ارتفاع طفيف في قيمة الجنيه السوداني مقابل الدولار

دي اهلنا الكبار يسمونها فجة الموت .

يعني الحكومة دي جد جد بقت تعرف تفرح الشعب السوداني…9.330 قيمة الدورار ابسطوا يا عم…
ها ها ها الكهرباء جات…
ها ها اللية المويه جاتنا في المواسير الساعه اتنين صباحا…
حصل حصل طرمبة جكسا فيها بنزين…
فرن جبره فيهو عيش غالي شوية لكن موجود..

ابسطوا ابسطوا افرحوا…

ههههههههههههه
والله يا ناس الراكوبة انتو صعبين خلاص ارتفاع طفيف دا تلقاهو ارتفاع كبير ووصل الحضيض

هذا مجــرد انخفاض طارئ بسسب تحويلات المغتربين بعد استلام رواتبهم منذ صباح يوم 27 أبريل 2014م، سوف يعاد الارتفاع باذن الله في / قبل الخامس من مايو. ليس هناك سبب وجيه يؤدي الى تحسن سعر صرف الجنية السوداني ، كلها مضاربات من اصحاب خبرة طويلة عمرها 25 عامــــــــــــــا.

والله الجنيه مفروض يدوه وسام الشجاعه من الطبقه الوسطي نسبة لاستبساله وصموده امام الدولار الحار .

سلام يااخوانا متين الدولار يساوي واحد جنيه؟؟؟؟؟؟؟؟؟؟؟؟؟؟؟؟؟؟؟؟؟

يا جماعة ما تتضايقوا
اول ما يصل 10 سوف تعلن الحكومة مفاجأتها و تصدر الدينار الجديد وكدا الدولار حيساوي واحد دينار جدييييييد
ويطلعوا مسيرة ويهتفوا
Down down USA

ضروري الجنيه يطلع عشان ينزل أكثر

دا في ال trend بتاعه بكون عايز يشكل علامة ال W وعشان ينطلق للامام عشان يقالد ال 15 كهدف قريب لازم يفرمل شوية كدا واستقر .. بكون في بيوعات ولما تنتهي سوف يعاود الارتفاع …
وارتفاعه بكون لحدي القمة التاريخية 9500 وفيها برضو حاينزل تاني شوية لنفس ال 9350 وبعد كدا مافي فرامل نهائياً …
دا تحليل فني للدولار مقابل الجنيه السوداني .. وللاسف الشديد السوق الاسود ما عنده مؤشر ممكن يساعد في شغل ال forecasting و ال technical analysis

يا ابراهيم أمحمد الليلة كيفن ؟ الحمد لله الليل قعد على حيله وقال لى مديني جيب لى كورية نشه شربها كلها وأتونس معانا وطايبنا كلنا وحتى الصغيرين كلهم ناداهم بإسمهم وسلم عليهم – القايل أمحمد بيقيف على حيله منو
ووب ووب الليلة يا ود أمى الليلة يا حبيبى الليلة يا أمحمد جمل شيلى
مالك ياوليه بتولوى فينا من الصباح إن شاءالله خير
يا ابراهيم جيت اشيل الكورية من قدام أمحمد لقيت النشة الشربها مارقه منه بى خشمه ونخريه وبى تحت
لا إله إلا الله أكان كده قعدته ديك كانت فجت الموت إنا لله وإنا إليه لراجعون
بعد أن إنخفضت أسعاره بصورة مستمرة في الايام الماضية مقابل العملات الاجنبية حتى وصلت مقابل الدولار 9500 ، ارتفعت اليوم قيمة الجنيه السوداني في اسواق الخرطوم وبلغت قيمة الدولار 9330 جنيه
أكان كدى دى فجت الموت وبكره حيكون الدولار يساوى 12000 جنيه
إنا لله وإنا إليه راجعون ماقالها ليكم على عثمان – لو ماجينا الدولار كان حصل 20 جنيه
يا على عثمان بكره حيحصل 12500 جنيه
خلاص فجت الموت جات
الله لا يغز فى ……… بركة يا كيزان دمرتم السودان ومصرين تحكموا
لعنة الله عليكم وعلى شيخكم الذى علمكم السحر

يا له من عمل صالح يرفعه الله الي أسفل..

لن ترتفع قيمة الجنيه السوداني بالدولارات القطرية المودعة في البنوك ، ولا بإحتكاره في مكاتب شركات حكومية معينة ، ولكن بمحاربة الفساد الضارب بجزوره في كل مرفق حكومي ، والإتجاه للزراعة والصناعة وإيقاف استيراد وتصدير بعض المواد وتنمية الريف ومحاربة الجهوية والقبلية التي أطلت برأسها مؤخرا ، خلاف ذلك سوف يكون مزيدا من التدهور المريع في كل المجالات..

التجار العمال الطلاب كل القطاعات تحاول معرفة الدولار سعر الشراء ؟ سعر البيع ؟ هل إقتصاد السودان توقف علي ثقافة الدولار أين القطاعات الأخري صناعة زراعة خدمات كيف ننعش إقتصاد البلد محليا ؟ أخشي أن يكون كبار الإقتصادين شغلونا بوهم إسمو الدولار وهم في إنتاج وإستثمار و فوائد وأرباح غير الواقع. ودمتم

قاعد ستعد للوثبة الجاية…. امسكو الخشب…..