الصوارمي : لاعلاقة لنا بالانقلاب في أفريقيا الوسطى
قال المتحدث الرسمي باسم الجيش السوداني العقيد الصوارمي خالد سعد، يوم الإثنين، إن بلاده ليس لها أي علاقة بالأحداث الجارية في دولة أفريقيا الوسطى والتي شهدت انقلاباً عسكرياً أطاح بحكومة بوزيزي، مؤكداً عدم وجود أي توترات على حدود البلدين.
وقال سعد في منبر إعلامي بالخرطوم إن ما يجري في أفريقيا الوسطي شأن داخلي وهي دولة مجاورة للسودان والوضع الأمني في الحدود معها لم يشهد أي توتر ولدينا اتفاق ثلاثي مشترك ملتزمون به مالم يحصل أي طارئ.
وفي منحى آخر اعتبر سعد أن الاتفاقيات الأمنية التي وقعتها دولتا السودان وجنوب السودان مؤخراً هي الضمانة والبوابة الأساسية لتنفيذ كل الاتفاقيات وتساعد في استتباب الأمن بينهما وتتيح فرصاً كثيرة منها فتح المعابر مما يساعد في إنعاش الحركة التجارية وحركة المواطنين.
وقال إن هناك تحديات تواجه هذه الاتفاقية متمثلة في قضية التمرد المشترك من هنا وهناك وقضية الخروقات الأمنية، مؤكداً التزام الدولتين بوقف الدعم والإيواء وفك الارتباط.
وفيما يتعلق بقضية أبيي أكد سعد أن حلها يتم بالدبلوماسية الحكيمة والجدية وأن الإعلام في المرحلة القادمة يجب أن يلعب دوراً كبيراً في تهيئة الأجواء والتنبيه بالمخاطر وتحري الدقة في الحديث عن العلاقة بين الدولتين لتفويت الفرص على الذين يثيرون الفتن.
شبكة الشروق
الصوارمي خالد سعد، يوم الإثنين، إن بلاده ليس لها أي علاقة بالأحداث الجارية في دولة أفريقيا الوسطى والتي شهدت انقلاباً عسكرياً أطاح بحكومة بوزيزي،
ماهي المناسبة لهذا التصريح *** ام نفي *** سمعتة بان سودانيون مشاركون في سقوط بانقي علي قناة فرنسا24 وقالها مواطن افريقي *** استباق اعلامي يا تري بعد ان توضع الحرب اوزارها** من المعلوم النفي ( حقيقة في تورط)
في زول أسع سألك،،، خليكم في بلاويكم وارجوا الجاييكم ،،،
طبعا لا علاقة لكم باي انقلاب في افريقيا الوسطي , انتو ابيي قادرين تصلوها؟ هههههههههه
يكاد المريب ان يقول خذونى
اظن في مثل قديم بيقول (الفي قلبه الحرقص براه برقص).
شكيتكم علي الله خربتوا السودان يا كيزان و مشيتوا لدول الجوار
انت ربنا جابكم عشان تخربوا السودان و الدول الماورة ليه
الله ينتقم منكم يا سجم يا رماد
انتم مثل الشيطان تفتنون الاقرباء وتفرقون الاحباء وتجتمعون مع الاعداء لعنكم الواحدالاحد
يالصوارمي احتمال تكون العلاقة مع اخوتك في الحكم كدي تأكد ثم رد علينا مرة تانية
هسى السالك منو واحد من ثلاثه يا دايرين تهرشو الباقين بالكلام ده او عندكم يد فى الموضوع
بعد ان استجلبو الجحيم الى السودان يريدون استجلابه الى دول الجوار كذلك
قال عندنا اتفاق … لا تستبعدوا يا ناس الراكوبة بكرة ( بش بش ) يخرج عليكم ويقول الثوار دخلوا (بانجي) باسلحة سودانية … المهم قولوا ( لديبي ) بل رأسك!!!!!
يكاد المريب يقول خذوني
ونحن نصدقك مغمضي العيون وما كان تتعب نفسك وتنفي. لايمكن لعاقل أن يصدق بأن الكسيح شات واحد شفت شلوت ورماه بعيداً.
تعملو العملة وتنكروها قبل ما أي زول يسألكم والسيناريو دا زاتو جاي عليكم بل راسكم!
إن زينوا (حلقوه) إنت (بل) رأسك أبو حبرقص الفي بطنوا برقص إنت هسع السألك منو؟؟ و لا الجاب سيرتكم منو؟؟ براكم تفتشوا للمشاكل ؟؟ (قذا تحت خلي يسف ليه تراب ) (ألمي حامي و لا لعب قعنونج ) الجبخانة بكت في باننجي و في الخرطوم إنشرق زول يا الصوارمي أصبر شوية شيلتك جاية بس أرطز و خليك راجل؟؟؟؟ حدثت في الكونجو (كابيلا) و الآن أفريقيا الوسطي و غدا السودان بإذن الله ؟؟؟ و جفليب قادة الإنقاذ دا وراه حاجة كبيرة؟؟ شي في ألمانيا و شي في رواندا و شيات في الدوحة؟؟؟؟؟؟؟؟؟
طبعآ ماعندكم علاقة بانقلاب في دولة أفريقيا الوسطى!!… لانو اصلآ البشير رئيسكم المشير ماقدر يدخل دارفور..ولا انتو قربتم من حلايب وطوال 23 سنة…ولا عتبتو الفشقة!!…يبقي كيف شاركتو في انقلاب بانقي?!! بالرموت كنترول?!!