الخرطوم: مروة فضال
انتقد عدد من المغتربين تعاقدوا مع شركة النصر للإسكان والتشييد عدم تسليمهم شقق متعاقد عليها منذ عام ٢٠١٤والتي كان يفترض تسليمها في العام ٢٠١٧.
وقد فشلت الشركة المتعاقد معها بالتزاماتها التعاقدية في تسليم الشقق.
وقالت الصحفية ابتسام احمد، التي تعمل بدولة سلطنة عمان لـ”الراكوبة” إنها تعاقدت مع شركة النصر بشراء شقة بالاقساط في ابريل ٢٠١٤والتسليم ابريل ٢٠١٧ وتم دفع مقدم والباقي اقساط ،واضافت بعد متابعة بناء الشقق،اتضح بأن الشركة لم تقم ببناء الشقق التي كان تسليمها مشطبه بعد ٣سنوات (الأرض في محلها) وتم رفع دعوى تحكيمية ضد الشركة وكان رد الشركة (خصصت الشركة) وتم التحجج بأوضاع البلاد من مظاهرات وتدهور العملة وتم تأجيل القضية لأكثر من مرة وأشارت إلي تزوير المحامي عدد من التوقيعات، إلا أن تم التحكيم والذي وصفته بالجائر (الحكم بنصف قيمة الشقة ٣٠ مليون تعويض) وتسليم الشقة ٢٠٢٢.
كما لفتت إلى أن سعر المتر في المنطقة الف دولار ، وأن متوسط إيجار الشقة في مجمع النصر ١٢٠الف جنيه شهريا وقد ترتب علي عدم تسليمها للشقة (إيجار شقة صغيرة هي وأسرتها وقامت بتخزين عفشها ).
وأوضحت وصولها هي وزوجها للتقاعد عن العمل دون امتلاك منزل.
في السياق نفسه، لفت متعاقد طلب عدم ذكر اسمه كل المبالغ بإيصالات وشيكات تصرف من البنك، ونبه إلى فشل الشركة تسليم الشقق وتحديد أكثر من موعد دون التسليم. وأبان: “حاولت مقابلة مدراء كل الأقسام حتي مع المستشار القانوني وفشلت”.
وأشار إلى إرسال خطاب لمدير الشركة للمقابلة الشخصية ولكنه لم يرد (ما عايز اقابل اي شخص). وأردف: “ارسلت عدة إنذارات قانونية بواسطة مستشاري القانوني فلم أجد استجابة فلجأت للقانون دون رد”.
شركة النصر للنصب والهمبته
فلوسكم باباي اشتريتو سمك في ميه وحتي لو رجعت فلوسكم ركشه مابجيب ليكم ديل الاسلامين علمو إبليس النصب والاحتيال عونكم الله
(الحكم بنصف قيمة الشقة ٣٠ مليون تعويض) و ومعاها تسليم الشقة ٢٠٢٢. دي محكمة شنو قحاتة طبعا والله دي محكمة جائرة وظالمة للشركة وكان مفروض المغتربين ديل بدل المحاكم يحاولوا يتفاهموا مع الشركة ويدفعوا قروش اضافية كمان لانو قرشك الزمان داك الان مابيجيب ليك رغيفة خليك من شقة والمحكمة كانت تحكم انوا اي زول يعطوا قروشوا ومعاها الارباح وبس ويفضوا هذه المسالة لانو الوضع اصبح صعب الان من وين الشركةتجيب قروش الان عشان تقدر تبني ودا لو حصل في امريكا الشركة فقط تعلن الافلاس ومافي زول بياخذ مليم
المدعو ست الشاي ، ياخي حيرتنا إنت شايت وين أي موضوع داخل فيهو لكن الظاهر عليك إنت مدسوس وبتنا بصراحة نشك في مصداقية الراكوبة لذلك نطلب من إدارتها تنظيم التعليقات والسيطرة عليها لتعم الفائدة على الجميع وإلا صراحة أنا واحد من المتابعين والمشاركين سأنسحب من هذا العبث ونشوف لينا منصة أخرى أكثر مصداقية وحيادية وتحترم الرأي والرأي الآخر .. هذا الإسم (ست الشاي) نحن نفخر به وهو تاج على رؤوسنا جميعاً .. شفاك الله وهداك ..
معظم المغتربين الذين أشتروا تلك الشقق فى عهد البشير , قد تأهلوا لملكيتها بالواسطات السمحة وكانوا يعلمون مدى فساد البشير الاصيل و السمح , وهم بذلك قد أعربوا عن ثقتهم فى شركات النظام الاسلامى الورع و الحنيف و قواته المسلحة.
لذا على حكومة الانقلاب أن ترسل لهم رسائل بيها يتصبروا شوية.
مغترب يشتري شقة بي واسطة ، انت قائل المغترب كوز ولا واحد مقطع
قبلها كانت منازل باعت الهوا للمغتربين وتبنا وبعدين شنو الفرق بين الخرطوم والقلابات نفس الوسخ والكهرباء ماف. وصرف ماف وغاز بح زايد زحام ومرض وجوع يعني بعد فوات الاوان انتبهنا كان ممكن نعمل مزرعه وابقار أو اي مشروع منتج استغفر الله نحنا في السودان مستحيل تتحقق فيه احلامنا ااه يابلد