما كانت قبل ما يجيها البوم الجلب الخراب والحروب والكتل والدم والحزن العميق لكل انسان عاش فيها في أيامها السحمة . السؤال المحيرني ديل ما سودانيين ليه حاقدين على العالم كدة ليه بكرهونا كدة عملنا ليهم شنو ؟؟؟؟؟؟ لو لقيت زول واحد يجاوبني برتاح. سلامي ليك ما تيأس ولا تحزن حيجي الفرج إن شاء الكريم وفرجو قريب وراجيه ما بخيب
تحياتي ليك أنا من قارئات كلامك المداومات عشان بتكتب بإحساس إن شاء الله قريب نهني بعض بزوال الكابوس الكابس على نفسنا