كشف مدير شركة الماشية وعضو غرفة المصدرين بابكر محمد علي، عن توقف جميع شركات التصدير عن العمل.
وأضاف: “كان هناك (1000) شركة متوقفة عن العمل مسبقًا والآن توقفت جميع الشركات – على حد قوله”.
وعزا محمد علي، توقف الشركات نتيجة لقرارات وزارة المالية التي أفضت بزيادة الضرائب من (5 – 30)% بجانب رفع رسوم الجبايات وجمارك الولايات، وأردف: “الزيادة أعلى من الأرباح وهذا شيء غير منطقي”.
وقال عضو غرفة المصدرين، إن قرار زيادة تعرفة عبور محطات الشاحنات أثر عليهم بصورة مباشرة، لافتًا إلى أن القرار تطبق اليوم بنسبة (600)%، وتابع: “عجلة الإنتاج توقفت تمامًا، ومنذ إصدار هذا القرار لم تتحرك أي عربة”.
وطالب مدير شركة الماشية، الدولة بتخفيض الضرائب وفك قرار تقسيط الجمارك لتشجيع الصادر والوارد تجنبًا لانهيار قطاع التصدير والاستيراد، بجانب إلغاء جميع قرارات وزارة المالية منذ توقيع اتفاق سلام جوبا – وفق تعبيره.
وكانت وزارة المالية والتخطيط الاقتصادي قد وافقت على مقترح الهيئة القومية للطرق والجسور بزيادة تعرفة العبور بمحطات الطرق القومية بنسبة (600)%.
الترا سودان
خربها وقعد علي تلها
السلام سمح
اذا استمر الوضع على هذه الوتيرة فان ايراداتالضرائب سوف تنخفض….. عندها سوف يبدأ بنك السودان في طباعة العملة بدون غطاء. …ررررب رررررب رررررب … .وقريبا جداً سوف يفقد الجنيه السوداني قيمته … دوﻻر بس… .دلورة اﻻقتصاد
انتو جبريل دا وقعوا معاه معاهدة سلام ولا حرب شغال احارب في الدوله السودنيه بكل الطرق وعامل عليهم حصار اقتصادي
ياخ ما دايرين معاك سلام غور محل ماكنت
الظاهر انو جبريل مو عاوز تصدير وبطريقة غير مباشرة … وكمان مش عاوز استيراد … اكلو قرض بعدا … جبريل … لولا دعمه للانقلاب لساندناه.
سلام يا سلطان عموم السودان تعال استلمها ولا تصدير ولا استيراد زي ما الرئيس الصيني قفل الصين وعمل نهضه والبلد خيرها كتير والناس بتشبع وتشتغل صاح والقرض علاج وله استخدامات متعدده بس تبقي في دوله ونظام وأمن و أمان وقانون فوق الجميع
وزير الماليه وسياسه التخبط الغير مدروسه وتعنده بفرض ضرائب ورسوم باهظه على كل الخدمات ماهى الا حفر مقابر ليؤدى فيها الاقتصاد التجاره اتشلت والصادر توقف والنقل توقف بالامس كاملا بسبب ارتفاع العبور بنسبه لا تصدق وتوقفت جركه الاقتصاد بسب هذه السياسات الغير مدروسه —– هذا الشخص يعانى من الدونيه ويسعى الى ارجاع السودان الى القرون الاولى وليس الوسطى والى متى سيقف الشعب مكتوف الايدى ويتفرج على القرارات الفرديه لرجل جاهل همه كيف يجمع المال لانفاذ اتفاقيه الظلم اتفاقيه جوبا وكان السودان بعراقته هو اتفاقيه جوبا والتى ستذهب الى الجحيم اخرجوا ايها الشعب
ثمار اتفاقية قحط 4 طويلة والجبهة الثورية بدأت تنضج
كلو واحد يجيب شواله ويلقط…كلوا واشربوا هنيئا لكم
الذ شئ انو ناس قحط 4 طويلة طردوهم وخلوهم واقفين بسفنجاتهم بره… يتفرجوا ساااكت
الوقع الاتفاقية دى وكان ماسك ملف السلام منو….خليك من قحاطة…دى بلدنا والهم الفيها كلنا واقع فينا والشماتة مابتحل …نحن ماقحاطة ولاكيزان انتو تتراشقو بالفشل واسواء الحديث بينكم ولاهمكم بلد ولامواطن نستفيد شنو من شماتتكم وعدم المسؤلية تجاه الحاصل وناسين يوم الحساب كما تدين تدان
دا قرار صاح كل الشاحنات وخاصة المصرية منها تفرض عليها ضرائب ثقيلة لانهم ناس تهريب وسرقه واحتمال دا يخلهم يغوروا من هنا كسروا لينا الطرق حقتنا ودخلوا لينا الهواء الملوث نعم للضرائب التقيلة عليهم واصحاب البصات برضو شوفوا تزكرة السفر بي كم عزبوا الناس والحكومة مفروض تعزبوهم برضو بي الضرائب الثقيلة واصحاب المواشي برضو عزبوا المواطن بي الاسعار النار ذيودوا عليهم الضرائب عشان يبعوا محلي فقط ولايصدروا وممكن يذيدوا الاسعار للمواشئ للتصدير للضعف والتجار والاغنياء نعم مع القرار ضرائب تقيلة لكل شاحنة وكل تاجر وكل غني وماتنسوا الفنانين وناس الكورة واصحاب الصالات والشقق وكل شئ تجاري وووو