أصيبت العروس بكدمة على وجهها ..ونال العريس نصيبه من الضرب..وفنان يترك فرقته الموسيقية ويلوذ بالفرار من معركة كراسي بأم درمان..!
أطلق فنان شاب ساقيه للريح لينفد بجلده وترك فرقته الموسيقية خلفه إثر اندلاع مشاجرة عنيفة استخدمت فيها الكراسي والطاولات وكثير من الحجارة ونال العروسان نصيباً وافراً من الضرب المبرح وأصيبا بعدد من الكدمات والجروح ولم يشفع لهما تتويجهما في ليلة العمر في حفل زفافهما بأم درمان..
وتعود تفاصيل الواقعة التي شهدتها منطقة الفتيحاب إلى أن الفنان الشاب الذي كان يقلد محمود تاور قد فرغ من وصلته الغنائية الأولي وحينما شرع في الثانية اندلعت مشاجرة عنيفة بين أثنين من الشباب الذين كانوا حضوراً وبدأت الكراسي في التطاير في الهواء لتنهال على رؤؤس الجميع وحينما حاول العريس التدخل لاحتواء الأمر وفض المشاجرة نال نصيبه هو الآخر من الضرب بالكراسي في ذات الوقت الذي أصاب كرسي طاير عروسته التي كانت قابعة في الكوشة مما أدى إلى تورم وجهها وارتسمت على وجهها علامات الذعر والهلع . وعندما رأى الفنان الشاب ما يحدث أمام عينيه آثر أن يطلق لساقيه الريح لينفد بروحه ويترك فرقته الموسيقية خلفه لتعاني هي الأخرى من احتدام معركة الكراسي وينالوا نصيبهم من الكدمات والإصابات التي كان اغلبها خفيفاً…
صحيفة فنون
بالله لسة في ناس بالحهل ده
نتيجة حقد وحسد
واحتمال تكون مدبره
للانتقام من شخص ما….
نظفوا نفوسكم من الاحقاد فانها مدمره.:eek: :lool: ;) :confused:
كان يغنو ليهو ( الجرى ده ما حقى ، حقى المشنقة والمدفع اب سكلى وحالف باليمين اعز بنات اهلى ، اخواتى البنات القربة عطشانة بتدور الرجال البملو مكانها والبجرى لنسيبتو مرتو طلقانه ) لكن نرجع ونقول فى مثل مصرى بقول ( الجرى نص الرجالة )
لله درك يا وطن
ابــــــــــــوعــــــــمــــــــــر
هههههههههههههههههههههههههههههههههههههه ساقية للريح…حقو تصف لينا ابوجهل بعدين يجري من الشعب السوداني كيف.
فــــــــــجـِخ تقيييل يمين بالله لمن المعازيم عرفوا حاجة .. ياعمك دي كان هوكات
وفليق بالكراسي اسكت خليها ساكت بس ………..صاحبك الفنان فك البيرك وعمل
فتيحاب اول زول جري شديد …يا زوووول عمك العريس ده طقطقوه وردموهو ليك
بلنجات لمن بقى ما بجمع والغنجة دي كالها سبب واحد ملطلط وتنكيهو مفول
جاء جاطها الشغلة كلها .. حاولوا يبعدوهو وعينك ما تشوف الا ……….
دة بكون طلع خارج النص وانشد الشعب العربي وين الدم العربي وين
ههههههههههههههههه قطعتو مصاريني من الضحك اتخيلت ده محي الدين مخمسه زمان
ياااا منقه ممكن تترجم لو سمحت يعني !!!!!!!!!
يعني ياجماعة صحيفة قون دي خلت الرياضة مسكت في الاخبار الهايفه ياجماعة استحوووووووووووووووووووووا
بالله افيدونى فى سوال محيرنى اى اليكون حصل للجكس
كدابين كدابين وسودان زاتو بقي كلوا كداب مليون فنان مليون كداب مليون كوزومليون مشرد سودان لازم يعمل ثوره دسيس عشان يرجعوا سودان زمان وبهدي سلامي لااخوي ملوال في ملكال وسلامي ل اتوم في كرتوم ولكرستينا في انجمينا وبقول للبشير ماتجي ناكل كيب سالون (شاورما) هنا في لاهاي في واحد هنا جمب محكمه بتاع عدال دوليه بعمل اكل دسيس
هههههههههههههههههههههههههههههههه
بس يا حراااام العروس تخش دخلتا ووشا وااااارم تتباس كيف ياخ