الخرطوم:الراكوبة
اعتبر حزب المؤتمر الوطني المحلول لقاء رئيس مجلس السيادة عبدالفتاح البرهان ورئيس الوزراء الاسرائيلي ونتنياهو في يوغندا “طعنة” للشعب الفلسطيني ،ودعت الحكومة لرفض التطبيع ومقاومته .
وقال الحزب المحلول في بيان تحصلت (الراكوبة) عليه انه تلقي اللقاء باندهاش ،واعلن الحزب عن رفضه وادانته واستنكاره للقاء ،واعتبره خروجا علي توافق الشعب السوداني.
وشدد الوطني علي ضرورة ان تكون الفترة الانتقالية محدودة المهام دون اتخاذ اي قرار مصيري ،وقال الحزب ان الحكومة ليست علي قلب رجل واحد ودلل علي ذلك بالفشل في معاش الناس ومحاربة الغلاء وحفظ الامن .
وعبر الحزب المحلول عن خشيته ان يكون لقاء التطبيع نتيجة للتنافس بين مكونات الحكومة واقطابها لنيل رضي العواصم الخارجية ؛لترجيح كفة كل طرف منهم على الآخر داخلياً،واضاف البيان ( هذا يؤكد أن بلادنا أصبحت تدار من عواصم خارجية إقليمية ودولية) .
وذكر البيان ان القضية الفلسطينية قضية مركزية وليست مجالا للمساومة او المناورة .
اولا من هنا نوجه لوما شديداللهجة لصحيفة الراكوبة لايرادها لأخبار ذلك المسخ الذى ثار عليه الشعب السودانى ورماه الى مزبلة التاريخ .. هذا اولا ثانيا الآن وفى الخارطة السياسية لايوجد حزب او منظمة او أى شئ له ارتباط بالعمل السياسى اسمه ( المؤتمر الوطنى ) حتى ولو قرنتم به كلمة المحلول او ( المنحل ) ولذلك نرجو من صحيفة الراكوبة أن تريحنا من هذا المسخ ..!!
ثانيا قولوا لهذا المسخ كفى مزايدة وكفى تفاهات فقطر وتركيا اللتان تحجون إليهما والآن كل منسوبيكم الهاربين يتواجدون على أراضيهما هما من اوائل من طبع مع اسرائيل .. بل أن تركيا التى تمدكم الآن بالسلاح ظنا منها ومنكم أنكم عائدون اسرائيل هى أكبر سوق تركى لشراء السلاح .. !!
اقتباس :
حزب المؤتمر الوطني المحلول: لقاء البرهان ونتنياهو “طعنة” لفلسطين.
طيب يا اوغاد ، طعناتكم انتو القاتله للشعب السوداني لمده تلاتين سنه في كل جنباته و اللي ما خليتوا ليه جنبه واحده ما طعنتوه فيه، ديل انتو كنتو ما حاسين بيهم . و لا كنتوا فلسطينين و نحن ما كنا عارفينكم !! ، عشان أصلا ما فارقه معاكم الشعب يروح في ستين داهيه و تبقي ليكم بس فلسطينيتكم ديك اللي أهلها ذاتهم بايعينها بصمه التراب .
بعدين ، تعالوا منو أصلا اللي اداكم حق الإدلاء و التصريح أصلا !! و لا تعالوا انتو دايرين الفلسطينين ينجدوكم من الشعب السوداني اللي رماكم في المذبله و لا شنو يا رمه اللي ما عارفين مصلحه بلدهم . بعدين عليكم الله يا عواليك اللي عملتو في جبال النوبة و في دارفور و النيل الأزرق و في مناطق كتيره بالسودان و حتي جوه الخرطوم في اعتصام القياده مش أسوا من اللي بيعملوا إسرائيل في الفلسطينين!! ، بعدين ما تقولوا لي ديل محتلين ، ما ياهو ديل المصريين باسم العروبه محتلين اراضي سودانيه و سكتم ليهم ، بعدين خليكم من دا كلو ، انتو ما كنتم محتلين السودان كلو ، تبيعوا فيها زي ما دايرين و بتسرقوا فيها زي ما دايرين ! حتي كنتوا بتشيلوا بهائم بالالاف و تهدوهها لمصر عشان تفك ازمتها وهي محتلاكم و كمان تهدوا عربات لعيبه كوره مصريه عشان شنو ما عارف بس عشان مال سايب و شايفينهم اقرب ليكم من ناس دا فور و جبال النوبه و الهامش السوداني كلو ! في وقت البلد ضاربها فقر بسببكم ، و انتو شغالين تبديد للأموال بالخارج !! تبا لكم .
انتو مالكم ومال المجلس السيادي انتو زاتكم في زمنكم البلاد كانت تدار من عواصم إقليميه وعالميه
نفس كلام عريقات الفتحاوي وطبعاً دا برضو راي الحمساوية! إن الفلسطينيين يقولون لنا حتى أنتم العبيد! لأنهم يعلمون كل الدول العربية لها علاقات مع إسرائيل! وآخرها السعودية التي فتحت أبوابها للسياح الإسرائيليين ودعتهم لدخولها بالجواز الفلسطيني أو الأردني!