المتحدث الرسمي باسم الحركة الشعبية : ما ذكره النائب الأميركي صحيح وحقيقة لا تنكر..التطهير العرقي في السودان له تاريخ طويل.

هذه بداية نهاية عصابة حكم دولة الجنوب ( الحركةالشعبية ) فكما قال نافع بور ليست بعيدة – والله لو تجيب السلاح من الشيطان الرجيم فوالله ان الجيش السوداني وان قابلكم بالسلاح الابيض فوالله الذي لا اله الا هز لا يبقي فيكم احدا – وقد رقعت رايات الجهاد والى نهاياتكم أيها المملوكلين

هل يوجد وسيلة غير الاعتراف بالخطأ ولم شمل ما تبقى من أرض السودان شماله وجنوبه وشرقه وغربه. البكاء والعويل والجرى خلف مقاعد الامم المتحدة لاتحل مشكلة غير التأزم والفرقة هى التى أدت الى إنفصال الجنوب . الحل والوحيد قبول كل أثنيات الشعب السودانى فى المشاركة الفعلية الحقيقية فى صنع القرار السودانى بدون أقصاء أحدا أو أنفراد جهة بعينها بالقرار السياسى والقبض على مصادر الثروة والسلطة معا هذا الوضع لايستمر كثير بل تؤدى الى هلاك ودمار الانسان السودانى . والسؤال ماهية المشكلة والمانع أن يشارك أهل الهامش فى سلطة بلادهم هل هم غير مواطنين فى كل الحقوق والواجبات تجاه الدولة هل إن جاءت كارثة لاسمح الله يثنى أحدا هذا شمالى وذاك جنوبى أم تعم الجميع ويقومون بالدفاع عن الوطن وأهله. ساسة أكلهم الدهر تحجر أفكارهم لايصلحون فى السياسة أبدا قوة الشعوب تقاس بقوة وحدتها وترابطهم وهمهم الوحيد الدفاع عن الوطن الام لايجوز ولايقر منطق أو قانون فى الدنيا أن ينفرد أحدا أو جماعة بالسلطة والمال ويدعو الاخرين دخول دينهم بقوة السلاح وعدم إعطائهم فرصة مشاركة فى القرار السياسى فى وطنهم ..

يا العطبراوي الجهاد على مين؟ دارفور ؟ لا طبعا . النيل الأزرق؟ برضو لا. أما أهل الجبال … فوالذي نفسي بيده فمثلما صبروا في أحلك ظروف المجاعات التي ضربت السودان و شهد لهم الجميع ان لم يوجد أبناء النوبة في الطرقات يشحدون الا من كان مختل العقل فكذلك صام المسلمون منهم شهر رمضان هذا العام دون سكر يتناولونه للشاي او العصير. كانوا يؤدون صلواتهم في جماعة و دوي القنابل لم يتوقف. في ذمتك انت يالعطبراوي بتجاهد؟ لا أطن ذلك. كان زمان الشباب بصدق يفتكرون أنفسهم مجاهدين الى أن أفتى لهم أمامهم بأن لا جهاد و لا مجاهدين. يا العطبراوي نحن أهل الجندية و الذي تتحدثون عنه (الجيش السوداني) علىو مر التأريخ أساسه نحن و حتى الآن رضيت أم أبيت. و لأول مرة في التأريخ السوداني نحس بما كان يمارس ضدنا من سنين باسم الدين و نحن مسلمون. فدعنا نسأل الله ان تعدي على خير و يبقى السودان آمنا للأجيال القادمة. فلا شك ان السودان وسيع جدا. يسع لك و لنا.

يا جماعة قبل ما يجي واحد زي المسمي نفسه العطبراوي ده و عطبرة بريئه منه و من البفكرو زيو , عطبرة بلد السكه حديد ( الانتهت ) بلد العمال الاتشردو . والسودان الكان زمان مجمعنا كلنا , انا شمالي و عربي قح , و في زمن السجم و الرماد و اللصوص ابان دقون ديل كرهنا البلد زاتو مرقنا و الواحد قهران في بلاد الله الواسعة . و الواحد بقي لمن يشوف سوداني يفكر الف مره ياتري انت زي العطبراوي ده حلقوم ساكت . والله ياجماعة نحن بالجد في مصيبه كبيره حضارة سنين بتضيع من الناس . الكيزان الزفت ديل مسحوا مننا اي حاجه , التوب بقي عبايه . الجلابيه و العراقي اختفت . اسامينا بقت تسابيح و مزن و ابابيل ما عارف شنو . وين اهلنا السمحين ناس زمان ؟ وين دكان الفوراوي ؟ الكان نشيل منو جروره , وين امهاتنا و وين ابهاتنا لمن الواحد يعمل اي حاجه يكون بيتلفت ما يشوفوا واحد كبير يكسر راسو . وين الملحات الكانت بالحيطه ؟؟ , وين دينا السمح كلو ضيعوه الكلاب السعرانه النهشت البلد دي . بقت دار ملاقيط في المايقوما و سجون مليانه مزارعين و عمال , و شوارع مليانه نشالين و بواليس مرتشين و اولاد صعاليك و بنات استغفر الله من وصفهم !!! مشو وين يا جماعة ناس البلد ؟ و جونا ناس ابو هريره و ابو قتاده و ابو جداده ملو البلد عفن و تطرف و دعارة و قرف و للاسف باسم الدين . ناس تاكل من القمامه و حراميه يصفقوا ليهم في الشوارع , و يجي واحد زي المسمي نفسه العطبراوي يقول ليك نجاهد !! يا اخونا حاضر لكن نجاهد مع منو و ضد منو و لي شنو و لا بس تسوقنا سواقة الضان وراك ؟؟؟ يا جماعة انا خايف لو حتي السرطان السكن فوقنا ده قلعناه بي اضافرنا ما نلقنا ناسنا الزمان . معليش داير احكي حكايه عن الجنوبيين القلت عليهم كلاب ديل , انا عربي و كمان ابيض من الطيب مصطفي العنصري ده , ما علينا شفتو الجماعة الوسخين ديل دخلونا معاهم لي افكرهم , المهم . ايام ازمة دارفور كنت مسافر في شغل تبع المنظمات الطوعيه , و وصلت منطقة في حدود تشاد اسمها المكجر , الدنيا كانت رمضان و وصلت قريب وقت الفطور و كنا صايمين . لقينا اخوة جنوبيين شغاليين في منظمة مع خواجات و لقيناهم رغم انهم مسيحيين الا انهم اخروا غداهم لي اذان المغرب عشان لو جاء مسلم يفطر معاهم !!! بالله عليكم هسه ديل سودانيين اكتر و لا الطيب مصطفي و علي عثمان . لكن نسوي شنو امكن لو كان في زول شاورنا كان فصلنا ديل في جزيرة في البحر و خلونا نحن نوبه و جعليين و فور و جنوبيين و الفضل من السودانيين نعيش في بلدنا السودان نحبو و يحبنا و نحب بعض .. مع اطيب ودي
سوداني من الخرطوم , وبلدي من حلفا لي نمولي , و هسة ممكن تقولوا منفي من البلد لحدي ما تنضف . والله مع الناس الطيبين